cs_cpyac的个人专页

相信好多人都知道呢間人氣餃子店😬次次見到要排長龍都令我卻步😅難得今晚早少少去排，等左唔係好耐就入到去😆今次試完終於知點解成日都大排長龍😋值得Encore😝1. 椰菜鮮肉餃拼韭菜鮮肉餃 (7隻雙拼$41)椰子海帶鮮雞豬骨濃湯真材實料, 淡淡椰子香味，香甜清潤😋餃子好大隻，隻隻爆涵🤩椰菜豬肉清甜多汁，韭菜鮮肉新鮮無渣，一定要落埋惹味菜圃🤤2. 香菇鮮肉餃邪惡金沙餃 ($62)咸蛋黃鋪滿哂係面😚好邪惡但好好味😋點少少醋絕配😎煎到個底好脆😬3. 涼拌皮蛋 ($22)粉紅色嘅紫薑，配上皮蛋上菜時好搶眼🤩，個汁甜甜地，紫薑同皮蛋點少少汁，一啖放入口，幾個層次好好味😋4. 清熱潤喉羅漢果甘草茶 ($12/支)羅漢果味好重，加埋甘草，入口好濃味，每啖飲完口裏都有回甘味，食多幾隻煎餃都唔怕熱氣😎#太子美食 #豐信餃子店 #香港餃子 #餃子 #香港水餃 #香港必吃 #旺角美食 #香港探店 #香港生活 #香港打卡#香港旅游攻略 #食在香港 #香港探店 #香港美食 #hkfoodie #foodiehk #kongchufoodie…查看更多

雖然已經十月，但日日都三十幾度，條街鬼咁熱🥵行到攰有咩好得過食個消暑嘅甜品吖😆去開尖沙咀，有朋友話有間新開冇耐嘅甜品鋪龍糖坊嘅楊枝甘露冰好正，緊係要試下啦🤩 1. 楊枝甘露雪花冰 （單人版$78）叫左個單人版，但都勁大碗，勁多芒果🥭芒果大大粒，覆蓋哂成碗楊技甘露冰，配埋唔同嘅生果同埋啲cream，份量真係無得輸👍🏻芒果粒粒都好甜🥭🤩每啖芒果連冰食真係消暑最佳享受😋2. 鮮芒甜椰 （$72）另一個都係芒果🥭甜品，一個椰皇殼裏面有椰汁糕，底層係透明嘅椰子味啫哩，清甜可口，一流👍🏻下次經過再試其他甜品😋👍🏻…查看更多

一向好鍾意食海南雞飯，呢間新馬菜餐廳開咗幾間分店，今次終於開到嚟新界區😚見網上評語出咗名抵食夾大份，款式又多🤩今餐又去食雞喇🐔1. 海南雞雙拼煎鹹魚肉餅飯 （$67）呢間餐廳嘅海南雞飯比一般嘅餐廳配搭選擇多，例如今次呢款海南雞飯就配左比較少見嘅煎鹹魚肉餅😆餸嘅份量非常充足，本身仲有半隻蛋同開胃配菜，性價比非常高👍🏻主角海南雞今次係雞胸同雞翼，雞非常滑唔鞋😋鹹魚肉餅送飯一流，飯可以跟油飯或者白飯，睇自己口味啦🤓2. 古法滷水慢煮元蹄（$62）慢煮元蹄嘅豬皮滑捋捋，豬肉炆得夠淋，入哂滷水味🤤元蹄份量佔左半隻碟，好似叫左個小菜咁😅滿足🤗每個套餐包埋碗無味精住家湯，飲品就要另加錢，住家湯係木瓜蘿蔔豬展湯，好甜好好飲😋套餐加$22蚊可以有唔同選擇，今次叫左兩款：3. 義順香茅雞中翼（3隻/$22）雞翼嚟嘅時候配左個酸辣汁，但食嗰時雞翼啱啱煎好熱辣辣🔥本身已夠哂味，唔點汁都好好味👍🏻4. 獅城黃金炸蝦餅（4塊/$22）另外仲叫左蝦餅🦐，比平時食開嘅薄身，比較意外佢唔係配酸甜醬，而係沙律醬，蝦餅好彈牙香口唔錯😁套餐飲品特飲加$12叫左椰汁涼粉，同特式飲品加$16美綠恐龍🦖🤭，夏日必飲☀️#粉嶺美食#雞少雞飯 #粉嶺…查看更多

