or#Tm66304251的個人專頁

朋友帶我黎食，因為距上次食完話想再encore 明太子軟殼蟹意粉好大碟，個意粉係超級掛汁啖啖都食到明太子，好食，值得一試🙌🏻叫左2個小食，一個fish and chip ，一個酥炸海苔魷魚配沙律醬，又係超大份量😆魷魚炸粉唔會好厚，炸魚上台熱辣辣，食落去都滑，有勁多薯條，開心🥳甜品叫左朱古力海鹽梳乎厘，因為朋友上次已經試左吉士焦糖味，所以今次試朱古力味啲朱古力醬多到一啲都唔吝嗇，確保每一啖都食到，唔會太甜，好食，其次我好鐘意食香蕉😂😂疏乎厘唔係硬個啲，真係好動L，見到每台都會叫一碟！整體都有80分呀，大家都可以去試下午市既話會有加購價食疏乎厘添💙…查看更多

好耐冇食過日本嘢，經過中環街市呢間魚がし日本一就馬上坐低咗試吓啦我哋叫咗一個10壽司set 同埋一個火炙漁夫丼飯帶子超級大粒，仲要有兩粒☺️入邊有四至五款唔同嘅魚，左口魚裙邊喺入口即溶架，OMG其他魚類都好新鮮，壽司飯仲要係調咗味，仲有紫菜碎，出色壽司，我哋叫咗10件嗰個set , 師傅都會同你逐件介紹佢整咗咩壽司，然後仲會有一個蔥吞卷係包埋㗎，全部都好好食，好新鮮呀，海膽壽司超級full , 赤蝦入口爽口彈牙，每一款魚上面嘅調味都唔一樣，啲魚好容易入口完全冇筋每一個set都會跟一碗鯛魚茶漬湯，超級濃郁，魚肉又係好新鮮‼️再叫咗一個清酒，一杯桃酒🙌🏻酒味唔算好濃，果味比較重，好啱女仔飲清酒都容易入口，甜度適中，大家都可以去試吓🙌🏻環境都算舒服，有兩邊吧枱，最搞笑係佢盞燈喺用以前外賣壽司嘅魚樽仔豉油…查看更多

見好多人介紹，一於就試下🙈氣氛很好的日式fusion 菜🫶🏾撞正rooftop bar 有private party , 有DJ 打碟，so chill 🙌🏻油甘魚唔腥，新鮮，有少少入口即溶感覺乳酪芝士蕃茄好食，每一啖都有乳酪味💙2樣野加埋好match , 鐘意食乳酪既一定要試🙈焦糖pumpkin 好特別，真係外脆內軟，pumpkin 啱啱好，唔會太林或者太硬，有食緊cream brûlée 既feel 呀main我地叫左 tonkatsu 同crab butter udon真係好多蟹肉，每一啖都係蟹肉好滿足😆豬扒炸得好酥脆，完全唔”un” ，勁易入口真係會唔為意咁食哂，無留俾老公😂叫左2杯cocktail , onyx 同amber , 一杯sweet 既，一杯fresh既最後jap埋個甜品，matcha cheese cake同melon 大福， 個size啱啱好，一啖入口，唔會太甜💙餐廳入邊好靚，慶祝打咭都好適合呀🫶🏾…查看更多

老闆非常nice , 完全感受到距用心製作🫶🏾食物既水準呢個價錢真心覺得值得推介藍青口蒜香白酒忌廉汁意粉，藍青口份量好多，意粉軟硬度啱啱好超掛汁，清左碟白酒味唔算好濃，但個汁係超啱我胃口吉列豬扒大啡菇鐵板飯，吉列豬扒一咬落去係脆嘅，唔油！大啡菇有調味，真心出色，如果大粒啲就好啦🤩Tiramisu 唔算好甜，應該有嘅水準都有，無花果好甜💙心太軟配雲呢拿雪糕，心太軟好甜，不過我係鍾意食好濃郁嘅心太軟，所以呢個我好OK😒整體會有85分呀💙老闆真係好好，會介紹多啲朋友去支持呀🙌🏻…查看更多

今次喺The Grill Room嘗咗佢哋嘅M2+西冷牛扒同海鮮燉飯配墨魚汁，兩款都幾有水準。西冷牛扒煎得剛好，肉質嫩滑多汁，味道濃郁，入口帶嚼勁但唔韌，鐘意食牛既真係要試試side 我哋揀咗焗脆薯仔，薯仔外脆內軟👍🏻海鮮燉飯係重點，米飯吸滿咗海鮮鮮味，配料豐富，做到鮮甜而唔腥，口感軟硬適中。環境優雅適合打卡、食物質素好嘅中高價那種。氣氛適合約會或者慶祝，下次想試埋其他招牌菜！🌟人均$300-$400 ,可以一試😆😆…查看更多

