Cykman's Profile

因為就黎係媽咪生日，阿媽平時最中意食中菜，加上佢成日話想食d懷舊野，所以我專登做左功課，搵到呢間係屯門市廣場新開既「神燈會館」帶佢去慶祝！聽講呢個品牌本身已經有成50年粵菜底蘊，今次進駐屯門主打「傳統粵菜．新派演繹」，成萬五呎地方夠哂闊落，坐得好舒服，最緊要係價錢夠親民，性價比高，岩哂一家大細黎食飯聚腳, 婚宴或商務宴客。.坐低即刻叫左隻「爆汁現烤雞」($168)，真係無介紹錯！隻雞係原隻上枱，個畫面勁震撼，之後店員會係我地面前即席切開隻雞，切果陣已經聞到勁香，仲見到d肉汁係咁流出黎！食落去個皮真係超級薄，完全無多餘既肥膏，雞肉嫩滑得黎又好入味，每一啖都係滿滿既肉汁，絕對係必叫菜式之一！😋.之後上枱既係「黑松露琵琶鴨」半隻 ($138)，個樣好特別，全隻鴨都係黑色既！而且好貼心，下面有個小爐keep住溫度，食到最後都仲係熱辣辣。一咬落去，黑松露既香味即刻係口入面爆發，味道超突出但又吾會蓋過鴨肉本身既鮮味，皮脆肉嫩，估吾到傳統琵琶鴨加左黑松露可以咁夾，真係好有驚喜！🖤🦆.見到餐牌有「煎釀原條鯪魚」($148)，阿媽即刻雙眼發光話要叫，因為呢d懷舊手工菜依家真係好少見啦，真係買少見少！一上枱見到煎到金黃色已經好開胃，師傅刀工好勁，切開一塊塊之後擺盤依然keep住原條鯪魚個樣。每一塊入面都釀滿哂鯪魚肉，口感好彈牙，魚味好濃郁，外層香脆內裡鮮甜，阿媽食完都大讚好正宗，絕對值得一叫黎回味下！🐟.除左大菜，我地仲叫左個小食「避風塘茄子粒」($78)。平時食茄子最怕油淋淋，但呢度做得好好，炸粉上得超薄，完全吾會覺得厚粉或者油膩。茄子粒外脆內軟，再灑上大量既炸蒜，鹹香惹味，送飯一流，真係會忍吾住一粒接一粒咁食！🍆🔥.食中菜點都要叫碟菜平衡下，我地揀左「啫啫芥蘭煲」($108)。個煲一上枱仲係啫啫聲，熱辣辣咁冒煙，氣氛一流！師傅火候控制得好好，芥蘭炒完出黎依然翠綠，食落去好爽口，完全無渣。最正係入面加左大蝦乾、肉碎等去爆香，鹹香味滲哂入去d菜度，超級惹味又有鑊氣，連平時少食菜既我都清左半煲！🥬🔥…Read More

最近突然好掛住星加坡d美食，心郁郁想食喇沙同海南雞飯。咁岩上網見到葵涌悅品度假酒店推出左個「品味獅城」自助午餐，即刻上Openrice睇下，嘩！原來book位即享$420買一送一優惠！除開每人二百幾蚊就食到酒店buffet，真係抵到爛，即刻拉埋朋友去食😍。食完捧住個肚，仲可以去埋UG/F既Grazzi Garden戶外花園打卡影相，環境好Chill，性價比真係高到無朋友！📸.一入座當然要攻陷回本位先！今次既主題Signature Dish真係無得輸。首先必食燒原條肉眼🥩，肉質粉嫩，牛味好濃郁，咬落去好多汁，食肉獸表示好滿足！另外個星洲胡椒蝦都好驚喜，胡椒味入晒味，惹味得黎又吾會太嗆，重點係d蝦肉好厚身又彈牙🍤。仲有經典既印尼沙拉加多加多，醬汁香濃，口感層次好豐富。當然吾少得海南雞啦，雞肉好嫩滑，忍吾住食左幾舊！🐔.熱盤方面都好有誠意，特別推介個海鮮粉絲煲🍲，入邊足料到爆，有芹菜、紅蘿蔔、鮑魚、蝦肉、蜆肉、魷魚等，粉絲吸晒d海鮮精華，鮮甜到震！印尼炒飯都吾馬虎，有帶子、蝦仁、魷魚、蜆肉、鮑魚，食落好香口。另外仲食左d豉汁炒蜆、星洲咖喱三文魚頭同燒豬排骨，味道好正宗😋。.去食星馬菜點可以冇喇沙？呢度既帆立貝海鮮喇沙係即叫即制既🍜，湯底濃郁，帆立貝好鮮甜，每一啖都係享受。餐湯方面有肉骨茶同南瓜忌廉湯，我就特別中意個南瓜忌廉湯，好正，夠滑又夠甜！炸物區就有炸雞寶、炸薯角同雜錦串燒，串燒燒得岩岩好，配埋沙嗲醬真係無得輸🍢。.雖然主打星加坡菜，但一般buffet要有既冷盤刺身都齊全🦀。冷盤有麵包蟹、翡翠螺、青口、鮮蝦，全部都好新鮮。刺身就有鯛魚、吞拿魚、三文魚、赤貝，任切吾嬲🍣。如果想食清淡d，沙律吧都有好多選擇，例如鮮紅菜頭蘋果沙律、燒牛肉沙律、鮮果沙律等，食多幾碟都吾怕滯🥗。.最後當然係甜品時間！最開心係有任食Häagen-Dazs雪糕！🍦甜品櫃都好多款，有朱古力瑞士卷、草莓慕絲蛋糕、木糠布甸等等🍰。不過最好玩係個自製窩夫機，自己整窩夫，再加埋雪糕球同朱古力醬，又好玩又好食，為呢餐畫上完美句號，二百幾蚊食到咁多野，真係要再黎Encore，值得注意既係座位非常有限. 記得Book定呀 ！🧇…Read More

