Alison 1937的个人专页

假日同朋友飲茶聚聚，揀咗長沙灣船舶大廈。 呢間星月樓。兩點鐘有下午茶，諗住冇蝕底等埋佢。叫咗十樣嘢：包括一個方魚肉碎湯飯，燒賣；牛肉腸粉，煎薄撑，煎蘿蔔糕等等。食物一般，服務一般；價錢如果以下午茶而言就略貴。…查看更多

老友結婚派帖；午膳時間，大家夾個中心點。揀咗九龍塘又一城商場美國餐廳Dan Ryan’s Chicago Grill!見佢精神飽滿，紅光滿面，果然人逢喜事精神爽。呢到環境好relax; 夜晚睇波相信好好feel!午餐都好多選擇，價錢超值。服務員勤快有禮，一坐低即刻擺盆麵包；啱曬我呢個麵包控。我哋叫咗一個烤雞肉凱撒沙律同經典芝士漢堡；happy share.另外我揀咗牛肉雜菜湯，老友就要左沙律。麵包熱辣辣有四個唔同款；就算吾配湯，齋食都好味。主菜烤雞增肌又唔會太嚡；健康營養之選。｜經典漢堡包新鮮漢堡肉加芝士就真係經典嗰種。size 啱啱好，塊肉夠新鮮配埋片大芝大比10分；就是完美。薯條新鮮炸得剛剛好。另外我哋加咗少少錢叫左一個紅酒，大大杯。再加一個Lemonade ；實在大大滿足。預祝好友新婚愉快；百結同心。…查看更多

舊同學聚會，每人準備一味餸。唔識下廚嘅我；次次都係叫外賣。同學指定叫我去呢間孖寶海南雞mario度買外賣。舖頭入邊坐滿人，門口亦都好多人等外賣。佢哋指明叫我買一隻海南雞；一隻口水雞。想試吓佢啲油飯；另外再叫咗個口水雞飯外賣，$55仲有個湯餸，南瓜湯並非例水。班友係地膽，果然冇介紹錯。雞夠晒滑；食唔到辣嘅就食海南雞。想食辣嘅就可以食口水雞。個油飯都好好味，咁多餸，佢哋反而搶着食過油飯；下次記住另外再叫多個配雞。…查看更多

年尾趕工，同拍檔搞到三點幾先至食午餐。拍檔話想食蒸魚；啱啱經過長沙灣麻雀館隔離開咗間新店，叫回味館。主打湯飯，同蒸魚；仲有炒粉麵羊腩等等。兩個麻甩佬蒸魚梗係啱；佢揀咗汁蒸黃立䱽；我就揀三餸飯：包括水魷魚，鮮滑雞肉；仲有牛柏葉；西洋菜係送嘅；配個白飯。蒸魚要等大概10分鐘；食住湯飯先；呢啲湯飯，最緊要食材新鮮；加個辣椒豉油既健康又好味。個豉汁蒸魚，又係新鮮靚魚；魚肉鮮滑之餘，調味亦啱啱好；個豉汁調得幾正，送白飯既健康又好味；仲有冬瓜同埋湯餸。地方乾淨企理；服務員亦笑容可掬；食得滋味開心之餘又夠健康，總之就係正。👍🏻…查看更多

老友結婚派帖；午膳時間，大家夾個中心點。揀咗九龍塘又一城商場美國餐廳Dan Ryan’s Chicago Grill!見佢精神飽滿，紅光滿面，果然人逢喜事精神爽。呢到環境好relax; 夜晚睇波相信好好feel!午餐都好多選擇，價錢超值。服務員勤快有禮，一坐低即刻擺盆麵包；啱曬我呢個麵包控。我哋叫咗一個烤雞肉凱撒沙律同經典芝士漢堡；happy share.另外我揀咗牛肉雜菜湯，老友就要左沙律。麵包熱辣辣有四個唔同款；就算吾配湯，齋食都好味。主菜烤雞增肌又唔會太嚡；健康營養之選。｜經典漢堡包新鮮漢堡肉加芝士就真係經典嗰種。size 啱啱好，塊肉夠新鮮配埋片大芝大比10分；就是完美。薯條新鮮炸得剛剛好。另外我哋加咗少少錢叫左一個紅酒，大大杯。再加一個Lemonade ；實在大大滿足。預祝好友新婚愉快；百結同心。…查看更多

今日同拍檔落旺角做嘢，諗住食好啲去咗旺角新世紀MOKO廣場。太多選擇。最後大家有共識去試呢間意大利菜-Amaronis cafe.佢嘅午餐好抵；亦都多選擇。我哋揀咗一個野莓雞肉沙律；另一個係8安士炭烤美國封門牛柳。午餐包餐飲同埋餐湯或者沙律。先嚟個蘑菇餐湯；好creamy，夠曬足料，好飲。襯埋個麵包，好高質素。拍檔個沙律都足料靚仔。主菜雞肉沙律，好大份；既有新鮮啤梨同士多啤梨；亦有合桃同雞件；加埋啲沙律菜非常新鮮；所以唔會用大量醬汁；黃金比例啱啱好，夠開胃。另外個牛柳就叫咗七成熟，剛剛好，唔會over又吾會太生；有圖有真相，非常靚仔。餐飲咖啡無論凍定熱都係水準之作。加埋服務有禮專業，上菜快；性價比高，百零蚊真係好抵。難怪會咁多人排隊。…查看更多

