xypiggy.eat的个人专页

#20250914 🤍📍 西西里餐廳 大埔汀角路11-13號啟昌樓地下13號舖 🍽️粉嶺聯昌街9-15號昌華樓地下1號舖屯門青海圍18號置樂花園地下121-122號舖➖➖➖➖➖➖➖➖➖➖➖➖➖➖➖➖➖ 🥢 #是日餐湯 💭 呢度唔係所有野食都會跟餐湯，所以特登叫個有得送既野食，佢啲餐湯唔係平時啲白雪雪既忌廉湯，明顯見到有好多菇蓉同粟米蓉，不過個質地杰得有啲過份，好似飲緊芡咁😅.#牛柳粒冷烏冬配沙律菜 $60💭 大大個太陽掛係個天度晒到流晒汗咁，就係食冷烏冬同沙律既好日子☀️啲麻醬甜甜地又唔會好濃，食完唔使係咁飲水幾好，如果再多啲汁會好啲，黑椒牛柳粒係港式茶記既味道，最愛梳打牛口感🐮.#自選雙拼意大利鮮茄濃湯系列 $41 🥢 #腸仔 #漢堡扒 #通粉 💭 正正常常係周圍都食到既蕃茄湯通粉，餸可以任揀兩款，每款都係得一件，漢堡扒同腸仔都偏咸，加上個湯味精都偏重，所以好需要飲野，通粉係快熟通心粉果隻滑身既口感，比較淋身麻麻地like🍅. 🥢 #雞翼 💭 原來佢下晝2點至6點堂食任何套餐滿$35就送兩隻雞翼，有啲驚喜🤩又估唔到佢個炸雞翼幾高質，面頭椒鹽味好惹味，咬開又夠juicy好正🐔. 🥢 #利賓納啫哩冰 +$6💭 跟餐有野飲是常識吧，但係佢加$6就有特飲就有啲抵，第一次飲利賓納加芒果味既羅拔臣啫喱，又未至於到好違和喎，當甜品食咁都化算呀🍹.#大埔美食 #🐷在大埔 #🐷_食 …查看更多

#20251203 📝📍 #新竹源越南餐廳 灣仔莊士敦道22號York Place 地下1號舖➖➖➖➖➖➖➖➖➖➖➖➖➖➖➖➖➖#四連環1人餐 🥢 #越式酸辣鳳爪 💭 人少少好難叫好多野食share，有一人餐就very good，可以乜都試下，酸辣鳳爪底下有啲醃過既青瓜絲同蘿蔔絲，酸味味好開胃，唔食鳳爪可以揀木瓜沙律tim🥗. 🥢 #香茅豬肉蝦片 💭 揀完沙律就可以揀一款小食，係云云咁多款入面揀左個平時有啲少見既，通常越式蝦片面頭都係配扎肉，今次配豬肉粒原來都好夾，豬肉煎香過再加啲炸蒜片，食落比望落更加香～. #新竹源火車頭 #一人份 $109💭 食越南野點可以唔食越南河，叫火車頭就可以一下食晒咁多個唔同部位既牛，有爽口既牛柏葉、有好重牛味既薄牛肉同牛丸、又有超淋既牛腩同牛筋，不過佢最正都唔係啲餸，而係個望落清飲落濃厚得尼帶啲甜既湯頭，食完都忍唔住要飲多幾啖🐮.#惹味豐盛1人抵食餐 🥢 #越式黑胡椒豬扒炒檬粉 $88💭 呢間野唔單單既越南餐廳，仲有少少fusion既感覺，另一款一人餐就偏向有啲茶記feel，用檬粉炒平時唔常見，食落好似食緊炒粉絲，黑胡椒同洋蔥味好香濃，係兜好有鑊氣既炒粉麵🇻🇳🇭🇰. 🥢 #炸春卷 #2件 +$22💭 呢個餐本身唔包小食，想食就可以加錢叫，個春卷比想像中粗身大件，入面包左滿滿既芋絲同埋啲粉絲野菜，所以其實都係會飽肚既，點啲魚露甜酸汁平衡下就岩喇👍🏼.#法式牛油雞翼 #4件 $55💭 越南曾經係法國既殖民地，唔多唔少都撈左啲法國口味落去，呢個雞翼好香牛油味🧈又有好香既蒜味，佢面頭啲生熟蒜陣味好熟悉，係蒜茸蒸扇貝果陣味，雞翼入面keep到juicy，後悔無叫8隻呀🇫🇷. 🥢 #熱檸茶 #熱華田💭 跟餐有啲茶記熱飲送，想飲凍野或者啲越式特飲都可以加錢要，最估唔到係佢有得飲滴漏咖啡，附近啲打工仔lunch time尼嘆返杯叉叉電都唔錯呀☕️.#灣仔美食 #🐷在灣仔 #🐷_食 …查看更多

