arjunayuki的个人专页

宜家天氣凍凍地，想食又辣又熱嘅米線，睇到哩間店鋪唔錯，咁試試。晚市好full，睇落似附近街坊，好旺。美利奶茶王，睇牆上介紹，老闆親自去學沖奶茶，每杯奶茶都特選幾種茶葉沖制而成，比得過茶餐廳奶茶質素。呢杯奶茶確實唔錯，茶味幾濃郁，飲落順滑冇澀口。奶同茶嘅比例啱啱好，唔會太甜:)。凍檸檬茶，套餐加配，檸檬落得夠多，飲落有果香同微酸，同紅茶底幾夾。食辣嘢，真係要飲番杯清爽凍檸茶才得。烤臺式小香腸，小香腸烤得幾香口，外皮有少少脆，咬落去有肉汁。味道系典型嘅臺式甜味，唔會太鹹，小食黎講唔錯。雲香園米線，揀咗酸辣湯底，哩碗米線配料勁豐富，有雞翼，冬菇，雞絲，魚春捲等。湯底絕對係靈魂，每日落足料煲制，仲要熬煮6個鐘。湯底酸辣度啱啱好，飲落幾開胃。幾款配料各有特色，雞翼鹵得幾淋，冬菇同雞絲軟嫩，酸菜爽口，蔬菜新鮮鮮甜，米線索咗湯之後更好食:)。熱拌米線，配料加咗墨魚丸同肥牛。熱拌米線同湯米線又係唔同風味，撈汁酸辣惹味，再落入香菜榨菜肉碎等配料，米線爽口醬香濃郁。肥牛份量都幾多下，入口牛味十足，墨魚丸彈牙爽口，全碗食曬真係好飽。…查看更多

每次想食生煎包，一定會揀哩間鋪頭，味道真係一絕。店鋪唔大，每到飯點都full曬，想食就要等下啦:)。自家制豆漿，豆漿係每日新鮮磨制，豆味香濃得嚟唔會太甜，口感順滑無比，完全冇渣，搭配佢嘅生煎包，簡直係絕配。鮮蝦濃湯生煎包，呢款鮮蝦濃湯生煎包，真係皮薄餡多，一咬落去，外皮煎得金黃香脆，入面嘅鮮蝦餡料新鮮鮮甜，仲有濃郁嘅蝦湯湧出嚟，好味。瀨尿蝦生煎包，用瀨尿蝦肉同鮮肉做為餡料，再落入皮凍增加爆汁效果。瀨尿蝦本身肉質爽嫩，加上生煎包嘅肉汁混合，味道層次豐富，完全冇腥味。如果配埋一碟鎮江香醋，更加提升鮮味，絕對系必點之選。糖醋炸排骨，排骨炸得火候啱啱好，外脆內軟，咬落去排骨爽口彈牙。糖醋汁調得恰到好處，甜中帶酸，唔會蓋過排骨本身嘅肉香。最難得系炸粉唔厚，食到系真材實料嘅排骨。雞湯小餛飩，湯底用老雞熬制，金黃清澈，飲一啖就知冇加味精，鮮甜到不得了。餛飩皮薄如紙，入面嘅豬肉餡嫩滑入味，每粒都包得均勻，一啖一粒啱啱好。蔥油拌面，蔥油用新鮮蔥段慢火炸，再落少少豬油增添風味。撈勻後，每一條面條都掛滿油香。麵條彈牙有嚼勁，蔥油香氣十足，食落唔會膩。…查看更多

