yyunuss的个人专页

朋友11月生日🎂🎂🎂為咗幫佢慶祝搵咗好多間餐廳，經朋友介紹下嚟到呢一間，位於旺角洗衣街嘅性價比極高餐廳設計有個性嘅amico1890😍😍點選了店員介紹吓新推出嘅《掂過碌蔗》二人餐$498💖頭盤凱撒沙律沙律菜新鮮爽脆比一般跟餐份量較為多，加上Dressing、芝士碎、煙肉碎好好味呀😋😋😋小食松葉蟹蓋多士原隻松葉蟹蓋承載着滿滿蟹膏、蟹肉攪拌好在鋪上多士上作餐前一口小食，創新之餘味道亦有驚喜😋😋😋💖主菜黑松露意大利粉黑松露味非常濃郁離遠已經聞得到，意大利粉非常creamy及彈牙，實在超越旺角區嘅水準😋😋😋💖主菜美國安格斯肉眼肉眼size超巨型，五成熟應該是最適當的成數，肉質Juicy，最適量的脂肪配搭比例超級好食😋😋😋💖甜品意大利凍餅加雪糕是日甜品是摩卡意大利凍餅及乳酪雪糕反而係乳酪雪糕最令我感動，雪糕口感煙韌，清新嘅微酸，好好味呀😋😋😋重頭戲終於嚟啦訂座送甜品只要經OpenRice 3小時前訂座就會送甜品普通餐廳只可以寫名字，但係Amico卻能提供指定畫圖服務，我send了一幅圖案給他們竟然能神還原超美100分，朋友驚喜之餘亦非常開心配合多個打卡位影相！朋友表示非常滿意，謝謝餐廳安排😘😘😘…查看更多

見網上好推介依間圓圓小姐 終於有機會一試今次嗌咗杯圓圓珍珠炭焙烏龍奶茶（熱 微糖）極讚！炭焙烏龍好香濃 奶茶飲落口好滑 一杯裡面有兩隻珠 一隻係黑糖一隻係黃金珍珠 個人比較中意黑糖珍珠 除咗帶啲甜味之外 仲比較Q 而黃金珍珠比較淋身 但兩者夾埋唔錯 嗌咗微糖 唔會話茶味好苦澀 仲因為有黑糖珍珠關係而帶點甜 讚👍🏻👍🏻👍🏻另外店員服務好好 有選擇困難嘅我揀咗好一段時間都好有耐心等待👍🏻👍🏻而成個過程等咗5分鐘左右就有！絕對會再買嚟飲！…查看更多

嚟開長洲，見到依個打卡牆，又有我最愛嘅乳酪同芒果，就九秒九入決定要幫襯！睇到餐牌見到好多款式，仲有埋甜品搞到係到心思思。最後嗌咗兩杯野飲，可惜太飽試唔到個甜品🥺不過...野飲都好驚喜好好味！芒芒角酪依杯真係極極極度推薦 本生就好中意芒果同乳酪 依杯就完全係我嘅至愛 上層係乳酪下層係芒果 為咗增加口感舖頭仲加咗啲紫米落去👍🏻味道唔會太甜 芒果唔酸 仲有重重又好滑嘅乳酪 成杯就好似甜品咁樣溶係個胃到！飲完好想再買多杯！桂花碳焙烏龍好香嘅桂花味 雖然聽落好似普普通通咁 不過飲落好清香 有啲小驚喜 清清地唔會怕膩 同時又有淡淡嘅桂花香係口中 讚讚👍🏻去開長洲真係好值得一試 舖頭仲有打卡長洲站📷環境又靚👍🏻…查看更多

已經幫襯過依間好幾次，每次食都會覺得好滿足~因為真係好好味今次嗌咗黑松露大蘑菇野菌忌廉汁米型意粉同澳洲牛柳粒露荀松子仁羅勒汁米型意粉，再加一個粗薯條配黑松露醬先講黑松露大蘑菇野菌忌廉汁米型意粉，本生極中意菇類同黑松露，佢仲要俾咗好多嘅黑松露，就咁睇賣相都心心眼😍食落黑松露好香，不過始終忌廉而且份量好多，食一半都覺少少漏嘅情況。不得不特別再讚個大蘑菇，超juicy，中意食菇嘅真係唔可以錯過！另一款澳洲牛柳粒露荀松子仁羅勒汁米型意粉，個人覺得比忌廉嘅冇咁漏，可以食得多啲。依款好香啲牛柳都好好味，配埋露荀令整體上更加fresh嘅感覺，讚！而兩個都係set所以可以揀綠茶多士/沙律。綠茶多士好脆口之餘個醬都好好食！最後加個粗薯條配黑松露醬，先講薯條粗身之餘又脆口，已經好吸引，加埋個超香黑松露醬，簡直食到停唔到依間餐廳野食幾大份，最後飽到上心口咁離開，不過超超超超超滿足！🤤🤤…查看更多

