therthertherrrr的个人专页

如果你想搵一間靜靜地，可以做吓嘢傾吓偈，呢間cafe絕對係一個唔錯嘅選擇。佢啲音樂係純音樂，唔會話好嘈。值得一讚係有人入座嘅時候，男店員即刻會斟水。雖然呢個舉動好微不足道，但天時暑熱有人遞杯水係一個暖心嘅行為，讚👍🏻🔹松露野菌忌廉照燒雞肉長通粉 $90跟餐沙律 +$10加配焦糖咖啡 +$12個人認為必點呢個長通粉😋呢個長通粉嘅松露醬整得好好，同忌廉嘅比例啱啱好，勁好食🤤長通粉條條掛汁，照燒雞肉食得出有燒過，整得唔錯👍🏻有機會會再encore😍沙律就正常嘢。焦糖咖啡唔會話好甜，因為本人唔係經常飲咖啡，佢似係fruity啲嘅咖啡豆，但冇另外加好多糖，個拉花係一個心心，咖啡整體上一般。🔹燒美國牛扒配香草燒汁 燒烤風味薯條$110跟餐湯 北海道產甜粟雞肉豆乳濃湯 +$10加配 黑咖啡呢個牛扒就唔太建議😣食得出用咗鬆肉粉，餣得太咸，啖啖都好咸🙈不過佢啲薯條值得一讚👍🏻佢係粗薯條灑咗啲燒烤粉，食落超正🤩個湯雖然係粟米湯，但佢有少少牛乳味，真係好少。本身飲開奶嘅人會唔覺，因為本人唔飲奶，所以對奶特別sensitive，不過都好飲嘅🤓…查看更多

當日係星期五，行到咁上下見到呢間餐廳，見8點半都仲咁多人排，以為佢會收11點，之後就拎咗飛。等到9點10分左右入座先知佢收10點，已經last order了，我哋嗱嗱臨叫咗個二人餐。推介二人餐 $358/二人用夜市小食+廚師推介+飯麵主食+清新果茶🔹澎湖古早紫菜魷魚煎呢個紫菜魷魚煎必叫，超好食😋煙煙韌韌，魷魚又多，咬落去勁有口感🔹墨汁鹽酥雞配三文魚子及辣味蛋黃醬 +$18鹽酥雞似係台灣食嗰種，但加咗三文魚子有啲唔夾，淨係食鹽酥雞同點蛋黃醬係可以嘅，而且份量都好多🔹蕃茄雜錦豚肉鍋 +$28呢個豚肉鍋份量勁多，有食極都未完嘅菜同丸，豚肉份量都唔少，加錢都值得嘅，如果你想食啲菜平衡返的話🤓🔹基隆港蝦醬蝦球鍋飯呢個飯幾濃味下，同時佢都好油😣但唔差嘅，有幾隻蝦，還可以🔹鮮鳳梨綠茶🔹鮮柳橙綠茶鳳梨印象中好似冇柳橙咁甜，味道唔太記得了，因為食到一半已經勁趕，某店員已經話茶水姐姐要收工，飲咗幾啖就停咗手😟不過值得一提嘅係銅鑼灣分店某店員係會趕客，未到10點成枱野食而且全部都仲食緊，佢係夠膽過嚟問收得未，洗碗同茶水姐姐要收工🤯我嗰吓係呆咗，心諗仲食緊喎🤯Anyway，食物質素都中上，但服務態度真係有待改善🥺…查看更多

太耐冇食burger，突然間好想食就去咗five guys🤩點知原來佢出咗130蚊餐，就即刻入咗去試，結果飽咗成日🤰🏼仲有得自助點餐，又有17種topping任你揀，真係好正🤩另外，如果堂食的話，中意食花生嘅你可以拎少少邊食邊等。🔹任何雙層漢堡+薯條+汽水 $130男朋友揀咗個雙層漢堡，揀晒所有配料，醬就揀咗酸瓜醬同茄汁。雙層漢堡簡直滿瀉🤣好大個，一啖完全係食唔晒所有配料，要分開兩啖一齊食。可惜個牛冇以前咁juicy，雖然佢都仲係好多汁，但係食落有啲乾。薯條方面我哋揀咗細，因為細份都已經好大份🤣佢個薯條永遠都係全港最好食🤤又熱又脆，鹽嘅份量落得啱啱好😋呢個餐仲包咗汽水自由斟，想飲邊款都可以自由斟🤓🔹單層漢堡 $65我個單層漢堡就揀咗七款配料同茄汁，都係嗰句啦塊肉冇以前咁Juicy😣🔹Milkshake $65今次個milkshake係香蕉配朱古力仲加埋Lotus餅乾碎😋講真，唔係幾食到香蕉蓉同餅碎，但都好正😋好好飲。但男朋友就覺得太多野mix埋一齊唔係幾夾，香蕉同朱古力就夠了。…查看更多

