Ms Y的个人专页

午餐由前菜、主菜、甜品都可作不同配搭，食物選擇多，甜品美味，咖啡亦非常出色！係一間很用心的店！店員又非常nice! 當年疫情，很怕這間咁「隱世」小店捱不住。幸好最後都捱過了！午餐選了「輕食午餐」，但份量絕對足夠。頭盤選了羅宋湯，主食是日式咖哩配單骨雞翼，雞翼十分香口。另配小丸子芝麻糊，完全滿足了食正餐又可食甜品的慾望加錢配了鮮奶咖啡，隨啡送上了雪糕。整個午餐十分出色。甜品menu選擇十分多，下次會主要食甜品😌…查看更多

作為街坊，除咗因為想幫襯小店，亦因為食物及咖啡質素很高，所以由剛開張以來都會經常幫襯。店員/咖啡師都是充滿熱誠的。沒來一段日子，原來已人面全非。今天在非繁忙時間的平日上午來到，客人很少。食物水平仍然高，手沖咖啡依舊出色，但店員/咖啡師已經不再是熱誠滿滿的舊模樣。當然，員工並不是來賣笑，但不耐煩的態度及表情，也會為食客帶來不太愉快的體驗（對著其他店員是有講有笑的，應該不是本身心情太差吧）。說真的有點失望。…查看更多

去到粉嶺中心，千揀萬揀，揀左新釗記茶餐廳食早餐。叫左一個奶醬多士加熱奶茶。幾分鐘後奶茶送到，但件多士一直未到。由於冷氣有點大，奶茶都開始涼。見餐廳根本冇乜人，怕佢漏單所以搵個侍應追問下。追單下，侍應一問有咩未送到嚟，見係多士就即刻話多士係要時間整、要耐啲。點之轉頭就拎過嚟。一入口不得了，是涼的。即係一早做好但冇人拎過嚟。杯奶茶係唔錯的。但咁嘅「服務」，完全影響我對呢間餐廳嘅觀感。check都未check就assume唔係佢地出問題。…查看更多

座落在長沙灣/荔枝角一帶嘅食肆，午巿大部分都係喺周邊工商區嘅人士。作為一個打工仔，1小時午飯時間極珍貴。大約中午12:08分到，第2枱客。12:10已落單，叫了2個午餐，一份薯條。飲品一早到，杯咖啡….千祈唔好試！飲左一啖，然後一直等…等…等….全場坐滿，除了第一枱客的一個pizza出到，其他人一直在等。到12:50終於上到第一份餐：辣肉腸凱撒沙律。等了40分鐘，終於有一份應該可以一早預備好材料，上碟就可以出嘅食物。第二份午餐係千層麵。賣相唔錯，但….外面係暖的，入面，係！凍！的！根本未煮好。已到下午1時，放棄了薯條。侍應態度我唔多作comment. 總之，冇乜態度，冇乜表情，冇乜回應。或者因為太多外賣單，看著一份份外賣餐出，堂食的只有等。咁冇誠意，何不直接只做外賣單？肯定冇下次。…查看更多

路過荃灣新開的海之戀商場，剛過了最多人的午飯時間但又未食lunch, 原本沒打算去餐廳，只打算找些輕食。路過這間餐廳，環境先吸睛，看上去很開揚光猛舒服，再看到餐牌，只需$78一個set而且選擇很多！見不用等位便一試。餐廳外有outdoor的位置。餐牌上有日式的套餐，前菜+主菜+小食，配以飯或湯烏冬，以及包一個湯。另加錢有咖啡或其他飲品。另有沙律都看來很吸引。水牛芝士車厘茄沙律和風蛋卷慢煮燴牛面頰南瓜湯鏗魚湯烏冬+12 咖啡…查看更多

好少去圓方，一個像迷宮一樣嘅商場。因為晚上要去睇戲，所以搵間餐廳喺戲院附近，以免行錯路兜來兜去浪費時間，所以搵左呢間越南餐廳。由於餐廳有個牌放左喺間西餐廳門前，差啲入錯左（全靠西餐廳個侍問我係食中定西式，睇嚟好多人都曾入錯）。唔知係咪因為平日，但晚上7點都冇乜人，好多位剩。點左以下菜式：生牛肉河粉：偏咸，不過不失鮮茄海鮮粉：冇乜餸，又係不過不失蒜蓉炒菜：正常黑糖生薑茶：偏淡（講白啲，係冇味）侍應態度友善，效率快。…查看更多

入到西貢去進行水上活動前，要食個豐富早餐！原本想去另一間常去的，但要大排長龍。於是target呢間，因為經過數次都好想試下。店子雖小，坐外面風景更佳！如有狗狗就好適合！來兩客all day breakfast, 大大份！牛角包🥐好好食！如果有得單點一定叫多個！薯餅都出色！另一份為沙律跟4個迷你素菜撻！起初以為只可揀一款，結果原來可以試晒所有款式最重要最重要係，杯Latte好大杯好好飲！很用心的一間餐廳！…查看更多

