starrychow的个人专页

同朋友去咗呢間拉麵店🍜 見到近排聯乘老字號華園小食出咗鐵板大蝦拉麵同沾麵！最吸睛一定係塊原隻鐵板大蝦餅，真係好大塊，原隻大蝦餅，好香脆！拉麵同沾麵我都揀咗微辣！湯底都落足料，用咗大量 背脂煮干熬製，飲落去鮮味爆燈，仲有陣陣背脂香，加上海老辛醬，飲完成個口都仲留到蝦嘅餘韻😍沾麵版本個湯更濃稠，掛汁力一流，麵條用咗粗身，咬落煙韌有口感。另外試咗佢哋嘅小食，口福餃子🥟煎得脆底多汁。南蛮炸雞🍗外脆內嫩，個他他醬調得幾開胃。最驚喜係個辣肉碎豚角背脂飯，加埋辣肉碎同豚角，有麻辣香，好惹味！飲品方面，蜜桃梳打同晴王麝香葡萄梳打都幾清新，甜度適中！呢間拉麵店嘅食物真係食得出有心機。下次再encore！ …查看更多

同朋友去咗呢間餐廳慶祝生日，真係幾正！地方夠大又舒服，最特別係餐廳入面仲可以玩滑浪，我哋就食飯睇住啲人滑浪，夠曬過癮。今次試咗佢哋新出嘅日本菜式，有驚喜！頭盤叫咗黃金蓮藕片同油甘魚柚子脆米，蓮藕片炸得香脆唔油膩，好似薯片咁。油甘魚刺身新鮮，配埋柚子汁同脆米，口感好豐富。主菜叫咗明太子忌廉烏冬同和牛柳粒炒飯，烏冬creamy得嚟唔會太漏，明太子份量啱啱好；炒飯就鑊氣十足，和牛粒嫩滑有牛香，兩個人share食曬成碟。甜品時間叫咗梳乎釐芝士蛋糕同栗子蛋糕，芝士蛋糕好香濃🍰；栗子蛋糕就甜度適中，栗子蓉好香滑。生日仲可以叫店員喺甜品上寫上生日字句🎂飲品方面，鮮奶咖啡同熱泡沫咖啡☕️有拉花，咖啡香濃。…查看更多

泰式×西式Fusion大滿足黃埔呢間餐廳望到海，而且假日仲有brunch set。$238嘅Brunch Set竟然包前菜、小食、主菜、甜品及飲品，性價比超高！ 前菜 & 小食：Salmon Caesar Salad新鮮三文魚加脆脆麵包粒，凱撒醬唔會太膩，清爽開胃～ Pomelo Salad with Shrimp泰式柚子沙律，柚子清甜帶微辣，好醒胃！ Salmon Tartare，三文魚他他配脆多士，精緻之選！ Avocado Mango Rice Paper Roll越南米紙卷！牛油果creamy、芒果甜，點魚露更提鮮～ Chicken Satay雞肉嫩滑唔乾，仲有炭燒香！ Shrimp Cake 外脆內彈；蒜香大蝦！蝦肉吸盡蒜油精華，超香口～ 仲有邪惡黑松露多士！芝士拉絲，松露香氣撲鼻，必食！ 主菜揀了比目魚，煎到皮脆肉嫩，配檸檬牛油汁，清新唔膩～ 🥩 Steak & Eggs with Fries，牛排叫咗medium，肉汁豐富，太陽蛋流心配薯條超滿足！ 🍰 甜品Tiramisu，咖啡酒香突出。芒果甜糯米飯暖暖地，椰奶香濃！ 飲品 Cappuccino，咖啡香濃，奶泡綿密。Thai Milk Tea茶味香濃唔會過甜。…查看更多

呢間工廈嘅Cafe有精緻嘅晚餐🍴我哋叫咗前菜、主菜、甜品及飲品，食物有水準！首先上嚟嘅前菜，包括日式三文魚子蕃茄他他伴芥末牛油果沙律、蟹肉餅伴黑蒜蛋黃醬法式雷穆拉德醬芹菜頭青蘋果沙律🥗三文魚子清新伴碎蕃茄好清新，蟹肉餅香濃香煎得香脆，有一絲絲蟹肉。主菜香茅檸香雞胸配青咖喱意大利飯🍛，雞胸肉嫩汁，散發陣陣香茅清香，配上青咖喱飯，好惹味。另一道是椰香叻沙汁煮手工幼管意粉🍝配上香茅牛油焗波士頓龍蝦，意粉Q彈，叻沙汁濃郁香口。龍蝦🦞肉質鮮嫩爽口。最後甜品點了Tiramisu，食落軟滑，有咖啡香及酒香。飲品點了White Peony Tea同Mocha。White Peony Tea清新怡人，回甘悠長；而Mocha則濃郁醇香。…查看更多

