K.k. Chung的个人专页

最近好鐘意打邊爐，癲到母親節中午都出左去打邊爐😂 去到竟然令我愛上 #雞湯 🍲今次去左 #尖沙咀 #搵食 ，就出門口見到兩個大雨缸，放咗好多唔同嘅海鮮🦞.打邊爐最重要係咩？除左個煲同個爐，最重要一定係湯底啦！我就揀咗佢個花膠雞湯（半隻雞$288🐥）湯底必試，因為捉料！2個大人加一個小朋友食半隻雞都食到好飽😋個湯超入味，Tebo 飲左3碗湯，又狂食雞🤭，話返屋企要叫爺爺再煲比佢飲🤣🤣🤣.我覺得佢啲丸幾特別，叫左佢個芝士流心牛丸同埋金牌牛肉丸😍最鐘意食芝士既丸😌真心值得一叫！.人頭醬料費呢度係$15一位，不過其實我覺得個雞湯好入味，入未到根本就唔需要落醬料🙈.#鮮入圍煮 #花膠雞湯 #海鮮 #火鍋 #尖沙咀美食 #厚福街美食 #hotpot…查看更多

好耐冇出去食放題了…🥲昨晚去了😍韓牛牧場食放題，BOOK 左7點鐘準時收工拿拿聲去食😃~限時120分鐘!! 一上到去感覺環境好乾淨，😍😍位置仲好闊落TIM！！ 入座既時候，職員介紹門口有自助吧啦，D野點樣燒同埋配料要點樣配搭。係咪我太耐冇出街食韓燒? 原來依間餐廳用既係光波爐，覺得好新同埋唔使落油好健康!! 😊介紹完我就去自助吧望望有咩食?！😚（蝦、翡翠螺、青口）同埋韓式前菜～ 等左陣就有頭盤食，😍有刺身、肉盤、鮑魚海鮮拼盤、羊架、仲有醬油蝦!!!!! 老公話依D都好好味.. 而我依位大肚媽媽只可以望住人地食…☹️但都好新鮮~~ 自助飲品吧都有我喜愛既飲品，有茶有汽水，唔怕只係有汽水飲到飽飽食唔到野😏開始點野食喇，😳好多野食，餐廳用上🤗QR CODE落單~ 方便又環保，唔使再浪費紙張！野食好快就上枱～🤗因為掛住傾計，店員不停提醒我地使用光波烤爐會有紅燈，食物好容易過熟！所以其實燒一陣都已經食得了。😈燒咗１２０分鐘都唔覺有油煙飛出來，衫都冇燒烤味，終於唔使食完韓燒臭住咁走喇！埋單後職員為每人送上雪糕一個，食到飽飽，一個就夠啦～～整體來說，上菜速度唔錯，重點係冇漏單情況！韓牛好好食！值得一讚！！👍🏻👍🏻👍🏻…查看更多

啤啤熊餐廳😍首先餐湯方面有羅宋湯同忌廉湯，羅宋湯表現中規中矩，而忌廉湯比較特別，有別嘅常見嘅蘑菇忌廉，反而落咗薯仔泥，令湯嘅口感變得香稠綿密，美中不足嘅係配湯嘅麵包唔夠香脆。沙律方面食得出菜都幾新鮮，但個人認為可以落少少提子乾同芝士，配合番小朋友口味，同時令味道豐富啲。輪到個意大利飯，相當鮮味香濃，略嫌雞肉同巴馬火腿口感味道較為遜色，但整體都幾滿意。隨後嘅洋蔥圈少少所望，過份油膩仲冇乜味道，而且醬汁普通膩口，建議選用蕃茄醬中和油膩感之後飲品叫咗個玫瑰柚子茶特飲，玫瑰花茶味自然，唔似香精咁假，而且味道清甜，仲可以飲到一絲淡淡嘅柚子香，唔中意太甜嘅話，就不妨一試啦然後就係期待已久嘅甜品環節，我哋叫咗個心太軟同玫瑰法式燉蛋白。心太軟表現個人認為幾普通，似食一件朱古力蛋糕。不過燉蛋白就有啲驚喜，蛋白軟綿香滑，配上薄薄嘅脆焦糖，無論味道定性價比都好過心太軟最後講下個環境，乾淨企理，燈光氣氛都唔錯，令人幾放鬆。雖然係親子餐廳，但都幾啱情侶嚟約會打卡…查看更多