#20250826 💛📍 #燈籠滷味旺角亞皆老街8號朗豪坊4A樓10號舖 🍽️葵芳興芳路223號新都會廣場1樓181號舖➖➖➖➖➖➖➖➖➖➖➖➖➖➖➖➖➖#燈籠自選滷味 🥢 #手工烏龍麵 $16 🥢 #大腸 $15 🥢 #豬耳朵 $15 🥢 #白蘿蔔 $13 🥢 #大豆皮 $12💭 之前次次經過銅鑼灣登龍街果間都好想試下，結果佢執左🥺有次經過朗豪坊原來都有間，即刻bookmark左🔖 野食份量唔算好多，如果男仔應該未必夠飽，至於味道，基本上佢所有野都係同一個滷水汁出尼，所以只要個汁較得好就會好味，加上佢全部野都好入味，尤其個蘿蔔夠淋夠甜加晒分👍🏼最有驚喜係個大豆皮，有啲似淋左既響鈴勁好味，下次去食想叫兩份😬.…查看更多

#20250911 🤍📍 #邁爵斯 @m.y_majesty 深水埗福華街15號地舖➖➖➖➖➖➖➖➖➖➖➖➖➖➖➖➖➖#自家製肉醬意粉 $43💭 應該有九成既人都係為左個意粉山所以尼幫襯呢間野，佢個份量的確係震撼既，兩個人share食都夠飽，寧願佢平啲但係份量少啲，咁可以試多啲野食，味道就係平時開party會食到果啲肉醬意粉味，非常熟悉🍝.#日式雞肉串燒 $29💭 叫多個意粉肯定食唔晒，咁唯有唔叫意粉叫啲小食啦，$29有6串係好抵既，呢個價錢要求唔好太高，雖然係急凍翻熱，但照燒汁味道唔錯，同樣都係開party果啲味道，面頭有少少炸蒜粒點綴下幾好👍🏼.#滋味洋蔥圈 $34💭 話就話呢個價錢唔好有太高期望，不過呢個洋蔥圈有驚喜，本身炸野新鮮滾熱辣咁炸起已經贏左一半，而且入面啲洋蔥炸到夠晒淋，配沙律醬或者茄汁都好好味🧅.#梅子梳打 $26#水蜜桃荔枝梳打 $29💭 呢度唔只意粉份量驚人，連野飲都大大杯，淨係飲晒杯野個肚都無晒位，仲要有埋椰果，飲落係超級甜既糖水，食到尾有啲後悔一人叫一杯，應該share飲先岩🍹.#深水埗美食 #🐷在深水埗 #🐷_食 …查看更多

