lomobee的个人专页

之前食過兩次晚飯，飲過一次早茶，見食物質素唔錯，就算價錢係區內較貴都諗住會繼續幫襯下，點知中秋嚟造節......出晒事！😤😤😤問題喺邊？1️⃣訂位時經理話我哋訂中秋套餐，可以安排房畀我哋，點知到埗就話安排咗房......門口隔離嗰張大枱畀我哋，咁都得？2️⃣光速上餐，根本食唔切，枱亦放唔晒，我哋請侍應安排慢慢上其餘菜式，前後講咗兩次，最後依然係光速上菜3️⃣侍應亂收碟，明明喺碟度有明顯未食嘅餸，佢竟然伸手嚟收碟？咁趕時間咩？冇人等位又有吉枱㗎喎香港市道差，都唔想亂畀劣評，但今次體驗真心差，價錢又唔係平，99.9%唔會幫襯！有緣人如果睇到呢篇食評，又真係想去食嘅話，千祈唔好揀大時大節去！…查看更多

My first time trying this restaurant. The Shilin Lights bowl ($98) and its sauce tasted good but the portion was unexpectedly petite. When I was eating, I was like thinking what snacks I should have after an hour or so🤯. If I look for healthier options, I'd prefer the other salad stores around the region with reasonable serving size. 今日落大雨造就我第一次幫襯Heybo, 但同時好大可能係唯一一次🙏🏻份量真細小...小...小...😕…查看更多

喺而家香港咁嘅市道，做得好嘅餐廳一定要讚下，呢間Sow喺半年前路過已經想試，今個星期終於有時間試咗佢嘅午餐🔓。頭盤係三款小食，雲吞未算係我嘅至愛，但其他兩款小食都唔錯，以喺上環百零蚊嘅午餐，頭盤已經有三款賣相同份量都得體嘅小食，算係好對得住呢個價錢。主菜點咗慢煮豬鞍，外面微脆內裏軟而有肉汁，好食！唯一美中不足嘅係冷氣對我嚟講有點大，令豬鞍較快被吹凍，令“最佳用餐時間”變短咗。本來想加點甜品，試下火焰雪山，但因為頭盤同主菜都份量十足，所以都係留返下一次嚟再試啦！😊…查看更多

見天氣有點涼，點了擔擔麵外賣，跟住驚喜就嚟啦，拎到返office 拆開，一摸落裝麵嘅外賣盒，冰凍嘅！揭開盒蓋直接摸落麵條，真係冰凍嘅！！驚奇之下再check 埋個湯盒，熱嘅（好彩）！辛勞咗成個上午，我真係冇力氣拎返去舖頭換，當自己見識少唔知原來有得點擔擔冷麵算啦~ 不過見其他人講話職員服務態度唔好，我又唔同意喎, 我接觸到嘅男女職員各一都算唔錯，之前嘅負評可能係個別事件？講返個麵嘅味道，不過不失吧，但會唔會再幫襯就好難講啦~~…查看更多

點了一杯dirty,工作人員叫取餐, 但明明counter只得一杯expresso, 懷疑之際工作人員提示呢杯就係dirty啦，OMG!!!認真咩？！！乜dirty係呢個size嘅咩？我即刻要諗諗我係咪冇畀過錢佢請我試飲咋？講返質素。。。um...er...D人成日話唔好攪勻杯dirty, 但我係冇選擇權嘅，因為取餐時已經勻勻地，唔難飲嘅，只係偏離期望啫，我寧願佢賣貴d,畀返杯正路dirty 我唯有望返d花花草草，希望加返到dd分咁啦。。。…查看更多