每次經過都見到有一大班人排隊，今次都唔例外，店員都好好，入去之前會問定你食咩先安排入座，好彩只係排咗10分鐘就入到去。我哋就叫咗個全包宴🍞🔹芝士煎蛋豬扒包 $36加$8配印尼撈麵芝士煎蛋豬扒包係半島冰室名物，第一次黎既我地一定要試試！豬扒勁厚身，芝士流晒出黎，賣相好吸引😋男仔黎講食晒成個應該都少飽。不過豬扒有少少乾，唔夠醬汁，令到成個包都乾乾地。另外加配既印尼撈麵同平時做法唔同，佢地落左比較少既調味，用黎配其他食物應該唔錯。🔹半島三文治 $43加$6配蒜蓉包半島三文治即係公司三文治，有四舊同埋勁足料😋有生菜、蕃茄、芝士、火腿、午餐肉同雞蛋，最有印象係佢個午餐肉，係煎咗先整三文治🤤每一啖食落去都勁多料勁豐富，正🤩最值得一提就係加$6叫咗個蒜蓉包😍佢係半塊厚麵包，仲要兩面都搽咗蒜蓉醬先去烘🤤勁正，一定要加錢食😋🔹黃金粒粒花生醬西多士 $34呢個西多同其他茶餐廳唔同之處係真係粒粒花生粒係個西多入面😍勁有口感，而且花生醬唔會話好甜。男朋友就覺得糖漿啱啱好，我就食開西多係多糖漿，之後叫咗個店員加糖漿，以為佢用隻碟仔分開上，點知佢一Pat唧落嚟，落咗勁多，但我男朋友就食咗兩舊勁甜嘅西多🤣呢間小店值得一提嘅係佢嘅分工真係好唔錯，佢哋配合得好好。我哋食唔晒叫咗一個外賣盒，一個店員就同廚房講，之後廚房拎咗會叫「食物盒拎咗」，之後pack緊外賣嘅店員就會話「邊個要食物盒？」之後店員就會拎過嚟。…查看更多

每次食Pici都唔會令你失望，每個菜式都同樣出色🤩今次去撞正有人生日，喺度慶祝生日簡直會令你難忘，環境氛圍亦都好好🫶🏻不過我哋今次去有一枱客又大聲傾計同大笑，都幾影響係度食嘅心情，不過今次只係唔好彩，食物好食就好了🤓Dinner set 2pax $488🔹巴馬火腿、莎樂美腸、開心果羊奶芝士我哋覺得Parma ham太咸，Salami就正常。開心果羊奶芝士冇乜開心果味，芝士味好淡，個人覺得可以唔駛點呢個前菜，除非你本身好鍾意食呢啲。🔹香草蕃茄醬青口必叫🤩青口排得密密麻麻，好整齊。佢唔會好細隻，一啖一粒，再加埋濃濃嘅蕃茄醬，好開胃幾好食😋🔹意式辣肉貓耳朵麵之前都有食過，今次叫咗少芝士，果然食到辣肉醬嘅味道多啲。貓耳朵都係好有口感，煙煙韌韌😋我諗全場每兩枱一定有人點呢個貓耳朵。🔹大蝦海鮮濃汁黑細麵呢個黑細麵有驚喜🤩佢個麵好幼，佢係有口感嘅細麵，唔會一大Pat。大蝦新鮮嘅，個醬好濃，佢做到掛汁嘅效果，唔錯🤩🔹Tiramisu嚟到Pici點會唔食招牌Tiramisu🤤咖啡味好重，好creamy，係必點嘅甜品。🔹Lemon Tiramisu呢個係Pici新品，本身以為佢加咗檸檬會好fresh，點知原來係甜到爆😣我都算係好鍾意食甜野，點知佢個cream太甜，唔太建議。…查看更多