#20250906 💛尖沙咀彌敦道132號美麗華廣場1期2樓207號舖將軍澳寶琳欣景路8號新都城中心二期UG樓UG092-94號舖➖➖➖➖➖➖➖➖➖➖➖➖➖➖➖➖➖#地中海八爪魚直送配沙律菜 $108💭 色彩好鮮艷既沙律，大部分用既菜都帶有少少苦味，襯佢個甜甜地既黑醋汁食都唔錯，仲有啲椒粒同車厘茄帶返啲清甜味，不過主角八爪魚口感偏淋唔夠彈牙，而且份量有啲少，七個人去食一人都唔知有無分到一粒🥗.#夏威夷薄餅 #9Inch $128💭 意大利人開既舖頭尼到香港都要迎合香港口味賣返個有菠蘿既pizza🤣不過佢啲菠蘿係整完先放上面，唔係連埋個餅底一齊焗，所以無融合到一齊既感覺，但睇得出佢地為香港口味做出最大既讓步，有誠意🍍.#芝士四重奏 #9Inch $128💭 用左Mozz、Gorgonzola、Grana Cheese同Mascarpone整成既pizza，食落口其實唔會分得出，鐘意芝士既見到拉晒絲就心心眼，人多一人分一舊食都唔錯，人少食可能會覺得膩，好彩佢個餅底唔係好厚身，唔會頂住晒食唔到其他野🧀.#煙豬肉忌廉粗意粉 $148💭 首先，個白汁好重芝士同奶味，然後個意粉中間通心好掛汁，所以每一啖都非常膩，再加上唔好睇佢啲煙肉細細粒咁，一粒都足以咸到飛起，叫呢個真係極重口味之選🥓.#意大利媽媽廚房必備肉醬粗意粉 $148💭 尼呢度睇menu唔可以淨係睇中文，睇埋英文就發現到好搞笑，呢個中文就寫童年西餐必食，但係英文係I have to beg my mom stop cooking me this everyday😹幽默得尼又盡顯文化差異，味道都的確係食開果陣味，非常熟悉🍝.#招牌香辣海鮮粗意粉 $178💭 最後叫呢個意粉就最推薦，無汁所以唔會感覺好膩，食落味道有啲咸香，少咸但唔會過份，配埋個辣就更加惹味，配料有啲蝦、蜆同魷魚好豐富，特別一提呢度得粗意粉同大通粉兩款揀，兩款都掛汁所以想唔膩就要由個意粉落手😎.#ItalianMandarinAndMintSoda $48#JacomaxSunrise $48💭 野飲縱然叫左少甜都係好甜，薄荷果款有啲清新比較好，係有啲牙膏既氣味🪥話說呢餐係9月份食，拖延症搞到出果陣食果間銅鑼灣店都執左，真係自己都覺得有啲離譜😅. …查看更多

#20250830 🤍📍 #坐忘 鰂魚涌濱海街13號中興大廈地舖 🍽️天后英皇道39號地舖➖➖➖➖➖➖➖➖➖➖➖➖➖➖➖➖➖#黑芝麻牛肋野菜咖喱飯 $72💭 Bookmark左呢間野勁耐，終於都試到🤩第一次試有芝麻既咖喱，其實好夾同好香，係可惜佢個飯整得麻麻地，標榜健康所以個飯係蕃薯南瓜粟米生姜飯，唔知係咪水份有啲難控制，食落太濕口感唔太好，但睇得出係有心思既🍛.#白芝麻湯烤雞生姜溏心蛋鳥冬 $78💭 個飯叫左黑芝麻，咁個烏冬就試下白芝麻，同個飯比的話，烏冬係稍微有啲遜色，唔代表佢唔好食既，但如果食左咖喱先食佢就會覺得無咩特別，加上面頭既姜蓉太出，蓋過左芝麻既香，有啲普通咁囉🫚.#鰂魚涌美食 #🐷在鰂魚涌 #天后美食 #🐷在天后 #🐷_食 …查看更多

