omw8110的個人專頁

每次食飯慶祝都想食啲好食嘅嘢、唔想中伏，往往去食啲Comfort food。而今次，OMW選擇咗去冒險，見Openrice得6個食評，全部都係😋好評，就俾個機會試吓佢啦！ 💯家鄉燒豬肉彈$68呢個菜式相對少餐廳整。OMW對上一次食類似嘅係喺📍長洲「是蛋」嘅土製炸蛋，而呢度更好食喎，唔使去長洲食啦～ 本身就咁睇menu，以為佢係炸獅子頭d friend，上枱完全out of our expectations，原來係用肉碎包住流心蛋再拎去炸，好驚喜啊！放落口都仲有少少驚喜，佢個皮仲有少少甜甜哋，食落唔會咁漏。所有嘢調味啱啱好！整體嚟講就係好好食！唯一挑剔嘅係碗飯好大碗😂 全部冇估到佢咁大碗飯，本身以為係細細碗果種，最後我哋食唔晒啲飯🥺 下次可能走飯。就咁豬肉彈都好好食！ 💯圓圈仔海鮮炒飯$88呢個係睇見隔離枱上枱果時好靚好好味咁，就叫咗呢個炒飯！上枱果陣心感不妙，我哋兩個人，呢個炒飯嘅飯量大概可以食飽三個人🤣🤣🤣🤣我哋惟有放棄豬肉彈個白飯，主攻炒飯。炒飯味道適中，粒粒分明，海鮮量都唔少，有青口、蜆、蝦、魷魚，其中OMW好鍾意個魷魚，口感好好，又好味！ 💯馬斯克火箭蝦$52/2pcs嚟到OMW鍾意嘅蝦蝦，呢個又係驚喜之作，食落先發現佢係豬肉彈啲Friend。呢個又係見倒隔離枱叫我又叫嘅嘢食😂😂 呢個好味啊！佢外層係一層薄薄嘅肉碎，然後檸檬葉，最裡面係隻大蝦！成件事個味道好豐富，檸檬葉為成隻蝦增加咗清新嘅味道，超級正！ 💜總結：呢間嘢我哋食咗三樣嘢都好好味，而且價錢又唔貴，性價比好高！我同friend食緊果陣，已經研究緊下次食啲咩😂 如果兩個女仔嚟，叫一個主食+兩個小食/沙律已經好夠，下次下次😆夾硬講啲挑剔位：1.如果唔熟呢區嘅話，間餐廳有啲難搵，指示牌欠奉，用google map應該會好少少。2.佢畀碗畀我哋share飯會更好，用碟食有少少論盡。3.枱同枱之間好近，會有啲嘈。 💜溫馨提示：記得book位！果晚OMW去到冇乜人，但坐多陣已經full咗，而且入親嚟95%都有book。住附近嘅friend話佢有時唔開，所以book定位穩陣啲～ 📍貳叄肆 (💯堂食-紅磡)> 紅磡馬頭圍道23-35H號隆基大樓地下48號舖 ✨亮點：樣樣嘢都好好味！性價比高！啲嘢食presentation都好靚！ 🙇🏻‍♀️特別嗚謝：願意book位又陪我試新嘢嘅朋友 同埋 願意試新嘢嘅自己！ #omw食越南嘢 #omw紅磡 #omw土瓜灣 #omw黃埔 #hkfoodie #hkfoodshare #hkkoreanfood #hkrestaurant #香港美食 #紅磡美食 #黃埔美食 #香港越南菜 😂Menu說明書：二人套餐：主食唔包炒飯，飲品唔包椰青一人套餐：主食唔包炒飯，飲品唔包椰青/奶蓋珍奶…查看更多

OMW啱啱週末出咗觀塘食餃子。以前次次食完餃子就去食芋圓，今次終於突破自己試新嘢。其實好方便，只係喺9樓食完滾餃，搭𨋢落4樓就有蛋糕買。Holam呢間舖頭都開咗好耐，應該係好多人都聽過嘅千層蛋糕。 OMW第一次試，心思思想揀開心果、豆腐、焙茶其中一款，最後揀咗個穩陣款：焙茶。呢次外賣咗返屋企食。（呢間除咗外賣，仲有地方可以立食，個空間幾大。） 🉑特濃焙茶千層$39返到去打開包裝，呢間餅店都幾sweet喎，畀咗小冰包保溫，隻cake keep倒個形，冇散、冇塌（好多年前，OMW經常去太子食餃子，然後又順便去LamLamLi買千層蛋糕返屋企，次次個蛋糕都塌咗🫠，影唔倒靚相），呢間Holam好勁啊，件蛋糕經過巴士洗禮後仍然屹立不倒。 蛋糕味道焙茶味幾出，但唔係超濃嘅焙茶味但唔會好淡。個Cream略嫌太漏，係第一啖就已經覺得漏果種🙈。千層蛋糕個皮唔算好滑，但算軟熟，層次分明，ok啦～ 總結：其實茶味Cream應該係比較冇咁漏，但佢都仍然好漏，覺得有啲浪費Quota。如果再試，應該要鼓起好大勇氣先會，可能試吓其他味，如果試多次都唔得嘅話就算啦～哈哈 ✨亮點：蛋糕外賣返去冇溶冇塌，茶味幾出。 📍Holam Bakery (🉑外賣-觀塘) >觀塘開源道60號駱駝漆大廈第三座4樓I室 🙇🏻‍♀️特別嗚謝：願意試新嘢嘅自己！ 想睇真實食評防伏？請即Follow @omw8110 啦🥗🍹🍱🍤🍮 #omw食甜品 #omw食蛋糕 #omw觀塘#hkfoodie #hkfoodshare #hkrestaurant #香港美食 #觀塘美食…查看更多

