Catshiba的个人专页

今日下晝同朋友嚟咗泰排檔。餐廳係米芝蓮推薦，成日大排長龍！牆上掛住好多泰國裝飾，真係有濃厚嘅泰國味。餐廳概念同泰國thongsmith一樣，供應各種地道泰國街頭美食，而且價錢好平。餐廳九成食材同香料都從泰國直接入口。廚房同樓面嘅人全部都係泰國人，特別係大廚，佢係米芝蓮出身，食物嘅質素一定有保證。和牛船面 $88呢碗和牛船面係招牌菜，金邊粉滑溜，湯底又鮮又甜，帶住濃濃嘅香料味，食到有香茅、檸檬葉等香料。和牛肉質好嫩，油花分布得好均勻，充滿油香。金邊粉口感更添彈性，吸收晒湯底嘅美味。其他配料仲有芽菜、通菜、牛丸，非常豐富。香辣金不換炒豬肉碎 $78呢度都係招牌菜，好出名！豬肉碎炒得香噴噴，熱辣辣，非常惹味！內裏有紅椒、洋蔥，口感都好豐富。辣味啱啱好，唔會太過刺激，真係一口接一口。最重點係面頭有兩隻流心太陽蛋，配埋蛋黃汁一齊食真係特別好味。醉貓炒河 $118河粉炒得恰到好處，滑滑地，帶點煙靭，好有鑊氣。醬汁好惹味，辣辣地，河粉吸埋醬汁嘅味道。和牛肉質嫩滑，芥蘭同紅椒爽脆，口感多元化。泰式奶茶 $8泰式奶茶好抵飲，甜而唔膩，茶香濃郁，好正宗。龍眼冰 $18龍眼冰清爽可口，龍眼嘅天然甜味，加上冰冷嘅感覺，好解渴。…查看更多

最近去咗灣仔嘅The Oyster House，餐廳位於灣仔QRE Plaza。餐廳裝修好雅致，木桌木椅，而家已經有靚靚嘅聖誕裝飾，加上暖色燈光，感覺好舒服，坐喺度可以好靜心享受美食。Pepperoni $169辣肉腸pizza即叫即做，熱辣辣。底皮薄脆，番茄醬酸酸甜甜，好香口。Pepperoni煙燻味十足，充滿鹹香。芝士份量多，好cheesy，有拉絲～Stuffed Whole Japanese Squid Risotto $219魷魚risotto超特別，魷魚原條上，risotto就放左入魷魚裡面！墨魚煮得啱啱好，帶點咬口，味道好鮮甜。Risotto好creamy，充滿奶香，有啲蔬菜係裡面。Baked Bone Marrow, Ribeye cubes $159牛骨髓原條上，焗得香噴噴，牛骨髓入口即溶，搭配啲香草，味道層次好豐富。肋眼牛肉粒放左係牛骨髓上，煎到啱啱好，肉質超嫩，味道偏鹹，啱曬配麵包一齊食。Pan-Seared Foie Gras $119鵝肝煎得好香，外脆內滑，好creamy，油脂嘅香味濃郁。另外，配有櫻桃醬，甜甜酸酸嘅，令到味道冇咁油膩。Lemon Tea $35檸檬茶，清新又提神，茶底香濃。…查看更多

