bee90124的個人專頁

6月1日晚上十點近收鋪時段，我女友被某職員淋到成個袋都係醬油。開頭我同女友都無留意到，直到有位職員突然行過黎同我地講“小姐我幫你抹抹後面丫”，我女友擰轉面先知道被淋到。個袋上面個文件夾，同個袋側都係醬油。職員好快幫我地拿溼紙巾抹左文件夾上既醬油漬，講左幾句“唔好意思”後就行番開。個文件夾，唔好彩，係外國買的手信又是皮做的，吸左d漬，吸左d味，即時抹走，無乜大問題，我諗。個袋，如果唔係我地自己檢查後發現原來側邊全都係醬油，我諗我女友一拿上身就會成身都中招! 不過好彩既係佢係淋落個袋到，唔係淋落我女友個身到。由於職員求其抹左兩抹個文件夾就走左，我地只好拿曬枱面既溼紙巾自行清理。係呢幾分鐘清理既過程，期間有其他職員行過，亦有其他職員拿住收拾中的碗碟繼續係我地側邊行出行入，不過無一個人行埋黎幫我地。分店經理亦一次都無出過面，我甚至得唔到一句誠懇既道歉。後來我問番最初幫手的女職員發生咩事，佢話可能係有同事拿住污漕碗碟行過我地位時濺到的。我問佢幾時發生，同邊位同事做的。佢話事發時比較繁忙，無留意到。我同佢講話依家已經係收鋪時段，我地周圍既枱亦都空得七七八八，究竟有幾繁忙邊度繁忙呢?佢啞口無言答我唔到，不過佢亦有歉意。所以我亦都唔追問，只係叫佢比公司電話我去投訴。位職員最後找左其他同事傾，我亦都等唔落去，直接去左counter埋單，而經理原來就係果度。呢個時候經理先出第一句聲講 “係，先生有咩幫到你呢”我問佢你知發生咩事架可?佢話係，知道。呢刻亦都係我一肚氣既開始。唔單止係因為佢明知道佢既職員整到客人，一句道歉都無，仲要第一句就反問番“你有咩野幫到你”。最令我唔滿意既係佢之後既態度，佢根本就覺得自己無錯，甚至個客投訴只係個客既問題。接下來，佢都係瞪大對眼，個頭呈45度角，微仰，嘴角向上，望住你用一個好不屑既態度來回應。我女友問佢，點解你地整到個客，但係一句道歉都無?佢一邊頭點點，一邊施施然好快咁講“係，真係好對唔住”。不過佢頭部既動作同咀臉，我唔單止感受唔到一絲歉意，我甚至覺得係帶挑釁性。潛台詞根本就係”係丫，濺到你，對唔住“囉”，咁點丫”果一種感覺。我地問佢，咁要同公司投訴可以聯絡邊度?佢就話我就係經理，你一係同我投訴，一係留低電話找人聯絡你。咁我問，你地無公司總部電話咩?佢話“無架，我地係丸十囉”。之後係前台隨手拿左張餐廳卡片話，“拿，電話就係得呢個架姐”。卡片上既電話，我相信係鋪頭既電話號碼，即係明玩我地。我再問佢一次知唔知係邊位職員同埋幾時發生? 佢話唔清楚，唔知道。佢亦都話係佢發現到我女友身後個袋染有醬油，最初係佢叫職員黎幫我地抹既。黎到呢度我先知道原來佢一直知情，不過佢一直唔出聲，佢係叫個職員黎“幫”我地抹，但係直至我地埋單質問佢之前都無出過黎道歉同幫手。我同佢講話，依家唔係你地“幫“我地抹野。我唔係因為自己既問題而污漕。清理唔係你地提供既服務，而係你地既錯濺到我地既隨身物都係污汁，呢樣係要清理番你地自己做成既錯!你地走埋黎，唔係同我講“小姐我幫你抹抹身後丫”，而係應該立即道歉再解釋事件，然後清理。 更何況你地只係隨便抹抹就以為搞掂，根本無用心檢查究竟清理做好就走左去，結果都係要我地自己抹自己清!結果講完，佢繼續用佢果不屑既口臉講，係，係我地錯。就無了。佢個嘴臉，只係差在佢未講埋佢句潛台詞“咁點丫”出黎。由頭到尾我地無要求過乜野，我只係希望污漬得到適當既處理，事件既解釋同真誠既道歉。結果到頭來樣樣都做唔到，個經理仲要黑我臉，乜野道理黎?最後我留低左電話，亦都抄低果位不知所謂既劉姓經理名宇。我覺得餐廳食物唔差，價錢合理，其他職員帶位落單亦沒有問題。小職員唔識處理突發事件，呢樣可以學，可以改。客人張枱係走廊位，但係職員拿住污漕掂行掂過，一d小心既意識都無，結果真係整到個客，咁都算。但係個經理唔張客人放在眼內，簡直係令我嬲到爆炸! 佢，作為經理係絕對唔合格的。我同佢講張枱既位置問題，佢亦都係哦左我一聲就算，完全無一絲會改既態度。我，作為客人，今次事件唔單止令我心情無啦啦跌到落谷底，亦都令到我間餐廳既感覺變得好負面，亦唔明點解要隨便找個唔合格既人做餐廳經理。…查看更多

