suetyanw的个人专页

今晚呢餐泰菜好impressive，首先佢outdoor位佈置咗好多燈飾，好浪漫。食物方面都好出色。泰式啖啖蟹肉蟹膏炒蛋配薄餅，絕對係必食！$268但真心值。一上枱就聞到超濃蟹膏香，炒蛋又滑，面頭仲有一大堆蟹肉，啖啖都係料，用薄餅捲住食，好好味😋半隻泰式雞（$188）皮脆肉嫩，個汁酸甜開胃，好入味。炸軟殼蟹柚子沙律（$138）好有驚喜，軟殼蟹炸得酥脆，配清新柚子同酸辣汁，口感層次好正。泰式蝦醬炒飯（$128）鑊氣十足，蝦醬味香濃唔會太鹹。飲品試咗White Temple（$108）同玫瑰洛神花茶，前者清爽，後者酸甜解膩，Perfect池！總括嚟講，價錢中上但份量同質素對板，個蟹膏炒蛋真心必encore，食完飽到上心口！…查看更多

尖沙咀上平平哋食個晏晝都唔平，搵到間窮人恩物，$50幾蚊已經夠飽。佢嘅款式夠簡單，主要係有三款招牌菜式，分別係虎蝦雲吞、陳皮鯪魚球同新鮮馳牯牛肉，想一次過試晒絕對推薦食三拼粉麵（$54），每款菜式真係大大粒，絕不馬虎。而且個雲吞蝦味好新鮮，果然係招牌菜。就係夠簡單先至做得夠專注。 個人認為比一般茶餐廳嘅雲吞做得出色，係尖沙咀隱世地道小店。另外都仲有幾款小食同嘢飲，平時食雲吞麵最鍾意就係配豆漿，加返碟油菜，絕對係平民恩物…查看更多

呢間簡直係平民恩物，加$20就有得飲嘅酥皮湯，個皮勁香噴噴。主菜叫左紐西蘭西冷牛扒，仲可以要五成熟，肉質軟嫩算唔錯，搭配的燒汁都不會過鹹。焗芝士蟹醬軟殼蟹意粉個軟殼蟹超大隻，小食香辣魷魚都香氣足。而芝士煙肉焗蠔雖然只有一件，但都算大隻既。套餐仲包飲品檸檬菜蜜，整體而言，分量足夠，味道方面表現平穩，呢個價錢絕對算抵食。環境方面，正常餐廳格局，屬於快食選擇。如果平時食lunch嘅話我都會再嚟😝😝😝…查看更多

呢間餐廳係都有live Band表演，裏面氣氛感一流❤️著名三黃雞 （$308）配黃油飯（+$88）其中一個著名菜式，係呢個三黃雞，分量十足，侍應會用火槍將外皮燒到脆卜卜，而且仲會幫你切埋，真係啖啖肉，仲有三款醬汁非常惹味。記得要配埋個黃油飯，因為好有雞味，而且香噴噴勁吸引。❤️法式香草焗田螺配幼滑薯蓉 （$156/6pcs）前菜可以考慮呢一個焗田螺，幾有特色又好味❤️玉蝴蝶 （$138）嚟睇live Band梗係要飲返杯嘢，呢度嘅Cocktail全部都好靚，好啱用嚟打卡添❤️陀地提拉米蘇雞蛋仔 （$138）因為我係同朋友慶祝生日，所以我都靜靜雞嗌咗個甜品，估唔到餐廳會安排生日歌仲有儀式咁爆棚嘅仙女棒同蠟燭，我個friend都好surprise呀。絕對係性價比極高嘅慶祝餐廳！尖沙咀呢間餐廳定期都有live Band表演，裏面氣…查看更多

今日朋友帶我嚟先知加連威老道有間酒店，裏面裝修仲係主打型格風嘅西餐廳，入咗去好似去咗另外一個空間感。Lunch set既價錢都適中，重點係水準好高，好好味，價位都係最貴都係百幾蚊，但係有餐湯包餐飲，餐飲仲可以嗌果汁，性價比算高個香煎比目魚配羅勒白汁（$98）一上枱就已經聞到好香，魚皮煎到金黃色，咬落去脆卜卜，但裡面嘅魚肉就保持到好嫩滑，一啲都唔鞋口。個羅勒白汁好清新，掛係魚肉上面，味道配合得啱啱好，唔會太濃蓋過魚嘅鮮味。另外試咗朋友叫嘅香煎紐西蘭肉眼扒配松露燒汁及薯蓉（$158），絕對係水準之上，肉汁鎖得好好。松露燒汁好香，同牛肉係絕配。旁邊嘅薯蓉又滑又綿，吸晒啲肉汁同醬汁，真係忍唔住一口接一口。兩個套餐嘅份量都好足夠，以呢個價錢來講，性價比真係高，一定會再嚟幫襯！…查看更多