🍕Pepperoni - regular 10” $138呢個pizza必叫！pizza嘅配料有辣肉腸、紫洋蔥、馬蘇里拉芝士、意大利香芹，一定要趁熱食，啖啖肉之餘，個皮係脆嘅，好食😋🍛鮑魚肝醬海螺意大利飯 $188呢個意大利飯綠綠地，主要因為佢有海螺、鮑魚肝醬同埋紫菜，食落去啖啖都有鮮味。另外仲有洋蔥、杏鮑菇、意大利香芹同埋青蔥，口感豐富，唔錯👍🏻而且佢個飯好creamy，軟硬適中。🍕韓國烤肉芝加哥 $223呢個Pizza相比起pepperoni就冇咁出色，不過鍾意芝士嘅你應該會勁鍾意食，因為佢嘅邊係芝心邊🧀配料有雙倍馬蘇里拉芝士、芝士條、牛小排、辣肉腸、蕃茄、巴馬臣芝士、糖霜、意大利香芹、MARU蕃茄醬，食到最後會好膩😣🍝至尊熱狗意粉 $173勁打卡able，呢個意粉係蕃茄味，有少少辣，但整體唔錯😋配料有法蘭克福腸、辣肉腸、車厘茄、黑橄欖、巴西草、蘑菇同埋新鮮馬蘇里拉芝士。意粉係扁意粉，勁掛汁，夾埋啲配料一齊食好正🤩🍗蜂蜜蒜泥炸雞 （六件） $123個炸雞好脆，唔會話好厚粉。蜂蜜味都夠，我中意食成隻炸雞都係汁，啖啖都食到甜甜地，好正😋…查看更多

🔹晚飯廚師好推介B餐 $2980 六位用🐟燻魚 🐥醉鴿子✅🌮烤雙方✅🦐干燒明蝦球拼清炒蝦仁🐷鮑魚紅燒肉✅🦆樟茶半鴨🐟松鼠黃魚🍲火脂雲吞雞✅🥟素菜蒸餃🍨高力豆沙呢個套餐唯一嘅缺點就係太少菜類，不過其他食物整體上都係中上水平。頭盤嘅燻魚同醉鴿子都好開胃，燻魚係偏甜不過多骨。醉鴿子就好岩我胃口，本人好同意食酒醉嘅嘢食😋烤雙方更加唔駛講，佢係傳統上海必食嘅，用饅頭夾住蜜汁火腿同埋香脆嘅烤素一齊食，又甜又脆，雙重口感，好正🤤干燒明蝦球拼清炒蝦仁就唔係太好，建議餐廳用太極碟分開兩種食物，因為將佢哋擺埋一齊，干燒明蝦球嘅辣味醬汁會同清炒蝦仁mix埋一齊，就食唔到清炒蝦仁嘅味道😣鮑魚紅燒肉嘅醬汁調得唔錯👍🏻紅燒肉嘅肥豬肉好正，鮑魚亦都炆得好淋，好有咬口火脂雲吞雞湯好清，雲吞料好足，最緊要係個清雞湯🤩佢用金華火腿、半隻雞同埋少少肥豬肉熬製而成，所以個湯好好飲，推介😍其他菜式就尚可，冇乜特別🤓…查看更多

今日約左朋友聚舊，黎試試旺角哩間泰國菜。太多選擇懶得揀，叫左個4人餐，3個大男人岩岩好夠食。招牌海南雞 四人海鮮套餐 $1040 （訂座優惠$728）🔹明爐椰汁雞湯飲得到椰香味，雞肉好嫩滑，每人可以𢳂到2-3碗🔹泰式鳳爪正常發揮，可以再重口味啲🔹肉碎生菜包份量超多，豬肉粒切得較碎，肉碎偏肥，非常濃味，濃到個人覺得咸左少少😶🔹炭燒豬頸肉 +$18燒得好惹味嘅豬頸肉，外皮焦脆，中間咬落係軟腍腍，本身調味已經好正，點埋佢俾既醬汁再重口味啲，推薦😋🔹咖喱炒軟殼蟹本身幾期待哩味餸，份量又係好鬼多，但係一食，軟殼蟹應該唔係新鮮炸起，成舊都係偏腍，咖喱汁亦都冇乜特別，成碟得個咸字🔹泰好味胡椒蝦好重胡椒味，蝦都算新鮮而且大隻，不過成煲嘢係常溫唔係熱的，應該煮定擺咗喺度一段時間🔹菠蘿海鮮炒飯 +$12嚟到餐廳嘅時候見到其他食客枱面上有半個菠蘿裝住啲飯，賣相幾靚仔，不過去到我嗰枱就無左😶味道都係一般般🔹椰汁糕4件 / 芒果糯米飯打食評先發現甜品上漏左😢🔹椰汁珍多冰 +$24 x2🔹椰汁紅豆冰 +$24🔹凍檸茶野飲不過不失，都算大杯食完總結係唔好貪平叫套餐，散叫佢比較出色既菜式會更正！…查看更多

