雙魚女的个人专页

呢度下午茶餐至6點。5點幾去到。啱晒我。輕食下午茶餐或重手點，當埋晚餐的選擇也有。我就梗係食埋當作晚餐啦。我就食呢個 蒜蓉牛仔柳意粉$43。朋友就食沙嗲牛肉公仔麵+香脆奶油豬仔包（半個）$34。要讚呢個沙嗲湯。並沒有「水寧寧」。更要讚那脆豬。真的堅脆。杯奶茶還可以。…查看更多

朋友提議去食鐵牛。話平時人超多。經常大排長龍。難得今日經過不用排隊。梗係試下啦。朋友介紹「招牌紅燒牛肉麵」。就試試看。侍應比左Order List。自己選好就行去櫃位付款。餐點會送上。原來是「免加一」的。坐位還可以。不算迫。牛肉不是一片片，厚身是條狀的。非常軟淋淋。好味。不過如果湯再熱點。係熱到出煙嗰種，仲更正。（純粹個人喜好）…查看更多

好彩只係等咗 5分鐘就已經有位 ! 仲要係卡位 ! 開心 ! 一心要試出名的 " 膳豆師有機豆腐,豆卜蛋白湯米" (HK$27) . 可惜到我時, 豆腐已沽清. 無計 ! 鍾意豆腐的你, 呢個真係必食. 個湯充滿豆香 ! 咖啡聽聞是 "即磨" . 雖沒有濃烈咖啡香味, 但亦沒有 "'澀喉" ! ok ! 另外再試 "三寶湯通粉 " (HK$22). 足料 ! 值得一讚是....原來那多士可轉為 "麥包" . 下次曉了 ^^p.s. 食物售完即止. p.s. 慢工出細貨 ! p.s. 慢食對身體也較健康 ! …查看更多

19:30到達. 晚飯時間, 等咗15 mins. ok 啦 !一入去, 原來要係樓梯內等. 可能大部份人都係點 "鐵板". 所以都幾多油煙 ! (咪當食韓燒) 哇, 鐵板餐的份量都幾大. 我見坐後面個3位人兄 (兩男1女) 都只係叫咗兩份鐵板 share 來食首先, 羅宋餐湯幾好. 多料. 但d 肉好硬. 大部份鐵板都要差不多 $100. 份量都幾多,仲有飯或意粉 . ( 比起大 x 樂就真係可以一開二)不過如要轉 "黑椒汁" 竟要加 $3.00 (有點小家了). 要讚係 "涷飲" 不用加錢 ! 仲有佢地的雪糕 (甜品) 又真係幾好味. 有朱古力碎在內. 唔知係物牌子呢 ?…查看更多

金源地方超細. 之前試過係門口等位, 等吓等吓.......最後都改地方.今次決定先訂枱 19:00. 一行7人.首先點咗個 4人餐. HK$300 有找 .有龍蝦上湯伊麵, 魚肚栗米湯, 醋骨, 西蘭花.....另外再點咗出名的 "山東雞" ! 哇...超級好味 ! 不過首要係你唔抗拒 "蒜蓉". HK$80 半隻.又再點 "金沙豆腐". 呢間小館的豆腐真的不錯. 好滑. 不過個人認為可以再炸得乾身些會更好 !套餐內的 "醋骨" 又係超好味 ! 有濃濃的醋味 !另外再點的 "鮮魷雜菜煲" 就 OK 啦 ! 最精彩係送的甜品 ! 好味 ! 有豆腐花 (好滑) , 紅豆沙 (正常, 無特別), 南瓜露 (非常好味, 仲有少少椰果在內)食完糖水, 我地仲點咗個 "木糠布甸" 試吓 ! 原來佢地仲有好多甜品架 !!上菜都好快 ! 只係地方太細了 !! …查看更多

睇咗好多食評, 始終有機會試吓呢個雪花冰 !其實前幾日有去過. 當時叫緊3 號抽. 我係取24號抽. 哇咁咪要等成粒鐘.....所以最後放棄. 改過第日才食過 !前日七點再去. 可能呢段時間d人應該食緊飯. 仲未食甜品. 所以唔使等就馬上有位了 !如果你有去過台灣食過地度的雪花冰......咁ga 價錢, 咁ga質素, 咁ga環境.......相信食過一次就夠了 ! 根本不值得要排隊等成粒鐘囉 !今次試咗 "特濃朱古力香蕉紅豆椰果雪花冰 "味道 : ok. 可自由配搭. 夠靈活. 但不及台灣的雪花冰咁"實" 及質感 !環境 : 實在太迫. 坐得極不舒服. 服務 : 只一般而已. 當日又不忙. 送甜品來時竟然無 "匙羹". 雖然枱上有個盒放匙... 但個d係大隻d 的"湯匙". 難道你會用湯匙食雪糕嗎 ? 都無理由送餐唔送匙啦 !價錢 : ok 啦 ! 但比台北就貴了很多很多了 !…查看更多

好耐無食台灣的阿宗麵線. 見阿升麵線的賣相也不錯.故心思思試吓.首先湯底顏色不錯. 不太稀也不太濃. 但那些 "大腸" 也實在太小了......細碗 HK$14.00 大碗 HK$18.00 根本不需那麼貴成本的東西.卻要賣咁貴 !食後感覺味精幾重 ! 但可接受 !總而言....都有7-8分似台灣阿宗的 ^^…查看更多