天氣開始轉涼，正值秋冬天，收工最想食d熱辣辣既野暖下胃。今日去元朗覓食，經過呢間「韓奶奶拌飯」，見到佢主打韓國人氣大熱新派拌飯，即刻比佢吸引左！😍 聽講佢地最正既係每一碗飯都係用韓國高壓釜飯機獨立製成，即叫即煮，保證熱氣騰騰。對於中意食飯焦既我黎講，聽到食到最尾有飯焦香，真係完全無抵抗力，一於入去叫個釜飯食下先！🍚🔥.坐低即刻叫左個「大醬茄子豆腐拌飯」($68)。一上枱，個石鍋熱到滋滋聲，真係夠曬熱辣辣！🍆 裡面有燒茄子、滑豆腐，配埋惹味既大醬汁、芝麻、蔥同粟米，最邪惡係加左牛油，撈勻之後每一啖都充滿油香同醬香。隨Set仲有四款韓式涼拌菜做伴碟，加埋碗韓式海帶湯，成個餐好豐富，口感層次分明，食素既朋友都岩食！😋.朋友就叫左個「蒜蓉牛油雞扒拌飯」($68)。呢個絕對係重口味人士既最愛！🍗 塊炸雞扒炸得外脆內嫩，上面鋪滿左炸蒜蓉，香氣撲鼻。配料同樣有粟米粒、蔥同牛油，撈埋d飯一齊食，蒜香同牛油香係口入面爆發，真係好滿足。同樣地，呢個Set都係包埋個四款涼拌菜同海帶湯，份量十足，男仔食都一定夠飽。💪.小食方面，見到有「香煎韓式韭菜餅」($28) 就叫左份黎些牙。佢係迷你款黎既，煎到邊位脆卜卜，咬落去韭菜味好香，細細塊容易入口，吾會覺得太油膩，過下口癮岩岩好。🥞.另外仲叫左份「炸韓式紫菜卷」($28)。外層炸粉吾會太厚，咬落去超級酥脆，裡面既粉絲好彈牙，點埋個醬汁食，真係好似去左韓國街頭食小食咁，風味十足！.最後，食左咁多重口味野，當然要叫番杯野飲解下膩。我地叫左罐Zero同埋一支韓式Zero菠蘿汁。🍍 菠蘿汁酸酸甜甜好清新，最重要係Zero無糖，飲多兩啖都吾會有罪惡感，爽呀！🥤…Read More

