mangggirl的个人专页

同朋友聚會、見佢收得夜、無限時、就撰左依間放題、上到去諗住食好小小揀左C餐連加一人均$580、點知就係惡夢嘅開始魚生唔新鮮好腥、生蠔食左一啖就腥到食唔倒、海膽軍艦出晒水食左一件唔敢再食第二件、龍蝦都係唔新鮮、肉又霉又乾、我哋唔敢再叫生野、只敢食烤肉、但係揀既C餐話包和牛同安格斯牛肉、完住無牛味、嚡熠熠、吞唔落、算！最後係俾$580食通菜！返到屋企3個人食兩個肚痾！另一個人無食生食所以無事！伏！伏！伏！千祈唔好去！千祈唔好去！千祈唔好去！第二日同餐廳反映、話佢哋知琴晚啲魚生有問題食到肚屙、佢話會跟進、最後過多幾日再回覆我話所有食物已經賣晒，即係佢明知知道啲食物有問題照比客人食！完全唔理客人死活！佢哋啲員工做嘢極度污糟、基本常識都冇！侍應見張枱冇位擺、居然將食物成碟放響燒烤爐上面、個爐當時係開着既、我地O晒嘴！唔明點可以咁做野！…查看更多

朋友生日諗住食好啲慶祝、結果強差人意、真係唔好再信啲KOL話有幾好食、食物選擇少、海鮮得三樣，白鱔、蝦、鮑魚、潮汕牛3款、得第一次嚟嗰啲係叫正常、之後再order嘅全部柴皮咁、咬唔開吞唔落、小食酥炸小排骨一陣雪味、難食到嘔、得碟椒鹽粟米叫最好食、400蚊一個人都唔知食咗啲乜、唔會再去第二次、飲品算多種類、但完全冇甜品、鵝腸那得勁犀利，完全冇肥膏、響鈴有一陣油益味、食唔落、呢個價錢我有大把選擇、唔需要再嚟食…查看更多

唔好食、叫咗D餐、話有六款和牛、其實只有兩款牛只係味道唔同就叫有六款、分別係薄切切同埋唔係薄切、薄切嗰隻薄到紙咁、一放落個網度就黐實晒，根本拎唔起、每燒一次個網就燶晒、又要叫侍應換網、玩死啲侍應、厚少少嗰隻又韌又冇牛肉味、所謂和牛肉完全唔掂、海鮮蝦、扇貝、蠔全部歌急凍貨、無鮮味有啲霉無一樣可以叫第二次、叫左個拉麵咸到痴線、點個手卷啲飯唔知擺咗幾耐乾嘅、最好食係個棉花糖、兩個人埋單八百幾蚊，我唔會再食第二次、可能要叫到九百幾蚊一個人嗰先會有啲質素、環境係好坐嘅、侍應都好服務、好勤力咁幫我哋換網執碟…查看更多

價錢貴、份糧少、壽司完全係白飯一d醋都無、圖片與事實不符！超細碟青瓜、蟹聊唔知有無一條唔好以為好大碟、全碟得4粒西蘭花、三片番茄、一片椰菜、都唔知食左d咩！依個算係最好食壽司、重衰過爭鮮！飯少、完全食唔倒佢有醋味！依個牛油果卷、完全同圖片不符！得手指公咁粗、牛油果都可以切到咁薄！真係好刀功！餅底係ok既！但帆立貝淡而無味！一D鮮味都無個粥正正常常天婦羅正常、炸得唔錯、唔會食到成口油蛋包飯係正常既！入面有雜菜炒飯、算唔錯…查看更多

見到Facebook之前人哋介紹嘅蟹膏飯，想試好耐，今日終於去咗試啦，鋪頭好細，店內未有位所以我哋坐咗響出邊、30幾度無冷氣有啲辛苦有啲熱。叫咗一個蟹膏飯，一個和牛飯，燒牛舌心，蒜蓉燒扇貝。燒牛舌心比較硬同超薄冇乜口感有啲失望主角蟹膏飯冇想像中鮮甜中規中矩冇特別驚喜蒜蓉燒扇貝非常失望，粒肉得五毫子咁大！完全冇鮮味可以唔使叫。和牛飯唔記得影相，牛比較少只得薄薄幾片、打邊爐牛肉咁厚、味道係好食既、鬆軟又香唔錯。比較失望、未必會再嚟…查看更多

