eatwithhangryal的个人专页

最近同朋友嚟咗呢間新開嘅酒吧，係我哋都好鍾意嘅SOCiO嘅姊妹店🍸同樣地主打以亞洲地區為主題嘅Cocktail ($140 ea) 好有特色🌏🇯🇵Mannya - 用上日本嘅抹茶同紫蘇葉為主要元素，面頭係抹茶泡沫 (帶微苦)，整體比較清新～🇹🇭Thotsokan - 我哋最鍾意呢杯！用上lemongrass & coconut infused tanqueray gin，加入芒果糯米糖漿，酸甜味為主幾易入口🥭🇳🇵Himalayan Tiger - 用上 Rum做base，飲落帶烏龍香同菠蘿香，有少少似mai tai，都幾唔錯！🇵🇭Bakunawa - 店員介紹呢杯為變奏版Old Fashioned，係4杯cocktail入面酒精最濃嘅一杯，飲落帶淡淡苦味，但同時因為加入咗caramel糖又有花生醬加焦糖嘅香氣～整體cocktail幾特別！環境舒適，枱與枱之間嘅距離唔會好近，坐得都舒服～仲會不定期有live band/ DJ 駐場表演，幾啱嚟飲返杯同朋友傾下計～…查看更多

最近嚟試咗呢間近排討論度超高嘅新餐廳！原來佢哋係由人氣粵菜館鋒膳大廚主理，主打叉燒、茅台醬油雞同燒鵝🤤 🐷叉燒雙蛋飯 ($80) 叉燒肥瘦比例啱啱好，仲有燶邊，食落軟腍鬆化，真係好高質👍🏻 係我下次經過會想買返屋企加餸😋🐓茅台醬油雞 ($120/ 半隻) 一上枱已經好香酒香，雞皮食落爽彈，肉質軟滑，入口帶有淡淡豉油香～🪿燒鵝飯 ($70) 肉嫩之餘，燒鵝咬落油香濃郁但唔會覺得膩～🍲凡嗌飯類仲會送老火湯，都幾足料！整體食物好有驚喜！…查看更多

冇諗過長沙灣都有間咁正嘅西班牙菜，食物水準真係幾唔錯！🦑魷魚墨汁飯 ($258) 啲飯吸曬墨汁同海鮮湯嘅精華，飯粒軟硬適中有咬口，魷魚食落都彈牙😋🐮西班牙封門柳 ($168) 肉質粉嫩熟度剛好，配上好綿滑鷹嘴豆泥～🍄‍🟫松露蘑菇可樂餅 ($20/pc)好有驚喜！好香松露同菇香，入面係滿滿嘅蘑菇粒😋🍫Churros ($78) 新鮮炸起熱辣辣好好食🤤 朱古力濃而不膩，加埋雪糕冰火交融都好正！🍹飲品我就揀咗Sugar Daddy ($58)，飲落好似士多啤梨奶甜甜地🍓 朋友點嘅Eclipse ($58)就帶果香清新啲～店內座位唔算多，有興趣建議book定枱先～…查看更多

最近試咗呢間主打席前壽喜燒餐廳，師傅會喺客人面前烹調，一次過滿足曬視覺同味覺嘅享受😍午巿有3款套餐選擇：$390/ $580/ $850🥢今次就試咗JP Wagru Sukiyaki Set($580pp)🐮 壽喜燒採用A4宮崎和牛肉眼同西冷(各1片)及A4京都姫牛肩肉(2片)～師傅會跟據肉質肥到瘦，牛味輕到重嘅次序烹調🧑🏻‍🍳和牛油花分佈平均，宮崎肉眼係油脂最豐富，牛肉軟腍入口即融🤤宮崎西冷油脂較平均！呢2款牛師傅都建議配上蘭王蛋食用🍳牛肩肉牛味最香濃，配上無菌蛋食更嫩滑😋套餐仲包括：- 前菜：鰻魚水雲醋物、白魚蒸蛋、粟米布丁- 茶碗蒸 - 口感好滑而且蛋香味濃- 日本野菜5款：師傅會跟據每款肉配上蔬菜- 米飯、漬物、味噌湯- 雞蛋蓋飯：用上壽喜燒汁煮，雞蛋好滑- 甜品：抹茶紅豆刨冰、益力多刨冰🍧 用上日式復古刨冰機，好特別！以呢個價錢可以食到咁高質嘅和牛，餐廳環境又舒適，性價真係幾高！間唔中要獎勵自己食餐好嘅🤤…查看更多