#20251104 📝📍 #九鬼居酒屋 @kukiizakaya 西環西營盤高街80-86號麗賢閣地下A及B號舖 🍽️銅鑼灣耀華街21號華耀商業大廈地下7號舖➖➖➖➖➖➖➖➖➖➖➖➖➖➖➖➖➖#紫薯香梨沙律配栗子乳酪醬 $98💭 呢個沙律既配搭好新穎，面頭有啲栗子碎🌰然後有一片片既紫色蕃薯同橙色蕃薯🍠口感都係粉粉地咁，但夾埋一片片爽口清甜既梨即刻唔同晒🍐最正係佢唔係好似平時既沙律咁落沙律醬，而係落乳酪醬，酸酸甜甜開胃得尼又健康🥗.#海老三重奏 $138💭 相信每間屋酒屋都梗有自創既卷物，呢間都唔例外，佢個三重奏係首先有面頭海量既櫻花蝦，然後就係卷物上面大大隻既甜蝦，最尾係卷物中間包住左用蝦湯整既啫喱，食落蝦味濃郁又得意🦐.#雞掌心 $48#雞腳筋 $48💭 見到menu有好多特別既雞串燒，想試下提燈但原來要預訂，於是試左另外兩款，第一次將雞腳分開咁食，雞掌心係平時雞腳果粒圓軲轆既肉，口感彈牙，雞腳筋就係雞腳後面果條筋，食落爽口，趣致🐔.#免治雞肉棒 $68💭 除左啲特別既串燒之外，都有啲常見既，每次食串燒都必叫呢個，因為好鐘意點蛋汁果種口感，漿漿地但個雞肉棒又有啲軟骨咁爽爽地，滑身又有野咬，出色🍗.#和風柚子脆雞皮 $58💭 炸雞皮係一款超好送酒既小食，呢度有清酒放題有好多款清酒任飲，都係$298/人咋🍶雖然無叫到酒，不過都會成日叫尼過下口癮，呢個同平時果啲唔一樣，佢唔係淨係得雞皮咁dry，仲有啲洋蔥做配菜，而且佢底下仲有啲柚子味既汁可以點，真係第一次咁食🧅.#雞肝多士 $138💭 今餐都算得上係雞全部都係雞，唔爭在食多個雞肝，大大塊既雞肝入口即溶咁濟，好似食緊鵝肝咁，最特別係佢面頭啲梅子醬，酸酸地可以消除左雞肝個膩，中日fusion可以再encore🥪.#立鱗燒 $168💭 食左咁多樣雞試返舊魚先，呢個將馬頭魚啲鱗炸到豎起晒，所以先叫做立鱗，平時刨走既魚鱗炸到食落脆卜卜，同底下舊滑捋捋既魚肉完全係成對比，得意得意🐟.#甜品拼盤 $98💭 臨尾想叫個甜品做個perfect ending，太多選擇揀唔落手，叫個拼盤就可以一次過試晒，燒菠蘿暖笠笠，加熱左啲甜味出晒尼🍍又有傳統日式既紅豆蕨餅，最驚喜係個豆腐同抹茶雪糕，極度足味而又唔會死甜，太滿足🍨.#西環美食 #🐷在西環 #銅鑼灣美食 #🐷在銅鑼灣 #🐷_食 …查看更多

#20251028 📝📍 #自己人 @gaginang.hk 沙田沙田正街2-8號新城市廣場三期2樓A238號舖 🍽️荃灣楊屋道1號荃新天地UG樓UG43&81號舖九龍城啟德協調道2號AIRSIDE 7樓L703A號舖➖➖➖➖➖➖➖➖➖➖➖➖➖➖➖➖➖#泰味魚皮 $79💭 通常食開呢啲魚皮都梗係配麻辣，呢個配上泰式既酸辣同樣都係咁夾，然後佢除左魚皮仲有啲芽菜同蓮藕粒，唔同既爽脆令到個口感好豐富🇹🇭.#羊肚菌燉螺頭 $69💭 呢度既中式燉湯好高質，望落清澈但係飲落味道濃郁，入面夠晒足料，瘦肉、紅棗、羊肚菌樣樣都一咬就個充滿湯汁，最正係連螺頭都有兩塊幾揼本🐚.#小小梨子 $49💭 飲茶唔係退休人士既專利，返工既朋友夜晚想飲下茶呢度都幫到你，啲點心款款都有啲特別，好似呢個梨以為佢只係唔同形狀既咸水角啦，點知佢連個餡都唔同，用黑椒配牛肉令個點心有小菜既感覺🍐.#雪茄春卷 $49💭 蝦春卷就聽得多，用水煮魚整春卷真係第一次食，咬開的確係平時食一煲水煮魚果陣味，還原度勁高，而且佢仲好精緻咁係個頂位落左啲黑芝麻，搞到食果陣真係好似食緊雪茄跌灰咁，可以扮下大爺好盞鬼🐟.#金魚戲水 $49💭 上枱既時候成個藝術品咁，真係好似有兩金魚係度游緊水，用尼打卡一流，食落入面係好紮實既蝦餃，側邊個芡好重瑤柱味，咁樣食連豉油都唔使點🐠.#蟹粉芙蓉餃 $89💭 睇價錢都知係高級既餃，好在依家沙田店新開張，去到11月3號都有全日同中午點心半價優惠，咁就可以放膽叫尼食下，面頭係撈左咸蛋黃既蟹粉，底下係蛋白芙蓉，一啖擺入口軟棉棉好舒服🦀.#黑蒜蝦燒賣 $49💭 要飲茶點可以唔食燒賣，黃色皮既燒賣實在見得太多太無新意，今次食個黑色皮既代表黑蒜，陣蒜味好突出但唔係臭味，而係有陣甜甜地既味道，令成粒燒賣都昇華左去另一個層次🧄.#麻婆豆腐小籠包 $49💭 另一個估都估唔到既配搭就係呢個用麻婆豆腐做餡既小籠包，雖然入面無平時食開果啲小籠包咁紮實，不過依然咬開會爆汁，保留左小籠包既精粹🥘.#梅汁金不換沙白 $119💭 呢度除左點心有優惠之外，5:30後叫小菜都有85折，於是叫左個沙白食下，梅汁味道唔算好出，最出係啲金不換，然後底下又有啲咸酸菜，咁樣fusion都幾特別🌱.#蝦乾香蔥麵 $69💭 望落好簡單既撈麵，但係往往越簡單就越難覺得佢特別，醬油好夠味，麵質唔會太淋有嚼口，面頭啲蔥同蝦乾爆到出晒味好香，話係唔特別既，但係好味囉🍜.#爆珠馬蹄椰子水 $29#新鮮黄皮油柑汁 $32💭 本身呢度有收茶芥，只要每叫一杯野飲就可以免一位既茶芥，油柑汁酸酸地，解膩又開胃🍊椰子水超特別，啲馬蹄係粒爆珠既入面，咬開就食到爽口既馬蹄，可以當埋糖水咁食，勁正🧋.#沙田美食 #🐷在沙田 #荃灣美食 #🐷在荃灣 #九龍城美食 #🐷在九龍城 #🐷_食…查看更多

