akakmmnn的個人專頁

平日晚市$268 牛肉海鮮火鍋再加燒烤選擇好多，但有點太貪心，結果兩頭唔到岸海鮮既種類都幾多，但試左幾款都唔好食，係低於平均值外面拎既兩款魚，order 既白膳，d 肉一係梅一係鞋聖子仔好多沙外面拎既蝦反而唔錯，但好細隻牛肉第一批麻麻，但第二批唔錯，質素唔穩定豬肉黑豚肉好鞋🫣外面拎既丸類、魚角都唔好食，唔彈牙好粉燒烤區既串燒調味幾好，熱果d 都幾好食，但當晚人唔多串燒去得慢，唔係成日都食到熱既串燒麵食後期見到有日本既急凍烏冬，有驚喜！差d miss 左雪糕係牛奶公司同冇睇係邊間既雪條湯底要左個豬骨湯，好清，冇乜味，打健康邊爐既好岩😂不過亦因為咁個湯打完邊爐都冇覺得好口渴後來我忍唔住加左d 外面既調味醬入湯值得一讚係服務超級好，個個都好唔係得一兩個覺得都有心做，但食物特別係外面拎既質素有待提升明白有成本考慮，2xx 一個放題邊爐好難用靚料寧願不如offer 少d 類型但都唔好入d 唔好食既拖垮個平均值…查看更多

叫外賣平台外賣一個要唔辣，一個少少辣少少辣已經係最低辣嘅選擇，但都非常辣真係要慎選！！不過唔辣嗰個又真係太清建議叫清湯既人叫番d 濃味少少既餸另外配左有名物雞絲、腩肉同豬軟骨豬軟骨真係幾好食，好腍好入味，配清湯好岩，因為佢本身都有d 醬汁腩肉正常，都辣但可接受，係有啲太碎至於雞絲份量真係好多，但係好鞋唔覺得特別enjoy ...相比之下會想食返一塊塊雞肉多啲米線質地偏腍完全唔煙靭，但唔係碎不過反而係岩我口味…查看更多

平日放工基本上唔駛點排，排都係幾個人，好快入淨係腩肉米線都夠食，因為佢無論係米線定係腩肉份量都好多，只係$40真係超抵腩肉係瘦嗰種，有啲人唔鍾意，但我偏偏就係鍾意瘦嘅腩肉米線質地輕微煙靭順滑，軟硬適中雞翼相對冇咁抵食，因為剩係得兩小隻外賣有得揀分湯個米線可以俾你揀自己煮定係佢煮埋但我每次外賣嗰個米線嘅質地都爭啲，好似煮得冇咁淋唯一缺點係如果你唔食得辣又想食腩肉會食得好辛苦因為佢話就話個湯底唔辣，只係腩肉少少辣但我唔明白只係少少辣嘅腩肉，點樣可以令到成個湯底咁辣咁紅唔知係唔係佢放腩肉嘅時候，順手放左d 辣油😂絕對唔係偶然，因為我食每一次都係咁所以你如果完全唔食得辣就千祈唔好挑戰腩肉同埋個湯都幾油有人話佢態度唔好，但我食過好幾次都正常態度特別係收銀同電話落單個姐姐幾好人…查看更多

好耐冇食呢間之前就算平日一直都要排隊當時真係好抵食，幾十蚊一個天婦羅丼今日平日dinner 發現完全冇人排可以直入發現原來改左menu天婦羅丼既選擇少左好多最平已經$89 既巨星天丼又唔係話加左價，之前巨星天丼好似都唔平只係冇左最平果d 款今次既質素好似冇以前咁好炸粉有d 已經太淋而甩開左豉油亦唔係好夠雖然台面有得自己落，聲稱係一樣但硬係覺得融合得冇咁好但服務就係好既，有禮貌而且好殷勤坐位都唔逼都算係食得舒服…查看更多