最近同屋企人慶生就揀咗呢間鐵板燒餐廳，不論係食物、環境定服務都好有水準，性價比仲好高👍🏻🥢午巿套餐 ($398pp) 有成10道菜，非常豐富，一路望住師傅處理烹調食材，一路品嚐美食嘅過程真係好正😆 我最鍾意北寄貝，用上昆布湯底原殼上菜，口感爽滑彈牙食落好鮮甜😋 帆立貝肉質肥厚多汁，口感軟嫩，仲加上三文魚籽🤤 銀鱈魚肉質嫩滑魚油豐富！🐮牛肉薄燒包住鹽漬昆布同牛蒡，非常特別～🐷黑豚肉油脂香濃不膩！連個炒飯都好食，仲加上日本蘭王蛋，蛋香好濃郁🍳Selected Course Menu: - 沙律及蒸蛋- 海鮮4選2：銀鱈魚 / 北寄貝/ 帆立貝/ 比目魚- 肉類2選1：美國牛肉薄燒（2卷）或沖繩黑豚- 漬物、麵豉湯、炒飯、炒雜菜- 甜品雪糕…查看更多

呢間餐廳喺我嘅私藏名單上好耐🍢 除咗食物高質外，裝修充滿古典氛圍，坐喺吧枱仲可以睇到師傅一邊處理食材，一邊用炭火燒串燒，非常有特色～最近同朋友嚟食飯，發現餐廳今個月推出全新日本東北限定菜單🇯🇵 一次過享用山形、青森、岩手同秋田四縣嘅地道特色料理，好有心思，唔駛搭飛機都可以食到最正宗嘅日本菜🤤🦑唐揚青森魷魚餅 ($158) 炸到好酥脆，每一啖都會食到彈牙嘅魷魚同蔬菜，口感非常豐富😋🍗炭火燒岩手赤雞 ($148) 雞肉非常軟嫩juicy，仲帶有淡淡炭香，加埋蒜片同蔥食更滋味！🍉岩手盛岡冷麵 ($128) 冷麵麵質好彈牙，本身以為加入西瓜會有違和感，但點知食落又幾夾，清爽好啱夏天食🆒🥢脆炸山形胡桃味噌大葉卷 ($68) 紫蘇葉卷好香脆，入面係鹹甜嘅味噌內餡，幾特別～🐟秋田煙燻漬物芝士配自家製山椒沙甸魚苗 ($128) 沙甸魚苗鹹鮮又好香煙燻同芝士奶香🧀🍙醬油烤秋田海苔米棒 ($68) 口感軟糯，配上醬油鹹鹹甜甜～…查看更多

近排再訪咗呢間主打澳洲Style Brunch嘅Cafe🐨 佢哋嘅菜式賣相靚得嚟又有水準，真係值得喺咁熱嘅天氣都行上嚟半山🤣我哋試咗店員推介嘅新菜式Mushroom Bruschetta ($120)🍄‍🟫 紅蔥蒜香蘑菇炒到好香口，仲有香脆金菇口感好得意，啲蘑菇有一種魔力令人食唔停口🤤Crispy Gee ($145) 🐥 上次嚟已經試過佢哋嘅炸雞，今次覺得炸雞更香脆，而且炸完肉質依然juicy！配上牛油果Croffle，Croffle牛油味特別香好正🥐 值得一讚嘅係兩款菜式嘅水波蛋都煮到啱啱好，一切開係流心🍳Fairy Berry ($62)🫐一飲落去有雜莓加上yogurt嘅酸甜味，仲有雜莓籽嘅口感真材實料，整體甜度啱啱好😋Whitsunday ($65)🥥 呢杯味道就再清新啲，因為用上椰子、Tropical Fruits、香蕉同羽衣甘藍等材料，就算係smoothie 飲完都唔會覺得好滯好飽！呢度嘅裝修用上奶油色調好舒適，而且食物有水準，係我會一再回訪嘅cafe😋…查看更多

自從喺大阪食過餐好好食嘅燒肉之後，返到嚟香港都想搵好食嘅燒肉餐廳🙈 早排同朋友嚟咗呢間喺尖沙咀、主打用上日本和牛嘅餐廳，環境仲要好舒適，食完勁滿足，唔駛去日本都可以食到好高質嘅和牛燒肉🥰我哋食咗日本鹿兒島和牛12款套餐($1848/ 2位用)🥢重頭戲🐮鹿兒島和牛12道，店員將成盤牛拎過嚟嘅時候我哋即刻心心眼，和牛油花佈平均而且紋理好靚！建議先食油脂較重嘅牛先再食較深色重肉味嘅牛🐮12款牛口感同味道都有唔同，一次過可以試矖真係勁滿足，食得出係用上勁高質嘅牛肉🤤 我同朋友都最鍾意牛舌，肉質軟腍而且好juicy👅三角腹肉油脂豐富，真係入口即溶，成個口都係和牛油脂香🤤 封門柳牛味最濃郁～如果想減低油膩感亦可以用生菜包上用食🥬套餐仲有前菜海之幸魚生沙律🥗魚生份量都唔少仲好新鮮🐟季節清湯同甜品雪糕，芝麻雪糕好濃郁🍨 …查看更多

