copperlui0214的个人专页

呢日去完改車展已經9點，你啲時間就係最難諗食乜嘢，唔係就快收工，就係一啲燒烤啤酒嘅舖頭，我哋唔飲酒又覺得熱氣得嚟又冇癮，於是男人搵到Amuse就帶我去💖遠遠望到佢棵聖誕樹已經覺得好靚好有feel，嗰個鐘數成條街得佢一間舖開咗，所以特別顯眼✨舖頭裝修有啲工業風加波希米亞風，個晚都有啲凍，但係入到去個感覺好似一個好warm嘅客廳感覺，位唔多但係位置寬敞，坐得好舒服，佢係一間半吧半餐廳(bar & restaurant)嘅鋪頭。個Waitress好好禮貌，勁好耐性，我好鐘意佢，佢俾人感覺好親民，好freestyle, 我覺得感覺勁舒服☺️我地叫左個墨魚汁海鮮扁意粉同迷你漢堡拼盤🍝，由於我地都唔酒精，所以叫左2杯mocktail - Lychee Cooler同Jelly Punch🍹個mini burger係自家製嘅雞柳漢堡，個底滿滿嘅薯格，3個mini burger完全無偷工減料，勁full仲要勁好食！🍔而個墨魚汁海鮮扁意粉係勁多，兩個人先岩岩好食哂，超飽！仲要好好食，兩樣野食都唔流，好新鮮，雖然個時已經好夜都唔多客，但職員態度同野食味道真係無變差。🍝👍🏻兩杯野飲方面，Jelly Punch係啫喱底、peach, orange juice, pineapple juice同grenadine🍑 呢杯好清香，勁好飲，上面個塊新鮮菠蘿仲要甜，唔係乾哂或者罐頭菠蘿🍍🥹Lychee Cooler就再清啲，但呢杯又係有細心位，佢除左上面粒裝飾荔枝，個底都仲有揸爛左嘅荔枝，所以杯野飲嘅荔枝味唔係出面個種死甜😋環境方面夜晚嘅昏暗燈光岩岩好，睇到menu同時又有feel, 同時佢地地方好乾淨，音樂大細聲剛好，仲好好聽。佢仲有其他分店，唔知係咪都係一樣style呢？🫶🏻#amuse #barandrestaurant #lifestyle #copperlui …查看更多

「那個ㄋㄚˋ ㄍㄜ」呢個名真係夠晒鬼馬！😂一聽到同事話係台灣菜，心情即刻升溫！🇹🇼 你知啦，我最愛食台灣野🤤～一到餐廳門口，已經見到外面排長龍，人氣果然爆燈🔥！餐廳位置都幾靜，附近仲起緊樓，全部都係地盤，所以好少人會自己搵到嚟，難怪要人介紹先知～我哋3個人分別嗌咗紅燒牛肉麵、香酥魚菲力湯麵、仲有鹽酥雞飯，全部都好吸引😋！ 紅燒牛肉麵湯底超濃郁、好香，唔係一般公仔麵嘅味，比好多台灣餐廳都更有層次，牛肉仲好新鮮～🍖至於香酥魚菲力湯麵🐟，炸魚係分開上，夠新鮮冇雪藏味，粉漿超薄，入口酥脆又有滋味！面頂啲粉仲有得揀椒鹽或梅子粉，湯底都超香，好似自家熬湯咁～鹽酥雞飯我揀咗梅子粉口味，正！台灣最出名就係梅子粉咩都夠！加埋又開胃又唔膩，鹽酥雞一啲都唔油，食完超滿足👍🏻（唔係每個人都鍾意梅子味啦，朋友可以換其他粉呀🙂‍↔️）飲品方面，全部真材實料，我自己飲白玉珍珠奶茶🧋，甜度啱啱好，可惜實在食得太飽，最後都飲唔晒哈哈😩～服務都好好，無黑面，無甩漏，見到每枱都食清晒啲嘢，下午2點仲繼續有人排隊，人氣真係勁！成間餐廳湯麵、飯、飲品，各有特色又好味，真係值得約埋班朋友嚟試！💁🏼‍♀️推薦地址：大角咀利得街11號利奧坊地下G501-G503號舖營業時間：每日11:30-21:30 （最後落單時間21:30）#台灣菜 #紅燒牛肉麵 #香酥魚菲力湯麵 #鹽酥雞飯 #白玉珍珠奶茶 #lifestyle #hongkonger #copperlui …查看更多

