ricoricoyo的个人专页

之前已經有食過其他分店，佢哋啲生煎包真係好爆汁。隔咗一段時間無食，原來佢哋做埋豆漿放題，叫指定同餐就有得飲，我當日去，一坐低，就斟咗杯豆漿俾我飲，好服務。今次叫咗佢哋招牌原味生煎包，同埋新出嘅瀨尿蝦生煎包&蝦生煎包😂超級特別全部生煎包都一如以往地爆汁，瀨尿蝦生煎包最有驚喜，真係搵到原條瀨尿蝦肉喺入面，同埋好鮮味～我覺得可以試賴尿蝦生煎包便可以了，因為蝦味普通。另外叫咗蔥油拌麵，大大份，幾彈牙👍🏻👍🏻…查看更多

呢間印度菜非常有驚喜！ 咖哩同埋甜品都是十分出色，值得再訪🤤同埋呢度都幾適合happy hour 時段去，樓下個層會有live music，好好feel☺️Masala Garden Salad呢個沙律主要係有蕃茄、士多啤梨、腰果、粟米同埋洋蔥，酸酸地配埋粟米嘅甜，都幾開胃Prawn Pakora Basket呢個係炸蝦同炸洋蔥嘅拼盤，洋蔥很甜，蝦幾大隻，但略嫌炸粉偏厚同硬身，可以不點～Chicken Tikka Masala🌟呢個非常惹味！香料味濃郁、辣度夠👅雞肉亦都唔柴，如果食得辣嘅必點Garlic Coriander Naan🌟好香蒜味，口感軟熟得黎有咬口，甜甜地，配埋個咖哩食一流！Tandoori Roti呢個比較脆身，重麥味，配咖哩都不錯Sticky Toffee Pudding 🌟呢個係超有驚喜嘅甜品，絕對是必點item！熱騰騰的棗味蛋糕，口感軟熟，上面有一球雲呢拿雪糕，搭配埋超級香嘅拖肥醬，完全是冰火交融，絕對係視覺、味覺嘅享受☺️Sunset Fizz Fusion主要是熱情果的味道，偏酸但清爽Golden Vanilla Breeze 🌟雲呢拿味重加上一點點的熱情果，口感creamy，好飲😋…查看更多

第一次嘗試黎巴嫩菜，如果你同我一樣覺得食其他菜式食到悶悶地，推薦你嚟呢間餐廳試下😆裝修非常之民族風同埋設計得好靚，適合週末/平日夜晚來體驗下！（啱啱去到嗰陣超級多人，食到最尾趁啲人走晒先影到咁空曠嘅相🤣）唔肯定平日有冇，但我週末去仲睇到肚皮舞表演～冷盤-茄子蓉調味非常淡，比較似食緊原材料嘅味道，係茄子蓉加埋燈籠椒，食落去酸酸鹹鹹咁，配埋Pita bread食都幾開胃冷盤-黎巴嫩鷹嘴豆蓉呢個都係配Pita bread 食，佢係將鷹嘴豆泥、芝麻、檸檬汁和橄欖油攪拌而成一個好Creamy嘅醬，食落同聞落都好Nutty，個人幾鍾意，不過食得多會膩炸哈羅米芝士配無花果鹹鹹甜甜嘅炸芝士配埋酸酸甜甜嘅無花果，都幾好味，不過略嫌個炸芝士唔夠熱香煎雞肝本身就鍾意食雞肝，見到有黎巴嫩式雞肝，忍唔住試吓，先講醬汁，主要係石榴汁製成，酸酸的，都幾好味，但係雞肝就唔係好似中式或者日式咁煎得剛剛好，而是煎得乾乾的😂可以不用嘗試倒扣羊肉飯儀式感滿滿的菜式，店員會在你面前擺盤上碟，參與度十足，非常重香料味的一個燴飯，本人不好羊肉，但覺得可以，不會太重羶味…查看更多

呢間係位於佐敦不太起眼的小餐館，呢度可以食到印度菜同埋意大利菜，但直覺覺得呢度啲印度菜應該正宗啲😆Butter Chicken & Garlic Naan去到印度餐廳，每次必點牛油烤雞，嗰種Creamy又帶甜甜的醬汁令人無法抗拒，蒜蓉烤餅一絕，好味！Buffalo Chicken Wings本身有點猶豫到底叫唔叫呢個buffalo wings，因為平時食到嘅都係炸雞翼再加個酸辣醬，但係呢間有驚喜，佢係重香料味，而且炸得勁Juicy，再配埋印度醬汁，有薄荷醬同埋香辣醬，十分惹味。Chicken Momo (Fried)呢個係尼泊爾式雞肉餃子，從來未試過，但試完覺得係比較淡味嘅炸餃子，唔算特別，可以不試。…查看更多