最近同屋企人去開尖沙咀行街，行到餓餓地想搵間舒服既地方坐低食餐好既，上網見到呢間「福彩皇宴」原來已經開左成 10 年咁耐！見佢做緊 10 周年慶祝，午市時段（星期一至五早上 11 點至 3 點）竟然全單有 88 折，咁吸引既優惠真係無理由吾去幫襯下，即刻決定上去歎返一盅兩件！🥢.坐低第一時間叫左個鮮蝦腐皮卷 ($41)。一上枱熱辣辣，腐皮炸到金黃色超級酥脆，咬落去聲都聽得到！入面餡料好足，除左爽口彈牙既鮮蝦，仲有紅蘿蔔絲同芹菜，食落去口感豐富又有層次，完全吾會覺得油膩，真心推介！🦐.跟住黎既係鮮蝦菜苗餃 ($41)。個皮晶莹剔透，睇落已經好開胃。咬開入面d菜苗好翠綠好新鮮，配埋鮮甜既蝦肉，味道好清新，完全帶出左食材本身既鮮味，感覺好健康，食多兩籠都吾怕滯！🥟.之後呢個真係有惊喜，櫻花蝦鹹水角 ($29)！平時鹹水角就食得多，但加入櫻花蝦元素既鹹水角真係第一次見！外皮炸得岩岩好，煙煙韌韌，最正係食落真係有陣陣櫻花蝦既鹹香味，將成個鹹水角既味道昇華左去另一個層次，創意滿分！🌸.同樣係櫻花蝦系列，我地仲叫左櫻花蝦蘿蔔絲酥 ($32)。個酥皮整得好鬆化，一層層咁好靚。一咬開，入面係滿滿既蘿蔔絲餡，而且保持到好濕潤多汁，蘿蔔既清甜加埋櫻花蝦既鮮香，熱辣辣食真係好正，小心燙口呀！🥕.飲茶點少得粉果？呢度既真功夫潮州蒸粉果 ($37)真係名副其實有真功夫。最重要係個粉果皮好薄，晶瑩剔透咁，吾會食到成口粉。入面餡料好多，有花生、韭菜、粉葛粒，咬落去又香又爽口，口感好豐富，每一啖都係滿足感！🥜.最後叫左個午市孖寶套餐 ($148)填飽個肚，真心覺得個套餐好抵食！有齊香芋臘味粒炒飯同叉燒皇。個炒飯炒得好有鑊氣，粒粒分明，入面有雞蛋花、香蔥，仲有勁多臘味粒同香芋粒，每一啖都好香口。而個叉燒皇真係一大碟，份量十足，肉質軟腍入味，蜜汁味岩岩好，講真好食過一般燒味舖好多！🍚🍖…Read More

最近成日OT，搞到個人好dry，突然好想搵返d讀書時期既味道慰藉下心靈。講起中學回憶，一定係放學後同同學仔去食車仔麵！果陣時無咩錢，一碗幾餸麵已經好滿足。今日經過「香港永年」，見到個招牌即刻勾起晒d回憶，好耐無食過車仔麵啦，一於入去懷舊下，順便獎勵下辛苦工作既自己！🎒🍜.坐低即刻叫左個小食先，香脆南乳雞翼 ($28)。一上枱熱辣辣，炸得真係好香脆，咬落去「卡嚓」一聲超治癒！最正係佢個南乳味好夠香濃，鹹香適中，入晒味，完全吾會覺得油膩，食完一隻忍吾住即刻想食第二隻，送麵一流！🍗🔥.主食方面，朋友叫左個鐵板香脆雞扒炒烏冬 ($108)。嘩！個氣勢好勁，鐵板上枱果下仲滋滋聲響緊！大大塊炸到金黃香脆既雞扒鋪係烏冬上面，份量好足。自己再淋上黑椒汁，香氣即刻爆發出黎！烏冬本身用左香蔥同洋蔥爆炒過，好夠鑊氣，每一啖都好香口。🥘💨.我自己就貪心d，加左個香脆洋蔥圈 (+$28)。本身以為係幾舊仔過下口癮，點知份量好多！堆到好似座小山咁，外層炸粉薄薄地好鬆脆，入面洋蔥仲好juicy，點埋茄汁食，不知不覺就清晒，性價比好高！🧅✨.食完熱野當然要整返個甜品降溫啦，見到跟餐有優惠價，就加左個芒果涼粉 (+$18)。真心抵食，上面鋪滿好多芒果粒，甜度岩岩好，配埋滑嘟嘟既涼粉，夏天食消暑一流，食完即刻透心涼，解辣解膩都靠佢！🥭🧊.飲品方面，簡簡單單叫左杯凍檸檬可樂 (+$15)。雖然係普通野，但食濃味既車仔麵或者鐵板野，一定要配有氣既可樂先夠爽！篤幾下檸檬，酸酸甜甜又夠氣，一啖飲落去，爽呀！🥤🍋.最後壓軸出場，當然係我既至愛—永年大碗麵 ($102)！呢碗簡直係車仔麵界既Avengers！🤩 裡面有齊豬腸、魚蛋、蘿蔔、豬紅、豬皮、雞翼、雞翼尖、紅腸同埋時菜，超級豐富！我揀左油麵，掛汁一流。強烈建議大家一定要加配佢地既招牌永年辣醬 (+$3)，辣味好有層次，同d餸超好味、好夾！另外，我有個secret menu推介比大家，就係加配沙田獨家咖喱魷魚 (+$18)！呢個係隱藏版黎架，直接放係大碗麵入面，咖喱味同辣汁混合埋一齊，鮮味提升左幾個level，正到爆！🌶️🦑…Read More