#20251017 💛📍 #牛丼家 @gyudonya_hk 灣仔軒尼詩道229-233號怡明閣地下B號舖 🍽️柴灣｜旺角｜屯門均有分店➖➖➖➖➖➖➖➖➖➖➖➖➖➖➖➖➖#芫荽醬汁牛肉飯 #M $43 🥢 #特盛芫茜 💭 呢個芫荽飯勁有誠意，面頭既芫荽碎係海量咁多，綠得非常之靚🟢跟住落一層就係秘製芫荽醬煮既牛肉，個芫荽醬都係好多芫荽，再撈少少辣椒，所以煮出來個牛係有少少辣同好香芫荽味，唔係坊間就咁加啲鮮芫荽做配料就算，呢個有用芫荽煮過真係有啲料再到🌿去食呢個既朋友仔著綠色衫去仲可以獲贈一碟芫荽令個飯再豐富啲，可惜做到10月31號咋，希望佢之後會再出啦💚.#灣仔美食 #🐷在灣仔 #柴灣美食 #🐷在柴灣 #旺角美食 #🐷在旺角 #屯門美食 #🐷在屯門 #🐷_食 …查看更多

#20251024 📝📍 #大池記大排檔 @dachikiltd 九龍城啟德沐寧街10號Oasis Place地下D-F號舖 🍽️旺角西洋菜街103-109號地舖➖➖➖➖➖➖➖➖➖➖➖➖➖➖➖➖➖#潮式鹵水拼 $38💭 坐低見到menu帶有張寫住全日優惠，啲野超抵叫，每枱限叫兩款，咁筍當然要叫下，豬頸肉同平時見到既唔一樣，都係爽爽地不過充滿膠質，豆腐好滑，蛋唔好睇佢好似白雪雪，其實都好入味，呢個價錢有三款鹵水真係未見過🤑.#椒鹽蒜香骨 $118💭 每一舊都大大舊咁，因為佢唔係淨係得肥豬肉，而係舊舊都有連住啲骨，好似排骨咁，啲肉先會又彈牙又易咬得開，再加埋用椒鹽炒咁惹味，簡直係無得輸🤤.#海皇銀絲雜菜煲 $138💭 食左肉梗係要食返啲菜，唔想叫什菜煲就岩，永遠都係咁豐富，海鮮有蝦、有魷魚🦑菜就有芥蘭、西蘭花同白菜仔，食完飲多兩啖清甜既菜湯就very good🥬.#九龍城美食 #🐷在九龍城 #旺角美食 #🐷在旺角 #🐷_食 …查看更多

