yung115的个人专页

講到尖沙咀老字號，滬江飯店一定榜上有名。呢間上海菜館已經開咗四十幾年，係好多香港人同遊客嘅集體回憶。每年10月至12月，餐廳都會推出蟹宴套餐，師傅每日花五個鐘人手鮮拆蟹粉蟹膏，保證新鮮，食落去真係香濃又滑口。餐廳環境好闊落，坐得舒服，有大圓枱，無論係家庭聚餐定朋友聚會都好啱。交通亦非常方便，就喺尖沙咀地鐵口附近，對面仲係Isquare，門口有打卡電視牆，行過都好容易搵到。菜式方面真係好有心思，除咗經典大閘蟹，仲有蟹粉小籠包、蟹膏料理等多款自家研製菜式，坊間少有。日本電視台每年都會推介，吸引唔少日本遊客專程過嚟試，足證佢哋嘅蟹宴真係有水準。四十年堅持用好食材，品質保證，滬江飯店嘅蟹宴已經成為香港秋冬必食嘅代表。想同屋企人、朋友一齊享受蟹皇滋味，呢度真係唔可以錯過！…查看更多

今次去咗旺角既Yadllie Plate 食 lunch，首先叫咗兩個set lunch, 兩個 set 都包前菜同韓國清湯，湯底清甜，暖胃得嚟唔會太鹹，幾舒服😌。🥩直火現炙牛肋骨，肉味香濃，幾有層次。🍜辛辣海鮮砂鍋湯麵辣度啱啱好，唔會太搶味，海鮮新鮮，麵條吸晒湯汁，夠味。野飲叫左柚子蜜同草莓乳酸梳打，佢酸酸甜甜，幾解膩🍓🥤。散叫方面都幾有驚喜：芝士蟹子蛋捲滑身，蟹子啖啖脆脆地🧀🦀；香辣芝士八爪魚重超正，店員係我面前整溶啲芝士包住八爪魚，勁正🐙；炸雞半半兩款都炸得香脆，首爾醬油偏甜，黃金蒜香就香口啲🍗🧄。仲有益力多米酒甜甜地，好易入口，唔會太酒精味🍶；最後梗係要食返個蜜瓜雪冰，佢清新唔膩，最驚喜係有成條蜜瓜雪條，啱晒食完清清口🍈❄️。整體嚟講，Yadllie Plate 食物選擇多，味道唔錯，適合朋友聚餐或者想試多幾款韓式小食嘅時候嚟～👍…查看更多

今日去左長沙灣 Yuyu Sushi 食，入到去就覺得環境好舒服，佢既選擇幾多樣化，整體感覺親民又有心思。大蝦天婦羅烏冬🍤🍜，炸蝦外脆內嫩，麵身煙韌，湯底清爽唔會太鹹；而赤蝦三文魚蟹籽丼🐟🦐，海鮮新鮮，食落好滿足。茶碗蒸滑溜足料，入口即化；日本溏心蛋🥚入味，蛋香濃郁；芝士年糕🧀煙韌帶芝士香，幾特別。lunch 仲有味噌湯同沙律🥗，令餐點更完整。餐廳環境乾淨舒服，座位間距算合理，適合同朋友聚餐或者輕鬆食飯。服務態度友善，感覺貼心。整體而言，食物水準穩定，價錢合理，份量足，係一間值得再訪嘅日本餐廳。…查看更多

同屋企人去左Go Park 玩，之後去左貓員外精釀酒館食野飲野，佢算係幾有特色嘅地方，裝修走工業風但唔會太冷冰冰，啲燈光暖暖地，坐得舒服，啱晒同朋友chill下。啤酒選擇多，有啲本地釀製款式，味道幾有驚喜。至於食物，佢哋嘅印度咖哩真係幾有水準，香料味夠但唔會太辣，食落層次分明，配埋香脆嘅烤餅或者白飯都好夾。雞肉煮得入味又唔乾，啱晒配杯清爽啤酒。整體嚟講，係一間可以慢慢坐、慢慢食、慢慢飲嘅地方，唔會太嘈，氣氛舒服。如果你鍾意試新嘢又唔想太花巧，呢度係個唔錯嘅選擇。…查看更多