呢間上海菜夠晒平民，而且選擇多，價錢又經濟。品嚐咗佢哋嘅午市套餐，真係好抵食！首先試咗佢哋嘅四川擔擔麵。麵條爽口，配搭濃郁四川香辣湯汁，面上有肉碎、花生等等，好香！另一套餐就係咕嚕肉配白飯。咕嚕肉熱辣辣，酸酸甜甜。我亦試咗餐涼瓜炒牛肉。牛肉鮮嫩，涼瓜甘苦。跟餐嘅有機豆漿夠濃郁；而粟米魚肚羹就非常足料。我哋仲叫咗咗蟲花雞湯同小籠包。蟲花雞湯湯頭醇厚，大大碗，可以兩個人share。小籠包餡料鮮嫩多汁，不錯！…查看更多

去咗食點心，每款點心都熱辣辣蒸好，傳統得嚟又有驚喜，絕對係點心控必試！ 一龍大滿足，有六款唔同嘅點心。筍尖蝦餃皇皮薄，蝦肉爽口。蟹粉菠菜香蝦餃，翠綠外皮用菠菜汁製，蟹粉鮮味爆燈，邪惡度滿分～ 松露野菌晶瑩餃，紫色嘅外皮好靚，黑松露香氣撲鼻，野菌餡多汁。酸菜魚鳳眼餃就創意爆棚！魚肉嫩滑配微酸菜粒。鹹蛋黃墨魚燒賣，墨魚膠彈牙，鹹蛋黃幾香。 斑蘭麻蓉桃子🍑打卡靚靚！外型似真桃子，斑蘭麻蓉香甜唔膩。之後叫咗鳳爪拼黑椒金錢肚，一次過可以有兩款點心。鳳爪入味，金錢肚厚身。金牌脆皮乳鴿王即叫即炸！皮脆到似玻璃紙，肉嫩多汁～ 雞湯浸時蔬，菜浸到翠綠爽脆，雞湯清甜無味精，健康之選！ 豉汁排骨蒸陳村粉，排骨多，陳村粉吸盡豉汁精華。韭菜煎餃子🥟半煎炸，口感香脆，韭菜餡滿滿。…查看更多

今次試咗間人氣西餐廳，食物質素唔錯，值得回訪！Daily Salad🥗新鮮爽脆，醬汁輕盈。有火箭菜、鴨胸、車厘茄等。🥩 Grilled Rib Eye Steak叫咗medium rare，切開啱啱好，肉汁鎖得住 。牛味濃郁，邊位帶少少脂肪焦香 。配菜有烤蒜頭同蘆筍好夾，薯蓉滑溜 Lobster Taco🌮🦞龍蝦肉爽口，有牛油果醬、車厘茄、生菜🥬等。Truffle Fries炸得脆，松露醬幾香。最後甜品Soufflé Pancake🥞，空氣感十足配楓糖漿、鮮奶油、水果，好味😋飲品Hot Mocha，朱古力同咖啡平衡，面頭拉花靚。Matcha Latte 抹茶味濃。…查看更多

今次試咗呢度嘅手工曲奇，有單件裝、亦有禮盒裝，多款唔同嘅曲奇🍪我揀咗兩塊大曲奇：🍫 法國頂級66%黑朱古力厚曲奇口感：外層微脆，內裡濕潤鬆化；黑朱古力濃郁，甜度剛好唔會膩 亮點：用咗法國頂級 66%黑朱古力朱古力，味道濃厚！ 🥜 焦糖脆餅榛子朱古力軟心曲奇中間有朱古力餡 ；味道有焦糖香+榛子餅+朱古力，三重邪惡 ，層次超豐富 一盒Buttercream夾心曲奇（3味）1️⃣ 原味奶油：牛油香超濃，夾心幼滑似雪糕 2️⃣ 士多啤梨🍓酸甜清新 3️⃣ 開心果：堅果味突出，仲咬到開心果碎 見到仲有奶油蛋糕，下次有機會試吓。…查看更多

今次試咗呢間中菜館嘅午市套餐，$398兩位可以歎到8款點心小菜，仲有糖水，好豐富！ 西湖牛肉羹，牛肉粒嫩口，仲有少少蛋白花、豆腐粒，飲落暖胃又舒服～ 小食七味脆豆腐，外脆內嫩！灑咗七味粉微微辣，幾惹味！ 金沙魚皮炸到超脆，咸蛋黃醬多到瀉，鹹香惹味到食到停唔到口😋點心彩虹鮮蝦餃皮薄餡多，蝦肉爽口。蟹籽乾蒸燒賣大大粒。生菜鯪魚球粥，粥底綿滑，鯪魚球彈牙冇骨。仲有白灼時蔬大大碟。最後糖水紫糯米，唔會太甜，仲有少少椰香，完美作結！ …查看更多

高質日本菜🇯🇵觀塘呢間日本料理，食物種類選擇多、價錢合理，食完真係想encore！ 首先有空運貨北海道活北寄貝，即叫即開！貝肉切得靚靚，食落爽口。卷物方面，揀咗大蝦天婦羅吞拿魚茸卷，脆卜卜天婦羅蝦，卷物面上有吞拿魚蓉，口感豐富。煎鵝肝帶子卷，食落好滿足😌 壽司🍣方面：甜蝦及帆立貝壽司鮮甜；油甘魚腩油脂滿滿。海膽魷魚軍艦估唔到呢個配搭幾特別。牛油果軟殼蟹手卷夠香脆。款款都有水準，下次再試多啲款式！…查看更多