公司附近無太多餐廳揀，最多已經係Vwalk🥹而御。家上海食過幾次都無伏，水準都幾穩定👍🏻所以諗唔到食咩就會食呢到！佢地門面好易認，偏中式，但又好modern!今次同朋友食lunch set，又係好食之選！1)荔枝鳳梨魚柳呢個當係咭嚕肉咁食，勁開胃好味，佢嘅魚柳仲要有汁包實都食到入面脆，炸得唔過火，好好食！2）經典三小品呢個基本上每次都會叫，因為兩個人食感覺食得多啲😂，佢嘅穩定性係每次食都岩岩好唔會太甜太咸太淡，無令我失望過👍🏻3）蟹肉扒菜苗呢個看似普通淡口，但佢菜苗真係好嫩好清甜，蟹肉好新鮮好香，一啲都唔淡口！我地清哂！4）薺菜炒年糕薺菜我完全唔知咩菜黎，但呢個比一般上海炒年糕來得更剛好，無咁咸，仲多左菜清啲口感好啲！5）金牌小籠包呢個就個個都會嗌，皮唔算厚，剛好但石以再簿多少少，但就咁已經會穿，浪費左湯汁🥲🥲所以再薄啲唔知會點😂6）高力豆沙香蕉呢個係最後嘅甜點，唔食香蕉嘅可能覺得好一般，但我自己是ok的，但都幾膩，佢個香蕉係包住係入面再俾豆沙包住，類似朱古力香蕉咁，所以雖然幾Fushion,但真係好飽😂👍🏻而呢到幾乾淨，唔會話成櫈都係抹完枱啲殘渣，服務態度都好好，好少會燥底發脾氣態度差，但留意返lunch hour時間係極多人，所以想食就早啲黎攞位，一係就過lunch hour先👍🏻#御家上海 #vwalk #南昌 #上海菜 #fusion菜 #lifestyle #hongkonger #copperlui…查看更多

有行開旺角都知道Shake!T係邊個位🙂呢條街基本上都係食嘢同手搖飲品店雖然每次都見到你間舖冇乜客唔知係太多選擇啲人唔敢試佢嘅特別口味定係少飲鬼佬奶昔但係我好真心推薦呢一間嘅奶昔🥤因為真係好正宗濃稠嘅奶昔而唔係平時快餐店飲到好水嗰種❗️Shake!T除咗有奶昔🥤選擇之外，佢仲有乳酪同埋窩夫🧇先講佢嘅奶昔同乳酪大部份都可以揀奶昔或者乳酪，而佢大部份嘅口味都係非常之特別，包括有水果、朱古力、茶味，同埋港式口味。有一啲令我比較印象深刻啲嘅就例如花生醬🥜味啦、爆谷味🍿啦、各類嘅茶味🍵，同埋港式豆腐味◻️。由於我今次冇試到乳酪同埋窩夫，所以今次就係介紹咗我試過嘅嘢先！🥰今次試咗兩杯嘢飲，因為第二杯半價，首先我叫咗杯台灣焙茶奶昔，本身想試開心果味或者豆腐味，但係茶味嘅奶昔我真係好少見☕️去Topping都可以加幾樣選擇而我就揀咗燕麥，佢一啲都唔孤寒加到滿晒🥹對於我呢啲好鍾意飲燕麥嘢嘅人嚟講真係覺得好好飲💖口感方面係極之濃稠，係要用少少力去啜嗰一種先飲到，仲要全部都係用返新鮮嘅食材去做⭐️⭐️⭐️除咗喺澳洲飲過之後都冇再飲過咁高質嘅奶昔🥹但係唔知香港人啱唔啱呢種口感呢？而第二杯因為佢同我講半價，所以我就揀多一杯我覺得想試嘅味，就係爆谷味！🍿我係完住估唔到佢面頭再會落咁多爆谷+焦糖醬！佢嘅味就好似絞碎咗飲得嘅爆谷咁，聽到好似好怪其實好好味🤤除非你本身唔鍾意食爆谷🤣另外佢嘅收銀處都有啲免費嘅爆谷可以攞，如果你嗌其他口味嘅時候，想有啲嘢咬吓，不妨喺呢一度攞一包配搭你嘅嘢飲😊等我下次去試埋其他味先🥤🥰❗️#shakeit #shake!t #mk #旺角 #mongkok #milkshake #奶昔 #新鮮食材 #乳酪 #Yogurt #waffle #窩夫 #lifestyle #hongkonger #copperlui…查看更多