今日收工同老公去睇左場戲，散場個肚打鼓，見到對面既 「PHI Coffee & Pancake」出左個「Mini Christmas Dining for Two」，$338就有齊前菜、Share dish、Main dish同飲品，計落又幾抵食喎！二話不說就入去撐枱腳啦 🥰。.頭盤先黎個「楓糖烤南瓜沙律」開開胃 🥗。入面有新鮮沙律菜、烤南瓜、燕麥片同水牛芝士等，最正係可以自己倒楓糖漿，甜度自己控制，淋上去之後成個沙律即刻昇華左，清新得黎又有d甜甜地既滋味，好開胃 🍯。.Share dish我地揀左「冬日蘋果脆皮聖誕烤雞腿」🍗。隻雞脾皮脆肉嫩，切開仲有肉汁！下面鋪滿左綿密既薯蓉，配菜都好豐富，有烤南瓜、烤粟米同聖女茄，每一啖都好滿足，真係好有聖誕大餐既氣氛 🎄。.主食就叫左「辣蕃茄蟹肉扁意粉」🍝。佢地用既係粗身扁意粉，好掛汁！表面鋪滿晒蟹肉，真係無手軟，每一啖意粉都沾滿左香辣既蕃茄醬同鮮甜蟹肉，惹味到停吾到口 🦀🌶️。.套餐包2杯飲品，老公揀左杯「焦糖脆脆鮮奶咖啡」，香濃咖啡配上脆脆口感既焦糖，口感好豐富。我另一杯係「香芋泥米麻薯鮮奶茶」，芋泥好綿密，加上煙韌既麻薯，口感一流，芋頭控必飲 💜。.食完正餐個胃仲有位，黎得PHI無理由吾食佢地既招牌梳乎厘架嘛？所以我地另外單點左個聖誕限定既「焦糖蘋果玉桂梳乎厘」($138) 🥞！三層日式梳乎厘厚鬆餅震騰騰咁上枱，空氣感十足。配埋幾塊焦糖化呈金褐色既蘋果肉同金寶蘋果泥，酸酸甜甜好開胃。上面仲有淡綠色既cream同乾蔓越莓點綴，加埋個迷你白朱古力聖誕老人 🎅，擺盤精緻到吾捨得食，一定要相機食先 📸！…Read More

我因為想同癮老公慶祝紀念日，所以揀左去The pantry club食晚餐。餐廳有落地玻璃，可以望到啟德運動場，感覺好似自己屋企既後花園，坐係度望住夜景同運動場既燈光，心曠神怡，環境好chill，好岩情侶約會，氣氛舒服又relax✨🌃🌿.A4 Wagyu Steak set $338真心覺得好抵食。佢用既係十勝產和牛，來自北海道，係日本國內可以同神戶牛、松阪牛同但馬牛相比；相比普通牛肉，十勝產和牛既不飽和脂肪比例較高，仲含大量Omega-3，健康感有少少加分。套餐有三個部位可以揀，我揀左牛腹扒配黑椒汁——肉味突出但又吾會太油膩，入口嫩而帶少少嚼感，脂香同肉味配合得好好；配菜有炒磨菇同炒雜菜，套餐仲有炸薯條同沙律。最爽既係可以無限添加瑪格麗塔pizza、炸薯條、炸洋蔥圈，三樣任揀任食，食到好爽🍕🥩🍟.香草麵包糠焗比目魚 $172外層既香草麵包糠焗得香脆，入面比目魚肉質好鬆化又有汁，配埋綿滑既薯蓉，沾上少少檸檬酸香既忌廉汁，整體平衡得好好，吾會膩，帶有清新既海味，好適合配白酒🧂🐟🍋.Cheesecake Waffle House $128 真正既甜品主角。窩夫中間夾住cream cheese，咬落去有濃郁既芝士感但吾會過甜，配埋雲尼拿雪糕、焦糖香蕉同時令水果，口感層次豐富。雖然佢地既梳乎厘pancake係另一種經典，但呢個waffle既組合同豐富配料都足以比人好深印象，係完美既飯後ending🍰🧇🍌.薄荷朱古力奶昔 $62 , 芒果沙冰smoothie $58上面有厚厚既cream，好香薄荷同朱古力既組合，帶清新既口感但吾會太甜；而芒果沙冰係用芒果、雪梨同蘋果汁打成，天然果甜同清爽既果香好醒胃，夏天飲一杯即時清新返黎🥭🍫🥤…Read More