今日到FD屋企玩，FD推薦咗哩間居酒屋，話佢係老闆親自主理已經開咗8年啲老店。店鋪裝修得好和風，好似返到日本緊:)。晚市除咗主menu，仲提供多款招牌菜式，好難揀TIM。可樂，氣泡夠足，入口清爽，冰鎮程度啱啱好。海膽戀之花壽司，用三文魚卷住米飯，上面再點綴大量海膽。海膽如奶油般滑嫩入口即化，三文魚柔滑肥美油脂豐富，壽司飯握得鬆軟適中，凸顯食材原味。濱松町卷，一碟六件壽司好似個花環，真係好靚。刺身係每日新鮮飛機貨，帶子鮮甜軟糯，三文魚油脂甘香，燒左口魚邊微微焦香，醋飯調味溫和，酸度輕柔，完美襯托魚生鮮味。富士山火焰帶子燒，又係店鋪招牌菜，上桌後侍應會點埋火，帶子經火炙燒後表面微焦，內裡保持半生熟狀態。醬汁系靈魂所在，蛋黃醬燒焦後嘅焦糖香同帶子好夾，同埋加入好多配料，口感層次更加豐富。安格斯牛肉生薑燒，豚肉生薑燒成日食，牛肉生薑燒係第一次食。安格斯牛肉油花均勻，肉質軟嫩多汁，生薑燒醬汁甜中帶辛，有效提升牛肉鮮味而不搶戲。牛肉食落軟嫩唔韌，洋蔥清甜爽口，平衡咗油膩感:)。地獄牛舌鍋，牛舌大件好厚切，燉煮得好入味，食落彈牙有嚼勁。湯底香辣濃郁，辣度層層遞進，但唔會掩蓋牛舌本身肉香。配料如豆腐、蔬菜等嗦曬湯底精華，越食越上癮。呢個鍋辣得黎夠醇厚，食完成個人暖笠笠。…查看更多

今日得閒同FD飲一杯，FD一直飲開哩間，話質素好高，咁試試。餐廳裝修得好型格，不過就唔算太大，得室內同室外幾張台，如果唔想等位，一早book定位啦。Fresh Green，呢杯飲品真係好靚，整體以綠色為主，再點綴埋青瓜同薄荷。飲落蘋果果汁嘅甜味恰到好處，再加埋薑汁汽水微微辛辣，層次感十足。微微帶出青瓜同薄荷味道，真係夏日首選。Air Force Red，杯嘢顏色粉粉嫩嫩，草莓同荔枝嘅香甜完美融合，再加入蘋果同薑汁汽水調味，飲落氣泡感十足好清爽:)。香炸雞鎚，火候控制得好好，外皮炸得金黃酥脆，入面嘅雞肉嫩滑多汁。雞鎚已經預先醃制過，食落恰到好處，唔洗點醬已經好夠味。意式火腿芝士拼盤，呢個拼盤配料好豐富，有兩款火腿片，醃制青瓜，橄欖，芝士等。火腿片咸香適中，油脂分佈均勻，入口即化。芝士味道濃郁又唔會太搶，配埋旁邊嘅醃制青瓜同橄欖，鹹酸交錯，層次感爆棚，用來送酒或者作為前菜都一流。加拿大有骨豬鞍扒，豬扒勁大一件，比巴掌仲大。煎得火候啱啱好，外焦裡嫩，肉質鬆軟又有嚼勁，食落肉香十足又好juice。仲搭配埋焗薯同蒜蓉青菜，焗薯軟糯香甜，蒜蓉青菜清爽解膩，全部食曬真係好飽。…查看更多

今日行過哩間鋪頭，睇落去唔錯，好有深夜小食堂feel，咁試試。餐廳唔算大，得7-8張台。燒烤種類豐富，海鮮肉類蔬菜好多可以揀。可樂，食串燒點少得可樂，可樂夠曬冰凍，氣泡十足，飲落去解膩又清爽:)。蒜蓉粉絲燒大蟶子皇，燒得火候啱啱好，蟶子肉嫩滑多汁，完全唔老。蒜蓉同粉絲嘅搭配簡直絕配，蒜香濃郁又唔會蓋過蟶子嘅鮮味。五花腩肉串，五花腩肉肥瘦均勻，燒到油脂半融，肥肉部分香而不膩，瘦肉嫩滑。再落咗少少孜然同辣椒粉，可以平衡咗豬肉油膩，又增添異域風味。娃娃菜，火候唔錯，娃娃菜保持爽脆口感，完全唔會過軟或過生。簡單用豉油同辣椒粉調味，娃娃菜食落更加鮮甜。燒免治雞肉棒, 免治雞肉棒燒得外脆內嫩，完全唔會乾柴。最驚喜系入面混咗啲雞軟骨，層次感爆棚:)。雞中翼，雞中翼燒得外皮脆得嚟帶啲甜味，咬落去肉質嫩滑，完全唔幹，調味簡單但夠曬經典。惹味臺灣腸, 臺灣腸肉質扎實又彈牙，調味帶啲甜香，好有臺灣風味。臺灣腸炭火燒過之後，表面微焦，香氣更加濃郁。牛肉串，牛肉串生熟度掌握得perfect，咬落去軟腍又多汁，完全唔會韌。炭火香氣滲入肉中，表面微焦，內裡粉嫩，突出牛肉原味。薄切牛舌，炭火逼出牛舌嘅油脂香，口感爽脆又帶啲彈牙。錫紙燒雜菇，雜菇種類豐富，金針菇、香菇、杏鮑菇樣樣有，口感層次十足。錫紙焗住燒，菇類嘅水分同鮮味完全鎖住，超級juicy。…查看更多

