hkfoodie_manfe的个人专页

又係兄弟call食飯系列！潮州打冷啤啤佢就一定啱架啦🍻滷水鵝件 $138餐廳嘅招牌菜～賣相靚仔，鵝肉嫩滑入味！最有驚喜係底下索滿滷水香料味嘅嫩滑鹵豆腐，完全唔同有時出面食到好鞋果種！凍食烏頭魚 $198經典潮州菜🐟涷食烏頭魚油香味更出，配埋普寧豆醬更加食到魚嘅鮮甜潮州炸蠔餅 $95飲酒必嗌！蠔餅酥脆非常有蠔嘅鮮味，好快就成碟清曬～避風塘炒大硯 $110避風塘風味真係炒乜都正🍺金蒜香辣酥脆加埋大蜆送酒一流蜜椒一口安格斯$168牛柳粒嫩滑juicy～焦香蜜糖包住曬啲食材非常惹味回頭指數:🧡🧡🧡🧡🧡/5…查看更多

上次食過佢哋嘅梳乎厘之後一直念念不忘，咁啱做嘢去開觀塘即刻就去多次~ 原味梳乎厘配楓糖漿 $98同上次一樣咁好食！今次食原味就係為咗更認真品嘗梳乎厘🥞更加食到佢嘅空氣感同蛋香味～楓糖漿呢啲經典配搭就一定夾架啦！大推石燒澳洲牛頸脊+ 糖心鮑魚配露絲瑪利汁 $268咋咋聲嘅石燒牛頸脊！打卡able～糖心鮑魚焦香得黎入面嫩滑🐂澳洲牛頸脊juicy有油香！牛油果香草醬野菌意大利粉 $148野菌香草醬就係平時青醬嘅味道🥑牛油果令成個醬汁好creamy，黐住曬啲意粉！非常掛汁！海鹽Kiri芝士奶蓋白桃烏龍茶(凍) $20 (跟餐)咸咸哋嘅花香奶蓋～❤️泡沫咖啡(凍) $42同樣有啲玫瑰花乾喺面～多咗一陣香氣回頭指數:🧡🧡🧡🧡🧡/5…查看更多

呢間新派茶樓真係好有創意！佢哋嘅點心係我飲咗咁多年茶都未想像過～龍遊精選燒賣系列 $70🪄咖哩牛肉燒賣🪄星加坡黑胡椒蟹燒賣🪄香辣雞軟骨燒賣🪄梅菜扣肉燒賣🪄大澳蝦醬墨魚燒賣🪄蘇薑馬友鹹魚燒賣總共六款各有特色嘅燒賣！好多款都係結合咗香港地道美食！個人最鍾意就係會爆汁嘅大澳蝦醬墨魚燒賣🦐一口咬落去充滿住蝦醬味而口感又會係少少彈牙酸菜魚鳳眼餃 $38麻辣酸菜魚口味嘅蝦餃，蝦嘅鮮味加埋麻辣好刺激到味蕾！又燒牛肉雙拼腸粉 $35腸粉皮薄得黎夠滑🫖佢哋嘅傳統點心都好有水準准杞螺片燉竹絲雞 $50非常足料嘅燉湯！一打開蓋就好香藥材味，飲落好有雞湯嘅清甜～臘腸膶腸蒸雞飯 $58臘腸同膶腸嘅油香滲曬入飯同雞入面🐔加埋少少甜豉油真係一碟都唔夠喉～拉絲菠蘿包 $38拉絲芝士同甜脆菠蘿皮好夾，好邪惡呀～回頭指數:🧡🧡🧡🧡🧡/5…查看更多

