cocc_foodlover的個人專頁

閨密話我知海之戀商場呢間高級日本餐廳, 而家有期間限定推廣，廚師發辦晚市做緊65折😍, 真係性價比超高👏🏻, 我地即刻預約左黎食。呢度裝潢優雅, 我地坐廚師吧枱, 可以一邊食一邊欣賞師傅即席製作食物, 特別滋味🥰*前菜🥗~ 沙律好開胃*茶碗蒸🥚~ 熱辣辣上場, 蟹肉三文魚籽好鮮甜，高湯的鮮味與蛋香融合，口感極致順滑<十三貫壽司🍣>*紋甲魷魚 ~ 魷魚配搭柚子醬汁, 好清新, 味蕾新嘗試, 魷魚有嚼勁*真鯛 ~ 面頭加了青檸啫喱, 倍感細緻, 口感清淡，肉質細嫩且帶有自然的甘甜味*深海池魚 ~ 味道清、甜、爽，比一般的池魚更鮮甜滑嫩, 油脂豐富*富士三文魚，魚味比較濃, 加埋生薑一齊食, 又好夾*油甘魚腩 ~ 配搭柚子胡椒, 微辣提味, 口感滑嫩，油脂豐富，帶有獨特的魚油香氣，入口即化*北海道帆立貝 ~ 上面係紫菜醬, 十分濃郁又鮮甜, 喜歡*甜蝦壽司 ~ 帶有淡淡的海鮮鹹味，口感軟糯且帶點黏性*象拔蚌壽司 ~ 鮮甜，口感爽脆，帶有濃厚的海水風味*鯖魚壽司 ~ 魚味較重，肉質肥厚且油脂豐富，口感香濃*銀雪魚金山子味噌 ~ 口感滑嫩，油脂豐富*三文魚籽飯 ~味道鮮鹹、濃郁，有海鮮的甘甜味，入口後會「啵」地爆開, 超爽*炙燒右口魚裙邊 ~ 口感相當肥美, 因為炙燒後會釋放出魚油，食到魚油既香*中拖羅 ~ 配自家製洋蔥醬, 脂肪含量為赤身及大拖羅之間，魚油甘香與濃郁魚味並存*碎蔥吞拿魚腩手卷 ~ 脂肪含量高，口感極為柔軟，入口即化*海膽 ~ 我至愛, 所以加錢額外散叫, 鮮甜、滑順且帶有海洋的鮮味, 口感細緻如奶油*味噌湯 ~ 帶有甜味和較重的風味*甜品 ~ 紅豆雪糕幼滑，好香紅豆味…查看更多

之前上網已見到呢間餐廳有個好特別的圓拱形天花設計, 樓底好高, 加上格仔地磚, 打卡真係好靚😍, 今晚終於可以黎呢度享用晚飯, 估唔到呢度都好大好多座位, 佢以木化石作為主題餐廳, 近門口位置就擺放木化石展品和綠色植物🌳, 大自然與藝術原素結合👏🏻, 再行入啲就見到好靚圓拱形天花設計🤎, 仲有落地玻璃, 感受到優雅氛圍! 呢度座位舒適, 仲有室外用餐, 可以欣賞日落🌅*薑蔥紅酒糟虎蝦捲意粉🍝~ 虎蝦彈牙爽口, 配搭意大利南部捲意粉, 硬度適中, 口感煙韌掛汁, 醬汁係餐廳自家釀嘅紅酒糟 , 食落有小小紅酒味, 加埋車厘茄和香草, 混合一齊食, 味蕾新體驗, 中西fusion菜, 幾特別*風乾火腿蘑菇薄餅 🍕~ 餅底係厚批個種, 連邊邊位都烤得好香脆, 唔會腍, 配搭濃郁鹹香既風乾火腿、黑松露味的蘑菇和濃郁芝士，仲有火箭菜和松子仁，口感好豐富, 呢個配搭好合拍, 松子仁比較小餐廳會用上, 估唔到又幾好咬口*開心果鮮奶🥛~ 見到張相幾靚, 所以叫左, 哈哈, 杯邊蘸滿開心果碎粒粒和小小醬, 所以飲既時候, 會先飲到開心果味, 小小咸咸地, 隨之就係香滑的鮮奶味道, 呢個配搭幾得意, 諗起一款cocktail 做法, 增加雙重口感…查看更多