今日嚟到旺角嘅人生有限杯串燒店～餐廳環境都幾大，坐得好舒服，而且冷氣好夠，食完唔會一身油煙味。串燒店有多款抵食串燒選擇！鹽燒西班牙五花腩五花腩外脆內嫩，面頭有鹽同孜然粉，燒過後香味四溢，脂肪瞬間化開，味道非常好。泰式燒墨魚鬚墨魚鬚香氣撲鼻，啖啖都係肉，有咬口。泰式醬汁帶少少辣，好惹味！香燒翠玉瓜翠玉瓜燒得啱啱好，面頭有啲孜然粉，鮮甜得來仲有脆口感，而且非常Juicy。豚肉荔枝卷呢款必食！豚肉包住新鮮嘅荔枝，咬落先食到豚肉嘅鹹香，再食到荔枝果肉嘅甜蜜，咸香配上清甜，意外地夾！鹽燒雞腿肉雞腿肉超級嫩，仲充滿肉汁，鹽燒後表面雞皮仲脆脆地！鹽燒鮮雞皮雞皮炸到脆口，鹹味十足，咬落去時成個嘴都係油香味，真係好正。麻薯豚肉卷麻薯煙煙韌韌，充滿米香。配搭住豚肉同紫菜，口感多層次，充滿醬油味。焦糖菠蘿鵝肝醬多士（2件）菠蘿清甜多汁，而且仲有一層薄薄嘅焦糖。鵝肝醬非常順滑，帶少少鹹香，甜鹹之間完美平衡。鹽燒牛舌芯牛舌好嫩，牛味香濃。鹽燒後嘅牛味好突出，加上檸檬汁，有一種清新嘅感覺。鹽燒豬肋肉肋肉好嫩滑，鹽燒後香味十足，肉質厚實。明太子忌廉烏冬烏冬麵條好滑，有少少煙韌。明太子份量多，鮮味十足。配搭住濃郁嘅忌廉，超Creamy～港式蜜糖多士夾雪糕（份）甜品方面，脆皮多士夾住香滑嘅雲呢拿雪糕，好好味！多士表面用砂糖烘香過，非常脆，甜甜地。蒜蓉欖角燒蟶子（微辣）蟶子鮮味十足，配搭着粉絲、蒜蓉同埋微辣嘅調味料，好惹味，口腔入面都係香味。百香果檸檬茶飲品好清新，有新鮮百香果果肉，加上檸檬茶，真係沁涼又解渴。…查看更多

最近係觀塘發現左一間專門做壽喜燒嘅餐廳——喰楽！觀塘上班族有福啦，餐廳午市提供cp值極高嘅午市套餐，可以一次過品嚐關西同關東兩地嘅壽喜燒～午市套餐有5種肉品選擇，分別有日本霜降和牛、日本赤身和牛、澳洲和牛、美國Prime牛同北海道千歲米豚。店員會先幫忙以關西風半煎煮牛肉，之後就可以自己按喜好轉化為涮涮鍋風味，雙重滋味！我同朋友今日分別叫左A同B餐，午市套餐包左前菜、牛肉、野菜拼盤、日本蛋同珍珠飯。A. 日本霜降和牛 (Japanese A5 Wagyu)霜降和牛大大一片，油脂分佈得如雪霜，肉質幼嫩柔軟。店員會先講牛脂煎出油，然候放上和牛，配搭住壽喜燒醬汁半煎煮。壽喜燒醬油味濃郁，甜甜地，同牛肉好夾。和牛放落嘴裏，質地好柔軟，瞬間就融化，肉汁豐富。B. 日本赤身和牛 (Japanese Wagyu - Lean)赤身和牛肉味較明顯，一樣同壽喜燒醬汁好夾。赤身和牛嘅脂肪少啲，但肉質緊實，咬落去帶點嚼勁，可以品味到牛肉本身嘅鮮味。前菜明太子玉子燒明太子玉子燒香氣撲鼻，玉子燒厚厚一件，甜甜地，每一啖都帶住醇厚嘅蛋香。明太子醬帶有少少鹹香，又辣辣地，好開胃！汁煮大根大根即係蘿蔔，紅蘿蔔同白蘿蔔都煮得好軟淋，軟綿綿，而且吸收晒湯汁，湯汁好清甜。野菜拼盤野菜拼盤有粉絲、香菇、大蔥、冬菇同娃娃菜等等，色彩繽紛，蔬菜多樣化。粉絲、娃娃菜吸滿晒壽喜燒汁嘅香甜味，非常Juicy。大蔥煎到好香。冬菇鮮甜得嚟又有啖啖肉感。日本蛋套餐仲包行咗一隻日本蛋，雞蛋質地滑溜，搭配牛肉一齊食，令牛肉更加滑！珍珠飯珍珠飯可以無限任添，米飯軟糯可口，配住牛肉食好夾！…查看更多