夏日炎炎，食慾不振，最岩食啲辣辣地開胃嘅菜，經過中環，見好多人介紹呢間，就嚟試吓。店舖裝修10分中國風，有feel~呢度係套餐形式落單，好方便選擇困難嘅人😂點咗一個牛肉麵、一個擔擔撈麵，落單後唔夠1分鐘，套餐附送嘅冰粉同飲品已經上枱🤣熱辣辣食碗冰粉降溫好爽。牛肉麵同埋擔擔麵中規中矩，都算幾惹味，但個人覺得湯麵個湯頭幾濃味，下次黎會再試湯麵。飲品方面可以揀羅漢果茶，幾養生。總括而言最出色嘅係冰粉😋…查看更多

平日夜晚嘅9點幾，黎到呢間甜品鋪，竟然已經有一條頗長嘅人龍😂不過等咗10-15分鐘就入得～鋪頭裝修簡單得黎幾靚，有幅好吸睛既lego畫同埋糖水排行榜🤣呢日同朋友們試咗啲熱門items～西瓜椰果仙草涷呢碗配料都幾多，有脆脆水晶珠、椰果、仙草、西瓜、花奶（自己落），清新口味芒芒麗莎呢個推薦，同樣配料好多，有水晶珠、椰果、煙韌小丸子、芒果、芒果汁，酸酸甜甜，好岩夏天食☺️芒果奶昔雙皮奶呢個係雙皮奶上面鋪咗一層芒果雪糕，再係上面鋪滿滿嘅芒果肉，係好滿足嘅配搭，但食到最後會少膩榴槤水晶珠鐘意榴槤嘅話必試，有榴槤肉、榴槤沙冰同水晶珠，有三重口感，榴槤香甜美味🤭…查看更多