突然好想鋸扒，佐敦呢間懷舊扒房裝修走復古風，好似去返以前90年代咁🤩Menu好多選擇😝牛豬羊雞海鮮都有👍🏻總有一款合口味😋而且性價比高，難怪好旺場，經常都大排長龍🤓 1. 招牌英國威靈頓牛柳 ($238)套餐包左餐湯、麵包同飲品，好抵食🙌🏻可以揀薯條🍟意粉或飯，我地揀左5成熟，外層酥皮牛油超香😻牛柳好軟熟🤤中間仲有塊火腿同有鴨肝醬的蘑菇泥😋係好傳統既做法，非常推薦大家試下呢個威靈頓牛🤩薯條熱辣辣炸起，份量好多😬沙律菜撈左黑醋好開胃😚 2. 英式雜扒 ($178) 配酥皮湯（加$18）酥皮忌廉湯塊酥皮焗得好鬆脆😍撈落忌廉湯索哂D 湯好好味，好飽肚🤭雜扒分別有豬扒、牛扒、羊架、腸仔同煎蛋🍳好豐富👍🏻個番茄汁好配雜扒，好好送飯🤗當中最驚喜嘅係羊架🤩好出色，羊羶味就不會太重，肉質嫩滑😋牛扒豬扒都大大塊，呢個雜扒推薦比大胃王😂#佐敦美食 #牛屋餐廳 #佐敦#hkfoodie #foodiehk #kongchufoodie…查看更多

荃灣一向好多好嘢食，今晚嚟咗間新開業嘅雞煲分店試吓，宜家仲做緊免加一，任飲任食$200有找，好抵食呀🤩1. 至尊雞煲放題 （$178一位/星期一至四）由於唔食得辣，揀咗BB辣，少少辣都好惹味😋雞嘅份量好多，走過油好香口🤤唔夠仲可以添加，鍾意食雞嘅就啱哂啦😬因為見到火鍋料好多選擇，要留肚打邊爐，我哋無加到雞🤓火鍋材料方面，肩胛肥牛片肥瘦適中，滑牛好厚肉，牛味好濃😝鮮蝦雲吞雖然唔大粒，但裡面好大隻蝦，推薦👍🏻魚皮餃好多汁😋蜂巢豆腐、脆響鈴卷同油炸鬼又係必叫，索哂啲湯汁😍Oppa 魚件出面好少見，即係韓式魚糕，估唔到又幾好味😚另外，炸饅頭好有驚喜🤩新鮮炸起外脆內軟，配鍊奶一絕😋飲品方面，羅漢果杞子菊花茶真材實料，打邊爐怕熱氣一定要飲😬除咗汽水，仲有豆漿咖啡奶茶檸檬茶，一定有款啱飲😛#荃灣雞煲 #至尊雲吞麵雞煲 #荃灣#hkfoodie #foodiehk #kongchufoodie…查看更多