自己對雞蛋仔有好大嘅興趣，而旺中依間嘅雞蛋仔更係令我食上癮嘅一間！係眾多口味中，暫時最推薦嘅係比利時70%黑朱古力，依隻係好食到我去親都係嗌依個。作為一間小店，好欣賞佢好足料，好記得第一次食嘅時候係哇一聲，因為每一粒雞蛋仔都有濃濃嘅朱古力餡！絕對冇偷工減料嘅情況。而且佢係即叫即整，仲可以做到好脆口，外脆內軟而又有一陣淡淡嘅蛋香味！推推推！作為一間小店，價錢實惠，仲要即叫即整又好嘅服務，真係唔可以錯過！！…查看更多

久違嘅台灣野食，依家冇得去台灣，就食間台式餐廳當去咗。阿元來了，算係眾多台灣野食出名嘅一間，今次嗌咗阿元魯肉飯、爆蛋雞肉飯、鹽酥雞、炸珍珠奶茶酥同埋竹炭鮮奶珍珠。魯肉飯：賣相十分吸引，魯肉半肥瘦，滷得好香，入口又唔會太過肥膩，讚讀爆蛋雞肉飯：不過不失，雞肉撈埋蛋同飯一齊食都唔會好乾柴柴鹽酥雞：正！每粒都大大粒，而且好脆口，食多幾粒都覺得有啲邪惡😈但好食到停唔到炸珍珠奶茶酥：開頭見個名幾得意咁就試下，感覺幾得意，作為甜品都唔錯竹炭鮮奶珍珠：賣相唔係好吸引，不過飲落唔錯，唔太甜，幾香，珍珠亦唔會太軟冇口感以前仲有炸地瓜球，好可惜今次去食已經冇咗…查看更多

平時中意飲台飲，見東廣場有間又多人排隊就試試。價錢好平，中意飲奶綠嘅我嗌咗杯半糖熱嘅珍珠奶綠一試。一飲，就有陣茉莉味係口腔。飲過咁多間珍珠奶茶嘅舖頭，好少會飲到一間茶味咁重嘅舖，仲要係奶茶。好多舖頭嘅奶茶茶味都唔會太出，但依間真係好少嘅香茶味嘅珍珠奶茶，而珍珠亦都口感好好，唔會太軟而又有咬口！平日嗌開微糖嘅我，覺得依間嗌半糖味道好啱，而珍珠有啲甜味，飲落唔會覺太甜或太淡。唔錯唔錯！絕對會再買其他一試！…查看更多

18件麥樂雞又反嚟喇！！今次仲有四款唔同嘅滋味醬 - 蜜糖芥末醬、鹹蛋黃醬、南乳燒雞味醬同埋香草檸檬醬 四款醬各有各滋味蜜糖芥末醬：好食 依隻冇記錯嘅話之前都出過 不過今次味道比以往淡咗啲啲鹹蛋黃醬：原先覺得會好奇怪咁 但係食落又唔錯喎 幾有驚喜南乳燒雞味醬：依個個人就覺得麻麻 奇奇怪怪唔太夾咁 香草檸檬醬：食落似沙律醬 唔睇以為依個係沙律醬 不過夾警麥樂雞到又幾好食依四款滋味醬 除咗南乳燒雞味醬之外 個人都覺得幾滋味 另外係南乳燒雞味醬同鹹蛋黃醬比較濃味啲 所以建議先食蜜糖芥末醬同香草檸檬醬先~…查看更多

今日同朋友去咗銅鑼灣行街，途經一條街都幾多野食，我哋揀咗呢間日本野試試。餐廳環境乾淨，服務態度都好好,坐低後服務員很快便來介紹，下午茶仲有小食送添😛😛。。我揀咗個吉列炸牛扒，賣相唔錯，首先會先炸起，牛扒來的時不會太熟，嚟到後自己再邊食邊燒，可以自己控制肉質。我本身唔鍾意食太生既牛，燒出嚟後都唔會令肉質太硬，牛味香濃，唔錯唔錯。😍😍另一個揀咗香煎靖魚，不會太乾身，魚肉嫰滑，還可保留魚的鮮味。…查看更多

今次嗌咗個香蕉朱古力味嘅梳乎厘，價錢$42CP值好高先講賣相，一睇已經覺得好靚好吸引，除咗梳乎厘面上有可可粉同朱古力醬，雪糕球下面仲有oreo碎😍先講梳乎厘，好鬆軟，一入口好香嘅蛋味，口感超級好！無論就咁食梳乎厘，又抑係將雪糕/cream一齊食都好好味。加咗雪糕/cream會強一種冷暖交架嘅情況，感覺非常好！而香蕉都好出色，煮過嘅香蕉口感會軟身少少，而加咗蕉糖脆面，正！另外提一提個雪糕，佢個雪糕唔係平時食嘅雪糕口感，黏身少少，睇嚟似土耳其雪糕，但味道比土耳其雪糕更佳！以$42嘅價錢食到米之蓮水準，絕對抵！…查看更多