上次食完一直念念不忘佢哋嘅高質天婦羅！於是又黎食了～自選天婦羅定食 $132<鰹魚湯烏冬 配 廣島蠔×4，鰻魚，黑虎蝦>無錯！係四隻天婦羅廣島蠔🦪非常juicy一啖爆汁認真唔夠喉～鰻魚同黑虎蝦都係大大份！太滿足了～自選天婦羅定食 $98<冷酢橘鳥冬 配 穴子，鱚魚，牛肉餅，冬菇>酢橘嘅香味好清新開胃～穴子仲長過隻碟！仲好有油香💯最特別嘅係鱚魚天婦羅～原條白身魚攞去炸！肉質細緻又啖啖肉-雞皮餃子(5隻) $48輕輕炸過帶出雞皮油香，咬落去肉餡會爆汁💦食嘅時候要小心熱呀～回頭指數：🧡🧡🧡🧡🧡/5…查看更多

成日有觀塘翻工嘅朋友話呢間日本餐廳嘅卷物好出色😙呵呵真係無介紹錯喎！紅龍卷 $68忌廉芝士、炸蝦再加吞拿魚喺面🧀Creamy嘅口感再加少少脆口幾過癮～黑龍卷 $58牛油同鰻魚飯卷包住炸蟹柳🥑有油香又有口感層次分明！富士山 $48啲蟹柳絲真係多到成咗山咁！蟹柳絲仲多過啲飯卷🤣大滿足呀帝皇蟹柳天婦羅(2件) $38超大條嘅蟹柳🦀外脆內彈牙～黑豚豬頸肉串燒(2串) $56好juicy嘅燒豬頸肉仲要每舊切到一口size！大推～鹽燒雞中翼(1串) $28鹽去整法再加埋檸檬汁提鮮🔥香脆多汁鹿兒島黑豚荔枝卷串燒(2串) $64一入口係黑豚肉嘅油香！之後係荔枝嘅清甜💯兩樣食材平衡得好好回頭指數:🧡🧡🧡🧡🧡/5…查看更多

觀塘嘅花膠雞米線真係愈來愈多！今次行到去觀濱🌊試一間附近翻工嘅朋友仔都大推嘅小店～藥膳雞鍋米線+溏心蛋(1隻) $77藥膳味都幾濃！雞湯入面有大量羊肚菌，龍眼肉仲有紅棗🐔飲完個人會暖曬～花膠好大塊，雞肉入味唔柴好嫩滑🥚加埋隻日式醬油溏心蛋～送米線啱曬招牌花膠濃湯雞鍋米線+粟米餃(2件) $90招牌雞湯非常清甜，配搭唔同嘅蔬菜感覺好養生～粟米餃金金黃黃同雞湯好夾涼拌墨魚頭 $36墨魚頭好彈牙～底下仲有爽脆青瓜！而且佢仲可以揀唔辣🫶🏻好貼心回頭指數:🧡🧡🧡🧡🧡/5…查看更多

呵呵呵～我哋真係一個月唔食泰國嘢就會囉囉攣🇹🇭今次去咗一間喺德福嘅濃濃泰風小店！香茅鹽燒烏頭 $138兩個人啱啱好嘅份量🐟鹽烤做法鎖住全部肉汁！夾落去魚肉係有汁咇出嚟～泰式香料嘅調味亦都好惹味泰式炒鮮蝦金邊粉 $98上菜時完全被驚喜到！冇諗過會係蛋包炒金邊粉🍳賣相靚仔之餘味道亦都好正宗，唔單止有花生碎仲有一整條蔥仔🥜呢啲細節位唔係每間泰國菜都做到沙嗲串燒(半打) $72雞肉同牛肉各半，即叫即燒幾香口～手打蝦餅 $78呢個作為餐前小食非常之啱～有少少酥炸蟹鉗嘅feel🦐口感彈牙幾有蝦味芒果糯米飯 $45芒果係呂宋芒！糯米飯軟糯度啱啱好而且暖暖哋🥥加埋上面大量嘅甜椰漿～芒果糯米飯就應該要咁樣凍泰式奶茶 $22在地化嘅味道～唔會好似真係泰國果啲咁甜泰國椰青 $58原隻大椰青～回頭指數:🧡🧡🧡🧡🧡/5…查看更多