經歷完一星期5天的社會鞭策，我得到了—疲憊的身軀、虛弱的心靈、壓力山大的精神面貌，同埋早已唱起了空城計嘅肚。我明白這是它們給我的信號，它們正強烈表示需要一點慰藉，否則隨時「熄機」！(╯‵□′)╯︵┻━┻原本只是想和女朋友隨便找個地方填飽肚子，卻被路邊一家日式餐廳的招牌吸引——<丼造 DON JO>，簡單的字眼卻透著一股莫名的自信。配合上其小小的店舖令我有了「這可能是一家未被發現的隱藏食肆」般的暇想。而既然都走到這了，不如進去試試吧，說不定會有意外驚喜！一進門，溫暖的木質裝潢和輕柔的日式設計瞬間讓我放鬆下來。女店長笑容滿面地迎上前，輕巧的遞上菜單，並為我們推介了兩款丼飯套餐，而抱著一試無妨的心態相信了她的引薦。但沒想到，這頓飯從前菜到主菜，竟徹底顛覆了我的期待！讓我從頭驚艷到尾。前菜：沙拉與味噌湯的二人演出為我們率先登場的是那熟悉的小份沙拉和味噌湯。沙拉以黑色方碗形式獻上。黑方碗裡裝滿新鮮生菜，綠葉間配有紅潤啲小番茄，淋上濃郁的胡麻醬，入口既酸甜又爽脆，進一步喚醒了我的食慾。旁邊的味噌湯溫潤順口：海帶的鮮味混合上加入了魚湯的烹調，喝下去像是給胃一個溫暖的擁抱，為接下來的重頭戲做好準備。小食：一場互相角力的三人競技緊隨前菜而送上的是我們特意加點的3份串燒— 牛舌、帆立貝，與多春魚。烤得焦香的多春魚，無需下口已經俾它的炭燒味道所吸引。用旁邊的檸檬輕輕一擠，更加提味。而厚薄均勻嘅牛舌，每一口咬下去都在大顯其魅力所在。還有的是共享同一醬汁的串燒干貝，干貝俾烹調成入口即化，兩者甜鹹交織。當中牛舌大而厚的口感更令我為之著迷，差一點要追加多一份！三者串燒互補長短同時又爭相大顯各自的魅力，再配上稍早的溫熱味噌湯和一杯清茶，簡單卻滿足。接著，兩碗主角級的丼飯終於登場，瞬間讓我們的眼睛為之一亮。兩碗都用藍白相間的瓷碗盛裝，彷彿在說：「快來品嚐我吧！」**三文魚親子丼：不平凡的鮮味享受** 這碗海鮮丼盡管外觀俾隔壁的另一款丼飯比下去，看似簡單，卻藏著大大的驚喜。碗裡鋪著一層晶瑩剔透的醋飯，飯粒飽滿，帶著微酸的清爽，唯一美中不足是稍為黏稠。主角是三片厚切的三文魚刺身，橙紅色的魚肉、油脂平均分佈，表面泛著微妙的光澤，入口時濃郁的魚香在嘴裡散開，卻一點也不腥。果然港人最愛的三文魚從不令人失望。搭配的還有帆立貝，外觀潔白如玉，咬下去時鮮嫩中帶著微彈的口感，搭上其獨有鮮味，後勁十足，讓我不禁閉上眼睛細細品味。而點綴在後的，是洪天明最愛的花之戀。橙紅色的三文魚子，輕輕一咬，啪的一聲爆開，鹹香的汁液瞬間填滿口腔，像是大海的精華在舌尖跳舞。碗上還有幾片清爽的青瓜片用作平衡，青瓜的脆嫩中和了生魚片的濃郁和味嚐各款魚生後的膩。最後，一定要提起的是那塊刻著店名的蛋（卵-Tamago)，味道非常出色，軟嫩中帶著無可挑剔的甜味，絕對是這碗海鮮丼的小彩蛋！**極上粒粒魚生丼：奢華的味蕾盛宴** 如果說親子丼是超然的享受，那這碗極上丼就是一場奢華脱俗的味蕾盛宴。碗裡同樣鋪著醋飯，但上面的配料多到讓人眼花撩亂，猶如數名國色天香的脫衣舞孃來到我身前，面對此情此景 — 我又怎會忍得住。第一時間便毫不猶豫奔向主角。除了海膽，還有盤滿缽滿的三文魚子，爆汁感十足，非常juicy！它的鹹香中帶著微甜，與海膽的濃郁形成完美對比。碗裡還充滿切成醉粒的章魚，三文魚和吞拿魚，這樣的造法讓你食每一口飯都能輕鬆淺嚐各款魚生，確保你可以品嘗到它們各自的油香、Q彈的口感和淡淡的鮮味。整碗丼飯上撒了細細的蔥花和紫蘇葉，增添了一抹清新的香氣，但可惜本人對紫蘇葉興趣不大，沒有猶豫便決定把它們全部夾開。整頓飯下來，我從疲憊到滿足，心情也跟著明亮起來。離開餐廳時，我心裡已經默默計劃下次的到訪。這兩碗丼飯不僅填飽了我的肚子，更讓我重新感受到生活的美好。我從疲憊到滿足，被治癒的感覺從外到內再到返外，這樣的美食驚喜真是不可多得的幸福！…查看更多

一間玩味好重嘅天婦羅專門店，由裝潢到擺設都好特別～其實喺香港都幾難搵到好食嘅天婦羅，呢間都係一個唔錯嘅選擇。最特別係你可以自選天婦羅丼/蕎麥麵/烏冬，而且枱面上面有各式各樣嘅醬料(基本上你諗到嘅都有)比你DIY/調味，估唔到仲可以任加櫻花蝦做配料👍🏻自選天婦羅(黑虎蝦/茄子/溏心蛋/蠔/本菇)配熱蕎麥麵呢度嘅蕎麥麵湯底好有驚喜，加咗橘子皮，食落去每一啖都好清香，反而麵質就普通。每個餐都會跟一個蝦麵豉湯，超濃郁蝦味👍🏻自選天婦羅(黑虎蝦/番薯/蟹柳/鰻魚/紫菜蝦膠)配飯白飯就冇咩特別，總括而言，天婦羅入面較推薦嘅係黑虎蝦、番薯、蟹柳、紫菜蝦膠、溏心蛋，雖然略嫌油了一點，但係玩味十足、值得回頭😆雞皮餃子非常推薦嘅小食，外脆裏面超級juicy!😋…查看更多

