mother_christine的个人专页

第一次嚟呢間黑白得咁純粹嘅餐廳，如果唔係朋友介紹，都唔知灣仔有一間人氣爆燈嘅樓上鋪Cafe，平日去都有八成滿🫣走過長長嘅樓梯，就會到達餐廳，餐廳呈呂字形，在餐廳走過通道進入神秘嘅空間。小食其實有唔少嘅選擇，保守啲就揀咗「蜜汁焗雞中翼 」中規中矩，是一道唔錯嘅開胃菜！😝如果未食就一定會懷疑佢呢張Menu-「港式情懷」🤔啲菜名加埋好似唔係太match咁🥸「大澳蝦醬魷魚筒鮮鳳尾蝦炒意粉」未食之前就諗緊真係會match嘅咩？大澳蝦醬平時應該用嚟炒通菜，有印象都知道佢鹹鹹地，從來冇諗過嘅嘢，原來同炒意粉有幾match！「紅燒蜜汁豬腩肉片五香肉丁燴意大利飯」淨係個名都水蛇春咁長😝唔知大家有冇食過五香肉丁炒飯，五香肉丁燴意大利飯就有呢種感覺，不過個味道就冇炒飯咁鹹，反而用嚟燴飯幾有特色，又係一個估唔到咁match嘅組合！紅燒蜜汁豬腩肉片，我會形容佢好大塊，蜜汁都好香濃🥸其實兩個主食都幾飽下，二姑媽話見到「富士芝櫻祭-丸久小山園抹茶 Tiramisu 」=Lava🌋okok 明嘅明嘅，即刻安排上😏丸久小山園抹茶Tiramisu，個芝士好滑，又唔會話太膩，反而嘅欣賞佢嘅火山灰，用咗玫瑰花磨碎+威化餅碎，扮火山灰，一嚟個意境到，二來係match埋Tiramisu 一齊真係幾好食😛我就比較偏愛「MANGO POMELD SAGO」，顏色好靚，有層次，係冬天飲沙冰凍咗少少🥶✦ 蜜汁焗雞中翼 $88✦ 大澳蝦醬魷魚筒鮮鳳尾蝦炒意粉 $158✦ 紅燒蜜汁豬腩肉片五香肉丁燴意大利飯 $168✦ 富士芝櫻祭-丸久小山園抹茶 Tiramisu $118✦ VIRGIN PEACH MOJITO $68✦ MANGO POMELD SAGO $68…查看更多

‼️星期日至四有半價串燒優惠居酒屋競爭一向都好大！如果冇返咁上下實力，就唔可以喺銅鑼灣屹立咁耐😗仲要呢間舖頭有成700+個好評👍🏻坐低就同日本居酒屋一樣，即刻奉上前菜，新鮮蔬菜+味噌醬汁再加牛蒡😋「刺身盛合五款」有齊赤蝦、油甘魚、魚生、帶子、北海道海膽！無論係魚生、帶子都一樣厚切！北海道海膽太鮮甜😛略嫌有啲唔夠喉😙講到最有特色嘅串燒一定就係鹽燒「豬雜」！先講豬雜出邊都唔算好多地方可以食到，尤其是滷水就比較多😗都係第一次見鹽燒咋！大路嘅串燒，除咗雞翼、玉子燒、鹽燒鮑魚，比較特別就係分別以蘆筍蘆、紫蘇卷、芫荽卷、九條蔥包裹嘅豚肉卷！🐷估唔到呢度仲有日本三大名魚「喜之次」鍾意食魚嘅朋友，必定要嗌呢款，用咗一夜干技術，做法繁複，大大保留魚嘅鮮味，仲產生獨特的鹹香和風味！最後仲嗌埋甜品「港式雞蛋仔 」 同出邊嘅雞蛋仔其實有少少唔同，相信個粉漿都係特調，口感就比較似鬆軟既雞蛋！嚟得居酒屋點可以唔飲啤酒，$98 就可以飲足90分鐘，就算唔飲酒嘅朋友都唔緊要，仲有啲低酒量啲嘅果味汽酒👍🏻// 𝐎𝐮𝐫 𝐎𝐫𝐝𝐞𝐫 ///✦ 前菜 $32✦ 牛蒡 $38✦ 刺身盛合五款 $328✦ 原條 喜之次一夜干$268｜ ＄16＠1、＄29＠2✦ 焦糖玉子燒 ✦ 港式雞蛋仔 ｜＄22＠1、＄39＠2✦ 雞翼串｜＄30－＄38✦ 豬腰子 $30✦ 蒜芯豬肉卷 $32✦ 紫蘇豬肉卷 $32✦ 豬肝串 $32 
✦ 豬小腸 $34@1✦ 豬生腸 $34@1 ✦ 九條蔥豚肉卷 $34✦ 豬大腸串 $36@1✦ 西班牙黑豚肩肉串 $38＠1✦ 西班牙黑豚豬頸肉 $38＠1✦ 西班牙夾心肉 $38@1✦ 豬顎骨 $38@1✦ 露筍豬肉卷 $38✦ 鹽燒鮑魚 $38｜飲品✦巨峰味汽酒 $46✦巨峰梳打 $38…查看更多