社交平台成日見到Moodie嘅reels，見到佢啲手工意粉唔錯就去咗。餐廳喺中環蘭桂芳果邊，記得要book位先好去。Tasting menu $688 (2 pax)🔹Parma ham火箭菜沙律 及 黑松露比基尼三文治原本個set係生牛肉他他同埋比堅尼三文治，因為我同朋友都唔食生牛肉，所以就轉咗Parma Ham火箭菜沙律。Parma Ham火箭菜沙律係用黑醋調味，食落去好Fresh。而黑松露比堅尼三文治好重黑松露味細細件幾開胃。🔹日式柚子胡椒藍青口店員強烈介紹嘅款式之一，呢個日式柚子幾特別，佢係又有柚子嘅甜味又有胡椒嘅辣味，食到一半覺得辣，會有柚子味中和，再加上個汁好creamy😋其實撈飯撈意粉都正🥰雖然藍青口好細隻，但勝在好新鮮，好鮮甜，份量多🤤🔹龍蝦湯蕃茄長通粉配雞胸龍蝦湯勁濃，令到長通粉好掛汁，而且雞胸肉好嫩滑，好多芝士碎放咗係面，撈埋一齊食就好正🤩🔹慢煮伊比利亞黑毛豬配秘制杏脯醬黑毛豬肉好嫩口，中間仲有少少粉紅色，唔會過熟，靚嘅豬先會做到呢個效果🤓再加埋佢自家製嘅杏脯醬，食落每一啖都係甜蜜味，同黑毛豬出奇地夾🥰🔹自家製提拉米蘇夢幻雪糕配特濃咖啡啫喱終於到最期待嘅甜品😍首先要倒入特濃咖啡，然後打陣卡先好食🤣因為即刻食嘅話，個雪糕仲係好硬。雲尼拿雪糕加埋可可粉，有種平時tiramisu個cream😋再食埋佢底嘅啫喱🤩好正，不過食到最後有啲滯，但整體都唔錯👍🏻…查看更多

就嚟父親節，呢間餐廳都仲做梗母親節set🤣不過母親節set真係好抵，所以我哋叫咗一個再加少就少嘢食😍不過我哋約咗7:30pm食飯，冇留意到餐廳收9點，食到有啲rush😥🔹母親節set $488🥗前菜 - 無花果紅桑子羽衣甘藍沙律 & 雜菜湯🍲主菜 - 法式鴨脾紅酒汁燴飯成隻鴨脾上，都幾大隻下🤣好容易切到，啲肉好淋，燴飯亦到索晒啲紅酒汁，唔會話好濃，但都有紅酒味，唔錯🍗小食 - 薯格配單骨雞翼薯格好熱好脆，我哋之後都另外叫咗一份薯格，因為真係好好食😋單骨雞翼對比下就好正常🍰Soufflé - 經典英式伯爵茶梳乎厘唔知係咪趕收工關係，伯爵茶醬完全唔夠 我哋額外request多醬。多番啲醬就好食啲。梳乎厘基本上係必食🤩佢好動L動L，食落去空氣感十足唔會好硬，而且仲有蛋香味🥰加埋啲伯爵茶同雲呢拿雪糕一齊食，正😋🍰甜品 - 北海道牛乳芝士蛋糕唔好睇佢好似好硬咁，其實上半部分好似Cream cheese 嘅味道，下半部分係海綿蛋糕，整體唔膩，幾好食😙🥤飲品 - 陽剛香水檸檬茶個檸檬茶好有香水檸檬嘅香味，飲落完全唔澀口，幾清新🤩————————————————————————🔹薯格 $58上面提到，因為太香脆，所以我哋叫多咗份，唔想咁熱氣，可以點埋茄汁🤩又係必食🔹開心果帶子意粉 $148呢個意粉相對而言就冇咁出色，唔係好食到有開心果嘅味道，可能佢落唔夠？🤔但啲意粉好掛汁，帶子亦都新鮮。如果再有下次，未必會叫呢個意粉🔹士多啤梨慕絲梳乎厘 $135對比起伯爵茶梳乎厘，個人會覺得士多啤梨味更加出色😍一嚟本人私心士多啤梨，同埋有水果嘅梳乎厘會清新啲🍓梳乎厘加埋士多啤梨嘅香甜同埋細滑嘅cream，真係好正😋必食！…查看更多