朋友話係沙田河畔花園最近開左間新甜品店🤩，即刻約埋一齊去試下先，甜品店裝潢簡約, 有不同的貓貓🐱佈置, 很可愛喔!餐牌入面都有好多不同款式甜品和窩夫推介, 連小食都有提供, 真係照顧到不同客人喜好👏🏻🌽粟米濃湯拉絲麻糬窩夫 🧇$68這種窩夫味道很特別, 所以試下, 粟米濃湯分開裝在貓形的小碟子上, 味道鹹鹹地好濃栗米味, 麻糬窩夫外脆內軟, 又軟糯、Q彈, 配搭粟米濃湯, 幾得意, 另外食法可加上cream, 蜜糖, 雪糕 (揀左士多啤梨味), 口感和味道相當豐富, 份量都頗多, 一定食得滿足!💜椰皇芋泥芋圓燉蛋白 (暖) $62很喜歡椰皇甜品, 呢款材料有獨立一個椰皇燉鮮奶蛋白, 手工芋泥、大小芋圓和椰汁另外分開放置，先食燉蛋白, 好香滑, 跟住可以加埋芋泥和大小芋圓一齊食, 口感超彈又有好滑既口感, 食埋好飽, 哈哈💜三寶椰皇 (暖) $58叫左熱的，包括有小丸子、芝麻湯圓、大粒芋圓, 椰皇清甜鮮香，融合了椰皇的天然甜味和蛋白的滑嫩口感, 再加埋小丸子和芋圓一齊食, 增加Q彈口感, 芝麻湯圓好香芝麻味, 種意呢個湯圓…查看更多

係荃灣廣場行完街買左衫👗, 就同朋友過對面呢間日式料理餐廳晚飯, 裝潢很有日式居酒屋格調, 設有吧枱和二至買四人枱, 除左餐牌, 店內牆上黑板都有寫左一啲時令和特別推介，晚上6點至9點半日本直送刺身都有八折👏🏻*深海池魚王刺身🐠(半份)店員話池魚而家係事令食物, 我地叫了半份, 池魚薄切上枱, 已切好一片片，點小小醬油, 食落爽脆, 食其鮮味*鱈魚白子🐟鱈魚白子經過燒炙, 味道濃郁和鮮甜，小小咸咸地, 口感滑順而帶有奶油般的豐厚感, 尤其係冬季最為肥美, 另外亦都可以加蔥和辣蘿蔔蓉伴酸汁, 口感更豐富*鮨一沙律 🥗好大碗, 材料豐富, 滿滿的魚生和蔬菜, 色彩鮮艷! 配搭了幾款各切魚生粒，如三文魚子, 三文魚, 好喜歡蕃茄, 真係好甜, 混合所有材料一齊食連酸酸地既醬汁, 十分開胃*鰻魚炒飯🐠🍙炒飯炒至粒粒分明, 結合了蛋香和米飯的嚼勁，加埋經過調味烤製的鰻魚, 其香甜和醬汁的鹹甜增加了炒飯的層次*串燒類:煙肉蘆筍串 🍢~ 蘆筍係粗個種, 所以有咬口, 煙肉燒到脆脆, 兩者一齊食結合了鹹香與清爽, 絕配鹽燒大虎蝦 🦐~ 爽口彈牙燒菠蘿 🍍~ 好甜又juicy…查看更多

食完飯上朋友屋企坐下傾計, 大家都想食甜品, 佢介紹呢間甜品店的芋圓好食👍🏻, 係港鐵顯徑站A出口, 步行約幾分鐘就到, 甜品店除咗甜品和飲品之外，仲賣埋蔬果🍓🥦，附近住的街坊可以幫襯埋好方便, 店員好親切，話轉左秋冬，佢地最近開始有芋泥波提供, 我地都試下☺️餐牌除咗主打芋圓都有其他款式既甜品，想試椰皇不過賣哂，下次食🤩💜招牌甜品: 紫薯・芋圓屋大雜燴紫薯系：自家製三色芋圓、紫薯波、仙草凍、西米、寒天晶球、珍珠， 材料多到呢， 真係好豐富！三色芋圓煙煙韌韌，好QQ， 配搭椰汁花奶底，味道夠哂層次，勁滿足，紫薯波好香， 加埋芋泥波好綿滑，各有千秋💛爆脆芒果西米撈有驚喜，金黃色芒果大大件，超鮮甜多汁，西米脆脆好大粒， 咬落去脆卜卜，芒果爆爆珠一咬即爆， 好刺激， 加埋芒果汁一齊食，口感豐富得黎即刻感覺好冰涼，推介🧡百香果爆珠百香果爆爆珠、珍珠、黑糖水晶、愛玉凍、西米，呢款第一次食，味道酸酸甜甜， 加埋爆爆珠和其他材料一齊食，好REFRESH！店員服務好又很貼心🥰，有主動問是否需要調整甜度，總括甜品味道不會過甜，很適中，份量多，食甜品必選…查看更多