豬串燒專門好少見，估唔到好正! 食物好掂，但唔知點解星期日6點零直到食完7點左右都一個人都無，結果包左場咁既款。前後Order左2round，每一round食物到齊後職員會提提到齊，加分。串燒平均每款約35左右，但係order要2串起。只有煮物先可以逐串order。酒水價錢合理。同埋埋單後係鋪出面見到hsbc信用卡原來有9折，但即使我係用果張卡埋單，職員都無主動同我講，亦都無比番張單我，所以我都唔知最後有無折到。…查看更多

跟朋友在廟街食飯聚會後正想找下場之際見到有位大嬸派傳單無錯，傳單上的圖片是很吸引但到了鋪頭又另一回事．．．因為性價比實在太不合理!老實講，其實今次的主要目標都是火焰雪山叫了一個1份量+2人份的share食1人份量的都OK..4X元可接受,但份量也是偏細的2人份的根本只比1人份的大少少但賣的價錢卻是Double火焰雪山唔會難食得去邊大家都係期待佢燒既興奮但係燒左1.5秒都無就熄滅左酒香燒蛋白既香一丁點兒都嗅不到...最後叫多個布丁+冰冰..都比市價貴10元左右食物質素是OK的但實在不值這個價大家一致認為與其比13X食個3人份量但少得可憐的火焰雪山倒不如到洲際比220蚊食個酒店級的超巨型雪山..順帶一提雖然在餐牌後見到MOVEN PICK的字樣..但完全找不到有甜品是注明用MOVEN PICK的..全部都是DRYERS..真奇怪晚飯後的時段人很多, 明白想我地快d走哥哥仔都好有禮貌算係咁啦價錢大眾化一點的話會經常幫襯但依家應該不會再去了…查看更多

１５元一串牛柳串燒只有２啖是可以吃落口的其餘一半的都是筋，連咬也咬不開而且從筋中帶有點粉紅色血水來看，看得出是根本燒不熟某些牛肉燒半生熟不是問題，但這些真是見到都怕！最後有一半是丟了！最不知所謂係看店的那位人士落Order時跟他講：唔該，佢即時回應一句：講野之後拿串牛柳時本身往他的右手邊拿，果位哥哥竟然特登係左邊比，仲要加多聲：hi聽完真係O左咀＋無名火起！完全無尊重過客人！不過個老闆幾好客但有得炒既真係要炒左個O靚仔！（除非佢係老闆個仔！）…查看更多