有冇人同我一樣間唔中就會有鋪「邊爐癮」🤣最近試咗呢間喺中環lkf嘅火鍋，裝修有格調得嚟環境舒適，牆上仲有描繪香港景色嘅壁畫添🏙️我哋試咗2人海鮮牛肉和豬肉火鍋套餐 ($918)，有成16種食物咁多，牛豬雞海鮮蔬菜同麵食咩都有😍 除咗牛係用上日本同南非和牛之外，其他全部都係本地食材！仲有連調味料都係用上香港老字號，真係名符其實嘅香港火鍋🇭🇰湯底我哋揀咗雙拼：香港特色黃毛雞湯同素食番茄湯😋 前者用上本地黃雞熬製8-10小時，冇落味精，飲落勁清甜🐓番茄湯入面有好多番茄粒，飲到番茄嘅天然酸甜味道，好清新🍅咁多樣嘢食入面我最鍾意日本A5和牛腰肉片同南非和牛肋眼，2款肉質都細嫩食落有奶香🐮 韭菜豬肉手工餃皮薄餡多🥟🦐🦑🐚海鮮蝦、魷魚同 北海道扇貝都好新鮮！🥬仲有有好多蔬菜，食完好似冇咁有罪惡感🤣整體嚟講食材質素好高質，而且環境好舒適，最欣賞嘅係佢哋堅持用上最新鮮嘅本地食材，配搭唔同亞洲風味嘅湯底👍🏻 因為座位有限所以有興趣記住book位啦～…查看更多

早排細朋友食飯嚟咗跑馬地，呢度嘅意粉絕對係我近期食過最高質嘅🍝😍 坐低冇耐店員就會逐一介紹意粉嘅選擇，有接近成10款意粉，仲有啲係出面完全冇見過嘅款式，真係超級特別！🍅Homemade Malloreddus Melanzana ($148) 呢款意粉質地係特別彈牙煙靭，我勁鍾意呢個口感😆 意粉醬用上新鮮番茄、茄子同burrata，蕃茄嘅酸甜加上burrata嘅奶香真係好夾😋🍝Homemade Pappardelle Bolognese ($168) 寬條麵真係勁闊，帶淡淡蛋香，上面掛滿肉醬，食落好開胃～🍞Fresh Focaccia ($40) 係勁有水準，麵包好鬆軟，配上Chive and Sour Cream，味道即刻更昇華👍🏻🧀Homemade Basque Cheesecake ($108) 口感綿密順滑，帶淡淡芝士味，好啱同朋友share🙌🏻🍹Merlot Red Grape Juice ($95) 好特別係用Merlot提子釀製而成，飲落就好似飲緊一杯好濃嘅提子汁🍇呢度嘅意粉真係好有水準，而且價錢非常合👍🏻 餐廳唔算好多座位，有興趣嘅話一定要預先訂位啊🙌🏻…查看更多

呢間多國菜餐廳以飛天豬為主題🐖 裝修同餐具都用上豬仔元素好得意，除咗有多款豬嘅菜式，呢度仲好特別有波蘭菜式，我都係第一次食😛 🐷Porchetta ($238) 係烤豬肉卷釀咗多款香料同麵包糠，豬肉Juicy而且入味，配上蘋果醬食更清新😋 但如果豬皮再脆啲就好啦～🍝Piggy Carbonara ($158) 醬汁濃厚creamy，意粉彈牙仲要好掛汁，煙肉亦煎到好香口，增添口感！🫔Croquette ($48) 外皮炸至金黃色勁香脆，入面有蘑菇碎同酸椰菜，口感豐富😋🍎🍎Homemade Apple Strudel ($98)自家製蘋果批嘅酥皮好鬆脆，包住蘋果片同堅果，帶有淡淡肉桂香，味道香甜！食物種類都幾多，而且餐廳氣氛都幾不錯，好適合同朋友嚟食飯飲返杯🍸…查看更多