#20251021 📝📍 #Lizto @lizto.hk 荃灣楊屋道1號荃新天地地下G75A, G76C & G76D號舖➖➖➖➖➖➖➖➖➖➖➖➖➖➖➖➖➖ 🥢 #是日餐湯 💭 叫dinner set就會送個餐湯，是日靚餐湯係蕃茄忌廉湯，望落色水橙色咁已經好靚，雖然blend得好幼滑但又飲到有啲蕃茄皮可以咬下，酸酸地幾開胃🍅. 🥢 #蒜香燒粟米配單骨雞翼 +$28💭 粟米同雞翼就咁食係好似普通左啲咁，但其實呢碟野個主角係果兩個醬，做得極出色，白色係酸酸味味既乳酪醬，同粟米雞翼都好夾，最正都係個紅醬，係呢度廚師用大纜都扯唔埋既西瓜同辣整出尼既醬，有西瓜既清甜但又辣辣地好得意🍉. 🥢 #辣肉腸炒八爪魚配香草包 +$58💭 用切左粒既辣肉腸、粟米粒，再加啲菜脯粒炒同樣都係一粒粒既八爪魚，用尼送飯食一流😂所以廚師都特登係側邊配左4塊包仔，炸到好似油炸鬼咁，兜啲料上去一齊食就岩喇🐙.#花椒日本蟹肉意粉 $148 🫧 #手工意粉 +$10💭 呢碟野西餐得尼又帶啲中餐，面頭鋪滿左好似瑤柱絲既肉鬆，底下層係滿滿既蟹肉，仲有啲櫻花蝦同露筍，食落有海鮮既咸香又有淡淡花椒既麻，加錢升級左做手工意粉食落更加彈牙，非常yummy🍝.#銀鱈魚配馬賽魚湯汁 $238💭 另一款主食叫左個無咁飽肚既鱈魚，煎到個皮脆卜卜，然後啲魚肉好滑嫩入口即溶咁濟，再配埋個同樣都係魚既湯汁，食入口就係鮮味，旁邊襯左啲蔬果同薯仔，有菜有肉好健康🐟. 🥢 #蘋果菠蘿石榴羽衣甘藍汁 +$31💭 跟餐加野飲可以減$15，好少見用羽衣甘藍既整果汁，不過佢陣味唔係好出，所以唔使驚有草青味，最出既都係番石榴味，之後就係蘋果同菠蘿既甜，加埋都有啲特別🍹. 🥢 #胡蘿蔔蛋糕 +$58💭 除左加野飲可以平，加甜品都可以減$30，叫左個好傳統既英式甜品，蛋糕部分做得好濕潤，面頭白色唔好以為係cream，其實係酸酸地既乳酪忌廉，岩岩好中和到個蛋糕既甜，面頭仲有少少nuts，令個蛋糕口感更加豐富，滿足🍰.#荃灣美食 #🐷在荃灣 #🐷_食 .#香港美食 #香港必食 #香港探店 #香港打卡 #香港旅游 #香港手工意粉 …查看更多