Lunchtime嚟食十三姨，1230前嚟比較少人，大機會唔駛排隊。另外一點前離座仲有9折🈹大家記得留意。入座後每枱都會中有一碗仔嘅蝦片，又幾好食😋🍲十三飛 [粉絲拼米粉（240Kcal)] $80凍鴨屎香檸檬茶 少甜少冰🐮十三飛呢個名幾特別，配料係牛嚟嘅，包括安格斯牛肩胛同牛肋條，冇根又唔痴牙，正🤤不過唔食牛嘅你要注意。湯底嘅牛味啱啱好，粉絲同米粉雙拼嘅口感好好，唔會太淰，幾好👍🏻溏心蛋都好流心，幾正😋每碗都有兩條腸粉，幾特別，唔知係咪有啲咩意思😂🥤鴨屎香檸檬茶幾清新，不過冇乜特別，同出面街嗰啲差唔多🍲 炙燒雞叉燒米粉 [銀針粉（278Kcal)] $64凍蜂蜜蘋果烏龍茶 少甜少冰🐥佢係用個鐵鍋上，對比起十三飛會清啲。炙燒雞叉燒好似雞卷，又好嫩口又有少少燒過嘅味道，好正😋銀針粉勁多，基本上佢所有配料都好多，包括椰菜絲、芽菜、粉都好多，唔會太膩，啱晒飲食均衡嘅你😍🧃蜂蜜蘋果烏龍茶有淡淡嘅蘋果味，反而蜂蜜味就冇乜，飲到底會有少少蘋果碎粒，幾推介👍🏻…查看更多

今次再度encore蟲二😋兩三個朋友想聚吓傾吓偈，食吓野，蟲二絕對係一個唔錯嘅選擇🥰🍱一汁三菜一汁三菜係指有一份高湯同三份菜包括杞子醬油飯、日本慢煮蛋同埋主菜。基本上每一枱客點都會有叫呢個，佢有6個主菜選擇，而且係整整齊齊嘅日式料理，令食客都感覺到錯😌🔹C 烤芝士漢堡扒伴海苔肉鬆呢個漢堡扒有2嚿，係用牛肉同豬肉整嘅，2種肉mixed埋一齊口感唔錯，勁淋，上面放咗芝士而且勁多肉汁😍下面有紫菜同肉鬆墊住，夾埋一齊食好match，唔錯😋🔹D 清酒醬燒鰻魚 (+$15)呢個清酒醬燒鰻魚係必點！鰻魚好大條，而且好淋，冇乜骨，勁好食😋再加埋啲飯同溫泉蛋一齊食真係超好食🥰🔹E 櫻花蝦豆乳味噌豚肉高麗菜卷呢個豚肉高麗菜卷雖然有2大嚿同埋加咗啲櫻花蝦，但就比較清，一般，如果嗰日想食清淡啲，素啲，可以點呢個。🧁華田麻糬傳統班戟 $118麻糬班戟必叫，佢唔係好大嚿，但超多麻糬🤩麻糬好Q彈，好好食😋有好多華田粉係面，仲有個雲尼拿雪糕一齊食，好正🤤🥤柚肉檸檬蜜梳打 $58🥤冷泡洛神花水果茶 $58飲品就正正常常，都係啲好fresh，解膩之選😋食得heavy唔怕，飲翻啲清新嘅嘢飲就得…查看更多

生日月不斷同朋友出去食飯，今日約咗朋友係尖沙咀ROYAL INN食lunch，一入到去已經好grand，裝修得好靚，好似真係去咗外國食晒咁😍Western Set Lunch (我哋叫咗2 set)🔹前菜🥣是日餐湯 - 南瓜湯🥗精選田園沙律湯同沙律都好大份，湯好濃南瓜味，好飲😋🔹主菜🍝牛油香煎南美紅蝦手工闊條麵 $138有2隻新鮮大紅蝦，好爽好有牛油香味。手工闊條麵做得好好，好彈牙唔會太淋或者太硬😋超大份，絕對唔怕唔飽🥪招牌波士頓龍蝦包配香脆薯條 $168波士頓龍蝦包好出色，麵包有烘過，微溫，而且入面起碼有三四隻龍蝦鉗夾住，龍蝦超新鮮，龍蝦好似仲喺海入面游緊😍份量好夠，好正🤤薯條亦都好多好脆口，又有少少沙律伴碟唔會太膩，大推呢個lunch set🥰🔹餐飲🥤凍檸茶🔹甜品🍎肉桂蘋果焦糖法式班戟 $92最值得講嘅係呢個法式班戟，好打卡able🥰班戟皮好薄，好重肉桂蘋果味，但佢啲焦糖醬略嫌太多，少返少少會冇咁甜，唔錯😋因為生日關係會有畫碟服務，但事前要同餐廳講聲…查看更多