有「驚」又有「喜」嘅台灣食店豐盛台灣牛肉麵好多時去食台灣嘢，一見到menu 有牛肉麵之類，肯定會諗來來去去個幾味，「驚」死又中伏只不過食完呢度嘅牛肉麵會令你有「喜」，事關除咗湯底同牛肉夠足料，連麵入面嘅貢丸，花枝丸都係有誠意，唔係普通街市買個啲，係鮮味好多五寶什錦醬乾伴麵佢個撈面醬比較吾常見，味道都幾特別，偏向麻醬味重啲，吾係好辣。配料包括有台灣腸、豆卜、貢丸、花枝丸、滷蛋同雞翼，份量十分足夠。阿華田豆漿嘢飲方面 個阿華田豆漿都夠哂特色 豆漿一杯 外加 阿華田雪糕筒比你浸落去邊食邊飲，好似飲思樂冰咁，入面亦有啲胚芽。…查看更多

我好鐘意食Ocio，坑口依排都開左新分店，緊係要去試下啦！依間裝修好簡約好靚，坐得好舒服我今次同仔仔叫左一份全日早餐，餐湯有粟米忌廉湯，好大碗！全日早餐相當豐富，有新鮮沙律菜配油醋汁、茄汁豆、香滑雞蛋、兩條香煎腸仔、雞扒、大大塊煙三文魚、食落爆汁嘅蕃茄、香脆薯條、外脆內軟嘅窩夫🧇整體黎講都唔錯，只可惜塊雞扒有少少乾，可以再完美d另外嘢飲方面我仲加錢轉咗做草莓奶昔，好濃郁好好味！+$19仲可以有件精選蛋糕，今日有五款可以選擇，而我就揀咗紐約芝士蛋糕，香濃軟滑。真係好滿足嘅一餐…查看更多

今日心血來潮突然想食台灣野嘅鹽酥雞，無得去旅行喪食野，唯有近近地搵間台灣食店外賣番屋企過下癮啦。揀左個鹽酥雞扒便當🍱佢包埋一碗湯，另外我再加配左一個小食同野飲。鹽酥雞扒便當雞排係另外隔開，吾係直接放落魯肉飯上面，拎到番屋企都仲脆口，食落啲雞都幾嫩滑。另外有啲青瓜粟米粒做配菜都幾開胃。佢個湯飲落都好夠味，有菜又有木耳，吾錯！甜不辣食落個口感彈牙QQ～都有六七塊，份量足夠。仙草凍奶茶叫左少冰少甜，都已經夠甜，奶味香濃，都吾錯。如果有得熱飲真更好啦～食晒所有野好滿足😋p.s. 佢對外賣筷子都幾特別，啲花紋幾靚，同一般外賣筷子吾同。…查看更多

屋企附近有間烤魚好好食，我成日都會去幫襯。家下六點後冇得堂食，估唔到烤魚連外賣都可以做到😋😋正丫川味雞烤魚大王嘅烤魚有4款湯底選擇，分別係重慶麻辣烤魚、泡椒烤魚、剁椒烤魚同酸菜魚，而魚都有多款選擇。我今次就買返我同老公都鍾意食嘅重慶麻辣烤鱸魚！麻辣湯底夠晒香，爐魚勝在得中間一條大骨，無碎骨，食落啖啖肉，魚肉仲好滑舖頭既烤魚都係即叫即烤，所以製作需時，大概都要等15-20分鐘左右。外賣拎到返屋企一打開盒就已經勁香，倒落煲度份量好多！本身條烤爐魚就好大條，佢配既配菜都有好多，好似有薯仔片、蘿蔔片、菜、芽菜等等。兩個人食嘅話其實都夠飽，不過因為我哋三個人食所以我仲加咗薯粉同響鈴😋呢兩樣索晒啲麻辣湯汁真係冇得頂店舖仲好細心一共俾咗四碗湯底，兩碗係食烤魚用嘅，而另外兩碗就係後備湯，方便食完烤魚之後用嚟打邊爐，咁就唔洗怕會唔夠湯，或者越食越淡啦…查看更多