閨蜜生日，好耐冇見；約佢出嚟食番餐生日飯。佢揀咗我哋以前讀書附近嘅荃新天地。呢個商場都幾多嘢食；生日飯識揀梗係要食西餐。餐廳唔算好大，靜靜地聚會傾偈最啱。我哋叫咗兩個晚餐：一個係清酒煮蜆意粉；另外一個係西京燒西班牙黑毛豬。餐湯係甘筍湯：好creamy有好濃厚嘅甘筍味；真材實料絕無欺場。佢呢度既手工意粉出名，好煙靭有咬口；蜆肉又多；露荀夠晒新鮮；係近期難得超好食嘅意粉。黑毛豬好有心機煮；中間個蘿蔔好似關東煮嘅手法；配個靚靚嘅甜番薯醬同個西京燒黑毛豬好襯；西日fusion,值得推薦。生日緊要食甜品，但我哋又怕肥；少少哋叫咗兩個鬆餅。另外叫咗個朱古力同黑咖啡伴甜品。熱朱古力同熱咖啡都係水準之作；最有驚喜係個鬆餅，熱辣辣配佢哋嘅請問靠近自家製果醬，直程拍得住X華酒店嘅水準。大家傾到忘曬形，開心滿足的一頓晚餐。#Lizto#荃灣楊屋道1號荃新天地地下G75 A…查看更多

今日約咗閨蜜去K11 MUSEA行街，見到B1呢間Chatterbox Cafe；之前朋友講過呢個餐廳喺星加坡好出名，尤其係佢嘅海南雞飯；源自星加坡文華大酒店。見佢環境都好舒適吸引，趁未放工，嗱嗱聲入去食個晚餐先。我哋四個女仔，叫咗個二人套餐再加D小食。套餐叫左黑醬油炒蘿蔔糕；未試過黑醬油炒；夠特色亦美味。主菜我哋揀咗文華海南雞飯；呢個係佢哋嘅主打菜；有齊各樣醬汁；雞件夠晒嫩滑；配埋個湯；果然值得推薦。另一個主菜，叫咗星洲海鮮炒貴刁；海鮮新鮮兼熱辣辣；貴刁炒得夠曬惹味。另外我哋加配咗幾樣小食，包括：特色鹹蛋雞翼，超正夠邪惡；仲有炸素菜春卷；既清新又香口。飲品叫咗個凍錫蘭奶茶，同熱有機雜莓茶；都有水準。大家傾得興起，最後忍唔住加多個椰子雪糕雙球；估唔到非常有驚喜；超好味；人均吾駛佰五蚊，性價比高。…查看更多

早兩日喺樂富茜廊食完個西餐，今日同拍檔落天水圍做嘢，又見到呢間分店,即刻同佢入去試試。估唔到天水圍呢間分店有咁多選擇，除咗食扒之外仲有雞煲。拍檔叫咗個兒時回憶：鐵板雜扒配薯條：有薄牛扒、香腸、豬扒、雞翼，上邊仲有隻靚雞蛋，無論賣相同口感都一流。加$38仲可以配餐湯同蒜蓉包。佢嘅蒜蓉包值得一讚；新鮮做起，夠晒脆口。我就叫咗個華都夫沙律；真材實料大大份；蘋果同啲沙律菜，西芹都非常新鮮；夠晒健康。跟住我跟套餐加$10要咗個雜錦賓治；靚仔兼好味。最後見到有雜果啫喱；細細杯唔飽肚夠,晒趣緻，埋單兩個人唔使$400。服務殷勤有禮，今時今日香港有質素的西餐廳買少見少。一定要多多支持。…查看更多

今日中午我哋去咗樂富一間叫「茜廊」嘅西餐廳食晏，環境幾舒服，坐得又唔逼。餐牌選擇多，啱晒我哋食肉獸。我哋叫咗幾款招牌菜：有鐵板特級肉眼意粉，啖啖肉香，意粉掛汁一流；板燒紐西蘭肉眼扒配薯菜同羅宋湯，扒煎得啱啱好，外脆內嫩，薯菜又唔會太油；仲有鮮茄燴牛脷意粉，牛脷炆得夠腍，茄汁酸甜開胃，配埋忌廉湯，幾正。最後梗係唔少得甜品啦，我哋叫咗香蕉船，雪糕加香蕉再淋朱古力醬，開心share ,啱啱好。成餐飯食得好滿足，服務又好；性價比高；下次再嚟食過。…查看更多