每次FD來香港玩，如果想試試香港點心，一定會推薦哩間龍點心。店鋪不止裝修得好靚，仲把點心同創意玩得好好，每次FD食完都讚不絕口。冬陰功小籠包，呢款小籠包一籠四隻，皮薄得透晒光。一啖咬落去，酸辣嘅冬陰功湯即刻爆出，香茅同豬肉balance得好好，估唔到泰式同小籠包都好夾。金牌脆皮乳鴿王，乳鴿一切二，送上臺仲熱笠笠。乳鴿皮做到好脆似層紙，撕開鴿皮，裡面肉汁暴曬出來。食落鴿胸肉嫩滑唔柴，鴿皮薄如蟬翼，一隻完全唔夠喉。港原味2.0燒賣拼盤，用一個籠屜裝埋6只唔同味道嘅燒賣，啱曬每款都想試下啲FD。香辣雞軟骨燒賣香辣惹味，芫荽馬蹄燒賣爽口彈牙，最絕啲係蘇薑馬友鹹魚燒賣，入口真係好重鹹魚香味，估唔到燒賣都可以玩出更多花樣。三寶套餐，超級抵食嘅套餐組合，選擇仲好豐富。南北杏菜膽燉豬肺，燉湯清澈見底，飲落先系白菜膽嘅清甜，然後南北杏獨特嘅堅果幽香先至浮現。豬肺處理得極乾淨，咬落似海綿咁吸滿湯精華，無半點腥氣，飲完全身都暖咗。欖角醬蒸排骨，排骨揀咗一字排部位，肥瘦均勻，用欖角醬慢火蒸到排骨好入味。食落排骨肉質軟嫩，墊底嘅芋頭嗦曬肉汁同醬香，粉嫩軟糯。酸菜肉絲雞湯面，湯底用咗老火雞湯，再落入酸菜肉絲調味。飲落先系老火雞湯嘅醇厚，跟住酸菜嘅鹹酸慢慢滲出。麵條軟硬適中，掛湯力強，嗦一啖暖到入胃，令人食到停唔落口。宮廷桂花糕，個甜品好靚，晶瑩透亮好似玫瑰花。半透明嘅糕體睇到入面星星點點嘅金桂，未食已經聞到桂花蜜嘅清雅花香。入口清甜唔膩，玫瑰香濃又帶出淡淡金桂香味，超好食。抹茶豆腐布丁，又係一款創新甜品，日式抹茶撞中式豆腐竟然零違和。布丁質地幼滑入口即化，面頭抹茶入口甘醇同布丁好夾，作為收尾黎講好圓滿。…查看更多

今日同FD到K11行街，睇到哩間慢煮牛唔錯，咁試試。店鋪以紅色為主，裝修似美式風格:)。Menu唔算特別豐富，得數款丼飯同小食可以揀，不過已經足夠。Ginger ale & Cream soda，薑汁汽水入口清爽，微微哋薑嘅辛辣感，飲落去好清爽。忌廉蘇打就甜啲，帶住雲呢拿香味，氣泡夠足，兩款汽水配炸物都好夾。經典脆炸薯條，佢哋用咗粗身薯條，外皮炸到金黃色，入面薯肉依然保持綿密軟熟，食落薯味香濃超級脆口。再點埋特製沙律醬，食落更加惹味。日式炸雞，炸雞炸得恰到好處，外皮薄脆，雞肉嫩滑多汁。雞肉預先醃制過，唔洗點醬已經好夠味。店家搭配咗兩款醬汁，咖喱醬味道特別，日式沙律醬酸甜適中，都同炸雞好夾。慢煮熟成牛肉，搭配咗蒜香醬油炒泰國絲苗米飯同流心香煎日本蛋，醬汁揀咗芥末籽肉汁。熟成牛肉煮到好淋，肉質軟腍，牛肉味濃鬱。絲苗米飯炒得乾身，米粒分明，蒜香同醬油味好突出。再落入日本蛋同醬汁，提升咗成道菜嘅層次。A4+日本和牛丼，搭配日式炒雜菜同霹靂辣椒醬。和牛油花分佈均勻，煎到表面微焦，內裡半熟。牛肉入口即化，肉質鮮嫩。日式炒雜菜用咗椰菜、紅蘿蔔同蘑菇等，炒得爽口，帶少少甜味，平衡返和牛嘅油膩感。霹靂辣椒醬辣度適中，唔會好辣，落入炒雜菜更加開胃。…查看更多