#20251017 📝📍 #宏發燒鵝餐室 旺角亞皆老街50號地舖 🍽️中環皇后大道中149號地舖➖➖➖➖➖➖➖➖➖➖➖➖➖➖➖➖➖#燒味拼盤 $258💭 去完旅行一定會勁掛住香港既野食，燒味一定係其中一樣，要食就要食返正宗既，呢間係旺角交通好方便，望到啲燒味花多眼亂樣樣都想食，唔想諗就叫個拼盤啦，入面有齊燒鴨、油雞、燒肉、燻蹄同紅腸，樣樣都有岩晒有選擇困難症既朋友仔😙.#原隻鵝髀飯 $108💭 食豪啲咁叫左個燒鵝髀飯，仲要好豪咁叫左免切，成隻揸住食幾威，影完相有啲後悔，好彩姐姐話可以斬返😅燒鵝髀啖啖咬落都充滿鵝油香，點梅子醬食簡直係絕配，有時真係應該對自己好啲～.#常餐 #叉燒飯 $50💭 叉燒斬得咁大舊以為會有啲鞋，點知咬落超淋身，仲要每舊都好juicy，少少燶邊至係最高境界😎燒味飯除左燒味，當然飯都好重要，值得一讚係佢個飯煮得岩岩好，就咁加色都已經好送飯🍚. 🥢 #例湯 🥢 #忌廉 +$8 🥢 #熱檸茶 +$8💭 叫餐燒味飯都會送個例湯，是日靚湯係青紅蘿蔔湯，飲落有陣陣既燒味香散出尼，另外跟餐仲有茶記野飲可以加錢要☕️傾落先知原來佢地自己係香港有工場，接近有30年歷史tim，唔怪得咁好味啦🤤.#旺角美食 #🐷在旺角 #中環美食 #🐷在中環 #🐷_食 …查看更多

#20250917 📝📍 #銘陽車仔麵 @ming_yeung_noodle荃灣荃興徑17號地下C號舖➖➖➖➖➖➖➖➖➖➖➖➖➖➖➖➖➖#銘陽自選 #米粉 $12 🥢 #辣醬 #炸蒜 🥢 #咖喱辣魷魚 $15 🥢 #瑞士雞中翼 $13 🥢 #惹味豬紅 $10💭 路德圍呢度一向都多野食，次次尼都係掃街，原來呢度有間野都好正😊標榜全店食品都無添加味精，辣醬揀左小辣但係都唔惹少，食食下都要飲返啖凍野解解辣🥵想講佢啲餸全部都超入味，雞翼同豬紅隻甜係浸係個湯度食到最尾先食都仲係度，咖喱魷魚又係，可以醃到啲咖喱色都入晒肉，勁好味🦑.#銘陽自選 #招牌鮮切麵 $14 🥢 #沙嗲醬 #炸蒜 🥢 #麻辣金錢肚 $15 🥢 #手工香菇餃 $12 🥢 #陳皮魚蛋 $10 🥢 #紫菜 $9💭 另一醃試左個佢地既招牌叫鮮切麵，望落個粗幼有啲似河粉，食落又有啲似刀削麵果種感覺咬口，金錢肚又係入晒味唔使講啦，重點係佢唔韌，淋到一咬就斷咁濟😎佢有幾款手工餃揀，香菇比較似素餃果啲風味🍄‍🟫陳皮魚蛋同紫菜都係正常味道，不過值得一提係佢魚蛋個份量都幾多下，抵食🍜.#椒鹽金沙骨 $42💭 點諗到車仔麵檔會有呢啲咁有鑊氣既野食，呢啲應該要係大排檔先食到架嘛，金沙骨咬落好淋，一咬就咬得開，啲椒鹽包住晒成粒金沙骨，好夠味又好惹味😋.#腐乳通菜 $18💭 見個菜先$18，兩個人尼每人自己碗麵叫個菜做餸都一樣價錢，不如叫碟share食仲有汁揀，呢度可以揀通菜、生菜、菜心，汁就有蠔油、腐乳、腩汁任意配搭，本身想試下腩汁通菜咩味，後尾理智都係揀返腐乳通菜，因為出街先食到😂. 🥢 #芒果奶茶 +$15 🥢 #朱古力珍珠 +$15💭 呢度除左麵正，野飲都係一大賣點，幾時有試過飲住台式野食車仔麵，佢所有野都可以加珍珠或者紅豆，朱古力珍珠好新奇，芒果奶茶完全係復刻左細個食芒果布甸陣味，好似多左個甜品咁幾正🍮.#荃灣美食 #🐷在荃灣 #🐷_食 …查看更多