利東街已經掛滿曬中秋燈飾勁靚呀！🪄睇完就去咗隔離嘅QRE Plaza食一間新開嘅花膠雞米線專門店～花膠濃湯雞米線 $84雞肉鮮甜入味而且極度嫩滑!雞湯非常清甜唔會好油🐔花膠份量適中！米線硬度啱啱好～招牌菜確實有料到！濃雞湯拉麵配腩肉鹵水豬大腸滑牛 $76中式拉麵掛湯能力好好！每一啖都飲到雞湯鮮味～加埋腩肉？!🍜係有啲似日式嘅雞白湯拉麵！！正(加配)燒椒松花皮蛋 $18擺盤精美嘅小食～好啱送麵(加配)秘制雞翼2隻 $14輕輕炸過令雞皮脆卜卜鎖住啲肉，佢哋嘅雞類餐點真心整得好食！🍗回頭指數:🧡🧡🧡🧡🧡/5…查看更多

今次介紹嘅係一間深水埗嘅老字號糖水鋪！主打港式+台式嘅甜品🍨佢哋嘅嘅鋪頭就喺西九龍中心附近～啱啱拍拖果陣每次行完西九一定會去食埋呢間糖水先走！咁耐無食係咪仲keep到個水準呢⁉️貴妃楊枝甘露配$39佢哋嘅芋圓同地瓜圓係整得好好！煙靭得黎好有芋頭同蕃薯味🍠一定係必點架啦～而作為港式老字號糖水鋪佢哋嘅楊枝甘露都係一樣咁出色🥭芒果好鮮甜，配上酸酸甜甜嘅柚子非常消暑！港式同台式嘅甜品係無諗過咁夾～只能講係必點呢啲充滿住地道香港味嘅鋪頭已經買少見少，食佢哋嘅高質糖水嘅同時，其實都係食一份情懷同回憶～回頭指數:🧡🧡🧡🧡/5…查看更多

放假+海景下午茶=完美嘅拍拖日？!Harour Afternoon Tea For 2 $288首先最底嘅係香炸越南蝦春卷, 日式吉列炸蠔, 柑橘沙樂美腸卷炸春卷同炸蠔都係即叫炸熱辣辣！炸蠔幾肥美而春卷入邊塞滿咗鮮甜蝦膠🦪柑橘沙樂美腸卷酸甜有威香，啱啱好中和翻炸物嘅油膩，係有用心嘅配搭！中層有無花果怕爾馬火腿, 煙三文魚花卷Parma Ham配無花果嘅經典食法🥩鹹香同清甜同時喺口入面爆發，好喘送酒～煙三文魚花卷放喺餅乾上面賣相亦都非常吸引！最上層就係二款精選是日甜品：當日嘅是日甜品就係士多啤梨慕絲蛋糕, 檸檬撻, 朱古力撻🍫 朱古力撻最出色！有生朱古力嘅口感同味道～餐廳嘅落地玻璃可以睇到曬北角嘅海濱，望住咁食真係好chill～回頭指數:🧡🧡🧡🧡🧡/5…查看更多

東南亞菜黎講泰國菜我哋真係成日食(就黎一星期一次)🤣今次就轉下口味試下馬來西亞南洋菜！招牌海鮮叻沙滲滲 $72摻摻真係第一次食！就係油麵溝米粉，粗+幼口感非常特別🍜湯底有濃郁椰奶香仲有海鮮嘅鮮甜！摻摻麵都幾掛湯，成件事好夾～越北熟肉湯河粉 $69湯底望落清清定，飲落先知係牛骨湯味🐂仲有蕃茄嘅甜味！牛肉份量多仲有魚片頭同豆卜做配菜～好滿足！香茅雞翼(3隻) $20雞翼炸到脆卜卜～咬落去成個口即刻充滿香茅香味，唔錯！奶油酥餅 $18南洋版嘅西多士🫓啱曬做餐前小食～…查看更多