朋友一直都住開北角，偶爾都會去北角地鐵站一出嘅小巷幫襯😝近排錦屏街都多咗好多生力軍，呢間開咗10年嘅串燒小店，咁多年屹立不倒，除咗天時地利人和，更少不得係實力嘅表現💪🏻酒鬼就啱晒！西班牙檸檬生啤/泰國SINGHA生啤🍻做緊買一送一‼️若然唔夠喉，仲可以揀任飲2小時～張list嘅入邊都有！估唔到舖頭細細，仲可以做到包房服務🎂同朋友慶祝生日就一流！可以任坐冇時間限制，last order仲要係25:30🥶仲會送埋500ml嘅懷舊風Cocktail🍹最新有五杯自家製嘅Cocktail，其中一款「養金魚」睇得又打得，用咗Long island做base，淺藍色嘅調色，用小玩具吊住魚桿，底層仲有「馬蹄爆爆珠」，成個魚缸feel出晒嚟🎣$10 串燒有七款，每款都要兩串起跳，7款都揀晒已經有14串，食晒呢度，再飲啲酒🍻，其實都飽咗一半😌我自己就比較鍾意「日本甜薯仔」、「多汁翠玉瓜」、「孜然韭菜」🙈「餐肉薯片」可以揀泰式辣雞醬或者蜜糖芥末醬，另外仲嗌咗佢哋嘅主打「瘋脆優墨 」用雞皮包住自家製墨魚滑，咬落去脆卜卜😝作為茜女人，大愛「臭茜醬雞腿肉」佢哋呢個臭茜醬，令到雞腿肉畫龍點睛👀個自家製醬汁實在太出色， 「臭茜牛肉卷」只係用牛肉包住芫茜，相對嚟講就冇咁特別🥸食埋個「燒蠔「四」味」，香蒜，芝士，麻辣，明太子，任君選擇！甜品嚟講，我就揀咗「脆皮焦糖燒菠蘿」🍍食到最後捧住個肚走🤰🏻｜$10·以下兩串起｜✦ 蜜汁台灣腸✦ 日本甜薯仔✦ 京蔥✦ 多汁翠玉瓜✦ 汁燒雞軟骨✦ 燒秋葵✦ 孜然韭菜｜其他｜✦ 餐肉薯片 $48✦ 瘋脆優墨 $40✦ 臭茜牛肉卷 $30@2✦ 臭茜醬雞腿肉 $36@2✦ 脆皮焦糖燒菠蘿 $38✦ 燒蠔「四」味 $108✦ 川香原條燒茄子 $48｜飲品｜✦ 養金魚 $148…查看更多

之前喺旺角食過「品曲奇」嘅曲奇餅，味道的確唔錯，近排佢哋出咗X’mas Combo Set 正好送俾朋友做聖誕禮物🎄🎁舖頭都開始佈置聖誕裝飾，香港特色嘅裝修，充滿香港情懷，為咗聖誕節仲有唔少特別嘅聖誕包裝產品，每一樣都好想買返屋企🛒🛍️「快樂果醬曲奇」酸酸甜甜，好似食緊花籃蛋糕一樣，好有舊香港嘅味道😋「開心果朱古力曲奇」貼中近期大熱嘅開心果，加埋經典嘅朱古力味道，口味冇得輸😗「杏仁酥」一啖一粒，粒粒都有唔少杏仁粒顆，足料又重秤！😝「品曲奇」由口味設計、烘焙到包裝都在自家餅房進行，真材實料和創意手藝，擁有多款星級得獎產品，🏅夏威夷果仁鳥結、🏅原味牛油蝴蝶酥、🏅鹹蛋蝴蝶酥、🏅紅棗曲奇、🏅朱古力果仁脆片。曲奇餅不含防腐劑，全部在香港人手烘焙及包裝，保證新鮮為食材提供最佳口感！😋12月底仲會喺尖沙咀金馬倫道開幕，又多個可以買到香港特色嘅手信嘅地方🎁X’mas Combo 聖誕限定版曲奇 $248@2✦ 快樂果醬曲奇 $148✦ 開心果朱古力曲奇 $148✦ 杏仁酥 $150…查看更多