#20250814 🤍📍 #畢打奧餐廳 @better_ole 上水符興街35-39號地舖 🍽️粉嶺和豐街22-26號地舖➖➖➖➖➖➖➖➖➖➖➖➖➖➖➖➖➖ 🥢 #酥皮龍蝦湯 +$36💭 呢個湯同個豬手係一個套餐，本身跟既係普通餐湯，不過可以加錢轉佢做酥皮龍蝦湯或者酥皮周打海鮮湯，龍蝦味好濃，酥皮都好香牛油味，係略嫌個味道偏咸，一個人飲晒有啲難搞🦞.#燒雞泡魚乾 $99💭 趁未齊人叫尼食住過下口癮都唔錯，食落無咩特別，就係平時想像到既味道，側邊仲有放左兩粒青瓜同啲少少沙律菜，咁就無左半隻碟既位，係幾揦脷🥶.#避風塘雞中翼 $69💭 講到唔抵又點只個雞泡魚乾，呢個雞翼都一樣技倆，4個人尼食都分唔到一人一隻，然後個底就全部都係薯角😥至於味道就正常，辣粉既味有啲太過，無左避風塘應有既惹味🐔.#焗法國田螺 $79💭 呢個份量終於正常返，原隻田螺比埋專用叉咁食有啲高級，香草同蒜既咸味可以撈啲薯蓉尼食中和返，而且價錢都合理，結果覆桌多左一碟tim😂.#燒德國咸豬手 $159💭 豬手算係佢地既招牌菜，原隻上要自己切，個皮有少少硬，不過底下係充滿骨膠原都幾好味🐷其實呢間野主要應該sell情懷，見佢社交平台有好多舊相，餐廳環境都保留左五十年代果種英式味道，尼打下卡都唔錯🇬🇧.#上水美食 #🐷在上水 #粉嶺美食 #🐷在粉嶺 #🐷_食 …查看更多

#20250913 📝📍 #辣得喜米線專門店 @chillies_chill_hk 西環石塘咀山道4-16號業昌大廈地下7號舖 🍽️天后威非路道2-10號金都洋樓地下8號舖➖➖➖➖➖➖➖➖➖➖➖➖➖➖➖➖➖#豬扒雞翼撈大光麵 $62 🥢 #蔥油撈 💭 大光麵簡直係香港既歷史文物，依家就算係茶餐廳都越尼越少有得食，難得見到梗係要懷緬下，揀左蔥油撈所以勁香蔥味，豬扒大大塊，咬落好夠味而且超鬆化，雞翼同樣都係少見既脆漿炸法，咁樣炸令個雞翼keep到juicy，可以食得返好開心🤤.#自選一餸米線 $39 🥢 #鮮蠔仔 +$3 🥢 #胡椒湯 +$3 🥢 #紅薯粉 +$2💭 第一次揀自選米線可以砌到個咁既麵出尼，其實就係潮洲蠔仔粥既變奏版，可以轉唔同麵底都幾有新意🍜啲蠔仔大粒得尼食落好鮮好多汁，仲要係佢食極都有咁多，食完飲下個湯一樣好味，相信冬天飲佢會更加正，可以暖埋胃tim🦪.#麻辣牛𦟌 $48💭 個牛𦟌究竟係點做到厚切但係啲筋位仍然透光，咬落相當淋身，平時食開牛𦟌通常都係滷水咁整，用麻辣真係有啲新意，配埋面頭啲酸菜同花生食係幾好味🐮.#酸麻辣片頭墨魚鬚 $48💭 基本上佢個味同牛𦟌唔相差好遠，有得一次過試晒兩款野就岩晒啲有選擇困難症既朋友仔，片頭同墨魚鬚兩樣都係爽到不得了，就咁食定幫個麵加餸都一樣咁正🦑.#上湯雜菜 $42💭 成日都提住自己要飲食均衡，有得散叫菜就唔使浪費個麵既quota去揀，呢兜菜勁豐富，有生菜、蘿蔔、木耳、豆卜同竹笙，佢係大碗到幾乎同碗麵一樣咁大碗，真係要搵啲frd一齊share先好叫🥬. 🥢 #紅豆冰 +$6 🥢 #涼粉冰 +$6💭 連大光麵咁懷舊既野佢都有，野飲又點會淨係得啲檸菜檸水咁行，紅豆冰同涼粉冰都係兒時回憶，下午茶時段尼有得唔使加錢就有得飲tim呀🥳.#西環美食 #🐷在西環 #天后美食 #🐷在天后 #🐷_食 …查看更多