餐廳位置有點偏，係太子但唔係大街度，搭車好容易會見過，但步行路過就真係好少有。成間餐廳裝修有復古又型格，牆壁、 大大小小擺設都好有心思。咁岩就到萬聖節，成個橙色TONE好應節。周末午市真係平得離譜，steak兩位數有交易，仲要有飲品同不設加一以呢個環境黎講真係CP好高我地試左兩個SET同一份小食咸蛋黃牛排配粗薯條$98牛排比較薄，但都好大塊，牛味唔算好濃，但至少比快餐果D假牛排好粗薯條份量好多，炸得還可以，略為少左D調味，覺得咸蛋黃用黎配薯條比牛排更夾鐵板牛肩胛配蒜蓉汁 $118牛肩胛比上面個牛排厚好多，牛味亦濃好多但我都唔知係把刀出事定點，好難切，出盡力咁切.....我諗應該係把刀出事，因為我係咬得郁塊扒既，只係都真係唔算好軟嫩雖然冇寫但呢個餐同樣係有配薯條，而蒜蓉汁其實係蒜蓉醬既程度，好杰身，味道唔錯，蒜唔會好生，不過稀番少少會更易食CRAB CAKE $78得１個覺得有點少，可能午餐太抵了，相比之下呢個小食就貴左少少咬落去係啖啖蟹肉，但蟹味就冇咩喇~當時係一位妹妹負責接待，已經過左午飯時間只有我地一台客基本上佢好似一腳踢，加上可能新手所以唔係好快手同態度比較冷淡，但服務正常既…查看更多

岩岩開果陣食過一次覺得幾好食，裝修又唔錯，清新木系文青風格靚cafe得黎味道又好，價格亦合理事隔都好似成2年，再黎睇下有冇唔同左坐位比較少要早點黎，周末過左１點就開始好多人。座位有空間感，唔會坐得好逼，大家都係度講野但唔會好顯嘈。今次試左carbonara $98，意粉質地幾好，柔韌得黎有嚼勁，醬汁濃郁亦好掛汁。另外加錢換左2款小食(價錢唔記得, 都係十幾廿蚊)蝦多士有別一般港式蝦多士，佢唔係蝦膠同炸麵包黎係真係西式既多士上面有幾粒炒蝦粒，幾惹味又冇咁熱氣黑松露薯條，薯條就算唔點醬本身都夠調味粗薯條外層粉比較多，但都炸得外脆內軟，不過底果浸有點太碎同油流心滑蛋toast ($88) 係我上次都有點過既菜式，今次入面既蛋依然覺得好食分別有半熟蛋同炒蛋，份量多，唔會剩係得露出黎既部分有蛋但係塊麵包好似冇咁軟熟今次既驚喜係朱古力佢地杯朱古力cafe黎講唔算貴($46?)幾大杯同濃郁，仲有好多朱古力碎灑係面，一點也不馬虎整體服務都好好~睇一睇價錢，好似冇咩變咁，或者呢個位置比較僻唔駛捱咁貴租?…查看更多

之前已經食過一次呢間餐廳嘅自助餐Menu 今次見到多咗蟹腳同龍蝦，完全係我的菜好在佢可以有淨係加蟹腳同龍蝦，而唔加生蠔嘅選擇，彈性好大燒蟹腳比想像中大條入邊亦都啖啖肉，叫咗兩次質素都好好，完全冇縮水經過燒烤之後海鮮嘅味道更加出蟹身肉會嫩過蟹腳肉，蟹腳有啲位經過燒烤之後係有啲略乾雖然我好鍾意食蟹，但係唔食蟹嘅技術唔高，所以成日都係食蟹腳而唔食身但係呢度蟹好大件，入邊嘅肉都好多，一撩就已經一大嚿超級滿足龍蝦係更加優質雖然剩係得龍蝦尾，但超大條龍蝦肉，好厚實彈牙亦完全冇燒到太乾，我食左3件咁多🙈3次黎既質素都keep到~上次嘅經驗，主菜入邊牛係好食過海鮮所以今次嘅主菜我就主要食牛main 既牛最好食都係和牛西冷，牛味濃又好軟嫩，其次係肉眼其實佢墊係底既黑松露薯蓉超好食....可唔可以剩叫薯蓉呀...今次仲第一次試咗和牛漢堡，真係唔知佢失手定點，好燶好乾...好在佢牛味都仲係好濃郁海鮮嘅主菜全部都冇叫留返個肚食燒蟹腳同埋龍蝦甜品同上次食都有d唔同左，上次好似係開心果CHEESECAKE今次係原味CHEESECAKE，我覺得仲好食左！芝士味更濃郁，軟硬度適中，面果層微微焦香～其他薯條沙律雞翼之類嘅菜，同上次質素都差唔多超級推薦佢個周打魚湯，不過今次掛住食蟹同龍蝦冇位飲湯喇🤣…查看更多