屯門友召集！👋 最近見到利榮軒推出左個「無限時任食點心片皮鴨放題」，身為屯門友緊係要黎朝聖啦😍！只要入座每人都會送一盅原隻鮑魚灌湯餃，仲有成25款以上既即叫即蒸手工點心、8款即炒粉麵任叫。大堂仲有新鮮即切金陵片皮鴨、糖水、鮑汁鳳爪、蘿蔔牛腩、齋菜同即炸點心等等，真係睇見都流口水，一於約埋朋友黎食餐勁既！🤤.坐低無幾耐，個原隻鮑魚灌湯餃就上枱啦。真係有一隻原隻鮑魚係面，加上蟹柳，灌湯餃面仲有d瑤柱粒同蟹柳粒，個湯底飲落好鮮甜，一啖飲落去暖笠笠，感覺好滋補，正呀🍲！.講到回本位，一定係大堂個自助吧！焦點所在既即切金陵片皮鴨🦆，師傅係面前即切，真係熱辣辣上枱🔥。最讚係refill得勁快，完全吾使同人搶，真係無限任食，我地都食左五六次，皮脆肉嫩！另外仲有多款精美小食，好似炸牛奶🥛、炸餃子、春卷、炸油條、鹹水角、港式炒飯等等。特別推介個避風塘蝦🦐，勁入味又惹味，我地encore左幾次。仲有蘿蔔牛腩、鮑汁鳳爪同薑汁紫薯糖水，食到停吾到口。.點心方面當然要叫水晶鮮蝦餃🥟，個皮晶瑩剔透，吾會太厚，入面隻蝦爽口彈牙，咬落去有汁，絕對係水準之作。.蟹籽燒賣皇肉質結實，上面d蟹籽卜卜脆；潮州蒸粉果個皮好煙韌，餡料豐富，咬落去口感好豐富；鮮蝦菜苗餃就夠清新，菜苗好嫩滑，食完d肉食返呢個無咁膩🥬。.陳皮牛肉球🐂有好香既陳皮味，牛肉球打得幾彈牙，吾會粉，加埋喼汁食一流；瑤柱珍珠雞荷葉味好香，糯米軟硬適中，入面d料都好足，食完一隻都幾飽肚。.甜品控必叫芝麻流沙包🖤，一搣開真係流沙架！芝麻味超濃郁，熱辣辣食真係好幸福，小心燙口呀！.鮮蝦腐皮卷炸得好金黃酥脆，腐皮薄脆，一咬落去咔嚓一聲，入面既蝦膠好鮮味，點少少喼汁食就最岩🥢。.煎釀青尖椒🌶️煎得好香口，魚肉釀得幾厚身，煎到金黃色，青椒帶少少微辣，好開胃。.蜜汁叉燒腸粉皮好滑溜，豉油甜甜地，叉燒份量都算多，吾會食黎食去都係粉，加埋d甜豉油真係無得輸😋。.最後叫左個星洲炒米粉做結尾🍜。即叫即炒果然吾同，熱辣辣上枱，而且大大份！用料真係好足，有洋蔥、蛋絲、蝦仁、叉燒、韭黃、蛋花等，炒得好乾身又有鑊氣，咖喱味好香，雖然飽到上心口都忍吾住食多碗！…Read More