今日去咗大埔三門仔幫妹妹慶生～🎂 妹妹話呢度景好靚，又夠有feel，所以我哋就揀咗皇朝明珠餐廳慶祝。😌本來諗佢生日食中菜咁得意？但一去到即刻明晒！餐廳望出去個景，真係靚到癲🤯——我哋啱啱遇上靚爆日落，橙黃色🧡慢慢變成紫粉紅🩷，再加埋餐廳入面嘅粉嫩樹🌸，氛圍感拉滿，打卡無得輸！📸服務方面都要讚爆！啲姐姐哥哥好親切、識傾偈、見我哋坐戶外即問要唔要風扇，呵護到不得了。仲有最貼心係 pet friendly🐶🐱，啲狗狗有得坐專屬小凳仔，人仔咁，傾偈都會主動講下狗仔嘢，毛孩家長肯定好滿足！記得如果帶毛孩，最好早啲book位＋留意天氣，同埋要睇實小朋友同寵物，安全最重要，因為室外隔離已經係車路！至於食物方面真係諗唔到，款款超驚喜！👇🏻🐚新鮮扇貝：已經分好每人一碟，熟度啱啱好，粉絲＋配料香爆！🫓豉椒炒花甲芋煎米粉底：煎到似pizza底，沾豉汁食又香又有層次，好少地方有得食！🟨金磚豆腐：炸粉薄又均勻，每件size都一樣，乾蒜味又夠，超推介～🍍鮮菠蘿咕嚕肉：自家製汁，加新鮮菠蘿，肉質夠real，唔腍唔肥膏，絕對私心推推！🥬梅菜肉松蒸菜心：梅菜味道夠，菜心嫩唔老，底部啲莖都批走哂，好細緻～配梅菜啱啱好，好開胃！🥣木瓜雪耳糖水：最尾送糖水，一向唔鍾意但今次點知清晒！唔死甜，材料均勻，絕無人工化工味，好清甜又潤喉～perfect ending！小小溫馨提示：近海邊會有少少風，天氣再凍啲記得帶外套/褸；戶外會有蚊，記得帶蚊怕水/蚊貼，戶外準備好晒開心食飯！🦟❌皇朝明珠餐廳／三門仔新村地點：香港汀角三門仔新村（全年全日營業，隨時去chill打卡得！）日落湖邊＋餐廳粉紅樹 combo 打卡必去～生日大成功💖下次一定再黎！#大埔 #三門仔 #皇朝明珠 #打卡餐廳 #日落美景 #超有心餐廳 #petfriendly #中菜 #lifestyle #hongkonger #copperlui …查看更多