AIRSIDE食嘢選擇話多唔多，但好食嘅經常都排哂長龍🫣FOOD COURT又鬼咁多人同唔太好坐，見7樓新開左間新嘅西餐，上到去見環境都幾闊落，樓底夠高，就入去試下喇😬1. 醋漬紅菜頭鮮果沙律馬斯卡芝士泡沫($88)叫左呢個沙律，紅菜頭同啲沙律菜酸酸地好開胃😋撈埋個芝士泡沬、果仁等一齊食，好快就成碟食哂，西瓜🍉好甜，呢個沙律極推薦🤗2. 石燒紐西蘭肉眼扒(8oz) ($128)呢個石燒肉眼扒🐮，塊石嚟到好熱，佢好細心比左個膠圍裙我，驚牛扒太熱會彈到成身油😅而食哂塊扒舊石依然都keep住咁熱👍🏻肉眼8oz好厚，上枱時大約5成熟，想熟啲嘅就切開用石頭燒佢熟啲，好方便😬仲有一塊菠蘿🍍，一碟醬同一樽鹽，簡單食出牛嘅滋味🤤3. 香烤北海道帆立貝配松露南瓜意大利飯 ($148)三大隻帆立貝🦪燒得好香，意大利飯口感煙韌度幾好😋好甜嘅南瓜🎃味配少少松露又係食到唔停得口，份量好足，好飽😝4. 海底椰冰檸檬茶(500mL) ($24)餐牌見到一杯比較少見嘅飲品，海底椰冰嘅檸檬🍋‍🟩茶，原來海底椰同檸檬茶都幾夾，檸檬唔係黃檸檬，係青檸🍋‍🟩嚟，唔酸都幾清新，２４蚊大大杯抵飲😎去開AIRSIDE又多間好坐又幾好味嘅選擇，下次嚟想試下個豬手，見隔離好多人叫同都幾大份，好吸引呢🤩…查看更多

身為港🐷，除左成日食大餐放題火鍋之外，間唔中都要掃下街，搵下啲小食😂今次去開黃埔逛街，上網睇過附近有間專賣煎餅嘅鋪頭，所以特登行過去試下，地鐵站A出口行前兩個街口嘅角落頭地鋪，都易搵😎煎餅款式都唔少，雞、豬、羊、鴨都有，今次叫左烤鴨同羊，都幾大個，所以雖然貴少少，但份量十足，好足料🤩隔住塊玻璃可以睇住佢整個煎餅，落餅漿，加隻蛋同芝麻，煎一陣反轉再落材料，烤鴨、青瓜等😝最特別係會加一塊薄脆係裏面，最後會掃啲醬汁係煎餅，包起就入袋🤓整個過程流暢純熟，煎餅真材實料，果然名不虛傳😋因為煎餅整完都幾大個，可以叫師傅將佢一開二，可以易啲食😚1. 烤鴨煎餅($56)新鮮整好嘅煎餅香噴噴，揀烤鴨因為本身鍾意食北京埔鴨，而呢個烤鴨煎餅都有少少似呢種風味👏🏻煎餅入口都鬆軟而且外面有層蛋，鴨肉份量多都啖啖肉🤤因為煎餅裏面有塊薄脆，增加煎餅嘅口感，仲有青瓜，所以唔會話個煎餅食落會好油膩😋2. 孜然羊肉煎餅($73)至於孜然羊肉煎餅，價錢貴啲，可能因為羊肉本身貴啲🤭落左孜然粉嘅調味，再加左啲香草，即係芫荽啦，食落真係比較重口味，啱哂鍾意食北方濃味嘅朋友🤗總括呢兩款煎餅都落足料，絕對物有所值，食完都唔止係小食，直頭可以當食左一餐飯咁😛3. 老椰子沙冰 4.西瓜沙冰 (各$33)而家日日都三十幾度，食完熱辣辣嘅煎餅，配杯沙冰好正😋好大杯，雖然甜度無得揀，但椰子沙冰都唔係太甜，椰子味濃，都幾清新🥶同西瓜沙冰一樣消暑呀😬不過留意呢間煎餅鋪只做外賣🥡…查看更多

天氣熱最想食泰國菜，今次去開筲箕灣探朋友，佢推薦食呢間泰國餐廳，開左幾間分店😛又幾抵食喎，lunch set選擇都多👍🏻每個set有主食同飲品，跟餐仲可以揀青木瓜沙律或冬蔭功湯(細)，份量都好足，性價比高🙌🏻仲可以加少少錢多份小食，好滿足😬今次就試下佢嘅冬蔭公金邊粉同海南雞lunch set先啦😎1. 特盛冬蔭湯海鮮金邊粉($88)冬蔭公湯底酸辣好開胃，金邊粉夠爽口，索哂d 湯🤤海鮮好足料👍🏻有蝦、原隻扇貝、青口同魷魚，出品同menu幅相一樣咁多餸，鍾意食海鮮會好滿意😋2. 泰式海南雞飯($75)雞肉相當嫩滑，雞嘅份量好多又無骨，咬落啖啖肉😝兩個汁酸酸甜甜少少辣，配番黃油飯唔會太油🤗3. 春卷 (套餐+$18)新鮮炸起，上枱嗰時熱辣辣要攤陣先食到，香脆，最緊要點個酸甜醬食😚4. 菠蘿串燒 ($25)另外叫左個菠蘿串燒，佢唔係平時食開嘅燒菠蘿咁簡單，佢係菠蘿面加左啲調味粉，真係另有一番風味，好有特色😬5. 粒粒菠蘿梳打 6.珍多冰 (特飲+$15)食泰國菜緊係要飲番泰國特飲啦😹粒粒菠蘿核打同珍多冰消暑一流🥶珍多冰椰汁加啫哩條，裏面仲有啲大樹菠蘿肉，好飲👐🏻…查看更多