近排大家紛紛提起迷你毛，不外乎由前文華甜品師主理甜品嘅大師坐鎮，甜品精緻有餘，當然味道亦都係水準之上！主力做人無我有既獨家甜品，睇嚟近排有翻紅之勢😎喺大南街還未興起Cafe嘅時候，迷你毛就慧眼識英雄，早一步進駐深水埗鴨寮街，以前覺得咁靚嘅Cafe為何會在鴨寮街營業？旁邊全部都是車仔檔/車房，當然幾年後過去，有唔少特色嘅Cafe早已扎根深水埗，深水埗已變成Cafe勝地☕️朋友笑言甜品都很吸引，要先食點鹹食打底，「明太子雞翼配七味蛋黃醬」 、「 黑松露薯條配芝士醬」 呢啲都係常見嘅小食，但是我都幾欣賞「明太子雞翼」，雞翼塞滿了明太子，加上剛炸好，第一啖咬落去已經唔小心咇晒啲汁出嚟🥸「煙三文魚·柚子玉米沙律柚子醋油」 三文魚都俾得幾大方，卷成花花形狀，柚子、沙律菜都好新鮮，唔會有苦味，玉米反而用咗斜切，仲會輕微灼燒，視覺效果加晒分！🥗🥙「火炙蟹肉·蟹膏醬·燉飯」 上枱嗰陣，仲覺得咁細碟可能會唔夠食，但絕對唔會！佢嘅蟹肉同蟹膏醬，都幾豐富，加上仲係燉飯，有一定嘅飽腹感😗「法式多士配四季桔雪葩」甜品即叫即整，保持食品品質，要等30分鐘，記得早啲落order😛雪葩酸酸地，正好平衡法式多士嘅甜膩，一啖凍一啖熱，口感好過癮！「自家製薄脆拿破崙配海鹽焦糖雪糕」 初初開業嘅時候食過，當時驚為天人，當然隨着幾年過去早已經唔記得咗佢嘅味道，今次一食返就記得😭估唔到咁多年都keep到個水準！「薄脆拿破崙」呢個拿破崙，真係非典型拿破崙，由四層薄脆組成，雪糕含爆炸糖，佢個薄脆咁多年，都仲有真係有種驚為天人嘅感覺！仲要中間嘅吉士醬，同焦糖雪糕，同樣都係用咗雲呢拿籽，落足重本做呢個甜品😋我都好希望佢繼續翻紅，好嘅餐廳係應該好好存在喺呢個世界🤪 12月就快要轉新Menu，要食就快！✦ 明太子雞翼配七味蛋黃醬 $68✦ 黑松露薯條配芝士醬 $58✦ 煙三文魚·柚子玉米沙律 柚子醋油 $88✦ 火炙蟹肉·蟹膏醬·燉飯 $138✦ 法式多士配四季桔雪葩 $90✦ 自家製薄脆拿破崙配海鹽焦糖雪糕 $92✦ 繽紛梳打 $46✦ 火龍果乳酪 $48*無加一服務費*1、3、5、7 身份證優惠或 $1加購優惠…查看更多

話說要去鰂魚涌買野，買完嘢之後就約咗二姑媽去太古坊附近食埋個晚飯，行埋街先返屋企😌一路都知道太古坊都幾多嘢食，仲有唔少小店，今次就試咗主打燉湯同秘製滷水嘅「悠悠食堂」🥣我哋兩個人就嗌咗個二人套餐，包咗兩份前菜、蔬菜、湯、主菜、主食。「花膠蟲草花滋養燉湯」花膠蟲草花湯，深度滋潤，啱晒秋冬季，滋潤身體！「羊肚菌淮山栗米雞湯」菌香四溢、鮮甜醇厚的羊肚菌淮山栗米，湯體溫潤順喉，帶著栗米清甜與山野清香，是健脾養胃的溫和滋補佳品。我主菜就揀咗「和風牛肉」拼「食研堂蒟蒻麵」，好少地方會有蒟蒻麵可以揀，蒟蒻麵低熱量、高纖維，有飽腹感，又唔會有罪惡感😌二姑媽就揀咗「滷水雞翼」拼「白飯」，呢度就主打秘製滷水汁，同埋可以揀白飯嘅size，唔夠食嘅話仲可以多飯🤤飲品，我哋就加咗1熱1凍，加$5 就可以飲到冷泡茶👍🏻甜品就食咗「奶鬆炸饅頭」，平時就一定會加煉奶，估唔到加埋肉鬆都真係幾match！二人套餐✦ 前菜｜兩份前菜＋白灼蔬菜✦ 燉湯 +$20｜花膠蟲草花滋養燉湯｜羊肚菌淮山栗米雞湯✦ 主菜｜和風牛肉｜滷水雞翼（2件）✦ 主食｜白飯｜食研堂蒟蒻麵 +$12✦ 飲品｜熱柚子蜜 +$5｜冷泡茶 +$5✦ 甜品｜奶鬆炸饅頭（2件） $28…查看更多