今日同朋友嚟到位於深水埗嘅鳥海山鐵板燒食生日飯～ 店舖裝潢充滿日本風情，有好多日式擺設。木質嘅設計搭配柔和燈光，令人一進門就感覺到輕鬆溫暖。食客可以坐喺鐵板前，目睹廚師即場烹調。鳥海山鐵板餐精選刺身今日有四款刺身提供，包括帶子同三款魚類。帶子鮮嫩，肉質好滑，沾少少醬油食，味道鮮甜。油甘魚切得薄薄一片，吃落去口感滑溜，超級新鮮。沙律沙律配搭左芝麻醬，味道香濃。蔬菜同車厘茄新鮮，juicy，食落去好爽口。活龍蝦廚師係鐵板上烹調活龍蝦，龍蝦大大隻，好新鮮，煮到啱啱好，肉質彈牙。醬汁鹹鹹地，好香口，提升咗風味。活鮑魚活鮑魚非常彈牙，肉質醇厚，少許鹽作調味已經足夠，啖啖都係鮮味。鵝肝多士鵝肝同多士表面都已經煎到好香脆。鵝肝好滑，外脆內軟，充滿油香，配埋脆脆地嘅多士啱啱好，可以減低油膩感。牛肉薄燒牛肉片內有香蔥同蒜粒，味道惹味濃郁。牛肉煎得剛好，肉質嫩滑。野菜野菜係炒椰菜，清新可口，有少許蒜粒作調味，正好平衡咗其他食物嘅味道。炒飯炒飯粒粒分明，炒得好乾身，吸收咗香香嘅雞蛋味，好香口。味噌湯味噌湯溫和，湯頭有少少豆腐同海帶，飲落去好暖胃。甜品最後甜品雪米糍，外皮軟綿，荔枝雪糕餡料香甜可口，完美為這餐畫上一個圓滿句號。…查看更多

前排到尖沙咀行街見到新開左一間博多烏冬店，今日決定嚟試試～ 博多やりうどん位於繁華嘅美麗華廣場，日式嘅裝修風格讓人一入座就感覺到放鬆。除左烏冬，餐廳仲提供多款日式串燒，天婦羅等美食，選擇好豐富。白咖喱烏冬 $98白咖喱烏冬表面覆蓋著一層白色忌廉，忌廉質地輕盈，充滿奶香，格外誘人。底下嘅咖喱烏冬微辣，好香口，忌廉更中和左咖喱嘅辣味。烏冬面條軟腍滑溜，偏幼身，又滑又煙韌，吸收左咖喱嘅香味。博多正宗烏冬蜆烏冬 $98蜆肉份量多，大大粒，食落好鮮甜。新鮮嘅蜆肉同烏冬完美結合，烏冬一樣又滑又煙韌。另外，我加配左兩件玉子卷（$18）。玉子卷滑嫩可口，蛋味香濃。唐揚八爪魚 $48唐揚八爪魚外脆內嫩，每一啖都帶有海鮮嘅鮮甜。八爪魚炸得金黃酥脆，好香口。雞皮串（2串） $38雞皮串香氣十足，燒得恰到好處，帶點炭香味。雞皮外層好脆，內裡仲有點雞皮嘅彈牙口感，咬落去瞬間滿嘴油香。豚肉青提串（2串） $48青提為豚肉串帶來一絲甜味。豚肉燒的好香口。青提好多汁，好juicy，每一啖都肉汁流出。雜錦天婦羅 $88雜錦天婦羅有蝦、南瓜、枝豆和茄子。每樣食材都炸得金黃酥脆，炸衣薄薄一層，食材外脆內軟。我特別推薦炸蝦，外皮好脆好薄，內裡蝦肉好彈牙。富士山柚子蘇打 $28柚子蘇打清新解膩，柚子嘅香氣同氣泡水嘅清爽感完美。完熟桃子梳打 $28桃子梳打口感滑順，帶有淡淡嘅桃香，好有夏日嘅感覺。@博多槍烏冬…查看更多