朋友好種意食雞煲🥘和燒烤🍢, 我就帶佢黎左呢間位於大圍的親民小店晚飯, 佢主要食雞煲、烤魚、燒烤, 有室內和室外坐位, 好岩朋友吹吹水或一班人聚會🥳*秘制雞煲🐔🔥（半隻）有原味或者麻辣, 我地叫左麻辣小辣, 店家先擺好爐, 熱辣辣雞煲隨即放上爐頭, 繼續滾滾, 真係越滾越入味, 特製湯底滲入雞肉入面, 雞肉鮮嫩多汁，配埋洋蔥、芹菜一齊燜更加香, 麻辣越食越辣越過隱, 真係好刺激, 哈哈, 喜歡麻辣雞煲必叫!*炭燒大頭蝦🦐 ~ 燒到蝦味香噴噴, 蝦肉好彈牙, 好味*烤五花肉3串 🐷~ 燒到外皮香脆, 味道小小辣辣地和鹹香, 肉質結實*燒金針菇肥牛🥩 ~ 金針菇肥牛配埋辣粉一齊燒, 好香口和多肉汁*法式烤菠蘿🍍 ~ 推介, 面頭有焦糖肉桂一齊燒, 口感豐富, 超多汁, 大愛*烤日本厚切牛舌 🍢~ 真係厚切架, 好有咬口又惹味*招牌鴨屎香檸檬茶🍋即叫即制, 見到店員好落力去整, 讚, 仲好大杯, 飲落好香青檸檬味, 鴨屎香茶底濃, 甜度適中, 好清新味道*蜜桃益力多🍑又係好大杯, 顏色好靚, 不會好甜, 仲有粒粒椰果食, 好Q彈, 食燒烤飲佢好清爽 …查看更多

食完飯想食下甜品小食, 就黎左呢度food court既石磨樂豆, 佢係來自新加坡既豆乳店, 每日石磨鮮製👍🏻, 提供好多不同款的健康豆乳、甜品、飲品和輕食! 仲有季節限定款或期間限定, 唔會悶, 成日可以試新味道, 正😋🧡招牌咖央面煎糕 (加茶記菠蘿🍍脆) $42 (轉左跟餐有野飲)呢款小食都係第一次食, 原來係新加坡人氣小食, 食落好似雞蛋仔, 外脆內軟, 入面餡料係小小咖央醬 (可自選花生醬／麻糬／咖央餡), 外層特別加左港式嘅菠蘿脆皮, 令口感更香口有層次, 小小煙韌, 仲係微暖, 好味💛香芒小宇宙 (芒果🥭,小丸子, 西米露) $49芒果甜而不酸，小丸子煙煙韌韌, 西米露通透, 煮得剛好, 三樣加埋好夾, 很濃郁香滑的風味, 喜歡💜三色芋圓豆腐花$34芋圓Q彈口感, 豆腐花香滑, 好大碗, 好抵食🌟樽裝木瓜雪耳雪梨豆乳$36木瓜好腍而香, 雪梨清甜，雪耳爽，好多材料, 混合埋豆乳, 滋補之選 🌟樽裝桂圓桃膠豆乳$42桂圓桃膠養顏又滋潤，養血安神, 好岩女士, 勁多桃膠, 份量十足 🌟9°微甜濃豆乳500ML (跟餐) ~ 豆味幾濃, 不會好甜, 含有豐富的植物性蛋白質、鈣、鐵、大豆異黃酮等營養素，對人體健康大有裨益…查看更多