如果講起灣仔六國酒店，直頭係我童年回憶🙂記得以前細個屋企人會帶我去六國酒店食buffet，估唔到大個嘅我，有機會同朋友一齊去返六國酒店「Le Menu」食晚市自助餐😜適逢朋友生日，單數日子就會有「火焰雪山」、雙數日子則為「法國經典橙酒班戟」，本來好期待火焰雪山🗻🔥，不過自己就冇留意到原來去食嗰日係雙數😖緣慳一面。今期嘅主題：龍蝦、花膠、佛跳牆，我自己都幾鍾意食龍蝦，有得任食龍蝦嘅buffet我先會想去😛我朋友就鍾意花膠，始終係平時處理花膠都好複雜，自己就比較少煮🥺每人都有一張「自助晚餐 食物換領券」，今次就係換每人一盅「佛跳牆」，佛跳牆入邊有肉、鮑魚、海參等材料燉出，味道清甜！自助餐有個corner位，除咗「牛扒」、「片皮鵝」，喜歡香口嘅人士，必試「煎鴨肝多士」😜喺熱菜區，竟然有款幾特別，好少喺自助餐見到嘅菜式「芝士蘑菇焗蟹蓋」，每次出唔會好多，一拎晒就會即刻加滿，keep住有啲熱辣辣嘅感覺👍🏻呢度冇生蠔，不過就有「炸生蠔」喜歡食生蠔嘅朋友，都可以攞嚟試吓！🦪酒店招牌得獎蛋糕「朱古力蜜柑慕斯」推出迷你版！同時必試「藍芝士撻」，切開即見濃郁流心，絕對是自助餐的必食之選！🍰🧁每日都有表演時間，師傅今日就表演咗「葡式燒乳豬」、「煙燻紐西蘭牛柳」、「法國經典橙酒班戟」，處理好之後就可以喺熱食區，自由取食物😗表演時間(1)：下午6:45葡式燒乳豬表演時間（2）：下午6:45 煙燻紐西蘭牛柳表演時間(3)：下午7:15火焰雪山 (單數日子) 或法國經典橙酒班戟 (雙數日子)…查看更多

係天后用最平$98，就嘆到維港高空海景 一人火鍋🌊🍲今日我就揀咗🍄‍🟫養生野菌湯，個味道就比較濃郁，啱晒重口味人士！套餐就包咗一個5蔬菜嘅野菜拼盤🥬主食方便，除咗白飯，其他就通通都要加錢，寬粉、蟹黃麵、出前一丁、潮汕果條加$4，想食讚岐烏冬就要加$6。抵唔抵食，就見仁見智啦，勝在呢度冇限時，望住個海景食lunch都幾舒服！✦ 北海道十勝豚肉 $98/130g✦ 潮式薄切黃汕土雞 $108/130g✦ 美國安格斯牛肩胛肉 $128/130g…查看更多

呢排激烈討論元祖壽司店，又不如講吓香港元祖燒肉😆我諗香港真係冇乜學生未食過，個價錢好似十年如一日咁抵🤣自從搬離咗沙田之後，好耐都冇食過，星期六晚市最貴，不過係$238，個價錢簡直係放題界嘅良心價錢！（有一排仲好鍾意星期日特登早啲起身，去食夠三個鐘🤣）如果要同日本燒肉比，佢啲肉不值一提，但係唔知點解醃牛肉，覺得同童年嘅味道係差唔多😬冇太大分別😜（食童年回憶）晚市一向都有魚生提供，估唔到今次仲見到有兩款凍海鮮😋年紀大，都食唔到好多肉，反而去到會重點𢳂「豬腳薑蛋」😂！呢個味道真係超好食，個甜醋真係甜甜地，個汁仲有啲笠口👍🏻依家都好少地方可以食到「炸麻花」，我又係要狂夾😋仲有「炒粉絲」、「鹹蛋黃魚皮」、「年糕」、「芋頭粟米西米布甸」、「桂花椰汁糕」、「牛奶奶凍」、「蜜瓜」、「芽菜」…😂對我嚟講漢和，真係去食無謂野，燒肉真係行埋一邊😜…查看更多