今日我去咗位於銅鑼灣的虎鐵鐵板燒，可以睇住師傅即刻烹調。餐廳環境非常舒適，氣氛輕鬆，幾適合過嚟慶祝生日周年紀念等活動。餐廳最近仲做緊推廣，每二人消費滿$1500就送龍蝦一隻，四位送兩隻，如此類推。今日我同朋友食咗日本和牛海鮮套餐～時令沙律開頭係時令沙律，沙律有沙律菜、青瓜、生菜、新鮮嘅車厘茄等等，配上香濃嘅麻醬。沙律清爽可口，令人開胃。茶碗蒸茶碗蒸賣相非常吸引，睇得出好滑。魚翅同蟹肉嘅香氣充滿整個口腔，茶碗蒸嘅質感滑而嫩，蟹肉鮮味十足，令人回味無窮。內裏仲有冬菇、鳳鳴卷等配料。虎蝦虎蝦煎得金黃香脆，肉質鮮甜。每一口都帶有蝦肉同蝦膏嘅鮮味。銀鱈魚銀鱈魚一樣煎得表面香脆，呈金黃色，內裏魚肉好滑。兩款海鮮都配搭住番茄忌廉海鮮汁，誘人嘅忌廉醬，口感滑溜，令味道更有層次。龍蝦龍蝦外表金黃，肉質鮮嫩又彈牙。不需要過多調味就可以食到龍嘅的鮮味。南非鮑魚南非鮑魚非常大隻，鮑魚入口軟滑，頗有嚼勁。配搭住酸甜嘅龍珠果，味道非常特別，可以解膩。鵝肝多士鵝肝多士飄散著迷人香氣。表面放左魚子醬，增添一種香氣。鵝肝外脆內軟，充滿油香。另外，配住多士同黑醋汁，剛好平衡咗鵝肝嘅油膩感。A5和牛薄燒A5和牛薄燒肉質極嫩，油花分布平均，食落去如化口般柔順。和牛卷入邊有香蔥同香蒜，食落更有層次。搭配住香煎野菜同松露黑醋汁添上風味，非常夾。汁物麵豉湯暖心又清爽，咁落去湯頭好甜，材料豐富，有海帶、豆腐、豆卜。蟹肉炒飯蟹肉炒飯味道鮮美，米飯鬆軟，炒到粒粒分明。每一口都可以食到蟹肉的鮮甜，配上少許蔬菜粒，更加有口感。梳乎里雪糕甜品方面，梳乎里pancake都係鐵板上即叫即造。梳乎里pancake質感好綿密，食落好鬆軟，充滿蛋香。雪糕係荔枝味，加上開心果醬同黑糖，既清新又帶有香甜嘅味道。…查看更多

最近嚟左好受歡迎嘅2 Soon Cafe 食飯，餐廳裝修好靚，適合打卡，最近餐廳仲轉左新menu! 餐廳內燈光柔和，適合朋友聚會或著一個人嚟靜靜享受悠閒時光。門外仲有個室外座位，可以帶埋寵物嚟。牛油薯仔團子配西班牙紅椒醬 $68牛油薯仔團令人驚喜！薯團煎到外層脆脆地，內裡麵團有咬口，咬開後牛油嘅香氣瞬間撲鼻而來。搭配嘅西班牙紅椒醬帶少少辣，加上有啲蕃茄仔，食落酸酸甜甜，口感豐富又美味。香煎慢煮牛柳配牛油忌廉薯蓉 $218慢煮牛柳肉質鮮嫩，每一口都帶著濃郁嘅肉香。牛柳輕輕煎過，表面微微焦香，裡面卻保持著多汁嘅口感。配上嘅牛油忌廉薯蓉綿密滑順，奶香味十足。西班牙辣肉腸蕃茄藍青口煲 $128藍青口新鮮彈牙，同西班牙辣肉腸的香辣味碰撞在一起，形成一種獨特嘅味道。整個煲充滿了青口嘅鮮甜同香料嘅香氣，湯底濃郁，特別適合搭配法包一齊食，可以吸附美味嘅湯汁。另外，仲有蕃茄仔、煙肉、洋蔥等配料。流心焦糖燉蛋法式西多士配合桃碎及焦糖餅乾 $88法式西多士外脆內軟，流心焦糖燉蛋醬甜絲絲，表面用火槍燒過，有一層薄薄嘅焦糖。搭配焦糖餅碎同合桃碎，味道更為層次分明，甜而不膩。Hojicha latte $50 Matcha latte $50焙茶latte 烘焙香氣濃郁，搭配牛奶，口感順滑。抹茶latte 有清新嘅抹茶味，帶有微微嘅甘苦味。…查看更多