OMW又出去食Lunch，繼續～韓國嘢！尖沙咀呢間韓國豬手都開咗幾個月，呢日終於立定決心試吓佢。1:30行入餐廳，又唔係好多人咋喎，加埋我得3枱，係I人天堂🥲💕 喺豬手舖，緊係要試豬手，有三種味揀：原味、蒜味、辣味。我決定隨心而行，食辣～ 🉑招牌辣豬手飯餐 $103呢個餐一個大圓盤放上枱，wow好靚啊！好豐富啊！ 🉑辣豬手：味道甜辣甜辣，唔係好食得出辣，唔錯！OMW一路食一路數，大概11粒；豬手肉質唔係好淋，亦都唔硬，唔係出面有啲餐廳好鞋、好乾身果種；豬皮唔係好多，口感唔係超淋果種，咬吓就咬得開，幾好咬。惟一挑剔嘅係份量唔算多，食完未算好飽。豬手粒中間仲撈咗炒年糕，年糕冇咩特別，有煮透，有咬口，用甜辣醬撈過幾好食！ 🉑白飯：飯上面淋咗蒜蓉醬同一粒鵪鶉蛋。個蛋有點少腥。 🉑生菜沙律：同豬手同碟嘅係生菜，上面有芥末醬。 💯沙律醬撈天使菜：（點解OMW會知佢叫天使菜？因為太好食喇，好食到我鼓起勇氣好奇問咗店員呢個前菜叫咩名😎 ）呢個口感超好！大推！！！口感似海蜇/竹笙，但天使菜口感更 加 正，好好食！！出面好似好少地方有呢個食，食咁多韓國餐廳第一次見呢個前菜！下次過嚟可能係為咗呢個天使菜❤️❤️❤️ 🉑醃蘿蔔/泡菜蘿蔔：夠爽脆，不錯～ 🉑芽菜：用麻油撈，好食！ ⚠️菠蘿汁 菠蘿味好出！但甜到糖尿病😂 唔係好啱我，下次飲其他😂😂😂 ✨亮點：Lunch唔係好多人！烤豬手幾好味！沙律醬撈天使菜係呢度嘅加分位！成個餐有大量菜，食得好健康！ 📍豬手小姐（🉑堂食-尖沙咀） > 尖沙咀金巴利街3B號地舖 🙇🏻‍♀️特別嗚謝：願意行出去食飯嘅自己！ #omw食韓國嘢 #omw食肉肉 #omw尖沙咀 #omw油尖旺 #尖沙咀lunch #hkfoodie #hkfoodshare #hkkoreanfood #hkrestaurant #香港美食 #油尖旺美食 #尖沙咀美食 #香港韓國菜…查看更多

有個星期五晚，同事問：「聽日使唔使返工？食早餐？」OMW：「返啊！緊係食啦～」呢個星期六早餐就是如此誕生😂 係茶餐廳嘅歐陸早餐～ 歐陸早餐 $47.5🉑西冷牛扒：偏韌，我覺得好難咬開，少少牛味再外加少少黑椒味點綴吓🉑炒蛋：加咗雞湯，嫩滑，但味道偏咸💯法蘭克福腸：脆皮，不會過鹹⚠️丹麥酥：有明顯烘過嘅顏色，不過嚟到淋咗，好韌，即刻俾我掉咗…..落焗爐，焗返脆，好香，好味。⚠️熱朱古力：爆甜，甜度似全糖嘅黑糖乜乜乜，下次飲其他😢 好又一餐，醜又一餐。有早餐食嘅Morning就係Good Morning❤️ ✨亮點：脆皮腸個咬破口感幾好！丹麥多士畀我再焗過好脆口，好香！ 📍紅島（🉑外賣-佐敦） >佐敦彌敦道192-194號協成行九龍中心地庫至1樓 🙇🏻‍♀️特別嗚謝：勞苦功高、日曬雨淋嘅外賣員！同埋 幫手嗌外賣嘅同事！ 想睇真實食評防伏？請即Follow @omw8110 啦🥗🍹🍱🍤🍮 #omw食早餐 #omw佐敦 #omw尖沙咀 #omw油尖旺 #hkfoodie #尖沙咀早餐 #尖沙咀lunch #hkfoodshare #hktaiwanfood #hkrestaurant #香港美食 #油尖旺美食 #尖沙咀美食…查看更多