行過油麻地，比 am.pm 門口既香味吸引住，呢度主打街頭甜品，全部都係即叫即製。最正係可以透過玻璃窗見到佢地即場製作疏乎厘，睇住d蛋漿慢慢發起，變成一個個肥嘟嘟既疏乎厘，感覺真係好治癒😍，忍吾住即刻停低買黎食！.首先叫左個 特濃朱古力香蕉疏乎厘 ($50) 🍫。因為係即場製作，拎上手仲係熱辣辣既！兩塊疏乎厘疊高高，空氣感十足，震騰騰咁。面頭淋上特濃朱古力醬，再加埋朱古力粉同朱古力碎，簡直係朱古力控既天堂。頂部仲有一層焦糖香蕉🍌，脆脆地既焦糖配埋軟綿綿既疏乎厘，入口即溶，正！.另外又叫左個 D24榴槤牛角包窩夫 ($40) 🥐。個窩夫烘得好鬆脆，咬落去口感好好。重點係窩夫上面放滿左榴槤肉同榴槤蓉，真係好足料！每一啖都充滿濃郁既榴槤香味，配埋熱辣辣既窩夫，真係無得輸🤤。.野飲方面，叫左杯 宇治抹茶珍珠牛乳 ($35) 🍵。抹茶味幾突出，回甘得黎吾會太苦，同順滑既牛乳好夾。d珍珠煮得岩岩好，煙煙韌韌，一路行一路飲好爽。.而黑糖珍珠牛乳 ($35) 🧋。黑糖紋掛杯好靚，打卡一流。飲落去黑糖味香濃但吾會死甜。…Read More

因為想搵一間養生又有新鮮海鮮既地方慶祝朋友既小聚，所以我就黎到旺角新開既養生餐廳——老四雲城軒。環境舒服，吾會太迫，氣氛輕鬆，最重要係菜式有心思，食得健康之餘又有驚喜。😄.蒜蓉鮮蝦荷葉蒸飯 $68招牌之一，開邊蝦上面鋪滿蒜蓉，視覺已經吸引。蝦肉鮮嫩彈牙，蒜蓉帶來香氣但吾搶味；荷葉香滲入米飯，飯粒吸滿蝦汁同蒜香，口感濕潤又有層次，$68黎講真係抵食。每一口都有海鮮既鮮甜同蒜香既溫柔結合。🦐🌿.龍躉酸菜米線 $88真係第一次見龍躉酸辣米線，餐廳每日落單買最新鮮既海鮮，龍躉肉大大塊，咬落去好實淨有彈性，完全食到鮮味。湯底酸辣得岩岩好，開胃但吾會蓋過魚既鮮；米線滑身有彈性，同大塊魚肉一齊食，好有滿足感。對於中意海鮮同重口味既朋友，呢碗真係有驚喜。🐟🔥.鹽香雞翼 $28外皮香炸到微微起脆，入面仲保持多汁，咸香味夠而且均勻，作為小食或者配飯都好正。每隻雞翼都炸到金黃色🍗😋.手撕雞 $58手撕雞伴住油洋蔥絲、芹菜絲、紅蘿蔔絲、青瓜絲，口感好有層次：雞肉嫩滑，配菜爽脆，油香提升整體風味，加上香辣既調味，食落有少少刺激但好開胃。非常適合想食清爽又有味道既選擇。🥗🔥,奶茶 +$5；手打鴨屎香檸檬茶 +$9（套餐優惠價）奶茶順滑，甜度控制得好，做埋飯後既收尾剛好。手打鴨屎香檸檬茶香柑橘味突出，帶住清香既果皮味，兩樣飲品做套餐加少少錢好抵飲🍵🍋…Read More

l作為屯門友，梗係第一時間速報新開既小店啦！呢間新開既濃湯米線店離屯門站超近，步行大約4分鐘就到🏃‍♂️。最吸引我既係佢地既湯底100%係真材實料熬製，料足湯鮮，食完一d都吾覺得口渴，食飽飽仲可以去對面睇場戲㖭🎬🍜。.豆腐肥牛鮮茄濃湯鍋米線 $68番茄濃湯夠香夠酸甜，帶出天然鮮味，豆腐好嫩幾乎入口即化，肥牛片帶油花，落湯一煮好滑嫩，木耳同金針菇增添口感層次，白菜仔保持爽甜。份量十足，整個小鍋放係小爐上keep住溫度，米線另上，浸落番茄濃湯先食最夠味，冬天食真係一流，暖笠笠又滿足🔥。.自選米線 $29揀左酸辣金湯底，酸酸辣辣好易入口，每條米線都掛住金湯汁，口感彈滑。配料加左魚肉春卷 +$12（外皮炸到香脆，裡面魚肉餡彈牙帶鮮味）、韭菜餃 +$12（韭菜香突出，餃皮薄而有彈性，咬落汁多）、芝士腸 +$12。金湯內仲有酸菜、木耳、杞子、白菜仔等，好養生又夠味，呢碗真係食落有層次🌶️🍲🧀。.脆嫩單骨雞翼 $32 外皮炸得香脆，肉質保持多汁，單骨設計方便食。雞翼上面灑左辣粉，帶出微微辛香，吾會蓋過雞味🍗🔥。.即炸墨魚腐皮卷 $28腐皮炸到金黃鬆脆，內裡墨魚餡鮮甜彈牙，有淡淡海味，外脆內彈既口感對比好好，真係一啖接一啖停吾到口🍤✨。.仙草招牌奶茶 $12仙草香同奶茶香完美平衡，奶味濃厚，甜度岩岩好，飲落有仙草既草本清香同順滑口感，食完熱辣辣既濃湯米線後用黎收口最好，清新又解渴🥤…Read More