好耐冇食韓式燒烤，睇到哩間餐廳幾抵食，咁試試。餐廳裝修得好韓風，晚市都提供套餐，最平288可以有埋烤肉同主食，唔錯。韓式前菜五款，一坐底就回送上五款韓式前菜，有辣白菜，涼拌菠菜等。其中醬醃魷魚爽口彈牙，辣白菜脆嫩得嚟唔會過鹹，酸蘿蔔清甜爽脆，全部都好好味。可樂同芬達，汽水搭配韓餐簡直一流，可樂氣足冰爽，芬達橙香突出，食濃味烤肉時飲一啖，瞬間沖刷油膩感。LA排骨，分量都幾大下，大大條排骨有3條。排骨用韓式辣醬醃制得超級入味，食落肉質彈牙又唔失嚼勁，啖啖肉香加咗少少甜辣風味，3件都唔夠食。醬醃薄切五花腩，五花腩片得厚薄均勻，已經預先用醬醃制。食落油脂香濃但完全唔膩。搭配新鮮生菜食更是一絕，菜葉清爽脆嫩，包裹住熱辣辣嘅五花腩，再加啲泡菜同醬汁，口感層次爆棚。辣牛肉湯，湯裡配料十足，有豆腐、蔬菜，牛肉，雞蛋等。湯底濃郁鮮辣，牛肉燉到極腍滑，一咬即化又保留肉香。成晚湯辣度溫和唔嗆喉，帶絲絲甜味同發酵豆香，用來拌飯食絕對一流。…查看更多

今日同FD行尖沙咀，睇到哩間人氣爆丼分店開咗尖沙咀分店，68就可以食到四餸丼，仲可以揀多幾餸到九餸，好抵食。餐廳裝修得好型格，晚市好full，基本全滿。焦糖三文魚卷，呢個焦糖三文魚卷真係好得意，會噴火嘅。侍應送上來以後，即刻用火槍點火，好啱打卡。面頭微微燒過嘅三文魚帶啲焦香，咬落去外層微甜香脆，裡面卷住嘅蟹籽卜卜脆，加埋青瓜，玉子同蟹棒，口感好豐富:)。雙餸“三揀二” 丼，揀咗牛舌同鯖魚。鯖魚燒得皮脆肉嫩，魚油香濃但唔會腥，上面灑咗少許芝麻同蔥花，吊味一流。牛舌厚度切得啱啱好，燒得淋滑又彈牙。飯底用咗日本珍珠米，吸滿鯖魚同牛舌嘅肉汁，每一啖都好滿足。自選丼飯，今次試試八餸丼飯，滿滿一碗真系海鮮盛宴。丼飯揀咗火炙，珍寶赤蝦超大只，肉質爽甜彈牙。鰻魚片燒得香軟入味，北極貝鮮甜爽口。火炙三文魚同左口魚邊油脂爆燈，入口即化。日本帶子厚身又Creamy，每種刺身都好新鮮鮮甜。下麵飯底調味唔錯，飯底醋味溫和，刺身鋪到滿一滿，撈埋wasabi同醬油，每一啖都系大海嘅味道。…查看更多

宜家麵屋神匠同4位超強動漫人物做緊聯動，帶來4款優惠活動, 來店打卡消費後有機會贏到雙人日本來回機票，有得食又有得玩真係好心動，快D來打卡。餐廳裝修得好和風，晚市好多嘢揀，仲提供數款套餐，唔錯。可樂同忌廉，套餐加配，飲落氣泡夠曬勁，同拉麵好夾。日式南蠻炸雞，雞肉炸到外皮金黃，內裡雞肉嫩滑juicy，完全唔乾柴。雞肉預先醃制過，唔洗點醬已經好夠味。再點埋日式沙律醬，味道層次好豐富。溏心蛋（1隻），溏心蛋流心效果完美，蛋白嫩滑唔實，滷得入味又唔咸，仲有淡淡酒香吊味。蛋黃金黃濃鬱，入口即化，一隻完全唔夠食。極上蟹白湯拉麵，拉麵湯底最重要，哩間鋪頭用足料煲制，湯底奶白濃稠，食落蝦味鮮味層次感爆棚。拉麵配料都好豐富，有蟹肉，叉燒，筍片等，蟹肉新鮮鮮甜，叉燒薄切入口即化。再搭配埋麵條，每一啖都食曬精華:)。神匠番茄蝦湯沾面，用咗大量蝦幹熬制湯底，再用番茄調味，湯底濃郁得來又帶出番茄香味。麵條似烏冬多D，比普通拉麵要粗少少。哩種麵條掛湯能力一流，蘸湯後每條都包滿濃汁，食落煙韌有咬口，唔錯。搭配嘅炙燒豚角炭香濃郁，筍乾脆甜爽口，全部食曬好飽TIM。…查看更多