最近OMW工作超忙，好大壓力，又係時候補充能量啦，Dessert time! 🥰🥰🥰 💯朱古力卷蛋 $17比起C字頭連鎖店卷蛋，呢度嘅cream冇C字頭咁滑、口感冇咁light，但亦都冇！咁！甜！！對於要求甜品「唔係太甜」嘅香港人嚟講，甜度真係好重要啊，上次OMW食卷蛋C嘅時候覺得太甜喇，決定要停一排唔食住。於是呢個甜度真係深得我心，佢甜得嚟又帶啲苦味（感覺似50-65%朱古力嘅苦），cream裡面仲有啲朱古力粒粒帶嚟少少脆嘅口感，卷蛋中間仲有粒生朱古力！食完勁滿足❤️❤️❤️ ❤️亮點：卷蛋朱古力味甜中帶苦，仲有粒生朱古力，勁滿足！ 📍A1-Bakery 英王麵包店 🙇🏻‍♀️特別嗚謝：努力工作仍然不忘休息嘅自己！𝕃𝕖𝕥’𝕤 𝕗𝕠𝕝𝕝𝕠𝕨 @omw8110 𝕗𝕠𝕣 𝕞𝕠𝕣𝕖 🥗🍹🍱🍤🍮#omw食甜品 #omw食蛋糕 #omw紅磡 #omw尖沙咀 #omw油尖旺 #尖沙咀lunch #hkfoodie #hkfoodshare #hkrestaurant #香港美食…查看更多

🧡有專人燒嘢食！食物質素唔錯！嘢食、環境好適合打卡！ 想睇真實食評防伏? 👇🏻👇🏻👇🏻👇🏻👇🏻即睇🧡詳細食評🧡👇🏻👇🏻👇🏻👇🏻👇🏻 有日，朋友問不如試呢間韓燒好唔好，OMW即刻心心眼～ 因為屋企附近間和牛燒肉執咗之後，OMW已經一排冇燒肉喇～今次難得朋友主動問，一定要去食啦😍！ 當日一入到去餐廳，已經見到人地燒緊肉，成個石板presentation好靚😍。我哋枱面一開始就有笑哈哈調味料 同埋 6個前菜（最impressed係魷魚口感好好、好好味；另外，醃蘿蔔酸甜酸甜，夠爽脆，不錯） 而燒肉嘅石板上面有泡菜、雞髀菇（個菇超好食，勁juicy）、蒜頭、橙（濟洲柑橘？）、燒肉汁。 我哋呢日嗌咗：The Jeju Set Meal SetB $376+$20（有罈子五花肉450g + 炸醬拉麵加芝士加蛋 ）、濟洲黑毛豬肩肉150g $218、韓式芝士蒸蛋$68、綜合蔬菜$30、濟洲爺爺$78 （有加一） ❤️服務OMW欣賞呢度有店員幫忙燒嚟食，咁就唔怕未煮熟啦！勁讚！！我淨係負責望住啲燒肉滋滋滋咁燒，感覺很治癒。而且其實店員都好識做，燒到咁上下就會行開，畀我哋放心傾計。到時間差唔多又會走埋嚟翻面，又提示嘢食熟咗可以食～ ❤️The Jeju Set Meal Set B $376❤️罈子五花肉佢個豬味唔錯，冇怪味，五花肉多脂肪勁邪惡，好好食啊😍，連埋泡菜一齊食會更解膩。如果計返平時喺出面食呢啲，個份量同價錢都差唔多。呢度包埋有人燒埋畀我幾好，感覺更抵咗！ 🧡原味炸醬拉麵加芝士加蛋 因為朋友唔食得辣，我哋叫咗原味。店員會將個拉麵放上石板熱一熱、炒一炒先再上，芝士同蛋剪碎咗，唔係好食得出，我覺得加呢兩樣嘢應該會為拉麵增加層次，不過實際上冇，算係可有可無（但如果辣拉麵，我覺得一定要加芝士、蛋，會令佢冇咁辣）。拉麵口感保留到彈性。因為我地肉還肉、拉麵還拉麵分開食，感覺有啲單調，齋食拉麵有點少鹹，最後我同朋友夾咗落生菜一齊食～整體嚟講都幾好食，係個合格嘅炒韓式拉麵。 🧡濟洲黑毛豬肩肉150g $218食完五花之後仲有啲意猶未盡，於是追加咗個豬肩肉。如果同五花比，豬肩肉放落口都一樣會爆油但肉質鞋啲（唔肯定係咪因為煮耐咗定因為本身豬肩油花少啲）。Um 我frd投豬肩一票，而我投五花，大家試完可以話返我知鍾意邊樣多啲～～～ ❤️綜合蔬菜$30 呢個蔬菜其實好重要，可惜係我哋就嚟食晒啲肉先記得叫菜🙈 店員話係生食嘅，但我哋頂唔順凍冰冰，放晒上石板整熱（不過關咗火所以都唔係好整得暖）。整體嘅蔬菜都算新鮮，唔苦。生菜正常發揮，蘿蔔比較粗有啲難咬，青瓜好食好清甜。建議一開始坐低就叫呢個，可以同肉肉一齊食。 🧡韓式芝士蒸蛋$68佢係一個可打卡嘅蒸蛋，打卡一百分，一上枱啲煙係咁湧出嚟😍 味道就係麻油味蒸蛋，帶少許煙熏味，唔過淡唔過鹹，味道適中，係個可接受嘅蒸蛋。質地唔會太老，但唔會用嫩嚟形容佢。 💛濟洲爺爺$78OMW見倒黑芝麻乜乜乜+柑橘醬就嗌咗😂 食完唔知自己食咗咩，感覺係落多咗魚膠粉嘅嘢😂 千祈唔好叫😂😂😂 啲錢用嚟嗌嘢飲應該開心啲👍🏻 💜邊個Set好？食完Set B再睇返Menu，再睇吓我哋嗌嘅嘢食，Set C其實正啲，可以食倒兩款肉，仲有埋拉麵同蒸蛋，其實幾正！三個人可以都食得晒！💜溫馨提示：呢間燒肉淨係得豬食😂 唔食豬嘅食其他好啲😂 📍The JEJU（🧡堂食-旺角） >旺角亞皆老街8號朗豪坊11樓13號舖✨亮點：有專人燒嘢食！食物質素唔錯！嘢食、環境好適合打卡！ 🙇🏻‍♀️特別嗚謝：主動提出一齊食韓燒嘅朋友！…查看更多