約咗舊同事食飯，朋友想食上海菜決定去呢間試吓，環境幾好都算乾淨，唔需要等位一去到就比到位我哋啦。我哋六個人叫咗個四人餐， 加一個蝦鍋吧，樟茶鴨，兩籠小籠包。先來小籠包皮薄多汁肉唔會太肥唔錯唔錯👍🏻依個四小碟我最鍾意食嘅淆肉都幾好、熏魚唔會太甜好好味，牛展一般、豆腐冇乜特別樟茶鴨、一個字鹹！一般蟹其實個味係幾好！但係蟹肉唔新鮮啲肉梅嘅！另外有雞冇影極差，雞好大浸雪味！唔掂👎🏻銀絲卷好味！蝦肉窩巴、一般！一句講晒唔會再去！…查看更多

由於蟹痴嘅我蟹癮大發、叫咗表姐搵間有蟹食嘅餐廳比我地三表姊妹一齊去擦蟹、表姐終於搵咗香格里拉嘅自助餐，主題係環球美食加推蟹食品。由於訂咗位所以唔使等，環境舒服，但比較嘈， 頭論梗係食我最愛嘅蟹啦，先去攞冷盤有龍蝦、白蜆、有幾種蟹包括長腳鞋、藍蟹、麵包蟹、有啲甩皮甩骨見唔到個殼所以唔知係咩蟹、不過超級失望只食到鹹味完全冇鮮味。龍蝦好多膏但係好鞋都係冇鮮味。生蠔好細隻亦都好瘦唔掂！仲有龍蝦鉗、反而最鮮甜幾好味！冷盤食咗一輪就放棄左。再去攻其他熱食、有鐵板即燒既鵝肝、牛扒。有即煮意粉、即煮冬陰公、湯粉、炒金邊粉、印度咖喱、卡巴、有燒味、燉湯、其中鵝肝幾好食、金邊粉、冬陰公唔掂！再嚟試吓甜品，反而有驚喜！款式十分多、馬卡龍、芝士卡、脆皮窩夫、奶凍、芝士餅、好多好多款，樣樣都好出色。最後埋單白金咭有七五折，每人大約＄500 ,如果計食海鮮我唔會再選擇佢，但＄500只食甜品我又覺得唔值囉！…查看更多

今日約咗幾個舊同事食飯，去公司附近試吓間新嘅潮州嘢，可能今日假期要等位、等左10分鐘到就有位喇，不過要搭枱，由於太肚餓關係搭枱都照殺，環境唔係太靚但都叫舒服。睇下個餐牌＄880一隻滷水鵝、其實都唔平、當然我地得四個人一定唔會叫一隻啦！再睇下原來有四人餐四百幾蚊有三餸一湯一個炒飯呢個都幾抵食、我哋要左一個胡椒豬肚鹹菜湯、梅都骨、鮮魷魚炒蜜豆、滷水拼盤、加個炒飯。胡椒豬肚鹹菜湯，好味，豬肚冇臭味淡淡胡椒香、又唔會太辣、未到啱啱好鮮魷魚炒蜜豆、冇咩特別梅都骨、依個比較失色、其實個汁係好味嘅，但係肉裏面就完全冇味比較淡炒飯好味👍🏻 有雞肉、瑤柱絲、蝦肉粒、松子做料、飯完全唔油、粒粒彈牙又香口！滷水拼盤、好味👍🏻👍🏻鵝肉香滑滷水入味唔會太鹹、雞蛋豬耳豆腐都好好味！必食推介！…查看更多