今日去咗位於旺角嘅阿來泰式地道風味餐廳。餐廳位於繁忙嘅旺角街道邊，外觀簡單而且有一種泰國風情。餐廳內部裝飾優雅，牆上有少少泰國的藝術品和掛畫。泰式炒金邊粉 $70炒金邊粉香味俱全，金邊粉炒得彈牙，好夠鑊氣，好惹味。醬汁酸酸甜甜，好開胃。配料非常豐富，有雞蛋、蝦仁、豆芽和花生等等。蝦仁大大粒，又彈牙。每一啖都帶有濃郁嘅泰國風。香葉肉碎煎蛋飯 ($69香葉肉碎飯係泰國一道好傳統嘅菜式。香葉的香氣令整個飯更加誘人。肉碎炒得剛剛好，肉質鮮嫩，而煎蛋的外皮香脆，內裡蛋黃流心，配上白飯真係一流。少辣嘅味道讓整個口感香口，又唔會太辣。豬頸肉炒通菜 $78豬頸肉炒通菜好夾，豬頸肉鮮嫩多汁，通菜則炒得剛剛好，保留咗青菜的脆口感。加上落左好多蒜頭粒，食落好香。芒果糯米飯 $68芒果果肉飽滿而香甜。糯米質地柔軟，黏黏地，表面佈滿椰醬，甜甜鹹鹹，增添左椰子嘅香氣，好好味。甜度適中，不會過甜。椰青 $38椰青大大個，好解渴。椰子水清甜無比，喝下去非常爽口，對比其他嘅濃烈菜色，恰好可以中和一下味道。椰肉嘅質地好滑。…查看更多

今日放工同家姐去左牛惣居酎屋食晚餐！呢間位於銅鑼灣嘅居酒屋，環境充滿日式風情，燈光柔和。木製嘅家具同日式裝飾令人感到好放鬆，每個角落都充滿咗日本文化嘅氣息。而且今日我哋坐吧枱位，可以睇住師傅燒串燒，特別有風味。牛橫膈膜（四款口味）黑燒：原來黑色係指黑芝麻。牛橫膈膜經過精心燒烤，有少許鹽作調味。外面撒上一層香濃黑芝麻醬，香氣四溢，咬下去好juicy，又充滿牛肉香。蒜泥：蒜泥味好突出，帶有一啲辛辣感，食咗之後滿口都係蒜香，搭配牛肉食，好美味。芥末：Wasabi帶點刺激，輕輕一抹，辛辣感瞬間爆發，食做啖有啲過癮！蜜糖芥辣：蜜糖嘅甜味同芥辣嘅辛辣形成強烈對比，一食落去甜甜辣辣，好特別！粟米原條粟米烤得剛剛好，外脆內嫩。粟米好脆口，好甜好juicy。表面一樣灑咗少少鹽，令味道更有層次感。雞肉大蔥雞肉大蔥肉質鮮嫩，質地好滑，唔會乾。搭配上清香的大蔥，食落更添層次感，香氣彌漫口腔，啖啖都係香味。鰻魚燒鰻魚色澤金黃，上面略帶香焦，表面燒到脆脆地，鰻魚肉質滑嫩，啖啖都能感受到鰻魚的鮮甜，搭配少許醬油，正好提升咗味道。燒丸子-燒丸子外皮焦香，內裡卻係軟滑嘅芝麻餡，每一口都煙韌，咬落即刻散發芝麻香，係一道好好嘅甜品。Lime sodaLime soda好清新，又有氣帶酸酸甜甜嘅味道，真係解渴又好飲，好啱配串燒一齊飲。…查看更多

