hungrydoggie's Profile

今次同一班朋友食陳儀興潮式牛什粉麵，好味要分享一下！🍜 (極罕有部位)牛脆骨配河粉：係牛肋骨旁邊嘅軟骨部位，煮得超級淋～ 咬落去有少少爽脆感，燉得夠腍又入味。(罕有部位)牛沙瓜配河粉：牛沙瓜其實係牛嘅第四個胃嚟㗎！聽落好似好特別，食落真係好正有啲似爽口嘅豬肚～(限量招牌)崩沙腩配幼麵：崩沙腩絕對係牛腩中嘅極品！一層肥一層瘦，仲連住薄薄嘅筋膜～ 咬落去真係層次豐！肥膏部分入口即化，瘦嘅部分夠晒淋完美！(自家製)鮮蝦雲吞配河粉：雲吞皮薄且富彈性，蝦肉鮮甜彈牙，河粉湯清甜輕盈，簡單卻非常滿足。🥬· 菜心：新鮮焯至爽脆，淋上少許蠔油，滋味加分· 通菜：加入少許腐乳調味，提升整體香氣和層次· 生菜：簡單焯熟，口感清新爽口，沾蠔油一樣好食☕ · 凍檸茶：🍋新鮮檸檬片，茶底香· 凍奶茶：茶味濃郁且幼滑，甜度恰到好處· 金銀花茶：自家制帶淡淡花香，清熱解毒健康之選🍤 炸雲吞：外皮金黃酥脆，餡料飽滿蝦肉，一口咬下多重口感十足。· 炸魚皮：魚皮好脆浸湯汁食，朔晒啲湯令人一試難忘 「我要晒」：$40 大碟多款小食，炸魚條，墨魚條等，特別適合想試多款不同味覺嘅朋友。牛什質素高真係無得輸，份量亦多，朋友都贊不絕口，迫不及待下次再嚟！👍…Read More

今次同班朋友去咗灣仔 一遊 呢間日本餐廳，環境幾舒服，座位寬敞，燈光柔和，好適合傾偈聚餐。🍹 特飲推薦我哋試咗幾款特飲，柚子燒酌梳打 真係必點！酸甜平衡，好開胃。朋友叫嘅檸檬燒酌梳打就清新啲，而梅子燒酌梳打就甜甜地，適合鍾意梅子香嘅人。 🍣 前菜 & 刺身鮑魚沙律 好出色，🥗鮑魚煮得軟嫩，醬汁帶少少酸甜，好夾！蟹肉牛油果卷都唔錯，口感滑溜，牛油果同蟹肉比例啱啱好。刺身叫咗 白身魚薄切，師傅刀功一流，魚肉透薄得嚟唔會散，入口清甜肥美，配wasabi同醬油更提鮮。🍶試咗支「一心」清酒，酒味清澈透明，酒米香突出，帶少少獨特果香，口感清爽易入口，配串燒同刺身都好夾，尤其係同石鍋飯一齊食，更加提升味道層次！ 食材新鮮，處理得好好。如果想飲清酒，「一心」係唔錯嘅選擇🍢 串燒系列 全部即叫即燒，熱辣辣上枱雞翼燒到皮脆肉嫩，咬落仲有肉汁，調味剛好豚肉車厘茄 豚肉油脂香濃，包住爆汁嘅車厘茄，口感好正！ 燒牛肉包蘆筍 牛肉燒得香嫩包住爽脆蘆筍，清甜好夾，推薦！ 🍤 天婦羅海鮮拼盤 💁🏻‍♀️海膽 大海老 魷魚 鱈魚 池魚仔 帶子 蟹柳 蕃薯 秋葵 茄子 南瓜好豐富，尤其紫菜海膽天婦羅外層酥脆，海膽鮮甜濃郁，紫菜增加咗口感層次！海老天婦羅，蝦肉彈牙，炸漿薄脆。野菜天婦羅 炸得恰到好處，保留咗蔬菜原味。 整體炸功出色，油溫控制得好好，配埋天婦羅汁，食落香脆但唔會膩🍚 石鍋飯生薑豚肉石鍋飯，上枱時仲滋滋聲，飯焦香脆，薑味溫和，豬肉入味，撈勻食真係好滋味！…Read More

近期人氣之選「-86°C Dirty Coffee」🧊 店家會先將專用玻璃杯放入超低溫雪櫃冷藏至少12小時，之後再即場注入熱濃縮咖啡。☕ 提醒最好在30至40秒內飲用，因為這段時間內，你可以先飲到熱咖啡的濃郁，然後感受到溫度逐漸變化，最後杯身的冰凍感會慢慢滲透，形成三種不同的口感階段。層次感比一般 Dirty 明顯！如果想影相或拍片，建議一上枱影啦，否則霧氣好快會消散。打完卡，記得把握時間飲啦，先能體驗到溫度變化。…Read More