老老實實，呢間餐廳經過幾次都無食，一係多人排隊，一係唔係個個mood。但今日有mood，就算見到有少人龍都排，畢竟覺得總有原因令人去排隊嘅！😆好在我地排左無耐就入得，座位全清一色bar枱位，但枱底櫈底都有勾掛袋，所以唔算好迫，而且好乾淨，一坐低職員好快介紹左啲醬汁，點樣order,我諗佢地都熟到一字不漏咁講😆我地叫左個兩個餐，一個係經典漢堡+芝士漢堡餐，另一個就3隻味都要哂（經典、芝士、南洋青咖哩）。首先你又講吓呢間嘢最特別嘅地方就係佢嘅湯同白飯任裝，而且西蘭花係會無限幫你fill。佢想上菜嘅節奏就會由原味開始先，之後就芝士味，最後就會咖喱。佢個芝士除咗有塊芝士係漢堡上面之外，佢就會再加芝士碎喺上面，每一塊嘅量會係塊漢堡嘅厚度一倍！🧀我地坐個位睇得好清楚佢真係用新鮮肉整嘅漢堡，之後就上俾每個人嘅鐵板到，記得唔好燒咁耐，否則會過熟好硬。我地覺得咖喱係最哂塊漢堡，摭哂所有味。佢仲有個優點，就係好多醬汁，所以食原味都可以好多味，佢磨個芝士山個時都有叫你想影就準備手機。🤭我地食到最後得返啲西蘭花，但煎香哂去點汁都送到成碗飯！真係好好食！！！！未食過啲朋友建議食下，想食嘅朋友建議早啲去排隊！！…查看更多

話說朋友前排結婚揀左我地曾經黎打卡嘅地方 - 小白鷺餐廳The Lake House👰🏼‍♀️由細到大住大埔成日搭火車經過都覺得好靚,到小學黎過參觀,再到大左同朋友黎,睇到佢地裝修同轉型到愈黎愈靚!🥹呢到除左係餐廳,仲可以係活動場地同婚禮場地💖最鐘意嘅另一個原因就係佢地場地有養住幾隻貓,有隻仲好親人!🥰🐱呢到嘅服務非常好,有啲野舊左想佢地換都即刻做到!完全無黑面或者唔耐煩,而且好專業!當日天公很造美,回暖仲要無落雨🥹影出黎啲相勁靚!💖💖💖💖💖到夜晚佢地仲有好多裝飾燈又係另一番景色!最衰唔方便放新人啲相,如果唔係仲震撼!🥹呢到雖然係草地同湖邊,但我想話無蚊!但當然少少大自然嘅野係總會有,但當日真係唔覺有😳不過建議大家做足防曬之餘最好就係帶定蚊怕水!🦟咁樣著得幾靚靚幾熱都唔怕啦🥳當晚野食我無點影相因為做姊妹走黎走去，但食左少少發現佢地中菜都勁Fushion!仲要好好食！一口份量剛剛好唔會哂！#婚禮準備 #婚紗攝影 #婚宴場地 #婚禮靈感 #婚禮 #婚禮場地 #小白鷺餐廳 #大埔 #thelakehouse #wedding #taipo #lifestyle #hongkonger #copperlui …查看更多

尋日約咗朋友敘舊，揀咗大家都就腳嘅Pause It餐廳，真係白吃不厭😋！食咗好多次，每次都又有新驚喜～雖然Pause It就係旺中一間大街舖，但內裡一啲都唔嘈。食物主打fusion，配搭新穎得嚟唔怪，坐得舒服又chill，係同朋友聚會嘅理想選擇✨。價錢可能比其他同區餐廳貴少少，但都值得！佢哋嘅咖啡超多選擇，仲好飲到爆！拉花每杯都唔同圖案，之前飲嘅時候覺得真係靚到唔捨得攪散啦～☕️🧡今次我哋三個女仔點咗：安格斯封門柳、意大利雲吞、牛油果意大利飯，飲品就有英國梨冰茶、梅子西柚梳打，仲有一杯唔記得名嘅飲品😆有啲食評：－意大利雲吞味道ok，但可以再濃啲；慢煮雞就偏一般；牛油果飯似福建炒飯😂😂😂－封門柳最正！叫咗medium well（七成熟），炸牛蒡！勁好食！！！！！！－推介必試佢哋拉花咖啡，好睇又好飲～Pause It唔係成日爆場，多數都walk-in得，不過建議book位穩陣啲！📌店舖資訊Pause It地址：Shop G11, 17 Nelson St, Mong Kok, 香港招牌菜：芝士黑松露薯條、黑炭咖啡、竹炭咖啡、炒蛋牛油果多士、全日早餐營業時間：一般中午至晚上（建議出發前致電查詢）鍾意影相飲咖啡嘅朋友一定要去試下，食物同飲品都冇伏，去幾多次都令人冇失望！💯👏#旺角 #pauseit #cafe #咖啡 #咖啡拉花 #theforest #lifestyle #hongkonger #copperlui …查看更多