今次食呢間雞煲🐔好抵食，因為知道近期有優惠可以加雞，兩個人原本半隻，可以加一次半隻雞，食足一隻雞🐔😋1. 麻辣火鍋雞煲放題（$168 星期一四5pm-10pm）佢雞煲款都有10款，仲有兩款豬筒骨煲同兩款烤魚，今次第一次嚟食，所以叫番個微辣至尊麻辣雞煲先😎一隻雞份量好足，雞煲裏面配料惹味，啲🐔入哂味🤤🤓食完隻雞只係上半場，跟住自己加湯就開始火鍋放題，美國肥牛任食，佢張點餐紙上半板嘅都可以免費任叫，已經有哂平時食開火鍋嘅嘢食；炸魚皮好脆，鯇魚⻣腩食幾多都唔厭😋另外想食啲好啲配料或熟食都可以加錢叫，但今次食左成隻雞已經好飽，所以都無另外加嘢食喇👍🏻任飲嘅飲品有汽水啤酒，仲有好多雪到好凍嘅自制樽裝飲品，好似竹䉀茅根，食完雞煲清下熱氣啱哂🙌🏻埋單時因為兩個鐘内食完，每位再減10蚊，又無加一，社交平台follow 仲有得減$5，所以每人只係$153咋，好抵🤩留港消費，其實都唔係好貴，支持下性價比高嘅街坊小店💪🏻💪🏻#大埔墟美食 #銓仔記#hkfoodie #foodiehk #kongchufoodie…查看更多

月尾出左糧食餐好啲，唔想又出到旺角尖沙咀嗰啲食放題，返到大埔墟搵食🤓上網搵放題就出左『滿屋日本料理』有放題又多好評，係正大埔超級城地下就係，所以去試下喇😝😚通常平日一至四食呢啲放題都平啲，如果趕得切５點時段仲再平$10👍🏻不過見佢$298一位食兩個鐘都唔算太貴，所以揀左個A嚟食🥰1. A餐經典雙重大目吞拿魚炮魚刺身海洋盛宴(星期一至四 5:30後 自選兩小時成人$298) 佢呢個A餐其實都有成75種食物嘅選擇😬先講刺身已經有16種，食放題嘅識食緊係食多啲刺身啦 😂三文魚吞拿魚油甘魚帶子好新鮮 🤤另外佢有幾款特式壽司都叫左啲試下，龍蝦膏赤蝦壽司第一次試，蝦膏味都濃👍🏻仲有一款焦糖鵝肝壽司，焦糖鵝肝好香口，鵝肝入口即溶唔會好漏好味 😋仲有其他平時少見嘅嘢食「黑松露鮑魚魚生撻」「蝦蝦吞拿魚他他杯」都有趣 ，尤其係個他他杯裏面啲吞拿魚蓉好滿足😝熱食方面「爆炒鱔球」好多鱔片即炒，「豉椒炒蜆」啲蜆都多同無沙🤩「竹笙瑤柱蟹肉魚翅羹」同出面去飲啲翅一樣足料，估唔到呢🤗仲有BB乳鴿🦆其他燒物，牛舌、羊鞍嗰啲都正常發揮 ，每樣叫一串都已經食到好飽👻而呢次放題原來係有榴槤食嘅，有兩款：『馬來西亞烤榴槤』同『貓山王榴槤炸彈』，鍾意食榴槤嘅都知烤熱嘅榴槤會更香，但因為都飽所以今次只係叫左一件，超好味😝而榴槤炸彈熱辣辣都係必食👍🏻飲品汽水啤酒好多選擇，甜品雪糕種類好多，諗到嘅都有，如果下次係大埔想食放題，一定要試呢間滿屋🙌🏻…查看更多