試咗叫Power Burger，專登叫咗佢哋兩個招牌漢堡試吓。🍔 芝士漢堡咬落有肉汁，唔乾。芝士同醬汁分量夠超juicy，包身烘得香。芝士溶咗勁惹味。🍔 焦脆漢堡名好特別，其實係smash burger，塊牛肉壓得薄，邊位脆脆哋，夠焦香！個包軟熟，好食！鍾意香口啲嘅可以揀佢。🍟 番薯條甜番薯條好驚喜！外脆內軟，有番薯甜味，點唔點茄汁都正。另外仲試咗🐟炸魚條，金黃脆身，魚肉唔腥，送啤酒應該一流。漢堡質素唔錯，尤其焦脆漢堡有驚喜。推介！…Read More

🥳Happy Wednesday「A5 宮崎牛嚴選燒肉放題」🥳好岩我呢啲食和牛又鍾意飲酒嘅人。放題每位大約八百幾蚊120 分鐘任食 58 款食物‼️，仲可以加錢玩任飲紅酒🍷白酒🥂同清酒🍶，整體走高質日系燒肉🏮路線。環境以🇯🇵木系和風為主，暖黃色燈光加上半開放卡位；服務上店員好主動又貼心，👨🏻‍💼會講解唔同牛部位仲會幫你燒埋。開局會先上壽喜燒配生蛋同埋原條牛舌，軟殼龍蝦天婦羅🦞。之後就可以慢慢任點任燒，節奏幾舒服。🐮壽喜燒宮崎牛切到薄身，將牛肉輕輕燒幾下就夠熟。最關鍵係旁邊那隻生雞蛋🥚，打散後把熱辣辣嘅牛肉拖過去，蛋液即刻黏住，入口係滑到唔駛咬。原條牛舌上枱時畫面感十足，🐮一大條粉嫩色澤排開，好有氣勢。店員會先幫手在鐵網上燒，表面燒到略帶焦痕，厚切牛舌本身嘅脂香被高溫逼出來，愈咬愈出汁。再沾埋店舖自家整🍋檸檬汁，青椒醬同果香醬將油香拉高一級😋。軟殼龍蝦天婦羅🦞外層炸漿薄脆。裡面啲龍蝦肉仲保持到彈牙，咬開有少少汁滲出嚟，帶少少🌊海水咸香好有層次感。重點梗係 🐄A5 宮崎和牛：內后腿、肩里肌、肩口肉、牛肋肉、牛五花等油花分佈靚🤤，燒到五至七成熟，入口油脂喺口腔慢慢溶開🧈，但仍然咬到纖維同牛香，唔會得油冇肉味。仼食唔嬲！另外仲有勁多嘢揀: 🐷日本黑豚肩、豚腩、豚肉芝士腸同雞腿、🐔雞中翼、雞心、雞腎等。海鮮都有誠意，有🦀甲羅燒，🦪廣島蠔、魷魚🦑、帆立貝、🦐海蝦等，用鹽燒或者牛油香草燒，款式多，幫你中途轉一轉口味，仲有小食🍢同熱盤🍜都好豐富。甜品有Yuzu雪葩，清一清油脂收尾，感覺好完滿。宮崎肉本舖啱晒邊燒肉邊小酌。🎋氣氛好服務細心。特別啱放工約一班同事或者另一半去歎一晚。…Read More

銅鑼灣「不二江湖菜」酸、辣、鹹香大滿足！今次試咗三樣嘢，整體好有驚喜！🐟 不二酸菜魚湯底金黃，酸菜爽脆，酸得嚟好鮮，唔會得個鹹字。🍲魚片份量足又超滑，一啲骨都冇，索晒啲酸湯精華。🌶️ 田雞麻辣香鍋夠鑊氣！一上枱就聞到麻辣香，田雞嫩滑。配料有蓮藕、薯仔、油麥菜都好入味。🍗 鹽焗雞飯雞肉夠嫩，鹽焗得入味，鹹香肉嫩多汁🐔。送飯食一流。🍹 飲品芒芒梳打：芒果味濃唔會好甜，有氣，解辣一流。百香果冰茉莉：酸甜清新，百香果籽咬落有口感，飲完爽晒。酸菜魚真心高質，係會為佢再嚟嗰種。喺銅鑼灣想食川菜，呢間可以放入名單！…Read More