Geffrin三歲生日，我哋揀咗荃灣Homeland慶祝🎉，餐廳環境舒服🪑，甜品畫花靚到不得了🎨，打卡一流📸，真係有儀式感✨！滋味小食拼盤份量十足🍽️，炸雞塊外脆內嫩，吉列廣島蠔鮮味濃郁🦪，芝士醬薯條香濃邪惡🧀🍟，吉列魚手指唔油膩🐟，啱晒一家大細一齊分享👨‍👩‍👧‍👦。蘭王蛋松露煙腩卡邦尼意粉口感Q彈，煙腩鹹香🥓，松露味唔會太霸道，加埋蘭王蛋真係一絕🥚，味道平衡得好好👌。香煎澳洲M5西冷牛扒煎得啱啱好🥩，肉味濃郁，配菜亦見心思🥔。粒粒菠蘿綠茶清新解膩🍍🍵，食完咁多都唔覺滯😌！開心果奶蓋巴斯克蛋糕係亮點之一，蛋糕綿密，奶蓋香滑🥛，開心果味突出但唔搶戲🌰。重點係個畫花真係靚到唔捨得食🖌️，Geffrin見到勁開心，職員仲即場幫我哋影相📷，送埋相架俾我哋寫心意，真係好貼心💝！除咗食物同服務，餐廳仲有唔少優惠💡：🌞逢星期一至五午市堂食，四人同行一人免費🧑‍🤝‍🧑🧑‍🤝‍🧑🆓，仲免加一，抵食又開心😋；🌙晚市方面，身份證有1、3、6、9嘅朋友仲有折扣📉，最多可享8折🎁，真係有誠意👍！整體嚟講，Homeland係一個集美食🍽️、打卡📸、優惠🎉同溫馨服務💖於一身嘅好地方，絕對值得再訪🔁！…查看更多

滿屋大埔係一間主打日式放題嘅餐廳，食物選擇夠晒多，刺身、壽司、串燒、炸物、甜品樣樣齊 🍣🍤🍰。刺身新鮮，三文魚、油甘魚都切得厚身，入口滑溜唔腥 🐟；壽司款式多，有啲創意壽司都幾有驚喜 。串燒方面，牛舌、雞翼燒得香口，唔會乾柴，配埋啤酒一流 🍢🍺。仲有榴槤亦都不能錯過！甜品區仲有朱古力噴泉 🍫、多款雪糕 🍦、唔同類型甜品 🍮，啱晒唔同人口味。環境方面，啱朋友聚餐 👯‍♂️或者家庭食飯 👨‍👩‍👧‍👦。服務員態度唔錯 👍，而且上菜速度都唔錯，唔會等到傻 ⏱️！…查看更多

去左澳門既葡景軒食野，其中兩款野食，都幾好食！章魚沙拉好清新，章魚切得啱啱好，唔會太厚太韌，口感彈牙但唔難咬。配菜有亦好開胃，酸酸地好正，食完成個胃都醒晒，係嗰種你會想再叫多一份嘅沙拉。炙烤馬介休就比較有層次感，外皮微焦，帶少少煙燻味，入面魚肉鹹香但唔會死鹹，仲保留咗魚本身嘅鮮味。整體味道唔複雜，但好有質感，係嗰種簡單但做得好嘅菜。如果你鍾意葡式野食，呢兩款真係值得一試，葡景軒值得去試！下次去澳門必試…查看更多