😘呢個係唔食魚嘅人會食嘅魚蛋，正！ ❤️ 魚蛋有彈性，唔腥！ 想睇真實食評防伏？Follow @omw8110 啦🥗🍹🍱🍤🍮 👇🏻👇🏻👇🏻👇🏻👇🏻即刻睇❤️詳細食評❤️👇🏻👇🏻👇🏻👇🏻👇🏻 果日晏晝OMW去左尖東掃街，食咗雞蛋仔、鍋貼同咖喱魚蛋😍 係呀，今次終於講咖喱魚蛋😆 如果識OMW嘅人都知道：OMW唔食魚，唔鍾意魚味。呢日就食咗我覺得唔抗拒嘅魚蛋（利申：本人好討厭食某數字便利店嘅魚蛋燒賣，放落口就想即刻lur返出嚟，次次買完都後悔。好～咁大家可以知道我對魚嘅口味大概係點喇～）。林昌記係我以前成日放工去食嘅魚蛋，宜家忙咗又冇咩機會去買魚蛋食啦～所以當日掃街第一站其實係咖喱魚蛋😘 💯咖喱魚蛋（大）$20其實OMW每隔一排就會想食咖喱魚蛋，呢間算係好少數我會覺得唔錯、放得入口嘅魚蛋。佢係白魚蛋質地，彈滑口感，我覺得唔腥（其他食魚嘅人食完可以話返我知你哋覺得腥唔腥🤣）。大size魚蛋應該12粒。咖喱汁都做得唔錯，味道不會過鹹；我鍾意佢以前咖喱汁嘅質地做到有啲杰身、感覺係煮個咖喱汁時煲薯仔煲溶咗嘅質感，當時真材實料，宜家少咗呢種texture。不過都好唔錯啦～ 💜建議食法：OMW好鍾意喺佢辣油底撈啲辣椒籽出嚟一齊食，食得辣嘅可以試吓😘💜佢地點有少少難去，個位置係：喺PolyU去尖東條天橋，留意天橋右邊有條小小橋通去一棟大廈。過咗橋之後，左邊就係咖喱魚蛋啦～ 注意：呢間係外賣舖，冇堂食～ ✨亮點：唔食魚嘅我嘅少數選擇～魚蛋有彈性，唔腥！❤️ 📍林昌記（💯外賣-尖沙咀） 🙇🏻‍♀️特別嗚謝：冇偷懶、肯出去行吓掃街嘅自己！ 𝕃𝕖𝕥’𝕤 𝕗𝕠𝕝𝕝𝕠𝕨 @omw8110 𝕗𝕠𝕣 𝕞𝕠𝕣𝕖 🥗🍹🍱🍤🍮 #omw掃街 #omw食街頭小食 #omw食魚蛋 #omw尖沙咀 #omw油尖旺 #hkfoodie #尖沙咀lunch #hkfoodshare #hktaiwanfood #hkrestaurant #香港美食 #油尖旺美食 #尖沙咀美食…查看更多