泰國人主理嘅泰國菜，連入邊嘅同事仔都係泰國人，全部都識講廣東話架，讚👍🏻因為收工好肚餓嘅關係，同老公叫咗兩個主菜一個菠蘿海鮮炒飯，一個喇沙🍤🍤湯麵喇沙湯底濃郁，入邊有四隻大蝦，全部已經剝晒殼，蝦頭仲有膏呀炒飯入邊有好多菠蘿同海鮮，飯唔會太油，菠蘿都好鮮甜再叫咗個生菜包，勁好食個汁，都偏辣嘅，但如果生菜包唔辣又唔夠惹味😂所以我就叫咗杯紅毛丹冰解辣，另外老公嗌咗白馬王子係椰汁冰，紅毛丹冰入邊會有啲紅毛丹打碎咗嘅肉，所以解辣得來都好清新最後唔夠喉，所以再嗌多個豬頸肉，證明我哋真係好肚餓呢，豬頸肉燒得好脆邊同埋環境真係好適合一班人，一齊食吓嘢chill 下打卡, 下次試埋佢杯Cocktail先🙌🏻🙌🏻…查看更多

我哋都唔食辣，所以叫咗清燉牛肉麵(牛𦟌肉),同蒜香手撕雞乾拌麵牛肉麵湯底冇味精，有濃濃嘅牛肉味，牛𦟌肉係腍啤啤架，即使朋友整咗牙都冇問題👍🏻值得一試蒜香手撕雞拌麵份量好大份，有粒糖心蛋驚喜加分，如果蒜香味再就濃多少少就good good la鹽酥雞炸粉唔厚，一咬落去真係啖啖肉蔥肉鍋餅有驚喜，好食既，唔會好油，點埋泰式辣醬食仲好食叫咗一杯厚奶同埋一杯百香果鳳梨水果茶，水果茶好清新，唔鍾意飲奶茶嘅朋友係值得一試嘅，太極厚奶口感好豐富，因為佢入邊除咗珍珠，仲有一種爽口嘅配料，所以每一啖飲落去都會有煙靭嘅珍珠再加爽口嘅珠珠，好飲👍🏻紅門口再擺咗可以一盒盒嘅牛肉麵，食完再想買返屋企食都得㗎…查看更多

荃灣都算多好嘢食，但係呢間個門面吸引咗我，同埋我老公都鍾意食蛋包飯，所以就一於試吓啦今日咁啱冇晒炸物，所以我哋就嗌咗一個肉醬蛋包飯，一個奶油燉雞腿肉飯，加咗一個套餐（就會有餐湯，餐前小食同埋飲品）餐湯入邊有個麵包脆脆，好飲同埋好食呀，餐前小食係蓮藕片蛋包飯係佢哋嘅signature，一切開果下真係好治癒呀肉醬味超級濃郁，係免治牛肉，亦都超級多芝士，蛋香濃郁加埋肉醬配合埋茄汁飯，都真係幾好食奶油燉雞腿肉都好Creamy，雞腿滑捋捋一啲都唔嚡，連啲配菜都煮到好腍，個西蘭花都好入味好好食見到焦糖雞蛋布丁都忍唔住叫咗，因為真係好鍾意食布丁 但呢個焦糖布丁都好有咬口好好食，啲焦糖汁有好多環境都好靚，好適合打卡，員工都好有禮貌下次要再嚟試吓啲炸物整體我會俾85分💙…查看更多

呢間西餐lunch價錢都好抵食，食個PIZzA🍕都係$128 仲有埋嘢飲，係平平哋lunch嘅首選我哋叫咗一個意識辣肉腸pizza，一個紐西蘭肉眼扒，個Pizza都好大個，一個人食一半都好飽，超多芝士，可以拉絲，辣肉腸切得夠薄，所以焗完出嚟有少少燶變效果，好食肉眼扒都好多汁，唔會好乾 ，唔需要調味都好舊肉味，員工仲會攞個芥末醬過嚟問你需唔需要非常貼心💙薯條脆卜卜 ，加埋雞鹽好好食然後再叫咗個甜品，套餐加$38有提拉米蘇，偏甜 ，但係味道係好食嘅，好Creamy係我鍾意嘅口感加咗$18要個蘑菇餐湯，蘑菇味非常濃郁，同埋好大碗，兩個人飲都OK下次會來試埋佢個炸魚薯條呀😆😆…查看更多

兩草既食物真係好出色，我第一次食既時間係旺角分店🙈距既胡椒湯小籠包都keep住水準仲係好好味，胡椒味好濃，但又唔會太辣，會令人想一直飲呀今次叫左香脆煎蛋肉餅飯，叉燒豬油撈面 ，個蛋煎到啱啱好，蛋黃汁加豉油撈埋肉餅同飯好好食😋豬油撈面啲面都掛到汁架，所以食落去係好入味，而啲叉燒係半肥瘦㗎😆😆咖咉多士又係必食呀，一上台即食，多士熱辣辣加埋滿滿咖咉醬，好幸福喔☺️☺️☺️今次叫左班蘭咖啡，本身估會唔會怪怪地，點知一飲又okay喎，係好飲架，唔會太甜，大家都可以試下喔，下次我都要試下雞翼呀😆😆最後我地係清左碟喔💙💙整體我會俾90分喔💙…查看更多