天氣一凍就真係好想食雞煲，同事同我講元朗有間性價比極高既雞煲放題，聽落已經好吸引。於是琴晚就約左朋友落去暖下身、傾下偈，想試下係咪真係人人都話咁好。🍲❄️.呢度既「至尊雞煲放題」真係平到驚人：星期一至四入場只係 $188/位，任食任飲兩個鐘，仲要免加一（啤酒除外）。價錢真係好親民，難怪平日都有勁多人排隊等位，性價比對想平靚正食個暖暖晚餐既人真係超吸引。💸🎉.至尊惹味雞煲雞件係用蒜香爆炒過，食落好香口，帶少少香辣味，仲有芫荽、洋蔥同辣椒去提味，層次幾豐富。雞肉肉質厚身但吾柴，有口感；如果吾夠食仲可以加雞，仲可以揀一人/二人/三人/四人/五人/六人加雞，對於想食多d但又想留肚打邊爐既人，呢點真係加分。🔥🍗.打邊爐環節食完雞煲就可以轉去打邊爐，火鍋係用紙張落單形式，方便快捷。火鍋配料選擇超多，超過50款，基本上夠哂吾同口味既朋友，一齊食得開心又滿足。🍲📝.火鍋配料推介配料種類有齊：牛肉、海鮮、雞肉、水餃雲吞、蔬菜、粉麵等等一樣都冇少。推介一定要叫肩胛肥牛片，落鍋涮一涮即滑又香；芝士竹輪係我既最愛，竹輪中間有芝士，煮熟後一咬即刻芝士溶流出，邪惡但好滿足；韭菜餃係手工包，韭菜綠油油好香，口感彈牙；爽口水餃入面係木耳豬肉餡，口味清爽有層次。🥩🧀🥟.飲品飲品分兩部分：自取飲品櫃有可樂、忌廉梳打、雪碧等，即開即飲；另外用QR code落單既有羅漢果杞子菊花茶、豆漿、咖啡、港式奶茶、檸檬茶等選擇。對於好中意飲港式奶茶既我，見到有得叫奶茶真係勁加分，配雞煲同火鍋都好match。🥤🍵…Read More

因為朋友話想搵間性價比高既餐廳食正宗泰菜，於是我就緊係介紹我嘅泰菜飯堂-金枕頭泰國餐廳。重點係星期一至五免加一，依家最抵食係佢既二人餐：$198就有三款小食、兩款主菜同一款甜品，份量同組合夠晒平衡，同埋飲品可以+$15追加，真係好抵。.講下二人餐既玩法：佢係分成a+b+c+d四項，a項可以揀3款小食，b、c、d每項各揀1樣，最後總共有6款野——有主食、有小食、又有甜品，樣樣都有，份量又夠兩個人share，飲品只係+ $15就有，對住想慳錢又想食齊既朋友黎講真係岩晒。.香芋春卷 + 蜜糖燒雞翼（加$6）香芋春卷用料吾手軟，外皮炸到金黃鬆脆，每咬一啖都會聽到碎裂聲同芋香慢慢散出。蜜糖燒雞翼加$6，但絕對值得——表面有焦糖化既黏亮蜜汁，燒得微焦帶香，外皮脆而帶黏滑，入面雞肉仲保持嫩汁，甜中帶鹹，好惹味。.泰式炒通菜（B項）呢道份量好大，通菜炒得保持爽脆，莖位仍有彈性，蒜香同少許魚露既鮮味撐起全碟，油份控制得好，入口有鑊氣但吾油膩，配飯或者同其他菜share都好夾.蒜蓉包（C項）：佢地用既係法包，外皮烤到微脆，牛油同蒜蓉滲入麵包中，咬落去有牛油既香同蒜蓉既嗆鼻香，邊位微脆既口感同中心既柔軟形成對比.椰汁西米糕（超推薦）呢個真係令我驚喜，椰汁味係我食過最濃郁既一個，西米粒煮到透明又有彈性，入口帶微微QQ既咬口，整體質感滑而吾爛，椰奶既香甜厚實但吾膩，食完好滿足。.泰式奶茶 +$15：係大大杯，奶香豐富同泰國街邊既奶茶味好接近，甜度偏中高但香味足，凍飲冰度夠，夏天飲特別醒神。.泰式珍多冰 +$15綠色果條帶有淡淡班蘭香，口感滑又帶少少彈性，配上椰奶同紅糖漿既厚甜，冰碎令整體好清爽，甜味係層次分明既天然糖香，係夏天解渴又有口感既選擇。.泰式肉碎炒飯（雞） $65最鐘意既係可以揀雞肉！雞肉碎份量足，混合左細碎豆角既爽脆，香葉撕碎散出清新柑橘香，蛋花均勻包裹每粒飯，鑊氣夠，米粒有微微焦邊既香脆感，整體吾油膩而且好惹味.椰皇三重奏 $45以真椰皇做造型，好上相，分三層既口感—上層係滑溜既椰奶凍，中間係較彈既椰汁凍，面層再有另一種口感同小碎脆點綴，椰香十足，入口香滑又有口感變化，當作ending好清新又滿足。…Read More