🥩 四品牛魔御膳：有醬味薄牛、穀飼西冷、菲力牛及翼板牛。醬味薄牛，薄切牛肉肉質腍身，吉列口感唔錯。穀飼西冷油花均勻，肉汁豐富。菲力牛軟嫩！簡單用鹽調味，食到原汁原味。 翼板牛帶少少筋位，咬落有嚼勁，牛味最濃郁！ 御膳跟飯、湯、沙律菜，牛肉控必試！而銀鱈魚二味御膳（燒/吉列）：吉列銀鱈魚，炸衣薄脆；燒魚魚肉嫩滑，跟珍珠米飯、味噌湯、漬物，份量剛好唔會太飽滯。 飲品揀咗柚子薑茶，暖胃酸甜。 果物冰茶（白桃、菠蘿、紅莓），酸甜清爽，果香突出！ 甜品揀咗特濃抹茶小豆流心蛋糕，抹茶味超濃郁，切開流心餡，甜度剛好唔會膩！ 沖繩黑糖雞蛋布丁，有蛋香、口感滑溜，黑糖漿甜甜地，完美作結！ …查看更多

呢間日式小店主打精緻定食，仲有刺身、甜品等🍱單點咗北海道帶子 6切，帶子鮮甜，唔錯。主食揀了吉列竹筴魚山藥燒配醬油溏心蛋帆立貝湯烏冬。吉列竹筴魚外皮酥脆，魚肉嫩滑。仲配有山藥燒，綿密山藥混入明太子，表面微微焦香，好似蛋餅咁。醬油溏心蛋帆立貝湯烏冬，夠哂足料！ 另外，厚切吉列北海道豚肉眼扒定食。豚肉眼扒香脆，肉質松化。跟珍珠米飯、味噌湯、漬物，仲有自家制豬扒醬。定食配熱日式玉露茶🍵我哋加配咗甜品：自家制焦糖焙茶布甸🍮茶香濃郁，焦糖香甜。煉乳＋勝紅豆白玉冰粉🍧冰粉清爽，紅豆🫘甜甜的，仲有白玉丸子。…查看更多

呢間懷舊酒樓中菜，晚市有人唱Live🎤有懷舊歌聽，仲可以食到傳統點心同鑊氣小炒～～～首先避風塘海蝦，新鮮大蝦炸到金黃酥脆，蒜香、辣椒、爆炒，香辣惹味要啜下蝦殼，正！另外手剁鹹魚蒸肉餅，傳統家常味道！肉餅手剁夠晒彈牙，鹹魚香濃但唔會過鹹，份量好多，配飯食超正！ 呢度仲有懷舊推車仔點心，蝦餃皮薄，蝦肉爽口！ 燒賣嘅豬肉同蝦比例剛好，頂頭蟹子卜卜脆，傳統風味！ 牛肉球陳皮香突出，配喼汁更開胃～ 而牛肚夠入味！ …查看更多

莆田25周年有好多優惠，今次就去食晚餐。飲周年惠顧仲送咗辣媽醬。首先，花蛤蒸水蛋滑溜到似食豆腐花！花蛤鮮甜無沙，蒸蛋吸收晒海鮮精華，面頭仲有少少蔥花同豉油提味，送飯一流。 南洋黑胡椒蝦，蝦肉爽口，黑胡椒醬炒得超香濃，帶微微辣勁，食完連蝦殼都忍唔住啜兩啖！ 莆田荔枝肉外層炸到脆卜卜，肉質鬆化，酸甜醬汁開胃得嚟唔會膩，真係有少少荔枝香氣。 芥蘭豆皮簡單但好食！芥蘭嫩而無渣，豆皮吸滿醬汁，帶微微蒜香，健康又夠鑊氣。 …查看更多

尖沙咀呢間鐵板燒店，午市都好多人，非常熱鬧。我哋試咗兩個套餐《瀧》、《宴》。《瀧》前菜、季節刺身（4款）、野生南非鮑魚、野生大虎蝦、米國頂級牛肉、鐵板炒飯、海帶面豉湯、炒什菜《宴》前菜、刺身（2款）、本日精選壽司（2款）、香煎鵝肝伴自家制醬汁、野生大虎蝦、米國頂級牛肉、炒什菜首先高野豆腐配清湯，軟綿綿幾好味😋季節刺身有油甘魚、三文魚、鯛魚，款款都厚切肥美，食落鮮味。另外，是日壽司都好新鮮。之後到鐵板燒。野生南非鮑魚好生猛，肉質彈牙，少少調味已經好好食。而野生大虎蝦好大隻，蝦頭膏多到漏油，肉身爽口鮮甜。香煎鵝肝伴自家製醬汁係致命誘惑😋外脆內嫩，滿滿鵝肝油香😍牛肉米國頂級牛肉，要咗五成熟，外層脆脆地，夾住炸蒜片食，邪惡度爆燈 ！最後海帶麵豉湯、炒什菜同炒飯。…查看更多