好耐冇食台灣菜，經過旺角，見到呢間都幾好評，就嚟試吓，確實不錯、份量大。呢間有啲家庭小店feel，個人最推薦係蛋餅同埋牛肉麵，食得出廚師嘅心思。飲品：鳳梨冰同埋青檸梅子冰，兩個都好清爽好飲叫咗肉鬆芝士蛋餅，裏面嘅肉鬆超多，芝士味都幾濃，食完好有滿足感。呢個係紅燒牛肉牛筋麵，啲牛肉（牛腱）同埋牛筋都煮到好淋，好啱我口味，至於湯底就偏清淡，有淡淡酸菜嘅味值得一提嘅係呢度有自家製辣椒醬，食落去係食得出有粒粒蝦乾，香、麻但不算辣，撈埋落個面度超好食😋…查看更多

呢度happy hour做到夜晚9點，放工同朋友飲杯嘢/食個飯岩哂&幾抵😆最推薦佢地嘅串燒/小食!串燒組合連酒精飲品 - $118有好多唔同組合揀，我今次揀咗免治雞肉棒、雞皮、日本厚油揚、雞軟骨、雞髀菇，個人覺得性價比極高，有五吋串燒仲可以配大大杯嘅生啤/mocktail/others炸魚手指 - $58呢個都係性價比之選，份量幾多，香脆可口，配有兩個特色醬😋慢煮紅酒牛面頰肉配薯蓉 - $188呢個又係超大份😂味道不錯蟹肉龍蝦湯 - $98普通，可以不用點煙三文魚沙律 - $98正常，可點/可不點Encore 咗其他串燒，都好好味，有串燒舖嘅質素👍🏻人均消費：$350…查看更多

早前和友人去深水埗閒遊，途中話題說起在當區有着標誌性代表嘅車仔麵店時，要狠嚐港式美食嘅靈魂立即被點燃。在網上找到了這間人氣所未及同區著名車仔麵鋪 但亦廣受好評嘅小店，而且看它離我們較近 便抱着一般要尋找隱藏美食嘅念頭便去了。餐廳裏位置不算很多，大概有7-8張，是典型小店的格局。由廚房到出餐的動線一目了然。餐廳的牆壁貼上各款令人遐想的美食硬照，而每款菜式均配有新穎名稱，和其本身較港式的印象形成強烈對比。 店裏的收銀處位於餐廳較入位置，旁邊有着一行對聯訴說店舖名稱的由來：有緣相聚；歡迎再來 — 聚來。3餸車仔麵 小辣 沙嗲汁🍜第一眼望會以為好淡味，撈勻後發現果然外表唔可以盡信！沙嗲汁嘅香口配上自己選擇嘅小辣辣醬 令整個配搭充滿色香味，若再加上佢哋自家制嘅菜譜，口感就更加豐富，當然刺激亦加倍🥵(菜譜好辣）我揀嘅餸有冬菇，豬頸肉同椰菜餃 冬菇🍄炆得好軟熟 咬落去可以feel到佢嘅汁湧出來嘅感覺 個人絕對推介！豬頸肉🐽我認為不過不失 但初初點餐時幻想係泰式豬頸肉 結果發現唔係 所以有啲啲失望😗 椰菜餃🥟係值得一試 呢間車仔麵鋪嘅餃子好驚艷 尤其係接下來講嘅芝士煎餃！！！雙拼煎餃 (芝士粟米+韭菜豬肉）一開始只係純粹想食香口野而叫 結果味道絕對係震撼！芝士粟米餃🌽用左mozzarella cheese, 很Creamy、有濃濃的奶香同芝士味，係香港人會中意嘅芝士。當中煎嘅火侯處理得非常好，一咬落去芝士會噴瀉而出，若你拉長仲可以做到拉絲效果，配上粟米食落又唔會太膩🤤 好食程度令我哋即場encore叫多左6隻！韭菜豬肉餃相比之下就較為遜色 但都係好好食 不過芝士粟米搶曬focus😛爆漿阿華田西多士配朱古力榛子醬🍞無錯！呢間車仔麵鋪最特別就係佢哋有甜品供應，仲要係主打本身已經好邪惡嘅西多士， 加上灑滿成塊多士嘅阿華田粉，同加熱後一切開就流曬出嚟嘅朱古力榛子醬瀑布！ 絕對係邪惡❌邪惡❌邪惡嘅合作！因為太有罪惡感，食左少少嘅我就決定送曬俾友人食😈但其實食落口唔會有好死甜嘅感覺，可能因為多士炸得酥軟，咬落去嘅空氣感幫到佢平衡左好多，望住友人兩三下就KO左佢⋯🤓…查看更多