😘脆底好食鍋貼，正！ ❤️ 鍋貼個底勁脆，裡面個肉肉好好味，性價比高！ 想睇真實食評防伏？Follow @omw8110 啦🥗🍹🍱🍤🍮 👇🏻👇🏻👇🏻👇🏻👇🏻即刻睇❤️詳細食評❤️👇🏻👇🏻👇🏻👇🏻👇🏻 尋日晏晝OMW去左尖東掃街，食咗雞蛋仔、魚蛋同 生煎鮮肉鍋貼😍 一出門口OMW就已經決定好一定要食鍋貼，佢性價比高之餘又好味！2:45pm行過冇咩人，為咗環保，於是坐低咗食（平時Lunchtime佢坐滿晒㗎🥲）。 💯生煎鮮肉鍋貼5隻 $18鍋貼個底勁脆，每咬一啖就係好好味嘅肉餡，味道適中，唔會過鹹。少少美中不足嘅地方係個鍋貼皮接合位唔係好夠熱，如果成隻都熱辣辣就prefect喇🙈 肉餡夠晒juicy，一次過食5隻勁正！（OMW食完差啲想再叫多5隻😳不過為咗食雞蛋仔，所以打消咗呢個邪惡念頭）好好味！期待下次再食😍 💜溫馨提示：進食鍋貼時切忌過急，小心熱慢慢食啊：） ✨亮點：鍋貼個底勁脆，裡面個肉肉好好味，性價比高❤️ 📍君戶鍋貼大王（💯堂食-尖沙咀） 🙇🏻‍♀️特別嗚謝：冇偷懶、肯出去行吓掃街嘅自己！ 𝕃𝕖𝕥’𝕤 𝕗𝕠𝕝𝕝𝕠𝕨 @omw8110 𝕗𝕠𝕣 𝕞𝕠𝕣𝕖 🥗🍹🍱🍤🍮 #omw掃街 #omw食街頭小食 #omw食肉肉 #omw尖沙咀 #omw油尖旺 #hkfoodie #尖沙咀lunch #hkfoodshare #hktaiwanfood #hkrestaurant #香港美食 #油尖旺美食 #尖沙咀美食…查看更多

😘外脆內軟雞蛋仔，正！📍媽咪雞蛋仔（💯外賣-尖沙咀） ✨亮點：外脆內軟，超香茶味，勁滿足！ 想睇真實食評防伏？Follow @omw8110 啦🥗🍹🍱🍤🍮 👇🏻👇🏻👇🏻👇🏻👇🏻即刻睇❤️詳細食評❤️👇🏻👇🏻👇🏻👇🏻👇🏻 今日OMW諗咗超耐都諗唔到Lunch食咩好，於是出走公司，行咗去尖東食街chill住開心掃街，食咗魚蛋、鍋貼，同埋 伯爵茶朱古力雞蛋仔😍 OMW行緊過媽咪雞蛋仔嘅時候，仲諗緊食咸定食甜，因為已經食咗魚蛋同鍋貼啦，所以都係決定食甜，順便補充一下工作時流失嘅糖份，於是嗌咗平時都食開嘅伯爵茶朱古力雞蛋仔🥰🥰🥰 💯伯爵茶朱古力雞蛋仔伯爵茶同朱古力好match，伯爵茶嘅茶香中和咗朱古力嘅膩，朱古力為伯爵茶嘅單調加上層次，好好食💕 口感係超正嘅外脆內軟，每一粒都外脆、有滿滿嘅餡、有溶咗嘅朱古力！食完好飽足！好滿足！好開心！ 🙇🏻‍♀️特別嗚謝：冇偷懶、肯出去行吓掃街嘅自己！ 𝕃𝕖𝕥’𝕤 𝕗𝕠𝕝𝕝𝕠𝕨 @omw8110 𝕗𝕠𝕣 𝕞𝕠𝕣𝕖 🥗🍹🍱🍤🍮 #omw食雞蛋仔 #omw食街頭小食 #omw食甜品 #omw尖沙咀 #omw油尖旺 #hkfoodie #尖沙咀lunch #hkfoodshare #hktaiwanfood #hkrestaurant #香港美食 #油尖旺美食 #尖沙咀美食…查看更多

