作為一盒外賣炸髀，呢間餐廳嘅出品完全顛覆我對外賣炸髀既既有印象。一般茶記，都係一盒發泡膠盒送嚟，通常一邊裝炸髀，一邊係雜果沙律。而加記，價錢雖然稍高(好似係68)，但一分錢一分貨，佢嚟到係有兩盒嘢。首先係隻炸髀，外賣都唔expect佢好熱好脆，但佢keep到唔會凍晒之餘，個皮仲係脆同有汁既，而且唔太咸，調味剛好。但最犀利最impress既，係份沙律！佢一邊係蔬菜一邊係生果，而且全部係新鮮貨，食落爽脆，份量亦好足，唔係一般罐頭沙律可比。就算唔係外賣，呢份炸髀沙律都可以話係本人近年食過最對辦最有驚喜既炸髀沙律，絕對可以再戰！…查看更多
以上食记乃用户个人意见 , 并不代表OpenRice之观点。
赞好
用餐途径
外卖送餐