呢日同同事一齊衝出公司結界🤣，直奔一間隱世懷舊冰室食lunch！😋公司附近啲餐廳已經食到心淡，又冇乜選擇，好彩有車梗係想衝遠啲搵新嘢試啦～呢間餐廳超有old school feel！露天同室內任揀，隔離仲有車位，但數量唔多，基本上揸車先方便入到去。呢度位置都幾隱蔽，入面冷氣開到足，環境夠乾淨，感覺係upgraded版大排檔～洗手間仲勁乾淨又有梘液，呢個細節超加分😭服務質素令人驚喜，全部員工態度都爆親切！看似老闆嘅男士超有禮貌，完全冇「唔憂做」嘅感覺，仲有位姐姐，食緊飯都主動幫我哋介紹menu精選，好貼地又有heat～話晒都係老字號，親民指數爆燈！👍🏻呢餐我哋點咗兩款飯share：- 必食椒鹽豬扒飯🥩：豬扒煎到香脆，雖然咸咗啲，但配埋白飯就sooo good！椒鹽絕不吝嗇～- 鰻魚炒飯🍛：炒得夠香夠力水，鑊氣足，雖然鰻魚味唔太搶，但整體都唔錯，飽到爆～- 飲品方面就有黑牛同雪糕涼粉冰🍹，全部都用碎冰，好飲又夠冰感！近年要搵到正宗碎冰仲有味道嘅真係超難，加分加分！聽講佢啲地道小食都勁受歡迎，超多外地朋友特登搵嚟食，連內地遊客同其他區啲人都會專程開車過嚟搵呢種懷舊滋味～🤪如果大家趁假期有時間，絕對可以book齊朋友一起嚟試下，體驗下香港d地道大排檔氛圍！👭👬室內冷氣爽爆，天氣晴朗嘅話坐露天都正！相片入面就係盤香噴噴炒飯，開心share同事飯聚一刻～🍚📸#上水 #懷舊冰室 #榮昌茶座 #椒鹽豬扒飯 #鰻魚炒飯 #黑牛 #雪糕涼粉冰 #lifestyle #hongkonger #copperlui …查看更多

呢日男朋友話帶我去食burger🍔,講到好吸引咁，我就睇下佢去邊！點知係一個food court….我當下諗，下？九龍城廣場有咁好咩個food court,但佢講到咁我就信佢啦。一去到見到都有條小人龍，心諗咁堅架咩？menu上面選擇唔多但好似全部都幾吸引🤩好岩我呢啲選擇困難既人。。。佢地最多人食既係慢煮手撕豬漢堡配椰菜沙律，仲要限量供應，而剛好排隊落order時前一個想叫，收銀姐姐就話賣哂，所以我地只可以叫其餘兩款，兄弟孖芝堡 同 爆炸雞漢堡配辣辣蛋黃醬及生菜。佢地包裝好美式，經典個個孖芝勁juicy!!!!!!!!!完全估佢唔到，仲要個漢堡扒係新鮮免治肉！呢個好好食！個辣雞一啲都唔辣，但似係鮮炸🥩！仲加左啲好似串燒落個啲辣粉，勁香口勁好食！！！！！！！！！！而個薯條都食得出個新鮮炸🍟！！！不過呢日我食既應該炸耐左，而且好多細條，所以硬左少少，但佢落個薯條調味粉超好食，所以救到唔少分！野飲叫左杯青檸梳打🥤，啲薄荷葉勁多勁香，仲原支梳打俾我哋慢慢飲，太正！！！！而家佢地仲開左葵涌分店！款式好似仲多啲！🥹大家有機會一定要去試！#band&bros #burger #fries #mojito #kowlooncity #lifestyle #hongkonger #copperlui…查看更多