NATA位於觀塘，環境浪漫又舒適，燈光柔和，令人感覺輕鬆。餐廳好大，位置開揚，坐得好舒服。鵝肝伴青蘋果配法包 $78呢道前菜有驚喜！鵝肝好滑，好creamy。青蘋果切片酸酸甜甜，口感清新，唔會覺得膩。法包烘烤得剛好，外脆內軟，同鵝肝一齊食好夾。面頭仲有啲沙律菜同黑醋，食落酸酸甜甜，好清新。慢煮牛肩胛肉 $208牛肩胛肉經過慢煮，肉質超級嫩滑，上枱時大約三成熟，肉汁充足，唔會乾柴。店員會幫忙點着蠟燭，令菜式保持溫度。另外，有鹽、燒汁同青醬等調味料，配合牛肉嘅鮮味，形成咗更特別嘅味道。牛油香草烤黃油大雞 $258黃油大雞即叫即香，大家要預留少少時間！雞肉外層金黃香脆，雞皮好脆，內裡卻保持住多汁，咬下去時能感受到肉質嘅鮮嫩。牛油同香草嘅味道非常突出，特別係牛油嘅香氣。除了雞肉嘅部份都好Juicy好滑，好出色！榛子朱古力焦糖香蕉梳乎厘班戟（2件） $98梳乎厘班戟係舖頭嘅主打！梳乎厘班戟輕盈而柔軟，非常鬆軟，好fluffy。表面有濃郁嘅榛子朱古力忌廉，食落去時，朱古力嘅香氣瞬間充滿口腔。焦糖香蕉好甜，表面嘅焦糖薄薄一層，香噴噴。淋上楓糖漿後，甜品甜味剛好，不會太膩。Nduja忌廉辣肉腸意大利雲吞 $133意大利雲吞我都好推薦！雲吞皮薄滑，裡面包著芝士同菠菜。Nduja辣肉腸帶有一點微辣，辣味唔會搶走其他味道，反而增添咗唔同層次。忌廉醬嘅滑溜感更令整道菜變得更豐富，食落令意大利雲吞更滑身。。Cheapest Flight $52呢杯Mocktail清新爽口，有住菠蘿、橙、青檸同迷迭香嘅混合，飲落去有種夏天嘅感覺，湯力水嘅氣泡令整個飲品更加清爽。…查看更多

今日嚟到牛大人食火鍋，最近天氣轉涼，啱曬大邊爐！今日揀左120分鐘嘅日本A4黑毛和牛火鍋放題，任食日本和牛、伊比利亞豬、海鮮、台式小食、蔬菜、甜品等等！仲有送澳洲M9和牛牛丸、海鮮拼盤同啤酒，豐富又抵食。湯底我哋揀咗鴛鴦鍋，兩款湯底都好特別。養生菇菌燉雞鍋湯底清甜，菇味濃郁，飲落去暖心又滋補，特別適合冬天。湯底均以全天然食材製作，可以邊飲湯邊打邊爐。至於台灣濃香番茄鍋，味道酸酸甜甜，番茄味一入口就令人好開胃。海鮮盤海鮮拼盤好大盤，入面有蠔、扇貝、大魷魚同鮮甜的鮑魚。蠔大大隻，好新鮮。扇貝滑溜溜，大魷魚又彈牙。最後鮑魚肉質鮮嫩，有咬口。而家叫A4和牛套餐仲送江蘇太湖大閘蟹，勁正。蟹肉鮮甜，肉質豐滿，搭配簡單嘅醋，味道更加突出。小食推薦蝦蝦霸霸脆多士：蝦多士即叫即炸，外脆內嫩，蝦肉香脆彈牙，真係一口接一口。日本和牛橘梨伴豆腐：依款小食幾特別，口感清新。和牛肉碎幾惹味，豆腐滑嫩，橘梨又帶點甜。阿嬷豆乾魚蓉麵：麵用上咗香港老字號嘅粉麵，Q彈又滑，魚蓉味道好濃，仲有豆乾、芫荽等配料。烏金墨汁手作腸：口感特別，墨汁令腸的味道更加濃郁，咬下去外脆內嫩，煙韌有嚼勁，帶有一絲獨特嘅海。三和夜市雞皮卷：一款經典小食，雞皮炸得香脆，內裡包住嫩滑嘅雞肉，每一啖都能感受到酥脆與軟嫩嘅完美結合。夜市撈脆薯：口感香脆，薯條外脆內軟，搭配各種孜然粉，味道層次豐富，好香口。肉類日本黑毛和牛A4+：和牛肉質簡直無可挑剔！每一片肉都肥瘦相間，入口即化，肉香撲鼻，味道濃郁，牛肉嘅原汁原味完全保留。伊比利亞黑毛豬梅肉：豬梅肉肉質滑嫩，油脂分佈均勻，食落去肉香四溢。每一口都能感受到肉的鮮甜。甜品與飲品蜜桃愛玉冰：清新又冰涼，蜜桃味道好香，愛玉好爽口。午市同晚市全部套餐都可叫。特飲芒檸蜜西米爽：飲落好清爽，檸檬同芒果搭埋一齊好fresh，底下仲有芒果粒同西米。任食Movenpick雪糕：今日有士多啤梨同薄荷朱古力味選擇。值得一提嘅係餐廳做緊個「東南西北·回到童年時」活動。凡惠顧牛大人極上和牛/ 純種全血和牛或以上套餐就參與遊戲，每檯有一次機會，食完仲可以攞到童年玩具或者牛大人小禮品，獎勵係睇開嘅嗰方，真係勁fun！活動暫至2/12。…查看更多