今日去左達摩堂食，佢既裝修好有心思。我地今次試左壽喜燒二人前，佢既份量啱啱好，牛肉盛盒肉質鮮嫩🥩，落入甜甜壽喜燒汁入面，香味即刻爆出😋。醬漬螢光魷魚🦑同辣味帶子裙邊都幾好食，明太子雞翼好惹味，稻庭烏冬滑溜🍜，吸晒壽喜燒汁精華，食埋真係岩岩好！飲品方面🥤，荔枝梳打清新解膩，淡雪の莓甜而不膩，啱晒打卡📸好好味。甜品就一定要講下佢個朱古力鏡面蛋糕，上枱前真係儀式感滿滿✨！而且佢個畫花好靚，影相一流📷，味道都唔輸蝕，朱古力香濃但唔會太甜，啱晒鍾意高質甜品嘅人👍。餐廳裝修走日系達摩風🇯🇵，打卡牆仲有達摩神台同許願紙條，感覺好有儀式感。抽達摩小禮品🎁都幾有趣，成個體驗唔止食🍽️，仲有得玩🎉。午市優惠都幾抵💰，成班朋友黎食套餐買四送一就最啱，仲有單點壽喜燒/朴葉燒套餐都有79折📉，整體黎講，達摩堂係一間有心有趣又好食嘅日式餐廳，值得一試！…查看更多

同屋企人去澳門玩，見新馬路，有一間餐廳新開叫葡頌苑，佢主打葡國菜，見環境舒服，裝修有少少歐陸風，坐低就有種慢活感，所以就去試吓！今次試咗佢哋嘅酥皮蘑菇濃湯，酥皮焗得夠脆，湯底香濃但唔會太膩，啱晒秋冬飲。馬介休球外脆內軟，鹹香味夠，唔會太重口，配埋個醬幾好食。葡國雞係招牌之一，雞肉嫩滑，葡汁唔會太稠，帶少少椰香，配飯一流。整體出菜速度唔慢，服務員都幾有禮貌，唔會催你走。適合同屋企人或者朋友嘅聚會，感覺幾舒服！…查看更多

去澳門旅行，朋友極力推薦波爾圖葡撻，話係葡萄牙主廚親手整，用料唔馬虎。去到見到真係有排隊，心諗應該唔錯，就買嚟試下。撻皮真係超酥脆，咬落去有「咔嚓」聲，牛油香好濃但唔會膩，啱晒我呢啲唔鍾意太重口味嘅人。蛋餡用夢王蛋，滑得嚟又夠蛋香，甜度啱啱好，唔會死甜，食完都唔覺滯。藍莓千層蛋撻有啲果香， 藍莓醬不會太酸，配埋蛋餡幾夾，層次感都幾好。波特酒嗰款就有啲驚喜，酒香淡淡地滲出嚟，唔會搶味，反而令成個蛋撻有啲成熟感，幾有風味。總括嚟講，波爾圖葡撻真係有心機做，味道有特色又唔浮誇，值得一試，尤其係鍾意蛋撻但又想試啲新口味嘅人。…查看更多

🎓 阿仔畢業，👨‍👩‍👦爸爸媽媽表示好想同佢去食自助餐，今次去到六國食佢🦞龍蝦、鮑魚、花膠為主題既華麗盛宴自助晚餐！佢有3場表演環節都幾有睇頭：🕕 6:45 🐔有富貴雞，會邀請其他人一齊扑開佢，氣氛一流🍽️同時間仲有堂弄鮑魚鴨掌，師傅即場處理同講解，真係睇得又食得；🔥 到7:15時火焰雪山（單數日子限定）就真係打卡位，勁正！🦞 佢既龍蝦供應量十足，唔驚會拎唔到，又唔洗搶🤣 鮑魚亦都好食，花膠滑溜唔膩口，三款主打都夠晒吸引。🦆 片皮鵝皮脆肉嫩，🧀🍄芝士蘑菇焗蟹蓋香氣十足，🦪炸生蠔外脆內鮮，樣樣都好食！🍣 其他野食都選擇唔少，刺身呢啲一定有，仲有各式各樣既熱盤，🍜麵、🍰甜品、🧇窩夫、🍨雪糕樣樣都有，仲可以加錢飲埋佢個🥤野飲任飲，真係食完呢餐抱住個肚走！可以睇到阿仔成餐試左好多類型既野食！完全好岩佢食！…查看更多