最近旺角開左一間意大利餐廳，睇番website原來同我之前食過中環一間餐廳係同一個集團。環境係一間細細嘅cafe，十分寧靜，適合一個人靜靜食。服務方面，店員都非常友善。最重要嘅係，呢度嘅價錢唔貴，CP值高，值得一試~首先點左芝士磨菇多士，呢道菜就真係冇咩特別。雖然芝士溶得好好，但味道上冇乜驚喜，整體感覺有啲平凡，塊麵包亦不過不失，類似岩岩黎既時候送既果塊麵包。Pasta試左Carbonara，好奇怪餐牌係冇，但見到人地食就問下店員，原來真係有。麵質幾好，煮得剛剛好，咬落去有嚼勁，完全唔會過淋或硬。呢個carbonara係傳統無cream煮法，不過醬汁味道稍為淡咗啲，可能咸肉有點少? 可能對於鍾意濃味嘅人來講會有啲失望。另外我地試咗肉醬千層麵，今次呢個醬汁就好濃郁，香氣四溢，份量睇落唔大但食完係幾漏同飽。雖然味道唔錯，但佢醬超級多，相反麵嘅部分唔多而且冇咁突出，整體感覺似食緊肉醬多過千層麵。最後，我點咗Gelato作為甜品。朱古力同開心果味都唔錯，朱古力味好濃但唔會太甜。…查看更多

係九龍灣商場random pick到呢間見裝修都幾好，坐得舒適又唔駛等位，價錢晚市黎講都幾平，直晴午市餐牌價咁佢有一款combo set，可以選牛肉粉拼海南雞、或者牛肉粉拚燒雞扒撈檬，我地就兩款各叫一，額外加左份跟餐既蝦餅。牛肉粉都唔錯，佢既牛肉上黎既時候已經熟晒咁制，份量唔少，牛味幾濃，湯底都唔錯清清地。海南雞既雞都少少嫩，油飯不過不失，有淡淡既香味但唔濃郁烤雞扒有點燶，味道就係一般既急凍雞扒冇咩特別蝦餅係不再回購之列，蝦味好薄弱，亦不算很彈牙見其他食評過服務唔好，我好彩今晚黎接觸過既每個員工都服務幾好～…查看更多

自從荃灣豚本家執左，我就未搵到平價位既日式炸豬替代路過呢間見到座位幾舒服，睇過又幾正式咁，最平既定食都係$128連任添生菜點完餐大概待左15分鐘上菜白飯幾唔錯! 好香，有一定既黏性，柔軟而不散，亦唔會過於軟爛豬排就算瘦，係邊邊有d肥肉，瘦得黎都唔算鞋，但嫩就稱唔上外皮炸得都算酥脆但油膩，豬排醬汁就冇咩特別，菜新鮮但位置上覺得有項安排可以再改善，當時我係坐靠近廚房位置而沒有廚房門有時候佢可能需要打鬆d豬肉? 而咁岩佢係廚房出入口果度打係打摏咁大聲......如果可以加番度門或者呢個工序唔好係出入口做可以減低對食客既影響…查看更多