呢個聖誕限定真係有驚喜！✨聖誕限定「烏龍茶脆脆可可」蛋糕🎄一打開就聞到好香烏龍茶味同可可味，好吸引～切開見到層次超豐富，可可忌廉同烏龍茶忌廉超濃郁，中間仲有脆脆口感！🎂蛋糕體係鬆軟可可戚風，濕潤得嚟唔會太甜，同茶味好夾。仲有層薄薄嘅麻薯。口感滑得嚟帶少少煙韌。最底仲有層濃郁布朗尼，🍰成個食落好有層次感。💝溫馨提示：可以直接網上落單，然後去門店取貨，方便唔使等。同埋門店本身都有部分產品可以即場買到，行過不妨望下！聖誕節派對真係好有氣氛！～🎄…Read More

📍 坑口村呢間餐廳叫「Fika」，裝修簡約坐得舒服，燈光同氣氛都啱晒同朋友聚會或者 chill 下。🍽 食物水準：有驚喜！· 牛油果蟹肉脆酥：香脆多士，配上香滑牛油果蟹肉，蟹肉鮮甜三文魚子咸香點綴。口感好有層次，精緻好食。😋· Fika 卡邦尼意粉：🍝醬汁香濃又夠 creamy，意粉煮得剛好，每一啖都掛汁！· 美國封門牛柳（9安士）：推薦！ 🐮牛柳肉質軟嫩、肉味濃，熟度啱啱好，仲跟咗薯蓉同 gravy～薯蓉香濃唔會過鹹，配埋牛柳一齊食真係絕配！店員態度好友善，有禮貌，上菜速度快。以食物質素、環境同服務嚟講，絕對性價比高。特別係牛柳，值得一試！…Read More

今次去咗跑馬地嘅【騰飛滬川小館】小店食午餐，環境乾淨坐得幾舒服。🐔醉雞飯套餐$68，酒夠香清爽，雞肉滑嫩唔柴，配住白飯食好送飯。 $88酸菜魚套餐🐟魚片夠滑，湯底辣度岩岩好都好正，撈飯好開胃好食。 $88水煮牛肉🐮套餐辣度適中，牛肉片嫩，油而不膩，鐘意重口味嘅我幾滿意。可以再encore!另外加咗一客🥟小籠包，皮唔算厚，咬開有湯汁。 午市套餐價錢真系好抵，適合返工附近快食一餐或者同朋友輕鬆聚一聚。…Read More

The Yuu Japanese Dining 位於尖沙咀Knutsford Terrace，主打日式居酒屋料理，環境舒服有京都風格，幾適合朋友聚餐或者家庭食飯。刺身拼盤🐟有拖羅、帶子、🦐牡丹蝦等，全部新鮮又厚切，魚味重。🎃南瓜沙律用南瓜泥混炸蓮藕，食落有層次，幾特別。串燒岀色🍤雞皮蝦卷燒得香脆，蝦肉夠彈牙多肉汁。🐮牛舌厚切，燒到啱啱好，每啖都有牛味。鰻魚外脆內嫩，油脂豐富又冇骨。🐑羊扒冇羶味，肉夠厚身又嫩，燒到有微焦香。🐔明太子燒雞串，雞肉滑明太子咸香，幾夾。🦑炸魷魚酥脆唔油膩，魷魚唔韌。🐮炒飯粒粒分明，牛肉粒炒得香口，味道夠。飲品推介🍸Calpis sour微甜，入口清爽。西柚sour有果肉纖維，酸味feel到，飲落醒神。🍋檸檬sour夠自然，酸味唔邪，飲完refresh。🥃梅酒sour甜甜地，有梅香，唔會太重酒味，慢慢嘆好舒服。每款都適合配搭串燒或刺身，解膩又開胃。…Read More

尖沙咀K11嘅slow cow牛肉碗餐廳，試咗佢哋嘅招牌慢煮熟成牛肉飯同拉絲芝士番茄醬意粉招牌慢煮熟成牛肉飯一上枱已經令人期待，牛肉熟成得非常靚，入口軟腍仲帶住牛油香。蛋白炒飯粒粒分明，配埋紅酒照燒汁，甜中帶香，令整碟飯有豐富層次。仲有自家制鮮忌廉，令口感更加順滑，食落唔會膩，真係贊。另一款慢煮熟成牛肉拉絲芝士番茄醬意粉，一擺上枱就聞到陣陣芝士香味，意粉煮得彈牙掛住濃郁嘅番茄醬同芝士，番茄醬酸甜開胃，配埋洋蔥嘅甜味。拉絲芝士食落去又唔膩，好味。青森蘋果味Chu-Hi，帶濃郁蘋果清香，微甜微氣，入口清爽易飲；千葉和梨Chu-Hi淡淡梨香，甜度適中，女士尤其鍾意！兩款都輕盈有果味，不論牛肉飯定意粉都好夾。整體嚟講，無論係牛肉飯定意粉，都食得出佢哋嘅用心，無論朋友聚餐定自己嚟歎都係幾好嘅選擇。餐廳環境舒服，服務親切，平日都排晒長龍啦！…Read More