位於銅鑼灣既高知城日式居酒屋，朋友介紹好抵食，所以咁岩今日去銅鑼灣整啲野，順手入去試下！🍽️入到鋪頭，店舖充滿日系裝修，感覺好舒服 。首先揀左醬油漬蘭王葱拖羅蓉丼，濃郁但唔膩，拖羅蓉入口即化，食完只想再嚟多碗 😋。🍜 牛肉烏冬浸喺高知鰹魚醬油湯入面，湯底鮮得嚟唔重口，牛肉嫰滑，烏冬煙韌，超滿足 💯。套餐仲配埋沙律🥗、煙薰卵🥚同味噌湯🍲，煙燻蛋充滿煙燻嘅味道，好香！另加午市有優惠，可以加生蠔🦪都只係 $10，性價比勁高 💸！📅 值得一提既佢依家星期一至六，午市「買四送一」真係抵爆 🎉，一於約齊朋友去試下 👯！…查看更多

君蘭冰室位於朗豪坊地鐵站直達，真係落雨都唔使擔心！而且佢食物選擇夠晒豐富，想坐得舒服，可以揀番冰室既食物，是日快餐、下午茶、晚餐等等。我今次試左佢既爆芝西多士，真係非常之邪惡，芝士控不能錯過！芝士爆多勁吸睛，又好食，而且打卡一流 📸！坐po埋個龍鳳可樂，解膩岩晒！經濟實惠兩餸飯，佢哋每日都新鮮煮十款餸菜，岩哂唔同口味既大家，兩餸飯平靚正，真係仲唔使煩今晚食乜 🍱。我就買埋兩餸飯同三餸飯返屋企食，咁就慳返唔使煮，超方便！仲有唔可以買埋麵包食，我就買埋第二日當早餐！呢一間君蘭冰室真係好方便，完全可以一站式解決一日三餐🤣🤣，超正！…查看更多

今日同Geffrin MegaBox玩完，緊係附近搵下野食，見到有間親子餐廳叫熊小館，咁就一於去試下！🍽️👨‍👧‍👦首先揀左個小熊堡套餐，安格斯漢堡配上特製醬汁，再加埋炸薯，一上枱個漢堡造型夠得意，Geffrin 好開心，已經急不及待想快啲食了！🍔🍟另外我地叫左鐵板肉眼扒，個鐵板上枱時熱辣辣🔥，黑椒汁幾惹味，生熟程度煎得都不錯，有驚喜！🥩✨而意大利鮮蕃茄肉丸意粉蕃茄醬偏清新，肉丸扎實唔鬆散，味道幾好！🍝🍅Geffrin 食飽時，又可以去餐廳既玩具corner玩下🧸，真係唔怕悶！🎈我見有包房舒服，坐得又鬆動，講嘢唔怕嘈住隔離枱，氣氛夠自在，真係有小型聚會一流！🥳🎊…查看更多

同屋企人去左荃灣燒烤堂食串燒燒烤，選擇有好多！🔥🍢首先係雞類串燒方面，三黃雞腿肉鹽燒得香口🐓，肉嫩多汁；赤雞頸肉帶少少咬口，咬落好香；麻辣雞心夠惹味🌶️；雞氣管煙韌又有汁，免治雞軟骨棒加上月見蛋更滑口🥚；雞皮鹽燒後脆脆地，唔會太油膩；雞腎都洗得乾淨，爽口無腥。牛同海鮮類，牛舌厚切唔韌🐮，咬落多汁有肉味🤤；和牛棒配松露飯相當滋味🍚，一口一啖幸福感💖；蟹肉芝士最中餅外脆內軟🦀🧀，芝士味香濃。飯包類同飲品，鰻魚炒飯香氣十足；檸蜜牛油包甜而唔膩🍋🧈，香草蒜蓉包鬆化有層次🌿🧄；飲品方面，乳酸系列清爽解膩🍓🍍🥤。整體感覺，燒烤堂串燒火喉控制得好🔥，品質有保證👍！…查看更多