今日OMW繼續食外賣！呢間台灣嘢又係我哋公司都幾受歡迎嘅外賣餐廳～而Lunch大熱係蜜汁烤雞扒便當，OMW今日都叫咗呢個🧡 🉑蜜汁烤雞扒便當佢成個便當都係Mega size，雞扒都好足料啊，勁大塊、佔據成隻碗大部分面積，調味都好好，醃料唔係淨係醃倒雞皮，仲入到肉本身，好味啊，但今次雞扒略帶雪味，少少扣分。而OMW覺得小胖嘅吸引之處係，佢便當飯有好多唔同配料可以送飯食，有唔同嘅蔬菜，營養比較均衡。今次便當有滷蛋（正常質素嘅滷蛋，冇蛋腥味）、蝦棗（？）、椰菜絲+蘿蔔絲（佢係有煮過嘅椰菜同蘿蔔，唔會有青味，蘿蔔絲會略帶脆感）、小棠菜（有兩三條，淋度適中）、粉絲（係有加咗啲豉油撈嘅粉絲，份量唔少）、粟米（匿埋咗喺雞扒底下，係滿滿嘅粟米），超級豐富、超級滿足！ 💯鳳梨綠茶（冷泡茶）呢個係今年先出嘅新嘢，以前冇架。微甜，帶淡淡菠蘿味！ 💜要 蜜汁烤雞排 定要 士林鹽酥大雞腿？以價錢嚟講，烤雞扒平過炸雞髀。以雪味嚟講，雞髀好食過雞扒，雞扒有雪味機會大好多，炸雞髀暫時未試過。以熱氣嚟講，烤雞扒一定冇炸雞髀咁熱氣。以淋/脆度嚟講，外賣食雞髀就有機會淋咗，堂食兩樣都正！以私心嚟講，一定係炸雞髀，邪惡啲，啲肉又滑啲😎 講完好似冇講咁🤣 唔知你哋又會點揀呢？ 📍小胖台式便當（🉑外賣-尖沙咀） ✨亮點：營養好平衡，有勁多配菜，食一盒飯可以食到好多嘢，仲有配嘢飲；食晒所有勁滿足🧡 🙇🏻‍♀️特別嗚謝：勞苦功高、日曬雨淋嘅外賣員！ #omw食台灣嘢 #omw食台式便當 #omw尖沙咀 #omw油尖旺 #hkfoodie #尖沙咀lunch #hkfoodshare #hktaiwanfood #hkrestaurant #香港美食 #油尖旺美食 #尖沙咀美食…查看更多

Hungry Korean以前好出名，但都唔平啊。好多年前食過一次覺得一般，過咗咁多年OMW又有機會試吓有冇進步啦，宜家喺Panda Deal買滿$200減$90，就趁平平哋再食多次啦🙈 今次嗌咗韓式牛肉鐵板燒（配飯）、韓式三小碟、迷你炸雞件～ 🟡韓式牛肉鐵板燒（配飯）一打開蓋就見到滿滿嘅椰菜，少少紅蘿蔔，少少洋蔥，一睇就知今餐有菜食，牛肉比較碎但唔韌。味道好好，就係平時果種甜甜哋嘅味，好多汁，好適合送飯。 🟡韓式三小碟有薯仔、魚糕同泡菜。🟢薯仔沙律：係滑滑嘅薯蓉撈咗沙律醬同黃芥末醬，裡面仲有青瓜、生洋蔥絲、淋嘅薯仔小顆粒，薯仔冇怪味。呢個係三個裡面最好食。🔴魚糕：OMW真係好鍾意魚糕，但呢個唔好食！佢有種硬硬哋未熟透嘅咬感，同時但呢個都有種溝多咗麵粉嘅感覺（即係正常魚糕應該似魚蛋有少少彈牙，但呢個一啲都唔彈🫣）🟡泡菜：好酸、辣、略嫌唔夠脆度（OMW唔鍾意酸嘢，呢間比其他韓國餐廳都酸，輸在起跑線🙈）。 🟡迷你炸雞件份量唔多。炸雞size都真係迷你，唔係普通炸雞果種size，拼返埋一齊應該有出面4-5舊炸雞。應該冇包粉炸，調味唔錯，但一兩粒有雪味，點埋黃芥末醬食，味道唔錯！ 📍Hungry Korean（🟡外賣-尖沙咀）✨亮點：網上外賣平台有優惠，計落幾抵，有性價比！ 🙇🏻‍♀️特別嗚謝：勞苦功高、日曬雨淋嘅外賣員！ #omw食韓國嘢 #omw食肉肉 #omw尖沙咀 #omw油尖旺 #尖沙咀lunch #hkfoodie #hkfoodshare #hkkoreanfood #hkrestaurant #香港美食 #油尖旺美食 #尖沙咀美食 #香港韓國菜…查看更多