今晚呢餐真係冇得彈！頭盤嘅AKAGAI赤貝（$138），爽脆鮮甜，配埋蘆筍同微辣醬汁，好醒胃。手撕萵筍沙律（$68）好有驚喜，三文魚子爆開嘅鹹鮮，同埋鰹魚碎、蘿蔔蓉撈埋一齊，味道層次豐富。焦糖南瓜（$88）就好有秋冬感覺，面頭嘅杏仁片好香口，淡淡肉桂香氣，食落暖笠笠。炭燒鰻魚（$288）燒得啱啱好，外皮香脆，魚肉嫩滑，正！A4和牛三文治（$388）塊和牛cutlet炭燒香味突出，入口即化，夾住麵包食一啲都唔膩，旁邊嘅蘿蔔蓉蛋黃醬更加係精粹。最後在試咗兩款甜品，Mini Melon Daifuku（$68）同抹茶cheese cake（$68），兩款味道都幾清新，最緊要唔甜👍🏻另外，呢度個環境都好岩happy hour 所以都叫咗兩杯Cocktail ，Amber($148)同Jade($128)，兩款都好有特色，好飲…查看更多

An unforgettable al fresco dining experience in Central! 🍽️✨Here offers a beautiful outdoor patio overlooking the historic Tai Kwun which is the ideal backdrop for a special date or a classy gathering.We opted for the 4-Course Set Dinner ($498) and were thoroughly impressedPolpettoniThese house-made Angus beef meatballs were incredibly tender and smothered in a rich, authentic Italian tomato sauce. The parmesan cheese on top was the perfect salty finish.FilettoA beautifully cooked 220g tenderloin. It was so juicy and infused with the lovely aromas of sage, rosemary, and roasted garlic. Simple, classic, and executed perfectly.Salmone Nero (+$48)The dramatic charcoal-black dough is soft and chewy, topped with smoky salmon, fresh rocket, and bursts of salty caviar. Worth the upgrade!CannoliA perfect end to the meal. And actually it is for celebrating our birthday, the staff there were so sweet and they would prepare bday song to u. Crispy pastry tubes filled with a not-too-sweet ricotta filling. Divine!Paired with a refreshing Soda Water and Cranberry Juice as we watched the night view over Tai Kwun. A truly wonderful evening. Highly recommend!…查看更多

今次試咗幾款韓式招牌菜，超有驚喜！呢間舖頭門面細細，估唔到都幾地道。🥟 煎餃子 ($75)皮脆餡足，咬落肉汁爆出，單食已經一流！ 🦑 海鮮炒烏冬 ($110)魷魚彈牙又有蜆肉，烏冬唔會炒到好乾身，反而個汁都幾rich,烏冬好煙韌，正～ 🌶️ 炒韓式豬血腸 ($120)必點！豬血腸軟糯入味，加埋年糕辣醬炒，又有炒絲索晒啲汁，香辣惹味超上癮！ 🍐 韓國雪梨汁 ($20)清甜解辣，飲完成個人 refresh 晒～ 整體價錢合理，份量足，味道正宗唔伏！想食韓式街頭風味嘅可以衝，回頭率💯！ …查看更多

自己一個唔知食咩，見到佢幾的骰，又唔會太嘈，而且餐牌超友好，有一人套餐，啱晒自己一個人。所以我就叫咗一人便當套餐（$78）揀咗紫菜包飯便當＋芝士炸雞＋雜錦小食，仲有菜菜，嘢飲叫左蜂蜜紅棗。有咁多款餸，感覺好豐富見到都開心，而且每樣小食都有少少，可以試到唔同款式，唔會話一個人試唔到好多嘢。肉鬆芯士雞蛋卷（4件）（$38）另外，想食肉鬆，而且好肚餓就再叫多個蛋捲，$38好抵食！佐敦來講，呢個價錢叫做性價比幾高，而且好啱一個人，唔使點諗…查看更多

放工同朋友搵串燒食🤣搵到呢間串燒店平均10幾蚊就有一串串燒 ，性價比超，平時最驚食串燒就係佢上菜好慢 ，食完一碟都唔知佢下一碟幾時上 但呢度係超快手 ，燒得好惹味又香口 ，價錢又抵食，就係咁一路食串燒同飲嘢 ，同朋友就吹左三個鐘水呢間串燒值得推介👍🏻以下係我食過覺得唔錯嘅，可以跟着嚟嗌🤣墨魚鬚 （$20/2串）好抵食，$10之後有一串，仲要好好味🥺味噌豬 （$30/2串）鵝肝多士（$58/兩件）九肚魚 （$68）免治雞肉棒 （$56/2串）牛舌（$56/2串）味醂魚干 （$38）茄子 （$38）百香果梳打 （$28）檸檬荔枝whisky （$38）…查看更多