成間餐廳都好可愛丫，4圍都係熊啤啤！有熊啤啤陪食飯好開心🤣野食都幾多選擇，我同老公2個人叫左3個下午茶😂食飽飽，岩岩好🔅芝士煙三文魚吐司 $50賣相一般，但都幾好食！麵包皮脆脆，入面塊煙三文魚大大塊，仲有芝士、生菜同火腿🔅鐵板一口牛 $54依個好好食，鐵板上熱辣辣，牛粒都幾多，好軟唔鞋！仲有配舊薯蓉，夠飽肚🔅心太軟 $52份量唔大，勝在即叫即整，外脆內流心，好好味！旁邊仲配有忌廉同蜜桃🍑🔅鮮橙汁 跟餐+$3好大杯，值得加錢叫黎飲🔅橙色派對 跟餐+$16即係芒果橙汁，仲有塊檸檬🍋，都幾好飲！佢枝篤篤棒仲有熊熊頭 好可愛丫😍疫情過後要同兩個仔黎食，因為依度仲有兒童玩具區俾小朋友玩，又有圖書睇，仲有好正既兒童餐丫🤩…查看更多

觀塘地鐵站行去只需10分鐘，都幾方便🔅跟餐前菜：麵豉湯、胡麻醬沙律、茶碗蒸特別要講下個茶碗蒸，好滑！細細碗但落足料，有齊香菇、白果、魚板、雞肉🔅海之幸丼 $148賣相唔錯，刺身新鮮，有三文魚、赤身、赤蝦、油甘魚、蟹肉、三文魚籽、甜蛋，相當豐富🔅雞柳石鍋飯配炸餃子🥟 $108份量超多，有好多雞柳，醬汁甜甜辣辣，配料仲有昆布絲、蘿蔔絲、香菇絲，食落爽口，同個飯好夾！石鍋熱上，所以仲可以食到飯焦！餃子有3粒，炸到好香脆，點埋沙律醬好好食🔅巨峰提子梳打 $32 & 百香果梳打 $32好大杯，唔會好甜👍🏻依間餐廳仲好有心，用勁低價錢推出外賣自取既特價餐，同香港人共同抗疫，大家經過開記得去幫襯…查看更多

夜晚出街食飯又無得堂食啦，唯有買外賣返屋企食啦。去左紅磡馬頭圍道一間新加坡菜買黎試下！舖仔唔大，款式都唔算多選擇，但價錢就勁抵勁吸引！🔅招牌豬手飯4大舊豬手，豐富骨膠原，食落好彈牙，有d黑椒粒，食落好香🔅特色椰香海南雞飯 椰香飯海南雞係無骨既，肉好滑，可惜得4舊雞，少左d，不過價錢甘抵都可以接受。椰香飯好正，每啖都充滿濃濃椰香味，飯份量都幾多。仲有跟埋一碗湯🔅泰式酸辣無骨鳳爪好多隻鳳爪，酸酸辣辣好開胃，食落清爽，食完一隻又一隻，停唔到口🔅日本白桃乳酸梳打大大杯，唔會太甜，值得加黎飲🔅熱情豐盛依個好有驚喜，唔係用syrup黎開，係用熱情果黎沖，仲有d杞子，酸酸甜甜好好飲依度百幾蚊就夠曬我地一家2大2細食飽飽，正丫…查看更多

近期真係好鍾意食古早味蛋糕，好多時經過見到就會買黎食今日去開紅磡交收，買左一直都好想食嘅阿里山台灣古早味蛋糕😋😋呢一間真係超多口味選擇，一共有14款口味！我最後就揀咗原味、四重芝士同埋日本柚子蜂蜜係等緊出爐果陣，老闆仲同我傾偈，介紹吓佢啲蛋糕，我對佢哋嘅蛋糕了解更多！原來佢地要整一底古早味蛋糕要用到60隻雞蛋，而用嘅都係湖北蛋，所以會好重蛋香味！至於柚子蜂蜜味蛋糕，用嘅都係日本柚子同埋台灣嘅龍眼蜜！睇得出老闆對用料真係好有要求，甚至連包裝紙盒同膠袋都用上好嘅物料3款入面我最鐘意食柚子蜂蜜味，因為d柚子好有果皮香同埋甜甜地。而老公就話芝士最好味！下次出開去再試下其他款式先…查看更多