今次同朋友食lunch, 餐廳位於太子地鐵站附近好方便。室內裝修傳統乾淨，座位舒服，服務都好到位。芋香酥鵝：外皮炸得香脆鬆化，入面芋頭綿密，配鵝肉嘅油香，一啖落去好有層次感，而且唔會太油膩。菜肉碎四季豆：炒得夠香，四季豆爽脆入味，肉碎啖啖肉香，岩晒配飯。招牌鵝肝：鵝肝嫩滑細膩，冇腥味，醬汁調味啱啱好，食落去毫無膩感。仲有滷水豆腐，好入味。適合朋友聚會同埋家庭飯局，特別推薦啲鵝鴨類、鑊氣小炒。下次都想試下其他小菜。…Read More

這次係Hysan嘅SLOW COW食牛肉飯，真係幾好味！店舖位置好易搵。招牌慢煮熟成牛肉飯，一出場就令我好期待，肉類熟成得非常靚，入口軟腍又帶香氣。佢哋用嘅珍珠白米飯粒粒分明，配合紅酒照燒汁，甜中帶香，令成碟飯層次豐富。個自家製鮮忌廉令口感更加順滑，非常match。A4日本和牛丼，絕對係牛魔王級別，油花分布均勻，牛味濃郁，配埋黑椒昆布汁，嗰種牛肉油脂香令人一口接一口。日本蘭王雞蛋黃加上有啲脆香蒜片作點綴，口感層次瞬間豐富晒。飲品我揀咗道地玄米茶同烏龍茶，喺枝裝茶，方便飲唔晒都可以拎住慢慢飲。茶香清新，啱晒沖淡油膩感。成餐食落嚟都好飽肚又唔覺得膩，岀餐快手啱晒打工放飯一族，環境舒適乾淨，啲服務又親切。總括嚟講，SLOW COW嘅牛肉飯無論係牛肉質素定係味道搭配上，都用心十足，值得推介一下。…Read More

今次同朋友去 侍拉麵RAMEN SAMURAI，成間舖頭環境乾淨光猛，坐得舒服。我哋先叫咗🐔samurai炸雞，外皮好脆薄唔油膩，食落啖啖肉又有肉汁，點埋沙律醬一齊食仲惹味。🍗炸雞份量都唔細。🍜熟成雞煮干醬油拉麵個湯底層次分明，好香濃嘅醬油味，入口嫩滑帶岀啲甜味。至於溏心蛋，每啖都流心，蛋香滲晒入湯度，好正！🦐濃蝦湯拉麵就鮮味突出，蝦湯味厚實，麵條彈牙，蝦肉鮮甜彈牙。油封玻璃豚肉勁滑嫩，旁邊仲有兩粒脆骨雞丸子同埋好甜香嘅風乾小茄。🍅飲品方面，🥃Cold Brew Coffee有驚喜，冷萃咖啡香郁有果香，配埋甜品一齊食好夾。🍵冷泡八女煎茶清新解膩，適合鍾意飲茶嘅人，飲落口完全冇苦澀，茶味天然。甜品嗌左🍮焦糖布甸同Tiramisu巴斯克🍰。布甸非常滑溜，焦糖味濃郁得嚟又唔會勁甜，入口啱啱好；Tiramisu一層層口感豐富，咖啡酒味香好濃郁。味道同質素嚟講都好高，座無虛席仲要排隊。服務都有禮貌、反應快。係一間會再黎嘅拉麵店！🍜…Read More

八不壽喜燒・二人牛盛極上體驗同朋友專登嚟試呢個「極品・八不壽喜燒二人牛盛」——果然無令人失望！主角和牛三重奏：🥢 A5佐賀和牛：霜降油花均勻，入口即化，甘香滿溢。🥢 和牛封門柳：肉質軟嫩帶微咬口，牛味濃郁。🥢 澳洲和牛牛小排：油脂平衡，燒香後脂香四溢。三款肉質都無可挑剔，由淡到濃食落層次分明，真心推薦！驚喜位：跟餐送嘅🍶柚子酒，清爽酸甜，完美中和牛肉嘅豐腴感，夾到震！牛肉配埋壽喜燒汁，每塊肉都滑不溜口，仲有🥗新鮮蔬菜盤，每啖都好fresh。最正係用🥚雞蛋嚟點牛肉，蛋汁香濃得嚟多層次！成間餐廳環境舒服，坐得自在。員工有耐性教整牛肉同下鍋技巧，照顧周到。…Read More