其實近四百元已經是酒店級的晚餐自助餐價錢了只看價錢的話四百元一個Brunch是很貴很貴不過，諗深一層，四百元可以吃到這個質素的爐端燒是很抵的大部Waiter的服務質素都很好要落單很快有人跟進只是其中有位女侍應經常心在不焉、經常落單有甩漏而已400元的價錢共包一人一份的前菜及刺身拼盤、任食的燒物、炸物、數款甜品及飲品包括汽水＆生啤等汁煮鮑魚 (凍)　冰凍而有彈性，是開胃菜之選刺身拼盤　很新鮮的吞拿魚腩！可惜不能任吃M6和牛牛柳　雖然屬於推介之一，但始終油脂不夠，外層比較鞋口　比想像中差了一點，只點了２次，第２次的中間燒得比較嫩珍寶大蝦　手掌大的SIZE、零售最少也3~40元一隻 是回本的必吃之選　燒得剛好、多汁而易拆鵝肝　比較淡味的　但是配上附加的醬汁就剛好！吉列廣島蠔　很大隻～炸完仍然很多汁豬柳　麻麻地。。不太好吃、肥肉太多但很乾身牛舌　內裡只是剛熟、嫩口重牛味　原條上，正！銀雪魚、鰻魚　肥美　回本好吃之選～！銀雪是ENCORE之選！鯖魚、三文魚　鯖魚燒得剛好，不過略咸～鹽有點多了　三文魚較乾身～但可接受原條燒魷魚　好睇之選　味道一般但不會太乾身雞軟骨、雞翼　串燒之選～好吃　雞翼已拆成單骨、十分方便手卷、卷物　只吃了海膽手卷　海膽頗新鮮，但紫菜就很淋身，可能已放了一段時間翡翠螺、清酒煮蜆、蒜蓉焗青口　螺很新鮮　蜆真的吃到有清酒味　青口用蒜蓉焗原來幾好夾！菜類　基本上每樣試了一份　ＥＮＣＯＲＥ了數次露荀，新鮮多汁甜品－牛奶布甸、抹茶雪糕、柚子啫喱　每樣都是水準之上～尤其是布甸，到最後想ENCORE多幾個已經賣清光了　唯有轉戰雪糕，不過連雪糕都很重牛奶味！正！而且抹茶味不濃不苦、味道正好　柚子啫喱味道清新、但個人不太喜歡酸酸的味道，所以只試了一個而已不夠飽的話也可叫烏冬、炒飯試試每碗細細的味道也不差～不過其實把餐牌上的都叫一遍吃的話也都飽了８成了所以這些等肚子有空位才試吧～～…查看更多

今餐是跟媽媽慶祝母親節的本身想去吃燒肉放題的但媽媽吃得不多~所以轉去散叫~而且肉質素又高點的店同日都見到幾枱母子/母女的吃客應該都是慶祝母親節吧不得不提和幸吧Service是好到沒話說的~十二分滿意因為我們是坐吧枱位~不是太方便媽媽但是侍應都會幫一幫媽媽避免她跌倒淨係呢一點已經係我心目中加爆分了..=D更主動給了一張櫈給我們放袋是日點了:前菜不用點的-_-..強制性媽媽說這廿蚊不抵給XDD蒜味牛小排其實像薄牛肉多一點基本上每一塊可左右分開作兩塊唯一不好的是上面的蔥..一反轉就掉下爐面上了-_-然後就開始會有點燶味燒汁牛肋骨肉要了無骨的那部份很厚肉~啖啖肉啊鹽燒上等厚切牛舌感覺有點鬆散的質感不過都好吃特選黑毛和牛胸腹吃完這個..之前在放題店吃的牛胸腹可以回家了價錢只是$128~不算十分貴但那份入口溶化的感覺實在難忘(雖然媽媽說太油膩~)清酒燒大蜆$54 元有4隻很大隻 配一些牛酒清酒汁煮媽媽也說好吃=D蒜蔥燒花虎蝦看著師傅由拿出來到加上蒜蓉、蔥等$42元一只..媽媽說不抵吃質素也只是跟放題店送的那種差不多試一試無妨但我和媽媽的共識是倒不如叫多碟肉吃其實有隻是$108元一隻的特選大虎蝦好想看看是什麼樣子的..但捨不得叫XP白飯吃燒肉豈能沒白飯10元一碗大大碗~跟媽媽Share不像有些店般收廿元起.冷炭稻庭烏冬49元很特別的黑色烏冬~吃下去跟白色的沒什麼分別但是仍然很滑很好吃的份量略嫌有點少雪糕窩夫烤餅配芝麻雪糕窩夫沒有ucc的好吃但平了一點~所以也可接受的店員幫手燒的但我覺得不夠熱下次都是自己動手好了=d吃這個很皇帝Feel即時有人幫你換新網再有專人幫你燒~哈哈哈梅酒、荔枝汽酒沒有點那些很貴的酒..因為不懂叫只點了一些普通飲品媽媽說梅酒不太好飲而我的荔枝汽酒像汽水多過像酒順帶一提雖然坐的是吧枱位但是有踏腳的位置所以坐得也頗舒服的…查看更多