突然心血來潮想食放題，就過咗嚟大埔超級城呢間滿屋到試吓啦，因為睇食評話任食海膽榴槤同埋雪糕，都係我最鍾意嘅嘢食☺️☺️一嚟就當然嗌咗轉刺身先啦，刺身全部都好新鮮，個牛油果吞拿魚他他杯都好特別，最開心係有海膽手卷，海膽鮮甜冇怪味，仲有柚子醋味嘅海蜇，仲有鮑魚，真係好多好多選擇🙌🏻食完一輪刺身就叫左啲熟食，扇貝炒蜆全部都好高質，串燒都啱啱好，唔會話太鹹又唔會無味，烤榴槤都啖啖肉呀😋呢個清酒煮大蜆鍋都好食，啲蜆好新鮮冇晒沙架雖然舖頭唔算話好大，但係自助吧都好多選擇㗎，飲品仲包埋啤酒，然後出邊仲有10幾款嘅前菜，甜品櫃又有十幾款，雪糕都有10幾款呀，出邊仲有熱食有薑蔥炒蟹，小丸子同埋青口，呢個價錢真係食到你捧住個肚出門口呀住近呢邊嘅朋友真係要黎試下呢間放題喇🙌🏻…查看更多

開到凌晨兩點，收夜嘅話必食呀🙈同老公一人叫左一個餐，因為係齊柏林副線，所以我叫左黑松露漢堡，老公就叫左鰻魚牛肉雙拼飯。個包熱辣辣，芝士都溶哂架☺️☺️☺️個牛肉好鬆軟，唔係實的的嗰啲牛肉餅，好食😋鰻魚牛肉雙拼飯洋蔥好入味，牛肉都唔會好乾，鰻魚份量都唔細，都霸咗半個碗架，男人食MSize啱啱好加左魚手指，麵豉湯同埋白桃汁🙌🏻魚手指完全冇腥味，白桃汁少甜，但係可以接受😆😆整體呢個價錢十分滿意💙消夜之選…查看更多

同朋友收工就過左黎工廠區呢邊搵食，叫到呢個工業風好靚，就揀左距喇🙌🏻好彩收工收得早呢，我坐低咗都冇15分鐘就已經爆場了我哋叫咗一個意粉，一個燒春雞同黑松露薯條個薯條熱辣辣㗎，黑松露都好多呀，俾啲薯條遮住咗😆好食👍🏻燒春雞擺盤同賣相都好吸引，個雞皮燒到脆卜卜，然後雞肉係一啲都唔嚡，佢仲會幫你分開埋2邊，兩個女仔食啱啱好呀👍🏻值得一試再叫咗一個蟹肉芝士蕃茄長通粉，個醬汁入邊有好多蟹肉架，個醬汁啱啱好，唔會太酸，又唔會太Creamy🙌🏻仲要個份量都好大，好底食呀💙大家去開附近都可以試吓，下次會想去試吓PIZzA🍕同牛呀…查看更多

朋友住係大角咀，所以今日就去咗距個區搵食，見到呢間米線門口有得領養小動物架🥰就馬上入去食距喇🙌🏻我哋兩個人叫咗兩碗紅薯粉，加兩個小食我叫咗蕃茄濃湯加豬軟骨，蘿蔔冬菇個湯底好濃郁，豬軟骨同冬菇都好夠林好入味，蘿蔔超大份🙌🏻朋友叫咗酸辣湯底7份濃湯加咗秘製豚肉，豆卜同辣筍絲，湯底酸度啱啱好，唔會好鹹，食食吓會唔小心飲晒啲湯🙈豚肉好林呀，好好味😋小食我哋叫咗巴蜀狂野雞翼黑椒味雞翼煮得好嘢味，同埋$29有五隻真係值得一試呀🙌🏻🙌🏻🙌🏻另外一個小食係麻辣雞絲山，真係超多雞絲，雖然佢係麻辣但係唔算好辣，有種鹹鹹辣辣嘅味，鍾意食雞肉既都一定要試下😆同埋入邊啲壁畫都好靚，位置都坐得舒服，大家有興趣都可以去試吓💙💙💙…查看更多

今日同老公去尖沙咀買野，距話想食車仔麵，我地就揾左呢間喇💙距話入口要行入大廈中間上樓既我地叫左一個豬什麵一個三餸車仔麵再加2個小食豬什麵叫左重口味汁少辣，個湯好濃郁，好有地道車仔麵口味，好食😋另外叫咗三餸麵，蘿蔔雞翼同豬紅加咗兩蚊要多芫荽，啲芫荽真係多到成個碗都唔夠放啦😂個蘿蔔超級出色，滷水超入味，勁林，仲要無渣架～～～～豬紅又係超級入味，呢兩個餸真係必點呀，雞翼竟然有三大隻，真係好抵食㗎小食我哋叫咗太陽蝦餅同埋魷魚鬚個魷魚鬚又係超級好食，爽口彈牙醬汁甜甜酸酸咁太陽蝦餅係用魚肉同🍤🍤炸出黎，完全唔油，點埋甜酸醬好食整體所有嘢都好出色呀，服務態度非常好我會俾95分呀💙…查看更多