今次我淨係試咗佢哋嘅「黑芝麻軟雪糕」，唔知係咪因為新開張（？）我覺得比太子分店味道濃郁，終於Get到點解大家覺得佢好食😋，同埋雪糕質地比較厚實🥸（估計太子太多人，部雪糕機應該都硬唔切😂）芝麻卷就同樣係每人限購一盒，天天13:00起開售，第一日就唔係好覺得有分到隊伍，應該大家都係同一條隊😂(終於唔使排兩個鐘食兩樣嘢，太子真係試過一次就冇下文），今次個quota就讓咗俾朋友，其他芝麻製品，下次再試🥹✦ 黑芝麻軟雪糕 $28…查看更多

呢幢時光倒流80年代嘅商業大廈，一直都知道有間好出名嘅餐廳「好時沙嗲」，平日同朋友比較少過嚟尖沙咀呢邊，一直都冇緣食到。今次朋友就提議食完飯之後過對面酒店食糖水，牽起食呢一間餐廳嘅緣份😙呢度個價錢都幾大眾化，最貴嘅粉絲煲都係$125，但係比起其他餸菜嚟講「粉絲蝦煲」感覺就相對平凡好多😣「星洲炒蘿蔔糕」我朋友未到就已經出聲要order😝佢唔似香港嗰啲煎蘿蔔糕比較乾身，呢個蘿蔔糕感覺有少少濕濕地，加埋蛋絲同醬汁，好惹味！「排骨茶」相比起以前食過嘅肉骨茶嚟講，今次嘅排骨茶藥材味就唔算好濃，同埋味道偏濃嘅食物，最好就配碗白飯😜「加多加多」覺得個名幾有趣，就問吓姐姐呢款究竟係乜嘢嚟？原來係用咗生菜底+薯仔+青瓜，同埋最緊要嘅沙嗲醬，混合而成嘅沙律🤯 我真係未食過加沙嗲既沙律，個沙嗲醬+呢個沙律認真唔錯！唔會古怪，推薦！「麻油雞」冇感覺😔唔係好鍾意啲咁杰嘅醬，同我想像嘅麻油雞有啲距離，不過可能新加坡菜就係咁樣（？✦ 星洲炒蘿蔔糕 $70✦ 排骨茶 $75✦ 加多加多 $62✦ 粉絲蝦煲 $125✦ 麻油雞 $66…查看更多

原來泰國「水門雞飯」不知不覺，已經喺香港開咗好多間，都已經好耐冇去過泰國，都真係好懷念泰國嘅食物！最掛住就係「水門雞飯」個水門雞飯醬，嫩滑嘅雞肉配上泰國風味雞飯醬，100%還原泰國風味😜估唔到用咁相宜既價錢食埋「泰式燒腩仔」😋脆卜卜嘅燒肉皮，配埋炸雞醬💯👻「泰式船粉」有幾款可以選擇，經典豬肉配料、有齊豬肉丸、扎肉、豬肉碎三個經典項目😛「芒果糯米飯」 啲芒果飯煙煙韌韌加埋甜甜嘅椰漿，正👍🏻飲品都有唔少泰國嘅經典款式，都係加$8/$12就飲到🍹✦ 水門雞飯 $56｜泰式燒腩仔（例） +$30｜龍眼水 +$8✦ 泰式船粉（豬）（豬肉丸/扎肉/肉碎） $52｜芒果冰 +$12✦ 芒果糯米飯 $58…查看更多