無論在餐廳內外，佈置都很用心，仿如去了台灣的cafe一樣。在未有位時，店員會先為你登記，到有位時打電話給你，不用呆著等位，可在附近走走。由於座位不多，所以坐得很舒服。食物主打全日早餐all day breakfast，數款可選。午餐亦有多款pasta. 飲品選擇亦不少。飲品平日跟餐半價。店員很nice, 店內亦有放置一些書本可看。全日早餐：麵包很新鮮、炸南瓜餅超出色、炒蛋很滑成份早餐都很大份！推介：沖繩黑糖鮮奶咖啡…查看更多

如想念日本的味道，可來這𥚃止渇一下。因疫情下，平日下晚巿竟然幾乎全無生意！去到廣東道，入到彩星中心，要轉𨋢。上到去，全晚唔計我只有2枱生意。第一次shabu shabu係用個竹籮做鍋。牛肉套餐要成千蚊，有點貴。套餐有前菜有湯有菇有麵，以及5片牛肉。味道還好。但反而其他食物更出色！雞泡魚乾有日本嘅味道，超正！海膽入口即溶, 好好食！鰻魚壽司唔錯天婦羅唔錯魷魚係超正枝豆食物用心煮，服務一流，值得再去支持！…查看更多

在元朗的一間小店，是一間黃店。店子雖細，但乾淨企理，坐得舒服不會太迫。由落單到上桌，都算很快。主要是因為有芋圓吃才去試，因為在香港不易食到好吃的芋圓。$38一碗紅豆芋圓燒仙草，價錢不貴！芋圓煙韌好吃！紅豆亦軟硬適中！燒仙草沒有藥材味（我不喜歡有藥材味/甘味的燒仙草），我覺得整體十分好吃。另外，椰汁西米露不過不失，而牛奶奶凍不夠奶味，但夠滑！看到很多客人在吃窩夫！賣相不錯亦很香，看似很好吃，應該值得一試！…查看更多

這間店前身都是咖啡店，但早餐時還未開門😑 改頭換面後，第一次試這間cafe, 開8:30am, 自備了容器去買外賣早餐。$28一杯espresso, 味道很好！味道偏酸，但很fresh的感覺。另加$12可加一片厚多士，麵包可選：竹炭包或紅菜頭包，另可選果醬或牛油。餐牌上有很多其他咖啡及食物選擇。在荔枝角工商區有很多食肆，但專業的咖啡店（又會晨早開門的）不多。如對咖啡有要求，又唔想飲連鎖咖啡店的低質咖啡，這間是一間不錯的選擇！…查看更多

星期六下午在新城市廣場想找一個坐得舒服嘅地方食飯，見到Pici但未食過，又見有位就入左去。每一位服務員都好nice、好細心、好好禮貌！餐牌上食物唔算多，見到brunch set（$168/人，冇加一）比散叫抵食好多，有前菜、意粉、甜品、飲品。另加了一支sparkling water ($50). 前菜我們揀了parma ham 及green salad，份量唔算少意粉好彈牙！一食就知係新鮮製造的！而甜品方面，tiramisu都唔錯！…查看更多

估唔到$70樓下可以食到咁好食嘅烏冬！環境亦舒適。呢個雞肉明太子溫泉蛋烏冬（豚骨湯底）實在超值！首先，雞肉夠腍。湯底味道適中（食過其他好多都偏咸），明太子一啲都唔腥、咸咸地好夠味！烏冬亦很滑！唯一美中不足係份量較少。環境亦舒適。有水供應但用紙杯，不環保。至於負責收銀落單嘅服務員，如果比返少少笑容會好啲啲.........…查看更多

星期六12:30到，完全唔洗等位。沙田新城市廣場喺假期唔洗等位嘅餐廳，下次要三思！叫了一碗紅燒牛肉麵及一碗紅燒三星麵，鹹到不得了。牛肉等食材是ok的。但真的超級鹹......鹹到食唔到其他味道。再嚟2杯珍珠奶茶，好大杯，珍珠細細粒好QQ，但堂食竟然用紙杯、膠蓋及膠。超級唔環保！仲要強迫食客一齊唔環保！而且叫了少甜，但完全冇味，冇茶味、冇奶味......好似飲緊水！2個人$237。食物質素如此，唔會再嚟。…查看更多

afternoon tea set如果真喜歡朱古力，呢個tea set就令人太失望。除左「甜」味，根本嚐不到朱古力味。黑朱古力雪糕是很好味，但其他的.....只嚐到不同程度的甜。杯咖啡.....簡單的拉花都沒有，只有2 「pat」奶泡在面.....好核突.....味道偏淡。…查看更多