總括而言在旺角吃一餐放題也要170元 晚場更要貴一點新開場的宮崎價錢也只是差不多~大概200元有燒肉、有刺生、壽司、炸物、鳥冬等等..其實絕對比起其他放題抵食可惜一件事是這裡員工實在十分不專業、經常錯單漏單而且落單亦十分不誠實不但叫4塊來2塊、每次叫牛肉總會配上一大堆沒有叫而已不想吃的牛仔骨實在十分不愉快.今天6:15到達..Walkin還有位但是經理說由於8點已Full 因此只能吃到8點收平我們10元..約168+10%一位而且因為遲~經理很快地拿了大蝦給我們而且幫我們下了一些豬、牛、雞的拼盤當然那只虎蝦的確很巨型即使不是新鮮貨~啖啖肉也是十分不錯的之後隨便點了些壽司、炸物等..有我喜歡的炸軟殼蟹~新鮮炸..要加分過了一段時間..拼盤才來..其實這些拼盤有很多都不是很想吃的..只想吃牛的說海鮮方面..較特別的有海螺..點了2隻也頗好吃可惜沒帶子供應呢其實成晚吃了很少牛肉..因為這店應給的不給 不應給的卻給很多每次點4件牛胸腹、牛舌卻來了半碟牛仔骨、2件牛胸、2牛舌我也奇怪了..因為只有頭一次每款點了一次為什麼每次總有這麼多牛仔骨?原來是店家不老實的問題!別人叫多少來多少 叫什麼來什麼 這才是老實第2個問題是經常錯單、漏單其他枱的問題不說了自己枱的試過來了3碗拉面、炒反、其他壽司卷物等好明顯員工落單有問題而且追單、加單的程序又不清不楚十分混亂第3是換網的問題換網要加錢實在十分不合理網在燒海鮮、雞有皮的肉時等很快就黑了結果一陣"o農味"而且產生很多黑煙即是有抽氣爐亦不夠第4是服務問題經理級的是很好態度的但是樓下落單、執碟的那些則十分不行當晚坐在類似員工/雜物房的則邊其中有人把幾架裝住燒烤網的車往房那邊推其中一架撞在我身上.沒有人理、沒有人道歉因為那些侍應只是隨便把那些車往房那邊推了就算從來沒注意過有沒有撞到客人結果我只好自己把那車網推開 免得阻礙自己用餐另外這裡的爐只是韓式那種爐換上日式網在火力控制方面不太好宮崎以這個價錢有這麼多東西吃無疑是旺角區放題的一個好地方難怪晚上會排隊排到亂曬龍但有人幫襯的同時也要注意服務質素才能長做長有當然MK區放題店再差也是排長龍的不是說在這裡會食到一肚氣但是不會食得開心暢快所以要食燒肉的話我會選擇去CWB和光而不去宮崎…查看更多