今日係驚喜慶生嘅一次聚會，揀咗一間可以無限時坐嘅餐廳。環境地理位置又好嘅銅鑼灣，食物質素唔差，仲好有驚喜添🤩建議大家book咗先，如果唔係真係食唔到呢間餐廳。🔹Dinner Set $238廚師發辦濃湯蕃茄羅勒意式烤法包烤大蝦蟹肉椰香喇沙意式薯仔丸子牛油果奶昔 (選其他飲品半價)Tiramisu (選其他甜品半價)廚師發辦嘅湯完全唔知係咩嚟，有啲酸🥴所以我哋每人飲咗一啖就放低咗。蕃茄羅勒法包冇乜特別，都係切碎嘅生蕃茄放喺法包上面。反而有驚喜嘅竟然係主菜😍薯仔丸子唔同出面嘅貓耳朵咁咬口，佢係淰得嚟又唔會好粉，口感幾特別🤩配埋佢勁重椰香味嘅喇沙汁，辣辣地幾好食😋烤大蝦爽口彈牙好新鮮，蟹肉嘅份量亦都唔少，值得推介😝牛油果奶昔超濃牛油果味，我諗有成個牛油果放咗入去。奶昔好滑，好Creamy，值得推介。另外Tiramisu都幾好食，咖啡味好重亦都好Cream，我諗喺香港嚟講都算數一數二嘅好食🤤我哋加大左，份量啱啱好夠三個人😍利申 支蠟燭係朋友自己帶入嚟嘅😆🔹今日咩心情pizza $126我哋叫嘅時候連店員都唔知係咩Pizza，點知送到嚟勁有驚喜🤩佢用咗薯仔蓉代替蕃茄醬做底，面料有雞肉、金針菇、紅椒、火箭菜，醬料用咗明太子醬。夾埋一齊就好特別，出奇地夾，完全勁有驚喜😍🔹蟹GO蟹肉意大利扁面 $158呢個係好濃蟹味嘅意大利粉，對比起dinner set個主菜同個Pizza就冇咁突出，普通正常嘢👍🏻🔹你今日飲咗益力多柚子沙冰未啊？呢個係益力多柚子沙冰，益力多味好重，佢帶有淡淡的柚子味。兩樣夾埋一齊好fresh，值得推介😋…查看更多

觀塘有好多隱世美食，都要捐窿捐罅去搵，今次介紹間高性價比既台灣菜俾大家，份量夠，食物質素都👍🏻想平平哋食餐高質台灣菜嘅你快啲去試吓🥳🔹午市套餐 (主食+小食+飲品) $78起 ——————————————————————————🍚蜜汁紫菜排骨飯 +$5掛骨有驚喜🤩唔算好厚，但煮得好淋，皮好脆，味道甜甜地😋紫菜飯同牛角飯好似，再加埋其條配菜，就咁個飯都lam lam脷🤤🫔邪惡蛋之戀 (芋泥肉鬆脆皮蛋餅) +$33芋泥甜甜地，加埋肉鬆同蛋一齊食，口感層次都好豐富，佢個皮都好鬆軟，正🤤🥛全手作芋頭鮮奶 （細杯） +$7芋泥鋪係底，上面倒滿真。鮮奶，無其他調味，平時飲開少甜既朋友，哩杯就剛剛好👍🏻——————————————————————————🍢台北夜市小食拼盤 (台灣腸,花枝丸,鹽酥雞) $45台灣腸同花枝丸正常發揮，值得一提係鹽酥雞，細細粒一啖一粒，而且個皮唔會太厚，味道調味都唔錯。如果掛住台灣夜市嘅你，不妨一試😍🧋古早綠茶 - 大 $16 [仙草+5][微甜][少冰]不過不失，但仙草好嫩👍🏻…查看更多