OMW鍾意食好多嘢，其中一樣就係豆腐～我媽整豆腐嘅話，我可以自己一個啪晒成磚豆腐🤣 尋日8號風球落波趕返工，OMW冇時間買正式午餐，於是喺港鐵站買咗個想試好耐嘅豆腐芝士蛋糕嚟食。 ⭕️豆腐芝士蛋糕$38豆腐芝士蛋糕好少地方有得買。呢個蛋糕有3層。最面層係OMW最唔鍾意嘅白色cream，cream唔算好膩，Cream上面有少少黃豆粉（我估）。最底係餅底，OMW食唔出用咩整，唔係消化餅，食落比較鬆散易碎。去到主角豆腐芝士蛋糕，佢唔係美式硬嘅芝士蛋糕，係軟身果種，豆腐味淡但有，豆腐味會俾面層嘅Cream奶膻味遮咗，有啲可惜。食完呢個之後好滯！ 總結：呢個cake豆腐味唔重，略貴，下次未必會再買。同事話呢度啲麵包幾好食，有機會試吓😬 📍Friendship market(外賣-紅磡） ✨亮點：少見嘅豆腐蛋糕，買嚟影相其實幾靚。做lunch嘅話幾飽肚。 #omw食甜品 #omw食蛋糕 #omw紅磡 #omw尖沙咀 #omw油尖旺 #尖沙咀lunch #hkfoodie #hkfoodshare #hkdrinks #hkrestaurant #香港美食 #紅磡美食…查看更多

OMW每日返工朝早都唔想起身。但去到週末放假又會好早訓醒，叫醒我嘅係，早餐啊😝 呢間早餐OMW成日都食，食到好熟啦，應該餐廳廚房一見倒張外賣單就知係我🙈 👑美式熱香餅早餐：有熱香餅、加拿大煙火腿、牛奶炒蛋、薯餅，配嘢飲（熱朱古力）。🌮建議食法：熱香餅塗適量牛油、糖漿，將切細嘅煙火腿、薯餅、炒蛋放上面一齊食，好好食！🥞熱香餅：軟熟，香！我覺得佢甜度好好，冇麥當勞咁甜～ 🍖加拿大煙火腿：係有厚度嘅火腿，單食佢會太咸。將佢好似McGriddle咁夾喺熱香餅加糖漿一齊食嘅話，味道岩岩好！（薯餅、炒蛋、飲品喺扒類早餐再講） 👑扒類早餐好豐富，有扒（西冷牛扒）、蛋（牛奶炒蛋）、薯餅、蕃茄、腸仔、包（牛角包），配嘢飲（凍檸檬茶），加錢有麵食（叻沙榨菜雞絲米粉）。OMW成日食，下面講吓OMW覺得點揀最正～ 🥩扒類：扒類早餐有幾款扒揀：牛、豬、雞、魚。👑牛，係西冷牛扒。唔知大家平時食早餐會唔會叫牛扒，有啲地方食牛扒又細塊又薄到紙咁，大啖食 兩啖食晒 食空氣咁，而呢間絕對唔會。佢個長度就係長型外賣盒咁大塊，呢塊係用刀叉食嘅牛扒，放落口要咬吓，食落真係知道自己食緊牛扒，有牛味，有蒜味，有黑椒汁，大塊，好滿足！😱雞，喺外賣平台見多人叫，叫咗兩三次，但次次都有雪味，之後冇食過啦。⭕️豬一般、有時會韌，可以嗌。🙈偏食的我除咗吉列魚冇食過，上面全部食勻曬。大家食完魚可以話返我知覺得點～ 🍳蛋類：扒類早餐有得揀蛋：牛奶炒蛋、煎蛋👑牛奶炒蛋次次都係食呢個，唔鞋滑滑地，好香！⭕️煎蛋叫過一次，係燶邊全熟蛋，都唔錯，但之後都係會揀返牛奶炒蛋😝⭕️黑松露炒蛋以前有得加錢跟餐，宜家冇啦。佢係牛奶炒蛋面頭加少少黑松露醬，冇好特別，所以之後都係牛奶炒蛋😝 扒餐包呢啲：🥔薯餅：外賣嚟到有時係淋淋的，有時又脆脆的；但點都好，咬落去食得出有粒粒小薯粒，薯仔就係好食！🍅蕃茄：係有厚度嘅蕃茄扒，增加健康感。有時唔係蕃茄扒，係車厘茄。🥓腸仔：普通嘢，唔會太咸，冇怪味。有時廚師腸冇貨會開心upgrade咗做All Day果種高級脆皮外國腸。🥐包：平時係烘過嘅丹麥麵包，香香脆脆的很好食。今日係牛角包，少淋唔脆、少香。 🍜加錢有麵食：👑叻沙榨菜雞絲米粉對我嚟講係叻沙湯米粉。個湯唔差、有少少叻沙味，米粉係減肥恩物，仲可以放耐少少、遲啲食。雞絲我會夾走因為都係有雪味。榨菜爽脆，幾好。⭕️五香肉丁公仔麵呢個係邪惡之選，佢話係公仔麵，真係會跟一包麻油可以自己落！但OMW就麻麻地佢個五香肉丁，所以好耐冇叫啦～想放肆嘅話，食呢個都唔錯。⭕️仿鮑魚絲火腿通粉以前我成日嗌呢個，因為當時個通粉口感好好，有al dente感，不過宜家冇啦，可能轉咗通粉來源，然後冇再嗌佢喇。但overall要飽肚食個通粉其實ok！印象中個湯幾好味。 ☕️飲品：⭕️凍檸檬茶：comfort drink，有時會覺得唔夠甜；但今次我覺得啱啱好！⭕️熱朱古力：唔算好濃，嚟M嘅話可以叫嚟飲吓，唔會話好滿足。⭕️熱奶茶：呢個係厲害的東西！飲完會好精神！ 📍WM Café and Bar（外賣-馬鞍山）✨亮點：牛扒好大塊，扒餐好豐富！仲有熱香餅早餐😍 🙇🏻‍♀️特別嗚謝：勞苦功高、日曬雨淋嘅外賣員！…查看更多