今日嚟左土瓜灣HeySoNuts食晚餐，其實依間cafe我bookmark左好耐，終於嚟左試😋。餐廳燈光柔和，一入門口仲有吧枱位，成個空間有種輕鬆自在嘅感覺。白酒煮活蜆配蒜蓉包 $139蜆肉鮮甜，啖啖都充滿海水味，仲有紅椒、青椒同蕃茄仔等配料，清新滋味，平衡咗醬汁嘅鹹味。而且蒜蓉包無得輸，好好味！蒜蓉包外脆內軟，咬下去嘅時候，濃郁嘅蒜香味瞬間撲面而來！松露油忌廉野菌汁貓耳朵意粉 $102松露油好香，醬汁滑溜又唔會過膩，與貓耳朵意粉嘅口感完美融合。貓耳朵意粉有咬口，而且形狀可以掛滿醬汁，食落更滋味。唔同嘅雜菇都有鮮炒過，非常香噴噴，同醬汁好夾。黑啤自家製煙燻豬腩肉意大利飯 $138黑啤豬腩肉意大利飯我大力推薦！首先，豬腩肉肥瘦分布平均，咬落有咬口，香口得黎，帶點煙熏味。黑啤醬汁甜甜地，帶有獨特嘅啤酒香，令人一口接一口。意大利飯嘅質地都好好，帶有少少硬嘅口感。Tiramisu Cream 梳乎厘班㦸 $104Tiramisu Cream梳乎厘班㦸係Cafe嘅主打，我都係因為佢而嚟！梳乎厘班㦸勁鬆軟，入口即溶，質地綿密，有泡泡感。表面嘅cream帶有濃濃嘅芝士同咖啡香氣，cream嘅質地都好輕盈。面頭仲有手指餅，我哋仲可以自己落有baileys酒香嘅咖啡落去作調味。咖啡拖肥榛子朱古力千層酥配香草雪糕 $88千層酥都係依度嘅主打！佢嘅層次感好強，千層酥外皮酥脆得來唔會一切就爛晒。酥皮薄薄一片，好脆口，而且充滿牛油香。面層嘅咖啡拖肥cream同下層嘅榛子cream嘅結合，味道好夾。加上香草雪糕同榛子粒，味道更上一層樓！綠茶鮮奶 $40綠茶鮮奶奶味香濃之餘，茶味都吐出，整體唔會太甜。適逢萬聖節仲有小鬼拉花，非常可愛！我仲發現餐廳做緊午市優惠，晏晝嚟到叫main course會送黑咖啡或者伯爵茶，其他飲品可以補差價換取～除咗飲品，仲可以加是日餐湯 ($18)同是日甜品 ($25)。而家仲有個印花卡活動，儲滿六個印花就可以喺第二日免費享用 一份lunch 同一杯黑咖啡～非常抵！…查看更多