成日聽朋友講醬油蟹好鮮甜，去韓國必食😎但一直都唔敢試，今次去咗朋友介紹呢間BINGO N COOK 既醬油蟹放題😬除左醬油蟹，仲有其他熟食任食任飲🤗餐廳環境裝修好有心機，好似置身於韓國大排檔🥰1. 醬油蟹放題 （雄蟹$298/雌蟹$348）放題套餐包咗一小時內無限追加雄蟹、炸雞、排骨湯、腸仔年糕串同罐裝飲品😬要注意只有第一碟係有蟹蓋🫢雌蟹勁多膏好吸引🤩第一次食好有驚喜😋蟹膏同蟹肉一啲都唔腥，夠鮮甜👍🏻送紫菜飯一流🤤炸雞新鮮熱辣辣，皮脆肉嫩😍排骨湯微辣，豬肉味濃🐷一直都鍾意食腸仔年糕串😝呢度可以食返之前韓國食過嘅味道🥹好滿足😆…查看更多

出開旺角朗豪坊行街見到大堂宣傳緊魷魚遊戲，又好耐冇食燒肉，上網一搵發現原來朗豪坊有間主打濟州燒肉嘅食肆開左無耐，就決定去試下🤩個名都簡單直接叫『THE JEJU』，入到裏面氣氛唔錯👍🏻原來佢地係佈置成岩洞嘅設計，牆身類似岩石咁，而每張枱都有一塊大岩石斜放係個爐上面😬因為之前去濟州旅行，去食過啲燒肉鋪都係咁樣，所以知道呢間鋪有料到，而且啲店員有幾個好似真係韓國Oppa，有佢地幫手燒肉，同去左濟州冇分別呢😂B SET 罈子五花肉 450g +石板炒飯 2~3人 ($378)講番正題，枱上除左一塊大岩石之外，佢仲有六格唔同嘅前菜同醬料，今次我地揀左一個２～３人份量嘅燒肉餐，包４５０g嘅罈子五花肉，同一個炒飯😋叫完餐後，佢會開火燒熱塊大岩石先，跟住佢就將一盤泡菜、大菇、菠蘿同一小碗汁放上大岩石嘅下半地方整熱😊當塊岩石燒熱到咁上下，就將五花肉一塊塊咁放上岩石嘅上半部份嚟燒，燒到開始金黃色就會再剪開細細舊，睇住啲肥美嘅五花肉燒到香噴噴真係好開心😆而啲五花肉肥膏同啲肉層次分明，食過黑毛豬都知啲肉燒出嚟唔會油膩但爽口，真係好滿足，４５０g份量唔少，３個人食啱啱好，今次我地２個人食就大滿足😚而佢枱上面仲有張紙教大家『如何享用濟州豬肉』，好細心，跟住佢就可以食出最好嘅效果呢😝食左燒肉一陣，佢就嚟埋個炒飯，未放上岩石上炒之前，啲飯上面有隻煎蛋同一塊芝士🧀佢就將成碟飯連煎蛋同芝士放哂落岩石上面，將蛋同芝士慢慢炒入啲飯裏面，睇住芝士熔係啲飯裏面，之後就可以食喇😍Oppa仲好有心機將啲炒飯炒成『心型』❤️個炒飯熔左啲芝士同蛋係裏面，熱辣辣又好味😋飲品我地叫左，金桔百香果梳打 ($48) 同 芒果沙冰 ($48)，好飲👍🏻想食濟州燒肉嘅朋友，真係好推薦嚟呢度試下呢🤩…查看更多