呢間餐廳喺金巴利道交界位，喺個角位第二三間，好易搵，入到去有一排人蔘酒，都幾壯觀🌶️ 辣雜錦麵 ($82)揀唔到食咩好，所以叫咗個雜錦麵，開頭驚佢好辣，但係其實佢係酸酸甜甜，食落好開胃，類似水冷麵🐮 雪濃牛骨湯 ($110)飲一啖直頭覺得充滿骨膠原，奶白色湯超濃郁，有牛骨香，不過夏天食就會熱咗少少，天冷飲就會暖笠笠🍙 紫菜包飯 ($66)紫菜餡料塞到滿一滿，簡單但係好地道，如果自己一個人想簡簡單單，其實叫一個加個嘢飲都已經夠飽，又健康。🥤 韓國飲品 ($18)另外都加左個韓國梨汁，緩和吓個辣麵🤣…查看更多

D2 Place哩間餐廳想試好耐，見佢其實係一間哥爾夫球餐廳，可以打模擬golf。我平日夜晚去食，地方好大，好多位，其實好適合傾偈吹水。伊比利亞黑毛豬鞍 $278黑毛豬鞍配左炸薯條，仲有少少沙律菜中和返，個豬安煎得幾香口水牛芝士薄餅 $158雖然個餅底有少少乾，但唔影響個口感，而且薄薄地唔會好膩，正常發揮蜜糖雞翼 $98呢個雞翼我諗係傾偈必備🤣外皮有少少金黃，肉質細滑，加咗蜜糖甜甜地，係高質嘅雞翼👍🏻…查看更多

今日放lunch去咗間地道餐廳食韓國菜，佢門面唔算好光鮮，所以平時行過都冇太留意，但就有一種地道韓國菜嘅感覺，今次見到唔使等位就俾個機會佢，裏面全部都係韓國人，所以真係地道菜嚟。🍲 海鮮辣豆腐湯 $79一上枱仲滾緊，豆腐滑嘟嘟，少少辣，送撈飯食簡直無敵。🍜 水冷麵 $75熱到溶嘅天氣，真係好想食水冷麵，佢既麵質幾彈牙，湯底冰涼帶少少甜酸，加埋梨絲同青瓜，食完成個人都涼晒🦀 香炒辣蟹 $60餐廳有好多醃製嘅韓國小食，見到有個辣蟹，所以揼到特別叫左試試，蟹仔炸到脆卜卜，辣醬甜甜哋超惹味，送酒一流。唔使飛韓國都食到咁地道，開心！ 金巴利道隱世小店，路過不妨試…查看更多

呢間法國餐廳，環境低調得來同時充滿少女感，每個擺設都十分有心思🍤 前菜Japanese Spot Prawn鮮甜牡丹蝦配上三文魚子💥 醬汁係海苔扇貝打成泡沫製成，充滿空氣感Garden Peas青豆奶凍+流心鵪鶉蛋🥚 採用八珍甜醋作點綴，極具心思，真係顛覆左我既味蕾✨ 🐟 海鮮主菜Silver Pomfret蝦醬煎鱸魚 配螢火魷魚，蝦醬白汁好鮮香，令人回味無窮🐖 肉類主菜Spanish Pork煎豬里脊🐽 用低溫煮成，令豬肉肉質保持嫩滑，而且配上菠蘿汁襯托，非常refreshing解膩！旁邊仲有意大利飯加上番茄碎製成，成功dish都好清新🍨 Dessert最後甜品都有三款，款款都清新而不膩👍🏻🍧 …查看更多

經過馬頭圍道俾個好平嘅餐牌吸引咗，而且裝修好新淨，就簡左入去。蕃茄牛肋條飯($68)勁surprise，完全估唔到喺小店可以食到咁入味又淋既牛肋條，呢個價絕對係超值！大推👍🏻👍🏻
仲要附送飲品係特色嘢飲，有薏米水/冬瓜茶/柚子蜜/自家製涼茶，個薏米水超正一啲都唔甜，我飲完第二日真係feel到去左啲水種🤣一定要嗌小食，因為平到冇人有🤣每款小食都只係十幾20幾蚊。必叫千層紅豆拉餅（$28）個皮煎得好香但一啲都唔油，冇油膩感，而且個餡唔甜好好食😚另外仲叫咗台灣香腸2條（$18）生煎鍋貼5隻（$22），都好唔錯，基本上冇嘢係伏🤣最後仲可以食埋甜品，仙草小芋圓，都係$20🤣係哩間小店我都食得到好滿足好滿足…查看更多