果晚老公帶我黎葵涌食晚餐～原來葵涌係佢細細個就住既地方，地頭蛇身份一出手就話要帶我去食好西！💑葵涌雖然平時吾係我會專登黎既地方，但既然有人帶路，當然要跟住去發掘心水餐廳～就係咁，我地就走左入去【楊記麻辣魚館】！.小炒牛肉飯 $80 🥩🌶️一上枱已經聞到好香既爆炒味～牛肉份量真係好多，炒得香口又嫩滑～加上青辣椒、紅辣椒、西芹、芫荽一齊爆炒，啖啖都充滿辣香同鑊氣！🌶️🥢 每口都好惹味，食到我額頭出左d小汗😆。配埋冰凍奶茶，正好中和下辣勁～完全係聚餐既完美組合。.麻辣手撕雞飯 $78 🐓❄️呢款手撕雞真係啖啖肉，仲好入味～配料超豐富，有洋蔥絲、芫荽、青瓜絲、白蘿蔔絲，爽脆清香～酸酸辣辣既涼拌汁好開胃！🥗辣得過癮但又吾會太霸道，食住涼菜又飲住凍檸檬茶，整個感覺舒服到爆～好岩夏天食。.雞翼麻辣香鍋 $80 🍗🔥呢道真係意外驚喜～用既係單骨雞翼，入口就感受到實在既麻辣勁！🌶️配料同樣吾馬虎：蓮藕、木耳、辣椒、薯仔片全部掛滿香料同辣油～每樣食材都有鑊氣同麻香，食到好過癮～最後再飲口冰凍奶茶，一邊辣一邊凍，好爽！💦…Read More

最近放工之後，想同朋友搵個地方慢慢傾下計，就諗起荃灣廣場嘅 「ufufu cafe」。呢間係源自日本佐賀既咖啡品牌，主打西日式料理，裝潢係暖暖既日式木系風，仲有開放式廚房，食野同時都可以見到師傅煮野既情景🍳，店內到處擺滿日式盆景，感覺好療癒，好有日本小鎮既味道🌿。 .🍔 醬油燒雞腿漢堡 $88一上枱已經聞到陣陣香味🤤，漢堡包面頭鬆軟，咬開仲感覺到內面煎香左，帶少少脆口。夾住既醬油燒雞腿鹹香味岩岩好，雞肉嫩滑到不得了🥰，仲配埋清新既車瓜、生菜同蕃茄，口感層次好豐富，食落非常滿足。 .🍕 番茄羅勒薄餅 $118批底厚薄岩岩好，咬落去吾會太硬又有少少煙韌口感🫶。上面舖滿厚厚既芝士，仲有拉絲效果，芝士控一定會好開心🧀！番茄既酸香加埋羅勒既清香，啖啖都好清新又吾膩口。 .🍑 山梨県白桃芭菲 $148 （期間限定✨） 呢款一定要推！山梨縣既白桃向來出名，口感細緻又多汁😋，餐廳入面用高杯裝，一上枱已經感覺好精緻好想影相📸。頂層係原隻白桃切成一塊塊，仲配埋食用花做裝飾🌸。白桃下面係一層層滑滑既cream，四周圍仲有藍莓同啫喱，咬落去既白桃清甜多汁，帶少少輕脆感，真係每一啖都好幸福💗。 …Read More