今次是第三次到和光了要吃日式燒肉、要有質素、又要任食、又要價錢抵真係非和光莫屬了今次特登食特價時段 星期一至四 6-8點 是$166+10%180左右可算是十分抵在日本幅射影響下~人流好像少了不過都還是陸陸續續有人客人進來而且感覺上肉好像厚了~哈哈哈不過拿出來的時候其實都是雪得頗硬的照規距送了安格斯牛排、刺身、及飲品一杯上一次吃有帶子刺身~每片帶子之間夾著一片檸檬..很鮮甜還有些少檸檬味~很好吃的說可惜今次沒了..另外太子貝變成了原隻帶子..很巨型~Encore了很多次呢肉類方面今次是完全為牛胸腹及牛舌而來第一次ORDER時佢侍應哥哥加大份量本身希望會是一個大大的牛肉拼盤上的~可惜還是分碟上有點失望但還是食得滿足(上一次走前看到有2人的有一個超大的拼盤)醬料方面今次改成給鹽及Pepper了其實只加少少鹽是頗好吃的但是這樣子放在一個格子內是很難點的啊orz中途有侍應拿了罐可樂來我想應該是下錯單於是跟他說沒點到叫他拿走但後來埋單時計計數才知道應該被收多了汽水錢= =可惜當時沒CHECK真單~走了才發覺..有點被厄的應覺..不過下次還會再去的~為了燒肉~哈哈哈!本身想試試MK的新燒肉放題~但是因為那間店換網要+錢的關係所以放棄了~O~…查看更多

看過黑天鵝後尋宵夜~其實如果不是有宵夜特價應該都會進來這店子..因為正價實在太貴了..而且吃過這餐後應覺質素只是麻麻性價比不合呢..至於930後的特價時段都可以吃的~吃了7味菜約150元而已但是服務真是麻麻...至於得獎店嗎...?我覺得不太值得味道很普通..正價亦太貴..份量亦少(當然不知正價是否會大份點)是晚吃了七味菜生牛肉湯河來到的時候牛肉基本上已經熟了九成而且湯也不夠熱札肉雞翼撈檬普通撈檬..軟殼蟹蘋果沙律只有半隻蟹..而且不是新鮮炸的可能沙律就是要這樣吧烤牛肉米紙卷其實我不知道米紙卷是什麼..但吃完後很失望...而且大小&樣貌跟餐牌的樣子差好遠啊...蒜蓉包這個幾好吃..因為是用法包的10元小食頗好甘蔗蝦撈檬這個是全晚最好吃的..很熱的而且只是20元還配檬粉~實在不錯椰汁西米糕甜品~沒什麼特別但是那些葉是用膠紙痴的..ORZ有些膠紙還痴了上糕上面..…查看更多

都是一篇補回的食評MR STEAK是分頭場尾場的頭場是5:15-7:15 尾場是7:15-10:15左右今次是吃5:15的那段 因為尾場已沒位了聽說以前頭場是平一點的 但是現在都是同價而且食物會少一點 例如沒了海膽刺身等感覺..十分不抵呢不過頭場人的確少很多 而且不用排隊我們接近吃完的時候..每一個Counter的隊都十分十分長而且十分嘈吵.所以如果想舒服一點或者安靜地談心的話都是吃頭場吧今次吃MR STEAK是有目的的第一是那個牛奶布丁..個人吃了4個..或更多吧XDD第二是和牛今次只有澳洲燒和牛 但其實我不喜歡那種從一大件牛切一塊下來的那種牛因為總是很乾..這次也不例外 所以也頗失望的說其實應該是有2款和牛的但今次只有水煮和牛..又一失望水煮(辣)的還有吃和牛的意思嗎?其他東西其實沒什麼特別比較好吃的是布丁、鵝肝多士、煙三文魚(但很膩)、巴拿馬火腿配蜜瓜(因為有喜歡的綠肉蜜瓜)、蟹腳(記得拿較剪啊)等刺生方面沒什麼特別..全晚只要了一碟三文魚有些火灸壽司..但實在十分不好吃因為大量製作然後放出來等人拿的因此已經放到有點乾了Cake方面其實我不太喜歡的但適逢生日於是每樣試了一件..但都是吃不下全部 而且還吃飽了自己=_=另外還有即焗心太軟..可要求寫字不過甜品都是麻麻地喜歡而已其他熱食方面都沒什麼特別我想每一個人去的目標都是和牛、蟹腳、生蠔和布丁吧不過小弟不好生蠔、和牛又吃不到喜歡那種煮法感覺去得有點不合時呢!不過吃到很多布丁及蟹腳就算吧不過那裡的布丁很稀如果直接提供Milktop布丁我想會更好XDD每人約300元.其實有點貴 因為食物選擇頗少的但是已經好過很多酒店了…查看更多