經過過呢間餐廳好多次， 都被佢嘅靚裝潢吸引住，今日終於約到朋友來食。坐位都幾舒服，每枱之間的間距很足夠，坐得舒服，店員都態度很好，笑容滿面，食得開心嘅一餐。燒豬頸肉燒得超嫩滑、juicy!! 配埋甜甜酸酸的醬好食沙嗲拼盤沙嗲醬超香，應該點咩都會好食🤣豬同雞較為推薦火山排骨湯汁酸酸甜甜、很開胃，但肉質比較有咬口馬沙文咖喱必點！如果都鍾意食甜甜口味咖喱的話😋蒜蓉包外脆內軟，好香牛油蒜蓉味，是咖喱的必配總結：會再次光顧的餐廳…查看更多

很久沒有吃印度菜，突然有點想念，在網上找到了這間上環印度小店，便去了。一入到餐廳，地方雖小，但將收得好有情調/富印度色彩，座位都唔算迫。而且餐廳都算滿座，有不同國籍嘅人士，見到有印度人都來吃，就知這裏會是正宗的印度菜。印度薄脆餅(每枱都會附送的）👍🏻第一次吃這個小食，好重胡椒、麵粉香味，整到好似薯片咁脆，偏鹹，但係好啱我胃口😋搭配埋薄荷乳酪醬、甜酸醬，不知不覺就食完🤣印式奶油雞 - $98很Creamy、香甜、有濃濃的蕃茄味，配上印度薄餅吃一流咖喱蝦 - $102偏重胡椒味，咖喱質地比較稀身，可能配飯會比較適合，個人更喜歡Butter Chicken印度薄餅拼盤 - $58幾抵食，有四至五塊大薄餅，包括原味、蒜香味和芝士味，個人比較喜歡原味和蒜香味，反而芝士味就不算太突出，原味吃下去甜甜的、很軟熟，而蒜香就較為香脆，牛油蒜味濃郁😋印式炸洋蔥 - $62呢個菜式都係第一次嘗試，炸得好香脆，亦都是偏鹹的(印度菜好似都偏重口味)，不算是必食項目🤣Mango Lassi - $25好飲，就是甜甜酸酸的乳酪芒果味…查看更多

Side Dish有牛蒡漬同紅酒醋蕎頭Hamachi - $148油甘魚幾新鮮，配鹹蛋黃、薄苦瓜片，味道幾特別Pickled Tomato Salad - $78酸酸甜甜、配埋幼滑嘅sour cream，非常開胃Caramelised Pumpkin -$88 👍🏻超甜！南瓜被焦糖包裹住，食落去外脆內軟，面頭灑上了肉桂粉，有淡淡的香味Tonkatsu - $238 👍🏻炸黑毛豬扒，煮得啱啱好，肉質保持多汁、軟熟，配上梅子乳酪醬，酸酸甜甜又解膩Hairy Crab Butter Udon - $278 👍🏻👍🏻當晚最喜歡的菜式，濃郁嘅蟹鮮味，食到大閘蟹嘅膏香，拌上生蛋黃，口感更濃厚😋Cocktails - AOAO Sangria - $118👍🏻推薦，呢到幾特別，係以桃味為主調，清新又易入口👍🏻…查看更多

今日做野做到好晏，決定食埋飯先歸家。。經過呢間lunch time好多人食嘅餐廳，決定試試佢。呢到選擇都好多下，最尾揀咗鐵板餐。首先很快上了餐湯，我揀的是羅宋湯，非常對我口味，是很濃而且偏甜的，最驚喜是裏面竟然有牛筋粒，足料喔然後，鐵板餐製作需時，就係我啱啱飲完晒啲湯就上菜了，份量超多，最尾我是吃不完的🙈醬汁方面，我揀咗黑椒汁，個人認為是最惹味的🤣估唔到牛扒生熟度控制得不錯，以港式牛扒黎講～配菜都幾新鮮，薯條十分香脆！😋…查看更多