今日轉車經過美孚：見到對面馬路吉利俓有間叫鴻輝記嘅糖水舖，今晚上女友屋企晚飯；天氣凉買幾個糖水試下。我哋叫咗桑寄生蓮子蛋茶，藥材味香濃，蓮子煲得夠腍，蛋又滑又入味，飲完成個人都暖晒。芝麻糊就香滑濃郁，芝麻味夠晒突出，唔會太甜，啱晒老人家。海帶綠豆沙：海帶清新，綠豆煲到起沙，口感一流。仲有黃金蕃薯糖水，蕃薯甜到漏，煲得啱啱好，糖水香甜但唔膩。鴻輝記糖水真係有水準，傳統貨式；價錢平；用料足；大大碗都係2x蚊；超抵。…查看更多

今日中午同女友去咗長沙灣搵食，揀咗間街坊至愛——興記豬什專門店。呢間舖頭喺區內好有名，平時好多人。今日見到啱啱有位，女友話要補補佢。我哋叫咗馳名胡椒豬肚湯飯，胡椒味夠晒惹味，啖啖都係精華。三餸就揀咗豬膶、牛丸同鮮肉片，全部都新鮮熱辣，配埋白飯一流。仲有清湯蘿蔔蝴蝶腩，湯清甜，蝴蝶腩滑溜唔膻，蘿蔔煮到入味，超好味；咁多牛腩好抵。最後嚟個白灼鮮豬什，豬心、豬肝、豬腸樣樣齊，灼得啱啱好，配埋辣豉油同薑蔥，真係食到停唔到口。呢餐真係食得開心又滿足，地道滋味小店，香港真係買少見少；抵食又有水準！真心推介！…查看更多

今天中午，我哋食完lunch,經過樂富商場一間叫「豆乳狂人SoyMart」嘅食店，見到如吸引。一入到去，店內環境好舒服，如果趕時間要快食；真係啱曬。食左飯忍唔住；叫咗幾樣嘢。首先係牛油果吉列蝦青瓜絲粢飯，蝦炸得香脆，加埋牛油果，口感超正，青瓜絲又清新，真係唔錯！再嚟就係椰香紅豆，椰奶嘅香味好濃，紅豆又軟滑，食落去好滿足。最後，我哋仲叫咗多芒楊枝甘露，呢個甜品真係必試，芒果味濃郁，搭配椰奶，爽口又唔膩，食完令人心情大好！總括來講：豆乳狂人嘅食物質素高，價錢又合理，絕對值得再嚟！…查看更多

今晚我哋去咗元朗教育路一間叫 Proton 嘅餐廳食晚飯。上次經過已經想試，不過撞啱佢哋5-6點落場。餐廳裝修走工業風，成間舖型格又有氣氛，啱晒打卡。坐低冇耐就開始點菜，前菜叫咗Parma Ham蜜瓜田園沙律，鹹鹹地嘅火腿配上甜蜜蜜嘅蜜瓜，清新開胃；仲有細心位，切開一份份；方便入口。至於煙三文魚忌廉芝士蕃茄沙律，食材就夠曬新鮮。主菜方面，我哋試咗牛油果煙三文魚流心蛋手工意粉，蛋黃一切開就流晒出嚟，撈埋佢似刀削麵嘅意粉；夠晒咬口冇得輸。另一道係意大利西西里烤魚海鮮拼盤，有魚柳、青口、虎蝦同烤茄，辣辣地配埋蕃茄辣椒夠晒惹味；啖啖意大利風味；啱晒鍾意食海鮮嘅我地。最後叫咗美式咖啡同凍焦糖咖啡，飲落香濃又唔會太甜，完美收尾。成晚氣氛好，食物又有水準，絕對係值得再去嘅地方！…查看更多

今日中秋放早，約咗班friend 中環飲嘢chill chill 。同女友先去中環街市醫下肚。啱啱去完名古屋仲好懷念佢哋嘅壽司；見到呢間魚がし日本一，餐牌幾吸引，坐低試吓。我叫咗個廚師發辨特選壽司10貫加手卷；女友就叫咗個三味吞拿魚丼；另外附送兩個鯛魚茶漬湯。呢度啲刺身好新鮮；基本上同日本一樣。女友個三味吞拿魚：赤身、中拖羅、大拖羅，都算大塊；好鮮味；大大碗佢都食晒。我個廚師發辦有圖有真相；有鯛魚、魷魚、油甘魚、池魚、海膽、牡丹蝦同蟹肉蟹膏添；仲有個吞拿魚手卷，好鬼正。咁嘅價錢絕對抵食。個鯛魚茶漬湯好味過日本；大大嚿鯛魚非常入味，好鬼正。呢度酒類亦都多選擇；我叫咗個Sapporo；女友就叫咗個菠蘿梅酒；好飲。呢度食物質素高;服務專業細心；氣氛一流；夠relax夠Chill,無得輸。#魚がし日本一#香港中環皇后大道中93號中璟街市地下G12號舖…查看更多