今日嚟咗觀塘嘅INN - I’m Not Nothing食晚飯～ 最近餐廳做緊周殷廷YT 生日應援，平時都會幫唔同藝人做應援。今日嚟到餐廳都full晒，建議大家book定位！餐廳環境好靚，有好多植物包圍住，營造出一種自然、舒適的感覺，真係好適合拍照打卡！而且設有室內同室外嘅位置，佈置都好靚。Set Dinner for 2 $588煙三文魚凱撒沙律沙律上面放咗三大塊煙三文魚，三文魚好fresh。搭配新鮮嘅生菜，口感清新。煙三文魚嘅鹹香配上蔬菜、麵包粒、芝士碎等材料，又清新又開胃。是日餐湯：甘筍湯餐湯味道濃郁，甘筍嘅甜味適中，帶有淡淡嘅香草味，暖心又暖胃。菠蘿鮮蝦冬陰功意大利飯冬陰功意大利飯好特別！賣相都好吸引，半個菠蘿咁上，仲有好多海鮮。意大利飯吸收咗冬陰功嘅香氣，味道非常濃郁，帶有少少辣。海鮮有蝦仁、八爪魚仔、青口、蜆、扇貝，非常足料！其他配料有菠蘿、蕃茄仔、紅椒等。菠蘿嘅清甜和酸味亦令意大利飯嘅整體味道更加豐富，非常開胃。泰式燒安格斯平鐵牛排配薯蓉、蘆筍牛排三成熟，剛剛好。牛肉肉質軟嫩，燒得剛好，非常香口，口感多汁。配搭香滑的薯仔和清脆的蘆筍，真係好夾。另外，仲配有泰式醬汁，鹹鹹酸酸，幾特別。泰式奶茶配泰茶奶蓋 +$29飲品款式都幾特別，半價就可以品嚐到其他特飲。泰式奶茶嘅味道濃郁，香甜可口，有種特別嘅香氣。奶蓋更添一層滑順，大約少少泰茶味。清新菠蘿椰青水沙冰 +$29菠蘿椰青水沙冰清涼又解渴，菠蘿和椰青的搭配好fresh，好有夏日嘅感覺。原味法式吐司 +$39本來套餐甜品配有麻糬，不過我哋加咗錢品嚐French Toast。法式吐司外脆內軟，香氣撲鼻，搭配一層薄薄的糖粉，同牛油，每一口都充滿住甜蜜嘅滋味。吐司的表面經過精心煎製，呈現出金黃色嘅色澤。內裏更充滿蛋汁，軟腍腍，好似布甸嘅質地，口感鬆軟，入口即化，充滿蛋香。…查看更多

Burger Mate 位於尖沙咀，係一間專注賣美式傳統漢堡嘅小店。店舖每日自家製作漢堡麵包，保證新鮮，每日只賣200個漢堡，唔會多。老闆同我講每日ard 9:30pm-10pm就會賣晒，最好要10pm前嚟到！店內環境簡約而舒適，今日下晝過嚟都好多人～CHEDDAR CHEESE BEEF BURGER $85Burger好吸引，好香！包皮用牛油烘過，食落好乾爽、好脆，又有牛油香味。美國牛肉扒肉質鮮嫩，多汁，每一口都充滿肉香同油香，仲煎得脆脆地。配上生菜、番茄、洋蔥同小黃瓜，令口感更加豐富，唔會覺得膩。車打芝士溶化得啱啱好，嘗到濃郁嘅奶香同鹹香。SWISS CHEESE BEEF BURGER $85瑞士芝士嘅特點係口感滑順，味道濃烈。Burger一樣配搭住新鮮嘅生菜、番茄、洋蔥同小黃瓜，有種清新嘅感覺。美國牛肉扒同樣煮得好香口，保留左牛肉的鮮嫩。BLACK TRUFFLE FRIES $65薯條外脆內軟，即叫即炸，炸得恰到好處，唔油膩。黑松露醬嘅香味好強烈，而家醬俾得好多，每條薯條都可以沾滿。BANANA SMOOTHIE $35奶昔唔會太甜，香蕉味道濃郁，質地滑順，口感清新，飲得出係用原條香蕉打成。…查看更多