九龍灣德福food count既野食都幾多元化，呢間台式嘢算係food court入面數一數二經營得最耐既其中一間餐廳～鹵水雞翼肉燥飯 $68台式便當既味道🫢雞翼滷得入味，其實都唔細隻🤪 簡簡單單既好味道～香酥大雞扒麵 $70大雞扒係即叫即炸🔥好厚身好多肉汁！雞扒個味粉亦都好惹味～而個面係煙煙靭靭嘅刀削面底🍜味道就係紅燒牛肉麵咁～鹽酥魷魚鬚 $29同樣係即叫即炸！炸粉唔會厚，食落外酥內嫩～荔枝紅茶&青蘋果綠茶 (各跟餐加$12)回頭指數:🧡🧡🧡🧡/5…查看更多

日頭嘅廟街相對無咁熱鬧，但一樣都係有咁多好嘢食！今次試嘅茶樓直頭係由朝開到凌晨🫶🏻精神呀！紅油抄手 $28佢啲餛飩係有成個五蚊咁大🔥而個醬汁唔會太辣仲提起咗餛飩嘅鮮味～蝦多士 $32即叫即炸，入面係魷魚蝦滑，多咗煙靭嘅口感潮州蒸粉果 $22都係飲茶必點，粉皮厚度啱啱好肉餡調味亦都唔錯～馬拉糕 $22鬆軟得嚟好有奶香🥛即叫即蒸特別好食!！必點鮮蝦菜苗餃 $29想講呢間茶樓嘅鮮蝦類點心非常出色！蝦肉多仲係有肉汁，每一粒菜苗餃都好飽滿脆皮鮮蝦腸 $35又係蝦多過腸粉，啱啱炸起好似食緊巨大蝦天婦羅咁🍤食落外脆內juicy！回頭指數:🧡🧡🧡🧡🧡/5📍幸運茶點點心佐敦廟街239號地下D及E號舖…查看更多

啲人成日話金巴利街=香港小韓國🇰🇷真係一啲都無講錯～成條街都係韓國餐廳同小超市！今次就試咗間人氣韓國餐廳，環境好有韓國小店feel🫶🏻排咗半個鐘先食到㗎！一坐低就會有三道韓式小菜，少少辣同爽口幾開胃～魚糕塘湯 $298食材擺盤好靚，打卡一流！魚糕有兩款，有魚糕片同魚糕棒🐟青口都有兩款!大青口厚肉細青口鮮甜、鍋入面仲有好多唔同配料！好似蘿蔔、菇、翠玉瓜、洋蔥、八瓜魚呢類食材會入曬味🥘湯底本身有韓式辣醬，滾一滾之會有蔬菜同海鮮嘅鮮甜！用嚟送飯勁正花蛤大醬鍋 $103大醬湯送白飯又係超正～花蛤嘅鮮甜令大醬嘅咸香更有層次！韓式石頭飯(牛) $120食韓國菜비빔밥一定係必食！配菜好正宗～就係蔬菜、牛肉、雞蛋同韓式辣醬🍚加埋石頭鍋先有嘅飯焦，真係無得鬥氣🔥必點！Cass啤酒$68Cass啤酒杯好靚～🍻餐廳仲有好多款韓國馬格利酒揀回頭指數:🧡🧡🧡🧡🧡/5…查看更多

雞駅不嬲喺觀塘勁出名🔥成日都排曬長龍～近排佢開多咗分店分散咗人流終於試到！招牌花膠雞米線 $76雞湯非常清甜無乜雞油喺面🐔花膠起碼有成五大塊，雞肉入味唔柴好嫩滑！米線硬度適中～招牌菜確實有料到！胡椒豬肚雞米線 $68胡椒豬肚湯胡椒味好夠辣辣哋🔥之後就會感受到雞湯嘅清甜～豬肚同雞份量都好足！滿滿的protein!!金磚豆腐 $42非常之有驚喜！冇諗過食米線嘅舖頭有整得咁好嘅椒鹽豆腐💯應該係即叫即炸，因為都等咗一陣～外脆內嫩，出面嘅椒鹽仲好惹味！必點！麻藥蛋 $28韓式嘅醬油溏心蛋～送米線唔錯回頭指數:🧡🧡🧡🧡🧡/5…查看更多