朝頭早真係好需要叉叉電！「Jomo hub」幾有趣，同酒吧分租，朝早做cafe☕️，夜晚就回歸本業做酒吧🍸俾佢個banner吸引左🫡 「咖啡是成年人白天的酒」，講得有幾有道理！啱啱新開，所以同主理人傾咗兩句，呢間Cafe係由一班啱啱畢業嘅學生創業，先開咗兩個星期，暫時食物種類唔算好多，主要都係bagel，鹹甜都各有選擇！我問🥯 signature究竟係邊一款，佢哋就推介咗我「蛋白質綠洲」、「紫霧迷蹤」。我就試咗其中一款「蛋白質綠洲」雞肉就係天天慢煮2小時，所以個肉質都幾嫩😆反而coffee有驚喜！呢度嘅飲品都係佢哋嘅自創款式，自己就真係唔係話特別識飲咖啡，比較喜歡一啲偏甜嘅口味。「初吻法則」 上層一層好厚嘅奶泡，奶泡比較棉密，唔會一攪就溶哂係咖啡☕️最底層用咗士多啤梨醬，攪勻先好飲，層次分明，比起用一般嘅糖水特別，最底層係酸酸甜甜，中層帶點咖啡獨特嘅香氣，而上層就係厚重嘅奶泡！商談甚歡，主理人仲請我飲咗，佢哋啱啱新整嘅飲品「Tiramisu coffee」（應該個名都係隨便改🤣） 我話個Tiramisu真係幾好食，原來呢個係佢哋自己整嘅甜品👍🏻 原來食到最尾，又溶左少少，杯啡溝埋個cream，個效果又會變咗另一樣嘢！依家啲後生仔真係好多諗法諗！😙希望佢哋要做越好啦💪🏻✦ 蛋白質綠洲 $68✦ 初吻法則Kiss & Tell $43（50%off)✦ Tiramisu coffee $??…查看更多

之前一直幫襯開中環IFC分店，估唔到而家喺旺角都開咗分店🍪 IFC 行摩登裝修，而旺角分店大搞香港元素，店舖裝潢滿滿香港特色、舊香港情懷🙊香港創立的品曲奇 ，由口味設計、烘焙到包裝都在自家餅房進行，將傳統粵調味料和獨特食材結合，例如：蝦膏、蝦米、XO醬、蔥油雞、紅棗等等食材融入食譜😝今次試左得獎 「朱古力果仁脆脆」，朱古力味唔會太甜，每個都係細細塊，一啖一塊！「快樂果醬曲奇禮盒」入邊啲曲奇餅，竟然用咗港式風味嘅果醬，除咗經典士多啤梨果醬，仲有荔枝菠蘿，我就比較推薦後者😙曲奇餅最推介就係「XO醬曲奇」，講識得黎，又好味，鹹香鹹香咁！🤣舖頭有多款星級得獎產品，夏威夷果仁鳥結糖、原味牛油蝴蝶酥、鹹蛋蝴蝶酥、紅棗曲奇、朱古力果仁脆片🍪✦ 朱古力果仁脆脆 $148✦ 快樂果醬曲奇禮盒 $148✦ XO醬曲奇 $168…查看更多

近排最鍾意嘅燒肉店「The Jeju 」終於由旺角開到港島中環！店舖主打「168小時低溫熟成罈子五花肉」，由旺角嘅兩個櫃，到中環開店增設到四個熟成五花肉櫃，可想言之佢哋嘅五花肉係幾受歡迎！連牛魔王嘅我，嚟到呢度都淨係會睇住佢哋嘅五花肉set嗌😌兩個人嚟食，叫B SET就啱啱好！見到佢嘅Menu好似有更新，「炸醬拉麵」之前就冇得揀+芝士雞蛋，未食過，今次就試吓🤨「韓式芝士蒸蛋」 上次食嘅時候又冇留意有粟米，今次就留意到啦！「芒果奇異果沙冰」、「漢拿峰百香果沙冰」、「漢拿峰梳打」，沙冰係好飲，唔會成杯都係冰水，所以order完一杯又一杯！如果計打卡嚟講，一定係濟州爺爺好睇！呢個「烤糯米糕」 外型真係唔算特別！但係可以好負責任同你講，呢個「烤糯米糕」真係好食，首先鍾意麻糬嘅一定唔可以放過😝第二，佢會煎到嗰邊脆卜卜，再好似切蛋糕咁分開幾件，煙煙韌韌仲好香脆！新Menu嚟講大推「烤糯米糕」 ‼️✦ B SET $376（2-3人）- 罈子五花肉 450g- 炸醬拉麵- 芝士雞蛋 +$20✦ 韓式芝士蒸蛋 $68✦ 烤糯米糕 $70✦ 芒果奇異果沙冰 $48✦ 漢拿峰百香果沙冰 $48✦ 漢拿峰梳打 $48+10%服務費…查看更多