OMW又出去食Lunch，繼續～韓國嘢！尖沙咀呢間韓國餐廳都開咗一段時間，一直都好想試，今次終於食到啦！！Lunchtime要排一陣隊先有位，但我覺得值得啊😍 🍱大邱辣味炭烤豬肉定食套餐$68套餐有烤豬肉、白飯、蛋花湯、泡菜、芽菜。呢度勁有效率，落完單幾分鐘就上枱有得食，開餐！🍴 👑大邱辣味炭烤豬肉(+$20肉量升級)呢個豬肉好好味喎！豬肉質地一啲都唔鞋，但食落又唔係多肥膏。然後重點：佢嘅香氣！一放落口係好香嘅炭燒味，辣味唔算好突出（雖然兩位同事食完都話辣😳），係甜辣果種，而且我覺得甜多過辣，好好食💕 🥗韓式小菜⭕️喺烤豬肉嘅同一隻碟仲有椰菜絲（加咗千島醬）同泡菜汁韮菜，應該係想中和豬肉嘅膩感。但OMW 就唔覺得個烤豬肉好膩，係去到最最後先食佢哋。⭕️泡菜：夠爽脆，不錯。⭕️芽菜：用麻油撈，好食！ 💜+$20肉量升級 好唔好？ OMW唔建議啊，呢次第一次食加咗錢，但目測份量同隔離冇加嘅差唔多🥲。有廿蚊寧願加嘢飲好過。 💜要烤豬肉定要豬大腸？OMW唔食內臟，但試曬兩樣嘅同事話佢會揀烤豬肉～ 💜烤豬肉要原味定辣味？OMW食咗同事兩啖原味烤豬肉💕 原味豬味嘅炭烤味比辣味更出色，原味類近日本壽喜燒汁嘅味道，要辣味（少少辣）定要原味（濃啲嘅炭香味）就自己揀喇～我諗住下次要原味：） 📍火桶Hwa Tong（堂食-尖沙咀） ✨亮點：烤豬肉好香、好好味！ 🙇🏻‍♀️特別嗚謝：願意行出去食飯嘅自己！…查看更多

同事升職請食餅，恭喜晒🎊🎊 👑開心果櫻桃蛋糕望住成盒餅心心眼，第一眼就揀中咗開心果！呢個好好食啊😭 佢係濃濃嘅開心果醬放最上層中間，然後係個core: 好香嘅開心果cream，中間有個layer係車厘子果醬，底有啲脆脆，圍邊嘅係有開心果碎嘅開心果朱古力脆皮。每啖都係滿滿嘅開心果味，加咗少少車厘子醬，balance返件蛋糕，唔會好漏。請注意，最上面嘅車厘子唔知係酒漬定酒釀車厘子，唔知佢整法，總之有濃濃嘅酒味啦😂 OMW食完有點少暈🙈總結：有質素嘅開心果甜品，好滿足！ 👑士多啤梨芝士餅Layer由上至下係：士多啤梨、cream cheese、海綿蛋糕、餅底。士多啤梨唔算甜、微酸；Cream cheese好滑、少漏；海綿蛋糕有濕潤感，係好食嘅海綿蛋糕；餅底加咗少少果仁碎粒粒，增加口感。兩個字總結：好食！ ⭕️斑蘭芒果糯米飯蛋糕有幸𢳂咗一羹同事嘅嚟食，呢個都唔錯！Layer由外到內係斑蘭cream、椰子cream、芒果粒、糯米飯。食落好香斑蘭、椰子味，最底個糯米飯我哋估咗好耐係咩嚟嘅，一開始以為麻糬/椰汁糕/西米，估佢唔倒竟然係糯米飯，飯有點太多，0.5+mm厚，如果薄啲會更好。整體泰國特色嘅甜品味道都好出倒，又唔似泰國果啲咁甜，斑蘭Cream出面好少有，做得好好食。 📍帝苑餅店✨亮點：質素保證！蛋糕類別有傳統、有特色、任君選擇！ 🙇🏻‍♀️特別嗚謝：升職加薪嘅同事們！…查看更多