samcshui的个人专页

以前食過一次印象OK，今日行過諗住食個午餐，發現可能已經轉左手。是旦啦，坐低係壽司檯叫左個12貫壽司定食。然後，等，等，等，等左幾乎半個鐘，除左杯茶乜都無黎，望住師傅叔叔，佢又好似好忙好努力，樓面姨姨又好緊張甘行出行入，但就係食物始終出得好慢，服務亦幾乎等於無。過多陣姨姨可能發現我面已經黑過檯面，先急急跟跟單然後手忙腳亂攞左份壽司黎，咦，得十件，唉，是旦啦，照食，難食未算，比超市外賣好少少咁多多。食左陣，定食的其他野無跟住黎，例如沙律呀麵鼓湯呀同埋個餐牌自己寫住有兩件剌身添，之後仲應該有甜品同餐飲，太忙漏左? 望下姨姨，佢繼續好緊張好忙甘係我身邊行出行入，又睇唔明佢忙左乜出黎，唯有揚手問佢個餐係咪仲有配菜未上，佢慌失失話係既，然後，等，等，等，等左一輪，佢攞左碗仔沙律黎，係，得碗仔沙律黎。心死，食物又唔係好，服務又完全唔識做，同佢磨落去都係同歸於盡，再揚手叫埋單算啦，188大元，十件壽司兩口沙律吽左大半個鐘。我知道世道艱難，搵食不易，但係唔識做個行就真係未學識就蝕到入骨都未天光個喎，何必呢? …查看更多