大角咀真係越嚟越多小店呀！呢間韓國餐廳主打韓國鍋物🇰🇷 一場嚟到當然要試下大角咀分店限定嘅豆芽炒八爪魚牛肉鍋($398)🐙🐮 有成隻八爪魚，牛肉片、海量芽菜同年糕，份量十足，一個鍋絕對夠2-4個人share🙌🏻醬汁係韓式甜辣醬好惹味😋 店員會過嚟幫手剪開八爪魚再翻炒～牛肉食落一啲都唔韌，而且好入味！如果覺得唔夠喉，仲可以加白飯(+$15) 同芝士 (+$28)，個鍋食淨8-9成店員就幫手炒飯，仲好有心將啲飯砌成心形添🍚小食🧀炸紅薯芝士條 ($78) 芝士超級拉絲，自帶紅薯甜味🍠🍓士多啤梨牛奶沙冰 ($45) 可以揀甜度，我揀咗少甜就覺得啱啱好，飲落好香士多啤梨味唔係死甜，賣相都好靚～ 想清新啲嘅可以試下柚子梳打($45)🧊我同朋友2個食完個鍋勁飽🤰🏻 建議多啲人一齊嚟食就可以試多幾款韓國菜式🇰🇷…查看更多

最近行尖沙咀誠品發現咗呢間由土瓜環搬過嚟嘅Cafe，原來193仲要係主理人之一，知佢咩料啦😎 餐廳裝修行水泥風，以黃色灰色作為主調，坐擁180度維港景色非常寫意🌊🥢韓式烤五花腩泡菜溫泉蛋卡邦尼烏冬 ($138) 非常creamy，烏冬口感煙韌，除咗烤五花腩之外，仲有泡菜同菇做配菜，好惹味😋🍗韓式火山炸雞蓋飯 ($98) 炸雞係冇骨啖啖肉😍 每件嘅size剛好唔會難咬，份量都幾慷慨，加上沙律醬同紫菜作為調味～🥐🧇挪威Brunost芝士Croffle ($118) Croffle外脆肉軟，配上挪威Brunost芝士，係一種羊奶同牛奶混合而成嘅芝士，入面仲加咗焦糖食落甜甜地，幾特別🧀 或配上鮮製忌廉同雲呢拿雪糕食，冰火交融好正～🥒青瓜湯力咖啡 ($62)完全冇青瓜嗰浸草青味，加咗tonic有氣得嚟好refreshing！🧀挪威起司拿鐵 ($53) 就係latte帶有少少芝士香，2款咖啡都幾特別🙌🏻整體嚟講，佢哋嘅飲品食品種類都幾多，質素都幾不錯😋 重點係有個無敵大海景，喺度睇下書食下嘢真係好chill😆…查看更多

早排同朋友試咗呢間喺尖沙咀超過40年歷史嘅樓上印尼餐廳🍴餐廳環境寬敞明亮，有多款正宗特色嘅印尼菜式，而且價錢合理，幾值得一試😋🐮招牌巴東牛肉飯 ($73 lunch set) 牛肉軟腍，醬汁好香椰奶味，甜甜地而且辣度偏低，好適合送飯🍚🐷印尼惹味炒沙爹豬肉配米餅 ($102) 都係餐廳招牌菜之一，炒過嘅豬肉絲同洋蔥幾香口，而且裹上沙爹醬好惹味，配埋酥脆嘅米餅食更夾🤤🍞雙色咖央多士 ($42) 賣相幾吸睛，外脆內軟嘅多士夾住咖央斑斕醬同牛油呢個組合冇得輸🤤 我自己一個食曬4件應該都冇難度🤣🍧峇里堂街頭珍多冰冰 ($62) 椰汁冰配上椰子雪糕、珍多粉條、紅豆同大樹菠蘿，超級足料，食完即刻透心涼🆒🎋峇里・竹林 ($54) 係梳打水加入斑斕、伯爵茶、香茅、青檸，飲落先係香茅嘅香氣，後韻係伯爵茶茶香，非常清新！🫖印尼樽仔花茶 ($28) 用玻璃樽裝住好得意，飲落係帶微甜嘅花茶，幾不錯😋…查看更多

幾年前嚟過已經覺得呢度嘅炸雞好出色，最近同朋友回訪，食物水平果然一如既往高質，係我喺香港食過最好食嘅炸雞👍🏻🔝🍗炸雞係必！點！我哋叫咗炒年糕無骨炸雞配芝士醬 ($148)，炸雞好鬆脆炸漿粉好薄，雞肉肉質嫩滑juicy🤤 每件炸雞都上甜辣醬汁，點埋芝士醬勁cheesy，仲要啖啖肉好滿足🧀 細份嘅份量已經夠曬2個女仔食～🍳芝士蛋捲 ($78) 每件勁厚身，仲有好多芝士，超級拉絲😍🥢泡菜煎餅 ($98) 煎餅口感軟糯，加上酸辣泡菜有唔同口感，唔會好油膩～呢度仲有好多韓式Cocktail🍸我哋試咗柚子雞尾燒酒沙冰 ($78)同椰子青檸雞尾燒酒 ($78) ，兩杯都好清新，酒味唔濃好易入口🥥…查看更多