又有手信🎁, 約左朋友黎呢間旺角人氣嘅手工啤酒🍺酒吧吹吓水, 聽下佢既行山之旅! 店員好nice介紹了不同啤酒🍺的味道和特色, 我地都叫左兩款黎啤啤佢*吐司雞🍗之前食過一次, 真係覺得好好味😋, 上次叫半份, 今次叫了全份, 可以食多啲, 吐司係厚切西多配搭介央牛油，難怪甜甜地特別香, 仲係微暖, 令牛油慢慢熔化吸收, 全份炸雞好大塊, 炸至外脆內軟, 冧上大麥麥芽糖漿, 更提味, 雞肉嫩滑, 好juicy，推介👍🏻!*脆邊漢堡🍔最上面芝麻漢堡麵包好脆, 免治牛肉質軟腍，加埋雙層車打芝士, 酸瓜, 蕃茄🍅和黑椒蛋黃醬汁, 食落好有口感*黃金薯條🍟面層加了咸蛋黃一齊炸, 咸咸地, 薯條熱辣辣，好脆口🍺Classic Pale Ale(0.4L) 經典淡愛爾 :5%酒精濃度, 帶有麥芽的甜味和啤酒花的苦味, 但兩者達至平衡，口感溫和且易入口🍺Gose with Salted Lime(0.4L) 鹹檸高剎酸啤：4%酒精濃度, 加入了香港茶餐廳的元素, 鹹鹹地, 有酸爽嘅口感酒吧成晚都好熱鬧🥳, 越夜越多人, 氣氛真係十分好，大家都開心暢飲食野!…查看更多

放假黎到馬灣1868打卡, 打完卡食個早飯, 見到呢間餐廳好有外國風情feel, 又有可愛貓店主坐陣, 就入去休息和享用晚餐, 入到去感覺充滿巴黎的浪漫氛圍, 裝潢佈置富有異國特色, 好chill~ 店主介紹仲可以有名信片油畫和畫碟創作, 自己試下做吓藝術家, 小朋友和大人都岩, 哈哈! 由於食物即叫即整, 所以都需時, 要耐心等候喔~*秘製雞胸肉配煙三文魚沙律 $138叫左呢款健康餐,  慢煮雞胸肉都係自家製, 配以小小黑椒粉作調味, 食落有咬口, 煙三文魚美味, 配搭沙律醬雞絲和鷹嘴豆醬, 好豐富又有益, 沙律菜新鮮*蜜糖香草鹹豬手切片配沙律 $238豬手都係自家製, 外皮燒到金香比較煙韌, 肉質結實, 味道濃郁, 配以酸瓜, 橄欖, 鷹嘴豆蓉和雜菜作為主食, 份量都幾多*蜂巢蜜糖水果脆脆配雪糕 店主介紹呢度既signature dessert, 蜂巢就咁食小小硬敢地但又幾脆, 幾特別, 混合埋士多啤利、香蕉、nuts和雪糕, 口感相當豐富, 好味*粉藍色雙子星由藍柑橘、香蕉、乳酪製作而成的飲料, 打卡靚, 飲落帶點清新, 小小柑橘和香蕉香味*粉紅色的一生以士多啤梨為主調, 加上香蕉和乳酪, 好cremy, 都係靚靚, 好適合打卡整體用餐愉快, 會再黎光顧~…查看更多

閨密話帶我食拉麵, 呢間係位於尖沙咀好有人氣既拉麵店🤩, 出名湯底濃郁, 經過多個鐘熬煮, 再加秘製醬油, 湯底超讚~ 呢度裝潢好有日式拉麵店的特色喔🏮*煮干魚介豚肉拉麵🍜🐠(跟餐味玉$15)期間限定, 所以試下, 同埋我都幾喜歡吃魚, 魚乾脆口, 麵質軟硬適中, 湯底味道融合了豚骨的濃郁、魚介的鮮甜和鰹魚的香氣，真係層次豐富的湯底。濃醇的湯底和厚切豚肉的搭配，帶來「鮮、香、濃」三重滋味，好美味味玉即係溏心蛋, 經過醃過更入味，做到流心效果, 配拉麵, 好夾*辛辣炙燒豚肉味玉拉麵🍜🌶️（中辛）辣度剛好，適合食得辣既朋友, 辣味刺激味蕾, 豚骨湯濃郁, 兩者拿捏得好，原本嘅濃郁感沒有被蓋過，多了辛辣的口感*羽根燒餃子🥟我八卦問店員點解叫羽根, 佢話因為餃子煎好係一塊過, 好似翅膀一樣而得名, 哈哈, 原來咁樣! 餃子煎到金黃外脆，皮薄, 餡料多汁，點埋特製的餃子醋更提味*雞肉軟骨串🍢 (2串) 大大粒, 食落有燒過的香氣，脆口、有嚼勁…查看更多