雞翼放題，對於我呢啲雞翼控一聽到就兩眼發光啦😍中環ＷＩＮＧＭＡＮ出名款式多，緊係去試下啦；放題佢都有３個選擇，任食３款、任食10款同任食超過20款嘅套餐，今次第一次嚟，先揀個任食10款嘅試下先啦😝所有雞翼都係無激素，不含抗生素，食多幾隻都唔怕🤩#Freeflowwings10款口味($188/一位)今次10款口味除左「死神醬」實在驚太辣唔敢食無叫之外，其餘都有試過呢，等我簡單評價下各款口味等大家參考下😝為左保証食到最新鮮熱辣嘅雞翼，我哋食完幾款先再叫下幾款，唔會攤凍佢😽首先叫嘅三款係：⭐️水牛城醬 - 惹味嘅水牛城醬，酸辣開胃，刺激下味蕾先😝⭐️泰式甜酸醬 - 新鮮炸起嘅雞翼配泰式甜酸醬，無敵🤣⭐️黑椒檸檬 - 黑椒味濃，配上檸檬汁相當夾👍🏻熱身完畢後再叫四款：⭐️中式海鮮醬 - 第一次試海鮮醬味嘅雞翼，竟然都夾，而且同咁多款以香炸為主嘅雞翼有點分別，真心推薦😋⭐️加州風情 - 係雞翼上面放上芝士，配上熱辣辣嘅雞翼，芝士邊食邊熔真係好有趣😹⭐️蒙古燒烤 - 有少少辣嘅雞翼，似北方烤雞翼一路烤一路落好多調味粉嗰款，味濃而辣嘅程度都接受到😬⭐️田園風味 - 我覺得呢隻應該係原味，生炸出來嘅味道🤔最後叫埋未試嘅兩種口味:⭐️咖啡燒烤醬 - 比較新奇嘅口味，面有少少咖啡味，而咖啡嘅少少燶味又同燒烤出嚟嘅雞翼夾到，神奇😛⭐️紐澳良香粉 - 呢款係有少少辣嘅香粉，再配上青檸汁，同黑椒檸檬有少少相似，唔太辣😚仲有每個月會有不同期間限定嘅口味供應，今個月就係『西貢風味』，可惜已經太飽無叫到呢！🤭飲品方面，10款口味嘅就包唔同口味嘅汽水，同埋另加＄10檸檬荼🍋下次會叫多啲人嚟試下超過20款口味嘅雞翼，到時再同大家介紹下其他口味啦😂😂😂…查看更多

又係時候搵啲性價比高嘅火鍋套餐嚟試下，今次嚟到出名多嘢食嘅創興中心，六樓嘅《淥鼎記》有個無限時食足５個鐘嘅套餐，真係好值得推介俾大家！！😝1. 爵爺套餐 ($378位)《前菜、豪華時令刺身》 （一次性）套餐會先來一個前菜同一盤刺身，今次前菜係一碟雲耳同炸魚片頭，酸酸地微辣開胃😬另外仲有一盤刺身，有三文魚腩、赤蝦、帶子等刺身，好新鮮👍🏻呢兩樣嘢都係嚟一次，為之後大餐揭開序幕🤗《主菜六選一》 （一次性）而套餐有六大不同嘅主菜比大先選擇，包括椰子🐔、水煮🐟、烤🐟、酸菜🐟、重慶🐔煲同卜卜蜆，總有一款啱大家口味😛今次就叫左平時比較少食嘅卜卜蜆；『蒜香卜卜貝』，一來成盤蜆，中間好大舊牛油同好多蒜泥，好香，啲蜆睇住佢慢慢煮，每隻蜆都好大隻慢慢打開，好快就食得😋啲蜆隻隻都鮮甜無沙👍🏻《火鍋湯底六選一》當食完主菜之後就開始火鍋放題，同主菜一樣有六款唔同嘅湯底可以揀，而呢六款裏面有啲都係平時出面少見嘅款🤔豬骨鍋、花膠鍋、胡椒豬肚雞鍋呢三款比較常見，另外鴨血麻辣鍋、八寶冬瓜鍋同龍蝦頭海皇海鮮鍋🤩龍蝦頭海皇海鮮湯就少見喇，睇相見到咁大個龍蝦頭，即試啦😍《豪華海鮮拼盤》 （一次性）揀好湯底佢就會扲兩樣主題火鍋配料上枱，先嚟係一海鮮拼盤🤗鮑魚、大扇貝、廣島蠔、大蜆等等全部都排得好靚，頭先叫龍蝦頭嘅湯底真係好啱呢啲海鮮🤩《頂級手切牛拼盤》 （一次性）另外仲有一盤排得好靚嘅手切牛，每塊入口即溶真係無得頂😋另外任食５個鐘裏面仲有好唔同食材可以叫，牛有三款安格斯肥牛、牛板翼同每晚一款指定嘅牛；豬、羊、雞唔少得啦👍🏻要推介佢嘅手打丸，蝦丸超爽又彈牙，墨魚丸我食左半打😂海鮮方面廣島蠔大大隻任食🤓我最愛嘅脆骨腩我都係咁叫未停過，大癲😋👍🏻其實都仲未講埋佢出面嘅自助吧，唔同嘅火鍋食材，同唔同款式嘅蔬菜比大家選擇，飲品啤酒汽水任飲，仲有西瓜同其他生果比大家拎去食😋甜品方面，每人都有一杯Haagen-Dazs，真係大滿足呀🤩🤤連埋加一每人４百蚊左右，食足５個鐘，連埋主菜同任食火鍋，其實食左兩個大餐，食物質素高，約埋成班朋友的話吹水成晚真係抵到爛，性價比真係超高🤗…查看更多