在電話中找回來的相片補回一篇在2月頭的食評吧經常被店外那份印有大大個Hamburger的易拉架吸引後來問同學借了張會員卡有半價十二分抵食之下當然要吃啦今次又是即慶即日訂位當然會Book不到位但侍應告之六點前Walk-in還有位的於是拿拿臨出門了!六點三到 大概要七點半交枱都還有時間剩是日叫了一份Ribeye、一份和牛芝士煙肉漢堡、一份小食拼盤(炸芝士、洋蔥圈、蝦、雞翼)、一杯Combo份量特飲由於我要先叫食物卻又是美國餐苦手十分笨豬之下竟叫了六成熟 (不想太熟又怕血水麻..)後來聽另一枱叫餐的時候才知道只有5成及7成難怪當時那個侍應好像有點驚訝吧不過最後上枱是5成熟的..又不太生呢下次上菜希望能夠時間方便計算好一點因為我跟女朋友吃Ribeye的時候..那個漢堡已經冷掉了或者是用有保溫的食物盤也好吧不過我知美國人是不會如此細心的啦..哈哈哈半價後只是380多元..很抵吃質素方面OK吧..但總沒有令人一試難忘的感覺XD…查看更多

平時一直吃飯也會影相留念..但一直都無出過食評每次都是Upload番上Facebook就算了不過今日的起心肝打番篇食評試下一直都有留意開關於燒肉類的食評尋尋覓覓終於給我找到間平靚正而且是網燒的放燒肉放題 (個人不喜歡鐵板那種)原本想去黃埔果間的說可惜即日Book位要入Waitlist結果都是無回覆 之後在Openrice發現CWB那間也有燒題就膽粗粗試下了一問之下接電話的姐姐竟然說還有位 而且6點、8點都有實在太驚喜! 太喜出望外了! 當然即刻留位啦!一入到去 所有牛肉類都叫了一份試試這裡是根據人數決定份量的新單的份量會多一點 (長方碟)加單的份量會少一點 (加單約每人二塊)所以全點牛肉一次也不怕吃不完食物質素很好 附送的牛排、刺身亦有水準三文魚又厚又肥美 赤貝亦沒有腥味!因為時間的關係又要燒給女朋友的關係只是隨便拍幾幅相就算了下次有機會再拍好一點吧(茶今次每種牛都試了一遍其實除了辛辣味的不太喜歡外 其他都可以的但下次應該會主攻牛胸腹及一口牛 5成熟的實在太可口了..哈哈哈哈哈哈豬類只試了芝士豚 其實只是用芝士粉 不過味道也不錯雞類試了各種味道的雞翼及雞軟骨雞翼十分細心地切開了一半 易燒 易熟 易吃 雞軟骨燒熟了很脆口海鮮類吃了蠔、海蝦及帶子生蠔拿來的時間是雪的很硬的不過燒完又頗鮮甜香草海蝦很大隻而且背後界了一刀 方便不用手也吃到呢 所以沒了虎蝦都算吧!帶子比想像中細隻 因為看別人的食評是很大隻的說 可能是錯覺吧其餘試了和牛炒飯和稻庭烏冬因為太飽的關係只是吃了一兩口但是那個炒飯真的要讚新鮮炒起 而且還會逐碗加上紫菜及配料服務水準真的很好8點那段 120分鍾時間提醒時間到的時候亦很有禮貌 完全沒不什麼不快/被趕走的感覺而且經理見枱上尚有未燒的食物還主動來幫忙燒呢Overrun亦沒沒趕走我們..哈哈換網方面很勤力一見網黑了就會很禮貌地提提我們換網而且換得很快 不會阻我們時間呢收碟方面每次都會說一聲＂唔好意思＂全晚聽了幾十句都有點唔好意思添實在太多食物試不完了..肚子已放不下其他東西啦所以留待下次再試其他吧!呢間放題絕對會有下一次啊而且店內有位侍應姐姐頗靚女的說最後一提 店內抽風系統很夠 吃完也不會一身油煙味…查看更多