好耐都無2人世界同老公出街食飯，今次我地去左Cocina 3 Tapas食西班牙菜，餐廳環境好有格調好舒服🔅Nachos $40一坐低侍應就會比一兜Nachos，非常香脆，配埋酸忌廉，勁好食。仲可以無限refill 🔅芒果蟹肉沙律 $118擺盤好靚，冇諗過份量咁多。酸酸甜甜嘅芒果配上啖啖蟹肉，口感好豐富🔅龍蝦汁大蝦海鮮闊條麵 $148面頭隻大蝦有我隻手掌咁大，另外有兩隻青口！龍蝦汁夠濃，每條闊條麵都掛滿龍蝦汁，而且入面有蝦仁、魷魚、翠玉瓜、蘿蔔粒，每一啖都好豐富🔅經典BBQ汁燒豬肋排 $238勁大條豬肋排，賣相相當吸引！成條包滿bbq醬汁，酸酸甜甜。d肉唔會鞋，好易咬，啲肉好容易就離骨，唔錯。配菜有多款選擇，我地揀左芝士薯條，熱辣辣好好食等遲d二人限聚令完咗之後，等我帶埋兩個仔再去食多次先。…查看更多

屯馬線開左甘耐，今次我都係第一次坐去啓德站！出到去地面都係地盤同新樓，不過行一分鐘左右就已經見到d舖頭仔，仲有間馬來西亞古早味蛋糕😍經過門口香噴噴，我真係覺得d蛋糕向我招緊手甘👋🏻忍唔住要入去買返盒！古早味蛋糕一共有4款選擇，分別係經典原味、爆漿芝士、流心鹹蛋、霸氣榴槤！入都去岩岩好爆漿芝士出爐，所以我就揀左佢啦返到屋企個仔即刻忍唔住要切黎食，食落好鬆軟，好重蛋香味！芝士係用左新西蘭進口嘅芝士片，有鹹香味。食唔曬放左落雪櫃，之後想食拎出黎放落微波爐叮一叮，芝士仲會流心，好正丫…查看更多

旺角一向多樓上cafe，今次我就試左登打士廣場間Cafe Fabulous！就算外賣拎到返屋企都好好食我叫咗佢哋嘅二人套餐，有一個小食、兩個主菜同兩杯嘢飲！款式非常多選擇，而價錢都只係$25x，相當抵食👏🏻🔅蜜糖芥末雞翼單單係小食都已經有16款選擇，我就揀咗蜜糖芥末雞翼。雞翼一共有5隻，包滿蜜糖芥末汁，非常入味，雞翼咬落嫩滑🔅黑椒脆香雞扒意粉雞扒好大塊，意粉份量亦都好多！對我黎講黑椒好多辣左d，但就好岩我媽媽口味🔅日式咖喱吉列魚柳飯好多塊吉列魚柳，外脆內軟，小朋友好鐘意食。甜咖喱好好送飯，薯仔索曬咖喱汁勁好食🔅凍草莓綠茶&凍芒果綠茶兩杯都大大杯，好好飲！如果有得加錢要椰果就仲好啦！佢面頭會貼張貼紙以防會倒寫同埋寫明係咩野飲，好細心拎外賣果陣見到舖頭環境好靚，真係好想疫情快快完，約班fd上去食飯聚聚丫…查看更多

之前同朋友食過Go Dutch Cafe覺得好好食，今日單拖同兩個仔出黎旺角，想去食但又唔夠薑坐低係餐廳慢慢食，怕佢地搞搞震🤣唯有外賣自取啦我叫左兩個意粉同鹽酥雞返屋企慢慢食，帶住小朋友始終都係喺屋企食飯最輕鬆！兩個意粉分別係卡邦尼意粉同煙三文魚意粉，兩盒都勁大盒，塞滿曬個外賣盒😆🔅卡邦尼意粉勁香濃，賣相都好靚！面頭有好多脆脆煙肉碎，入面又有煙肉同菇片，食落好豐富🔅煙三文魚意粉面頭舖滿煙三文魚，相當大方👍🏻白汁唔會好杰身，食落無甘膩🔅鹽酥雞比相像中好食，因為本身都擔心返到屋企會淋曬un曬，點知一d都唔會，食落表皮酥脆，內有肉汁雞又滑！連氣炸鍋都唔使出動👏🏻我又再一次眼闊肚窄啦...真係估唔到份量甘多，所以最終食唔曬，唔好浪費，明天午餐繼續…查看更多