今日hea行搵野食，終於去左旺角超高人氣既 <Grind Size>（窮撚賣咖啡）朝聖！😛今次食咗佢哋超有名嘅辣蟹轉手捲麵 + 意大利雲吞，再配埋兩款特色飲品：荔枝檸檬茶同蜜糖檸檬烏龍梳打，齋睇名都已經想流口水啦！🥰第一道菜係意大利雲吞，我本身就勁鐘意食Cappelletti，佢哋嘅version真係高質sooo good！🥟 超多汁，仲有麵包送埋，啲汁唔怕浪費，中間仲有真蟹肉碎，唔係蟹柳絲，真心有誠意！🔥至於辣蟹轉手捲麵就...有啲小失望啦。辣味幾ok，但蒜太多，除咗乾蒜，仲有蒜片同蒜粒，成碟都係蒜味，食唔出蟹味有啲sad🥲飲品方面都幾有特色：烏龍梳打超chill，解膩一流；荔枝檸檬茶就荔枝味香到爆！🍹環境都幾乾淨，店員後生仔都行casual style但又唔失禮貌，整體感覺幾ok😂。價錢就覺得以呢個質素，可以再平啲就更完美啦～🥲🥲小tips：如果你想麵類有變化，例如意粉換手捲粉，上餐前講一聲，最多加少少錢，就可以試多款味道！😝地址資訊：GRIND SIZE（旺角通菜街10號地舖）地點：香港旺角通菜街 營業時間：全年 11:00-23:30 人均消費：約$200旺角通菜街，真心係食得又行得嘅好地方，快啲mark低去試下啦～💃🏼#grindsize #窮撚賣咖啡 #cafe #fushion #pasta #旺角美食 #旺角 #lifestyle #hongkonger #copperlui …查看更多

呢日因為唔想返屋企食飯,臨時就去搵食!諗起一直想試､每日路過都好吸引的餐廳,終於入去The Point Pizza & Pasta啦!😆餐廳係一間casual又型格嘅fusion西餐Cafe,門面同燈光夠晒氣氛,入面有cocktail bar,酒精飲品選擇多多,啱晒朋友聚餐chill一chill!我地今次點咗2人晚市套餐—蘑菇湯､油封鴨意大利飯､煙三文魚溫泉蛋pizza🍕,再追加咗 Strawberry ice cream float + Mango tango 呢兩杯特飲｡其實本身已經唔係太肚餓,但原來成套嘢份量超多,唔餓住肚真係唔夠嚟對付!😂由頭試到尾:蘑菇湯勁creamy,唔似罐頭湯咁淡,濃郁口感超好味😋! 到主角pizza,有煙三文魚🐟､三文魚籽🟠､溫泉蛋🥚,芝士拉絲､忌廉香滑,打卡一流之餘好味到不得了,食完仲想encore! 油封鴨腿意大利飯都好驚喜,好少地方有油封鴨食,鴨肉好嫩唔乾,剩低少少飯真係餓唔落去｡ Strawberry ice cream float & mango tango都超refresh,到最後只係食唔晒,真心抵玩!環境方面值得讚:燈光低調有情調但又唔會太暗,枱之間闊落､唔嘈唔迫,坐得夠晒舒服;員工好有禮貌兼服務夠主動,收碟快手,食得又自在｡⚡️小貼士:平日下午可能都多人,要預位唔使等;menu裡面有好多cocktail選擇,鍾意飲野嘅朋友可以去試下!(推介!)▶️The Point Pizza & Pasta 地址:The Point - Pizza & Pasta (尖沙咀)尖沙咀彌敦道100號The ONE 4樓L409號舖營業時間:星期一到日 11:00am – 10:00pm 假期小聚､情侶約會､閨密打卡都幾啱!西餐控､Pizza迷必試!🍕🍗🥂#thepointpizzaandpasta #UCreator #打卡美食 #CAFE #Foodie #假期推介 #西餐廳 #Pizza #pasta #我想試下整甜品 #lifestyle #hongkonger #copperlui …查看更多