無意中入到黎大西北呢間cafe明明睇地圖已經係附近，但都搵左一陣先搵到佢原來佢係建生商場，但外圍，要係外面先入到12點幾好好彩坐到最後既台，之後愈黎愈多人呢間cafe pet friendly，有幾張outdoor既台可以帶埋小寵物黎聽說呢度意粉唔錯試左明太子意粉同沙嗲牛肉意粉意粉質地幾好，雖然佢冇寫係咪手工，但口感都好好，軟硬適中仲有少少煙韌彈牙明太子意粉海量既明太子，佢既明太子一d都唔辣，好食！但更驚喜既係沙嗲牛肉意粉估唔到咁夾，沙嗲牛肉份量多又淋，牛味就冇咩，但港式沙嗲牛都預左係咁個汁好惹味但好辣，唔怪得佢menu寫可以走辣.....飲品冇咩特別~小食係西蘭花芝士，入面係有薯蓉，都炸得唔錯，外脆內軟又唔油…查看更多

最近葵廣流行食麵? 特別係2樓呢個corner除左蝦味湯麵外，原來仲新開左一間食擔擔麵唔加額外配料都係$28一碗以為小食份量細細碗，點知勁大碗，食極都仲有加上麵質札實，都食得幾飽擔擔麵個湯好香，濃郁花生味雖然係冇額外配料，但佢基本都有紫菜、花生碎同櫻花蝦?其實我唔確定原味有冇櫻花蝦因為睇相係冇，而且有咩一款櫻花蝦擔擔麵係$35可能我買既時候已經好夜，店員益埋我？櫻花蝦我覺得有點太咸，但擔擔麵本身好食又抵下次我試下佢另一款豬肉配料先～買完可以係隔離小桌度食，店員都好好人呀～…查看更多

知道好耐荃灣有間出名既生煎，仲上埋電視因為怕排隊一直都冇去前排發現目前人潮已過，平日晚餐時間入面滿滿地但唔駛排，岩岩好坐到最後既台不過入面好逼，千萬唔好拎咁大個袋去食，係冇位放的，除非你唔介意放地下staff整體都幾nice原來呢度仲送豆漿，唔係一杯，係好似水咁任飲，但同時都見到menu有賣豆漿唔知係咪有唔同....整左兩款唔同既生煎，蟹粉$20同普通原味(4隻$35)鐘意佢蟹粉可以只點１個，就可以試晒２款，不過原味就最少２隻起2個都好鐘意，但蟹粉果個有點漏，食一個岩岩好論cp值普通原味亦抵食好多，蟹粉係double ～生煎煎到好脆又夠熱，入面超級多湯汁！生煎既皮尚算薄，但收口位果面都係略硬左d仲好貼心咁識別邊個係唯一一隻蟹粉生煎~另外叫左糖醋炸排骨菜飯$45菜飯幾好， 軟硬適中，但排骨炸得有點乾，好刮嘴呀下次仲想試下排骨（非糖醋）擔擔麵，佢仲有d一人餐係主食+１隻生煎～…查看更多

之前朋友買咗個焦糖夏威夷果仁生日撻外觀同味道唔錯，特別係撻底，有牛油香，加左朱古力coating 保持到好脆夏威夷果仁配焦糖好夾，又冇其他果仁類咁硬身之後上佢哋社交平台見到原來仲有開心果撻少少地order咗三款迷你撻試吓三款都咁好食，表面好似好多cream, 入面其實有好幾層唔同料，唔會成口都係cream開心果好足料好香濃開心果味而且價錢一啲都唔貴早排做過開心果類嘅甜品就知，開心果成本真係比其他口味高好多店舖無論社交平台定係實店入邊嘅職員都好Nice見到佢地最近有薄荷朱古力款勁想試，但可惜冇mini tart size…查看更多

環境都唔錯, 如果坐到窗邊卡位都幾舒服服務好好，出菜超級快～海南雞叫左半隻, 份量都幾多, 肉嫩, 有啫喱，呢個唔錯加$12優惠價換油飯，呢碗油飯就唔係好得，味道好淡，而且Ｄ飯偏硬蝦餅$88但有好多舊，炸得香脆，蝦味濃，尚算彈牙，底部既蝦片都好好食！炒牛河好大碟，河粉比平時既寬而且好滑，厚薄適中，牛肉多，都幾腍，但牛味就普通外表好似中式牛河但成個調味好泰式，微酸甜品睇落去好正, 不過今次太飽食唔到但佢晚市唔比剩叫甜品，不過往往就係食完飯想黎食甜品....…查看更多