每次行過哩間鋪頭，都係大排長龍，今日早少少收工，一定要試試。餐廳裝修得好型格，係工業風嗰款，唔夠7點已經基本full曬。熱柚子蜜，柚子蜜品質唔錯，柚子嘅清香同蜂蜜嘅甜度平衡得啱啱好，唔會太膩又唔會太澀，飲落去好清爽:)。粉紅青檸蘇打，呢杯嘢飲真係好靚，顏色粉嫩嫩，飲落去青檸嘅酸爽同蘇打水嘅氣泡感結合得好好，夠曬清爽。泰式YUM粟米蝦沙律，沙律嘅配料豐富，粟米爽甜，蝦肉彈牙，加埋洋蔥同泰式酸辣汁調味，食落好惹味。泰式手打蝦餅，蝦餅即叫即炸，送上來仲熱笠笠。蝦餅外皮炸到金黃酥脆，入面彈牙爽口。再點埋嗰款泰式甜辣醬，酸酸甜甜，同蝦餅嘅鮮味超夾。招牌燒牛肩胛肉，牛肩胛肉燒得啱啱好，大概燒到5成熟。表面微焦，肉質嫩滑多汁，牛味濃郁又帶住淡淡嘅炭燒香氣。如果系牛肉控，呢個招牌燒牛肩胛肉絕對唔可以錯過。泰式幹炒闊河（豬），呢碟泰式幹炒闊河真系鑊氣十足，河粉炒得夠幹身，唔會油膩，食落去香口又夠味。豬肉片嫩滑，加埋啲菜心，胡蘿蔔同蛋，口感豐富，全部食曬好飽TIM。…查看更多

FD來香港旅遊，想試下香港茶餐廳，哩間餐廳好就腳，咁試試。餐廳裝修得唔錯，原來仲有2樓，晚市都可以安排卡位，坐得好闊落:)。凍奶茶同凍檸茶，都係跟餐搭配，凍奶茶茶底濃鬱唔會太澀，奶香同茶味平衡得啱啱好。凍檸茶茶底清香，檸檬新鮮，飲落去好清爽，又帶出淡淡嘅果香。中湯同西湯，中湯湯底清甜，火候十足，飲得出係用心熬製，冇味精，飲完唔會口渴。西湯，今日係羅宋湯，湯底口感細滑，飲落去酸甜清爽，層次豐富。秘制肉骨茶配白飯，排骨煮得啱啱好，肉質軟嫩，一咬就脫骨，仲吸滿咗湯汁嘅精華，超級入味。湯底藥材味香濃，但唔會太苦，飲落去好順口，仲帶少少甜味，好滋補:)。XO醬茄子排骨煲，茄子煮得軟爛入味，吸曬XO醬嘅香辣精華，食落好惹味。排骨嫩滑，醬香味濃，同茄子嘅味道好夾。煲仔可以keep到溫度，食幾耐仲係熱嘅。荷葉金銀蒜鮮魷帶子籠仔飯，鮮魷同帶子都好新鮮，彈牙得嚟又唔會韌，蒜蓉嘅味道更加提升咗海鮮嘅鮮味。飯粒吸滿咗荷葉同蒜蓉嘅香味，口感軟糯，仲有少少焦香，好正。整體份量十足，食完之後好滿足。…查看更多