我諗身為香港人，應該都去過香港迪士尼啦🏰 以前朋友啲小朋友細個時，我仲有年卡，一年去幾次回返哂本，真係童年回憶！但啲小朋友慢慢長大，我哋又開始忙，結果都好少再入去😭😭今次係幫人慶祝生日，特登買門票🥳🎂 每次一入迪士尼就好似瞬間離開現實世界，返返童年嘅感覺！未去過嘅Frozen園區，今次終於試到❄️☃️！啲設施又新又有驚喜，真心好玩，同朋友齊齊爆笑😂😂晚餐揀咗我最愛嘅翠樂庭餐廳，食又正，最開心係可以提前2個月book位，同埋預先話定慶祝生日，佢哋會送上蛋糕＋Disney角色陪你影相慶祝，夠晒high！💖角色真係超親切，每次都開心到極！記住： 建議早兩個月book翠樂庭餐廳，因為真係長期爆滿🥹！ 而家門票都唔平啦（成人HKD548），有年票回本就perfect，冇都要把握機會啦，唔知佢幾時又加價😂😂😂最好嘅Ending係留到夜晚睇煙花🎆🥹，就算無煙花，夜晚嘅迪士尼同旁邊酒店都係超夢幻，氣氛完全唔同，chill又浪漫，超適合影相打卡！想體驗返童年魔法？即刻約朋友book返入去啦🔥—— 香港迪士尼樂園 地址：香港大嶼山香港迪士尼樂園度假區 開放時間：10:30-20:00 門票：HKD548翠樂庭餐廳（香港迪士尼酒店內） 建議提前2個月預約 有生日驚喜＆角色影相機會！#lifestyle #hongkonger #copperlui …查看更多

呢間千燒居係fushion既居酒屋，有意粉有串燒，全部都即整，我地快食左個煙鴨胸意粉同肉眼扒意粉，全部野都係即整，同埋個肉眼扒整得好好食，唔係全熟😍😍😍入面好腍！！！！煙鴨胸一口大小，又係勁好食。。。。佢用燒汁做底煮意粉好好食。。每一條都掛住哂啲汁！！！串燒我未試，希望下次有機會食！另外服務態度都好好👍🏻重點好平。。。👍🏻👍🏻👍🏻👍🏻大家不防去試下。#Fushion #居酒屋 #chill #隱世打卡點 #hkfoodie …查看更多

真係要特別多謝呢間茶店嘅職員。 招呼我嗰位女店員好好人，好有耐性，介紹產品好貼合我嘅口味同興趣，仲免費畀咗啲餅我食🥹🥹 整飲品嗰位女仔都好好人！ 好似而家大家喺枱前幫飲品影相已經變成必做動作😂 我啱啱拎出電話出嚟影相，佢即刻拎枝乾花擺喺我杯飲品旁邊，話咁樣影相會靚啲😂 又真係啱，呢張就係我嗰張相（茶凍＋雪糕）😆，好好味！仲要多謝有人幫我影相，影得我咁瘦😆@gongfuteahouse#gongfuteahouse #kaitak #teajelly #icecream #lifestyle #hongkonger #copperlui…查看更多