Ashu_kiki的个人专页

意粉係抵食 又好味但係你哋營業時間同你哋個餐廳名真係一樣一樣咁chill🙃中午想過嚟食到12點幾啦仲可以未開門🥲放工想過嚟買晚餐已經差唔多6:00都仲可以未開門😓好啦 惟有下晝過嚟食當下午茶下晝又話落場時間！你玩晒啦？😂唔想做唔好做啦次次嚟親都冇開🙂…查看更多

個個都北上消費我就堅持留港消費🥲但講真我又好鍾意食川菜同埋辣嘢🌶️香港試咗好多間都食唔返細個間屋屋企人返鄉下食嗰隻味🥺最近新搬來附近屋企附近嘅商場見到有一間自稱「食好嘢使乜上深圳？」見到理念相同 就試吓佢😋叫咗幾樣嘢老闆娘同我講要等一陣話下次可以WhatsApp落單就快啲～仲好貼心咁問我食唔食芫荽同埋蔥（佢話因為有啲客唔食 所以問清楚）咁我就好鍾意食，所以冇走到～商場行到返屋企都係一段路可能啲嘢可以涼拌所以都冇變質同埋一打開蓋好香😍$28嘅涼拌拉麵都好大兜🥹今時今日香港咁嘅價錢 我以為係拌菜size 搞到仲叫咗好多嘢食😝呢個貢菜超爽口😋香港真係好少見🙂‍↕️再加埋佢啲涼拌嘅汁真係一流❤️酸辣粉好特別係圓形一片片🔴🌶️口感好煙靭😍涼拌素羊肚絲呢個又係好特別🤩老闆話係用豆製品去整口感彈牙，非常好食👍最後呢個叫海茸原本我係想買海帶苗多口問吓呢樣係乜嘢老闆娘話可以叫做海帶苗始祖😆真係冇後悔到🥹因為呢樣又係其他地方見唔到口感淋啲 同其他涼拌麻辣汁好match🤤總括而言 全部涼菜都好好食🤤真係唔洗北上 都可以食到又平又地道嘅川菜🫡打完都覺得自己有啲似打手😅 但係絕對唔係 冇收錢😆見到呢篇嘢又鍾意食辣嘢嘅人，一定要去試吓呀…查看更多

排隊排咁耐 又得2條友煮麵慢都正常🥲果日我有啲唔舒服聽人講呢間野湯底好清（係真係幾清）咁健康啲諗住食佢啦一去到我拎左啲藥出黎 佢又冇比水我喎咁我去自助果到裝水啦有熱水 咁緊係自己去裝暖水送藥跟住 條友同我講話我地冇熱水….問題係我已經裝左一杯😅我都知日本拉麵係要配冰水但呢到係香港呀！見到客人話要食藥都話冇熱水😤叫人飲冰水果下真係嬲到想出去！結果野食黎喇湯底係幾清但成個拉麵真係好一般……完全唔值排咁耐😅店員仲要轉唔到彎完全冇人情味 服務態度有待改善🙃…查看更多

之前食過幾次 其實已經係「頂立會」一年前個烏冬餐咪幾好食無啦啦轉左拉麵…得個咸字😅但又唔係真係咁差係好特別嘅拉麵店甜品都係一是難忘嘅但係老闆嘅態度真係有待改善懶有態度咁 大佬 呢度喺香港唔係日本呀有冇諗過香港人出嚟食飯真係得一個鐘就算好彩唔使等位等你落單都等咗半個鐘你人小 小店經營唔緊要咪快快手落完單佢囉每次都要聽佢廢噏一輪 然後之前食夜晚已經係八點幾又要死都要建議人飲咖啡夜晚八點幾仲飲咖啡？唔好玩我啦成間嘢下面篇評論講得好啱真係用四個字形容：自信過度🥴所以已經一段時間冇去嚕睇佢玩得幾耐！…查看更多

嘢係真係超好食 但老闆娘對待一般顧客及熟客的態度完全判若兩人😒其實幫襯左都起碼有20次每一次我都觀察到同一個問題就係老闆娘態度大細超🥲每次去都唔知點解總有一台係熟客定朋友對住熟客就開籠雀咁對住其他客人就態度不予置評😂最好笑係我哋隔離嗰台係熟客定唔知係朋友老闆娘問佢今日想食乜佢個朋友就講咗句「你話事啦」結果整咗個餐牌冇嘅嘢😅然後我哋多口問吓呢度係咪有廚師發辦佢一句就達埋黎「冇 你記錯」喂大佬 其實整比熟客或者朋友都好正常但唔該你哋低調少少 唔好比其他客人睇到或者聽到囉有冇諗過其他人感受？今次我哋叫咗個三個海膽飯海膽來自韓國日本加拿大韓國嗰個海膽真係連壽司郎嗰啲都好食過佢😅結果前面嗰台熟客 三個海膽有澳洲 冇韓國🥲大細超到呢….真係唔好咁明顯囉🙃…查看更多