上星期約左同事同佢老公一行4人去旺角食放題、好彩早一日打電話去訂位、去到門口都好多人排緊隊、我地到左唔洗五分鐘、就已經安排到坐位俾我地、環境比較黑同迫。先黎叫左魚生、三文魚、甜蝦、紅蝦都好新鮮、帶子唔係好掂、可以唔洗叫。其他熟食有黃金蝦、炒蟹、黃金蝦好味、肉質彈牙、有淡淡鹹蛋香味、蟹無乜肉一般般、羊架肉嫩多汁、燒得啱啱好、好味！重有我最愛榴槤炸彈！炸芝士、真係好好味！另外、甜品都有好多選擇、芒果糯米糍、法式燉蛋、牛奶布丁、木糠布甸、味道都唔錯。其實食物真係唔錯、但服務真係一般、我地坐响有矮屏風既地方、侍應因爲貪方便每次都響屏風另一邊將食物放過嚟、所以所有食物包括熱辣辣既鍋物都響我哋頭頂經過、比較危險、希望餐廳會改善一下。…查看更多

今日行過新樓門口、派張宣傳單、88蚊任飲任食火鍋（假日$98）、重要係全包價、啫係已包湯底、茶介、醬介、真係咁平？決定夜晚走去試試先！酒樓响二樓、要搭兩層電梯、一樓重裝收緊所以好有好強烈既裝修味、上到二樓已經有幾十人等緊、拎左號碼籌排第99、問佢依家叫到幾多號、佢話19😱😱😱😱😱、啫係等80張？睇下佢個牌、原來佢30號下一個號碼係90、真係唔識佢點計😅😅好彩唔洗等好耐約10分鐘就有位！坐底叫左個豬骨湯底、等左十分鐘、有個亞姐拎左個湯底黎、放底左兩秒、唔知做咩又拎走左、叫都唔理你、再等........遲黎過我地既枱都已經上晒湯底、我地都未有湯底、忍唔住問個亞姐、佢敷衍我哋只話黎緊嫁啦、黎緊嫁啦😤😤😤😤、再等一陣、忍唔住搵個黑衫問、嘈佢兩句先肯幫我地拎個湯底出黎😤、可能因為新開幕、又公眾假期、所以非常混亂！依度係自助式取食物、唔係太多野食、有一般牛丸、貢丸、豬肉丸都ok、菜有好多款好新鮮、肉類只有牛肉無其他、牛肉無乜牛肉味、不過都唔算大差、飲品有百事、七喜、水蜜桃茶、蘋果汁、橙汁、重有牛奶公司雪榚任食、其實88蚊價錢食物真係算唔錯、希望下次唔會安排咁混亂。…查看更多

長沙灣開左好多新餐廳、今次食漢堡包、試左個牛魔堡、牛肉味濃、多汁、五十幾蚊加橙汁$6蚊、比起海港城某漢堡包店收你百幾蚊個飽好食得多！粗薯條即叫即炸、香趣好味、重有少少新鮮沙律菜伴麻汁、中和油膩感覺、抵讚👍🏻芝士條、都係即叫即炸！$30有4條、剛剛炸起咬開、拉絲效果超強、啫係有勁多芝士！有濃濃既芝士味！芝士迷既我、勁like!比較差少少既係炸魷魚鬚、粉太厚、味太淡、粉厚拎魷魚鬚比較油膩、食兩件已經覺得好滯。…查看更多

去買一斤燒肉外賣，70幾蚊，我俾張500蚊個收銀找，佢居然話無得找，跟住唔理我，我話你咁大間酒樓唔係無得找呀？咁係咪啫係唔做生意呀？佢先死死地氣找俾我，算~! 買返屋企加料，斬既時候都見倒個師傅鬼鬼祟祟，返到屋企一開，有三條，面嗰條ok,但都唔係叫好食，叫放得入口，下面兩條跟本唔食得，得一層皮下面一大層肥膏，完全無肉既!結果一斤掉左3分2，離譜!個收銀服務態度超級差，唔憂做，想耍走你就算，食物品質更差!!!…查看更多