朋友帶左我黎呢間預先訂左位既旺角必食居酒屋晚飯。 餐廳有兩層, 燈光昏暗, 我地坐樓下吧枱, 當晚都好多人, 所以記得黎食前要訂枱呀! 餐廳新推出迎秋🍂盛宴餐牌, 一定要試下!*牡丹蝦脆脆 🍤$198有驚喜! 首先擺盤精緻, 新鮮牡丹蝦已調味, 混合了米通, 三文魚籽, 再以魚子醬做點綴, 高質, 將佢地一齊放上燒得又脆又香既魚脆片, 口感層次十分豐富, 好好味, 我好喜歡, 推介*極上鹽燒牛舌芯 🥩$128牛舌芯厚切, 燒到剛好微微焦香, 未食已經聞到香味, 食落去好爽口juicy，有小小鹽味, 內裡則保持濕潤和嚼勁, 可以加小小檸檬汁提味, 或者點小小柚子醬, 即刻有唔同味道, 好清新*重量芝士玉子 🧀🥚$138好大塊車打芝士放面, 經過炙燒, 芝士味香濃, 玉子蛋勁滑, 兩者一齊食, 好夾, 記得襯熱食, 更美味*金澤蠔釜飯 🦪$268釜飯材料包左金澤蠔、本菇、洋蔥, 面頭舖滿好多三文魚籽, 好靚, 金澤蠔都幾多吓, 起碼有四隻以上, 食極都有, 蠔肉飽滿, 甘甜和濕潤, 正! 飯加左燒汁和吸收了其他材料的精華, 加埋餸一齊食, 十分美味, 份量都幾多, 食極都有, 哈哈…查看更多

放工搵舊同事食飯, 佢帶左我去呢間係商場入面既西餐廳, 話馮星期二呢間餐廳做緊TBone牛扒🥩半價, 叫我一定要試下, 呢間都幾特別, 入到去係零售超市, 好多野買, 連蔬果🍇都有, 跟住又有一間好似品酒🍷室, 擺滿好多不同酒類, 再入就係用餐地方, 燈光昏暗有格調, 我地就坐室外, 環境好chill, 仲可以帶寵物🐶一齊用餐, 太開心了朋友係零售位置既凍肉櫃自選好了TBone牛扒🧡，店員會即時磅出價錢，之後可以揀配菜,我地就揀左菠菜. 另設有牛扒可以係屋企或者店內享用都得, 好方便👏🏻*澳洲哥芬灣生蠔🦪~ 有濃郁的海水鹹味和鮮味，口感爽脆, 檸檬以布包住, 唔驚整到手濕哂又乾淨, 好細心*法式洋蔥湯 🫕~ 味道濃郁香甜，帶有洋蔥的甘甜和焦糖化後的香氣, 配搭芝士酸種多士, 點小小湯, 更加美味, 喜歡洋蔥湯的必試*法式雞肝凍🐔 ~ 配以烤法式蛋麵包, 糖漬核桃和照燒洋蔥, 麵包微熱軟熟, 夾埋洋蔥和香濃雞肝醬, 好夾*GrassFed TBone🥩真係好大塊, 同埋厚肉, 我要左medium, 煎到剛好, 呈鮮紅色同埋香噴噴, 結合了兩種口感，一邊係軟嫩、脂肪少、風味溫和；另一邊就係結實, 帶有嚼勁、油花較豐富的口感😋下次要買牛扒返屋企試下自己煎先💪🏻💪🏻…查看更多

好耐無打邊爐🥘, 聽同事講呢間而家做緊優惠, 火鍋材料又新鮮, 座位寬敞, 即刻約左好友黎開餐!湯底我地就揀咗招牌椰子🥥雞煲，已包左半隻雞🐔, 雞塊大件, 仲會送埋兩個新鮮椰青, 加落湯到，超讚👍🏻! 所以店員提議我地先飲湯才打邊爐🥘, 咁鮮甜, 又點可以唔飲呢, 我都好種意飲椰子雞湯, 真係好香甜濃郁, 之後再放埋成碟雞落去煮熟就食得啦🥳*安格斯牛頸脊(例)🥩牛頸脊比想像中大碟, 份量都幾多, 油花分佈都好均勻，拾幾秒就可以食得, 不用太耐，牛味濃, 肉質嫩滑，點小小醬料更提味*招牌黑松露肉蟹餃🥟食落真係滿滿的黑松露香味，餡料也十分飽滿，仲食到到蟹肉, 喜歡*美國桶蠔🦪好大隻生蠔，拾完唔會點樣縮水，保持到香濃蠔味*蟹籽墨魚滑🐙呢個真係必叫，好香墨魚味之餘，勁爽口彈牙*繡球菇🍄‍🟫份量也不少, 吸收了椰子雞湯的精華，食落特別香濃*手打檸檬茶🍋一黎到, 嘩一聲, 好大杯, 真係超抵飲, 好濃茶味, 多鮮青檸檬, 味道清香小小微酸，好岩配火鍋, 一定要叫BECK 啤酒🍺~ 我就叫左杯先，夠哂冰凍, 好爽! 餐廳而家做緊優惠: 身份證有 1，5，7，9 四個字其中一個已經有優惠！…查看更多