每次行過哩間茶餐廳，都睇到排長龍，今日收工早少少，有位即刻試試。餐廳裝修得好古香古色，好似入到港劇啲茶餐廳。Menu好多嘢揀，加少少錢仲可以包埋飲品，抵食。凍檸檬茶，套餐加配，茶底應該用咗錫蘭茶地，夠曬濃濃。飲品飲落唔會好甜， 茶底帶有回甘又有好重嘅檸檬香味:)。雜果賓治，傳統嘅港式飲品。飲品顏色繽紛，有數款唔同味道嘅啫喱，再搭配埋七喜，飲落酸甜清爽，氣泡濃郁。巴拿馬火腿凱撒沙律，巴拿馬火腿入口鹹香帶少少煙熏味，同新鮮爽脆嘅羅馬生菜好夾。沙律醬調得啱啱好，唔會太膩，仲灑滿咗芝士碎同麵包粒，增添口感。香煎沙朗肉燥飯，沙朗牛扒煎得啱啱好，肉質嫩滑唔韌。肉燥飯嘅肉燥肥瘦比例唔錯，醬汁鹹香味十足，用來撈飯一流。仲會搭配埋青瓜，酸菜同流心蛋，全部食曬TIM:)。招牌微辣肥牛拼鮮蝦，肥牛片薄切入口軟嫩，鮮蝦新鮮爽口彈牙。湯底似酸菜魚多D，微辣醬汁好惹味。配料仲搭配埋娃娃菜，娃娃菜吸曬啲汁好入味，食落更加清甜。…查看更多

今日到鑽石山開會，同事推薦咗哩間西餐廳，咁試試。餐廳裝修得好靚，好似入到森林咁。晚市提供數款晚市套餐，價錢唔貴，好多嘢可以揀。唔中意套餐，都可以散叫，都好抵食。主食升級跟餐，加48可以有埋是日餐湯，餐前沙律，柚子雞翼同即磨熱咖啡。餐湯足料煲制味道濃郁，沙律菜新鮮食落鮮甜爽脆，柚子雞翼皮脆肉嫩酸甜開胃，熱咖啡入口醇厚唔苦澀。巴馬火腿卡邦尼義大利粉，意粉煮得啱啱好，食落唔UN有咬口。卡邦尼醬好creamy，蛋香同芝士味好濃鬱又唔會覺得膩。巴馬火腿鹹香十足，撈埋啲醬同意粉真係絕配。慢煮BBQ烤豬肋骨，用慢煮加焗烤方式烹製豬肋骨，肉質燜到超軟腍。豬肋骨醃得好入味，食落甜中帶辣好惹味。旁邊嘅薯條炸得脆啵啵，點埋茄醬食到停唔落口。最驚喜係跟咗牛油粟米同烤菠蘿，粟米香甜軟糯，菠蘿清甜脆口，全部都係用心製作。法式焦糖燉蛋，面頭焦糖燒得好脆，下面蛋奶幼滑入口即化。燉蛋甜度控制得啱啱好，飯後甜品一流。…查看更多

今日到FD屋企玩，地膽介紹咗哩間正宗四川風味嘅酸菜魚店鋪，咁一定要試試。店鋪唔大，好有茶餐廳風格。晚市生意好旺，基本上全滿，仲有唔少外賣客，睇落大部分都係附近街坊幫襯:)。晚市好多嘢食可以揀，平平地已經包埋主食同飲品，真係好抵食。凍檸檬茶同凍紅豆冰奶茶，都係套餐加配。用咗同一款茶底，似錫蘭茶多D。入口茶味清甜伴有回甘，兩杯都做咗少甜處理，好飲。麻辣牛展，牛展肥瘦分明，用少少麻辣醬汁調味，食落麻辣鮮香爽口彈牙。青椒皮蛋，落咗大量紅油同花生調味。皮蛋麻辣，花生脆口，青椒清甜，撈埋一齊食好特別。一人套餐，揀咗鱸魚同老壇酸菜湯（微辣），配菜有豆卜，金針菇，鮮嫩肥牛同午餐肉。酸菜魚米線真係勁大，一上枱就聞到陣酸辣香。酸菜魚湯底金黃，飲落去先酸後辣夠曬濃郁。 魚肉用嘅係鱸魚片，好嫩滑同埋冇骨。米線吸湯能力一流，嗦一啖連湯帶粉夠曬入味。豆豉排骨煲仔飯，加配臘腸同鹹蛋。排骨醃得入味，肉質嫩滑唔黐牙。臘腸肥瘦適中，咬落去油香爆出，甜甜哋同飯好夾。飯底煮到夠幹身，粒粒分明，最正係底嗰層飯焦，金黃脆口，再落入少少豉油，味道層次更加豐富。…查看更多