個人好中意食台灣野 而依間係依過咁多間入面覺得最出色果個大愛呀！醬汁雞扒拼玉子豆腐肉燥飯出面食過好多嘅肉燥飯 依家味道雖然唔可以話同台灣食嘅9成9相似 不過係個人覺得最貼近嘅一間 而且唔好睇個飯好多怕肉燥唔夠食 份量絕對足夠！而雞扒真係好正！食落仲好juicy 加埋個醬汁 好開胃！不得不提嘅仲有滷蛋 真係食台灣野唔少得佢呀！正！不過個人對依個玉子豆腐就麻麻 佢係一個炸咗嘅玉子豆腐 但係覺得食落嘅口感唔太吸引 係成碟裡面較為失色嘅一個不過！絕對無阻我再去嘅衝動！…查看更多

開張一段時間都係第一次嚟食 依間算係平民西餐喇~本生冇太大期望 但比想像中好先講依個湯 忌廉湯好香好濃 唔係平時街出面嘅罐頭忌廉湯 而蒜蓉包好香脆 即使我浸落湯咁食都仲係好香濃嘅蒜蓉味！正！然後我嗌咗個煙三文魚忌廉蘑菇意大利燴飯 味道係唔錯 不過飯嘅口感麻麻地 雖然唔可以攞真正正宗嘅意大利燴飯比 但係佢係似普通嘅白飯再煮爛啲 再加個白汁 影響到口感唔吸引 不過算係平民餐廳唔要求太高 而味道上比較清淡 有煙三文魚就會好啲 有反啲味最後野飲嗌咗杯檸蜜 依杯檸蜜味道好怪 應該係因為佢用冬蜜(?)嚟沖 導致好好好好好奇怪 飲咗兩啖就冇飲了 依杯個人覺得真係唔好嗌…查看更多

食完飯都會少不免食個糖水 而多數都係觀塘到食 因為食開又平平地 簡簡單單滿足～每次嚟都會食依個summer 兩個雪糕球 可以自己揀味 低下就有好多嘅水果 同埋啲珠 本身個人好中意食依啲明珠 加上有芒果汁 對於我依啲又敏感又想食芒果嘅可以過過口癮 加埋兩條黑白配 簡簡單單好滿足~~~而另一個嘅係雪曲哈囉 裡面咩都有啲 芋頭 涼粉 明珠 栗米 食落都幾得意幾新鮮 揀唔到邊樣嘅依個都幾唔錯 雜錦咩都有得食 最重要雖然有好多款混埋一齊 但係味道又唔差…查看更多

經朋友介紹嚟試一試 一試就愛上！一間小店 但係性價比好高兩個人一人嗌一個包餐 就有兩款小食一款係蜜糖芥末菠蘿豬堡 另一款係烤菇芝士牛堡 再加薯條同炸燒賣做小食個人第二次食佢嘅菠蘿漢堡 不得不讚個菠蘿好鮮好甜好好味 而豬肉又厚身 加埋蜜糖同芥末好夾好好食 而烤菇芝士牛堡同樣出色 個菇整到好juicy 而且好香單單漢堡都食得出佢地好用心 新鮮熱辣辣即叫即整 啖啖肉啖啖juicy juicy到可以食到爆汁！而小食同樣好出色 佢個薯仔真係100分 好香脆 而如果你中意仲可以加佢地嘅shake shake粉 不過自己覺得各有各好味 就咁食佢嘅薯條都好滿足 大大條又厚身 但係又做到脆嘅效果！讚！而炸燒賣都好好食 脆卜卜而且燒賣味好香！平時好怕出街食食啲會覺得好油嘅感覺 但係依間冇 雖然啲肉係即煎啲小食都係即炸 但係唔會有食到成口油嘅感覺 絕對一讚！…查看更多

一段時間冇嚟食個心就會唔舒服因為真係好吸引好好食好欣賞依到嘅原因之一 係即使好細微都會有一個好賣相 雖然依個只係一個簡簡單單嘅沙律 但係每次見佢地嘅認真都不得不讚依份炸魚薯條罪惡感滿滿 但係真係忍唔到口 炸魚同薯條好厚 絕對物有所值 特別中意依到嘅薯條 好厚身嘅薯仔又好香脆！鵝肝多士都係每次嚟必叫之選 真心推介俾中意食鵝肝嘅大家 份份鵝肝都好厚身 而且佢嘅大細個絕對足夠做到啖啖多士啖啖鵝肝 唔會偷工減料！依個三重芝士薄餅 對於我依啲芝士控嚟講真心一流！好香濃嘅芝士再加上脆薄薄餅 一流嘅享受！必推必推！最後食埋個甜品 滿足哂！今次試咗款檸檬味 好清香嘅感覺 成餐都好滿足~深深愛上依間舖頭 另外要再講下佢地嘅意大利飯 個人特別中意依到嘅意大利飯 好正宗嘅口感！讚！！！…查看更多