我都好喜歡食串燒, 今次朋友去完旅行, 約我俾手信, 上網介紹呢間串燒店好有人氣, 仲做緊飲品酒類任飲2小時, 可以開懷暢談飲幾杯先~ 呢度裝潢係行日式居酒風, 感覺Relax~店員先送上開胃餐前菜，點埋芝麻醬, 唔錯!*鵝肝多士 ~ 鵝肝煎得外脆內軟, 香味濃郁, 加左小小黑醋, 配埋脆脆多士一齊食, 好得, 推介*甲羅燒 ~好濃郁又鮮美, 仲有小小味噌風味, 配搭脆多士, 絕配串燒:*明太子雞腿肉 ~ 小小微辣, 雞腿肉好嫩滑*牛舌芯(京蔥) ~ 牛舌香味濃, 好爽口*明太子雞翼 ~ 個人都幾喜歡明太子, 雞翼必叫, 燒到外皮脆金黃色, 而且肉質多汁小竦, 好惹味 *七味雞皮餃子 ~ 呢款幾特別, 雞皮入面包住餃子, 燒到好香口, 好味*豚肉蘆筍卷 ~ 蘆筍解油膩, 同豚肉一齊食好夾*宮崎A5和牛粒 ~ 燒得剛好唔會韌又濃味, 推介*燒日本生蠔 ~ 新鮮juicy*白鱔 ~ 燒到香脆, 一串好快食哂, 哈哈*焦糖菠蘿 ~ 加埋焦糖一齊燒，甜甜地又多汁*芝士玉子燒 ~ 味道帶甜和有蛋香*梅酒 ~ 都幾香梅味*巨峰提子梳打 – 好清新…查看更多

放假行下大圍圍方商場, 約埋朋友仔一齊飲下茶, 呢間酒家係由酒店級大廚主理, 主要提供中菜, 中午可以食點心飲茶, 呢度坐得幾舒服, 如果安排到坐靠窗邊位, 仲可望到室外園林景色, 好光猛, 裝潢都好優雅有貴氣!*彩虹鮮蝦餃 🍤~ 皮薄餡靚，外皮主色係橙綠色, 仲有金色點綴, 好精緻, 裡面蝦肉好彈牙, 外皮做得唔錯, 唔會話好厚, 食落煙靭*雪山叉燒餐包🍞 (三個) ~ 有驚喜, 熱辣辣上枱, 麵包好軟熟, 叉燒好夠味, 多汁, 口感豐富, 推介, 記得襯熱食*奶黃煎堆仔🥚~ 呢款入面有流心奶黃煎堆仔, 第一次食, 同樣都係熱騰騰, 外面有好多白芝麻, 外脆內軟, 咬開中間的流心奶黃餡浸出, 香口得黎甜甜地, 喜歡*黑松露紅菜頭 ❤️~ 黑松露勁香, 配搭埋香菇, 好有咬口, 用了紅菜頭製造成外皮, 特別, 兩者都好夾*龍蝦湯鮮竹卷🦞~ 鮮竹卷多數都係蒸, 呢度就炸左腐皮, 食落脆口, 加埋龍蝦湯一齊食, 多了層海鮮味道*紫米脆網鮮蝦腸粉 🦐~ 用左紫米嘅米漿做左腸粉較特別, 蝦肉經炸過, 入面食落酥脆, 點埋辣油, 更提味, 種意食炸物, 要試下*煎釀尖椒 🌶️~ 煎得幾香, 小小辣辣地, 好惹味茶位: $20/位, 餐前小食: $28, 醬料辣椒醬幾好👍🏻…查看更多