好耐冇食過串燒，早幾日係沙田嘅一田掃完貨，行到好攰😰經過新城巿三期嘅「小野人燒烤」串燒店，見佢串燒好多選擇，就決定入去試試🤩由於肚餓，所以主要選擇肉類為主😂佢肉類選擇好多，豬、牛、羊、雞樣樣齊👍🏻🐮方面叫左：烤厚切牛舌芯（$56）牛舌真係好厚，爽口滿足😬金正菇牛五花肉卷（$28/串）一串三件食到飽，份量十足，牛同金菇一向都係絕配🤗🐷就叫左以下兩樣嘢：Ｑ彈小豬頸肉（$28/串）台灣小香腸（$18/串）豬頸肉都厚，佢上嘅時候原來配左酸酸地嘅汁好開胃😋小香腸呢，就正常發揮台灣腸😂🐔都叫左兩樣嘢：烤雞軟骨（$16/串）小野人燒雞翼（$28/兩隻）去食串燒必叫嘅雞軟骨，爽口🤤燒雞翼好好味，唔會好似其他地方燒到好乾，雞翼裏面有汁好惹味，推薦😎除左肉，仲叫左幾樣海鮮嘢：蒜蓉烤新鮮生蠔（$36/隻）烤花枝墨魚丸（$28/串）Ｑ彈墨魚串（$18/串）店員推介，同見隔離枱人地叫嘅烤生蠔好大隻，所以叫左兩隻試下🤓呢個真心推介，隻蠔大大隻，嚟嘅時候熱辣辣，蒜蓉味濃，超好味😝墨魚丸都係個人最愛😂另外Ｑ彈墨魚串，同上面嘅Ｑ彈豬頸肉一樣係配左個酸酸地嘅汁，墨魚好彈牙同個汁好夾😋另外仲叫左兩樣小食：烤新鮮李姐臭豆腐（$16/件）夏威夷烤菠蘿（$21/串）好耐冇食過臭豆腐，今次呢件臭豆腐好實淨，面頭有一層有七味粉辣辣地惹味👍🏻佢仲配左泰式甜酸醬點臭豆腐🤗最後食番塊燒到好甜嘅菠蘿好完滿😋飲品方面：元氣森林水果茶（凍）（$48/杯）好大杯嘅水果茶，叫左微甜，好多生果，食咁多熱氣嘢又唔想食汽水，飲杯凍嘅水果茶都健康啲。小野人滿杯菠蘿（凍）（$38/杯）呢杯係菠蘿沙冰，都係微甜，燒暑解喝。總括嚟講，今次呢餐串燒都好滿足，串燒種類都多，值得一試呀😎…查看更多