lingling_eatrepo's Profile

朋友約飯建議食下齋，大推話呢間佢食開好好食，就黎咗ssp chill下~最先上係飲品，朋友要咗熱嘅黑芝麻燕麥奶，有心心拉花特別warmXD 芝麻味都幾出 同埋飲到有oatmilk味，不過飲到最底仲有pek芝麻未融晒難得見到有芝麻飲品, 我都忍唔住要返杯。我要嘅係黑芝庥香蕉蛋白特飲，wow 驚喜💖 第一次飲芝麻+香蕉呢個combination，莫名地夾，通常香蕉味會好霸道，但呢度芝麻味都仲好出，blend得好好味， 黎得都推薦試！！之後到d main，菠菜青醬香草忌廉意大利粉，呢個醬調得幾creamy，有啲walnut mix落去令味道同口感變得更豐富。台式金不换醬爆茄子拌飯呢個又係撞彩叫啱咗💯茄子煮得夠晒淋同好入味，啲汁小咸但撈飯的話還可以，份量黎講一定夠晒。跟餐我哋又叫咗啲小食，香芋番薯波波個饀甜甜糯糯，新鮮炸起熱辣辣好啱冬天食🔥之後係齊嘅脆雞塊，跟個honey mustard，雖然係假肉但都好食 (證明平時快餐食開嗰隻分分鐘無肉我其實都食唔出lol另外我哋叫叫咗個泰式炸蝦, default配有個香辣甜酸醬，炸蝦造型好得意，其實有啲似腐皮卷，都好食。純素特濃朱古力蛋糕超級rich，食完直接飽晒，而且好好食。不過最尾埋單先發現原來跟餐叫個番薯波波，要醬嘅話會另外收廿蚊。。。。。。　落單嗰時店員完全無講，menu都無寫明，大家如果想叫跟餐小食嘅話小心啲😵‍💫…Read More

weekend同朋友約飯，揾到呢間幾特別嘅台式居酒屋。入去見到有$188 90分鐘任飲台灣sake/ high ball😯 有啲吸引可惜第二日仲要返工就無飲到 🙈最先有得食嘅係梅子地瓜球。新鮮炸起熱辣辣，軟軟糯糯又香甜好好食，反而梅子味唔算太出，所以怕酸嘅朋友都可以放心叫。芝士鮪魚蛋餅係我comfort zone, 普通但次次都咁好食，加芝士simply cannot go wrong💃跟住係香蒽雞絲便當，本身我以為會好似日式咁好多細細兜小菜／小食，但呢度係全部放晒上碗，有菜有粉絲有卥蛋，意外地啲菜唔係醃過好咸嗰種，係正常嘅健康菜，所以唔太重口nice 主角雞絲唔會鞋，連埋啲蒽撈飯食好正。再試下鹽燒元貝滷肉飯，呢個超級驚喜。元貝十級煙韌😍😍 調味夠吊到個鮮味出黎🤌滷肉絕對夠肥，好滿足又一定夠飽💖和牛臭豆腐真心好臭😂 勁到我覺得蓋過咗和牛，仲有個泡菜加啲酸味，幾開胃飲品方面，蜂蜜檸檬汁比較酸，加埋蜂蜜幾潤喉。鹽味抹茶梅子爽夠晒特別，梅子嘅酸味固然開胃，佢應該有啲紫蘇添，所以好清新。…Read More

最先上黎係煙三文魚牛油果沙律，配黑松露沙律汁，份量唔太多，清清哋開下胃。煙三文魚卷成花幾靚，鬆返開都幾大塊。之後就係開開心心嘅刺身船，基本都幾新鮮，半板海膽份量好多，平時唔食嘅可以認證呢度鮮甜又唔腥，有紫菜可以夾住食。三文魚厚切好香好肥美，池魚相較之下比較薄切，甜蝦幾漿口清甜。 海膽A5和牛西冷壽司上枱嗰下哇咗聲🤯 賣相好震撼，明明得嗰兩舊壽司超級佔地方😂 和牛啲油脂香到不得了，不過其實蓋過咗海膽嘅味，我食唔出。不過咬到最後都幾濟，最尾幾啖我加咗啲wasabi入口 同食咗塊紫蘇葉調劑下 特盛吞拿魚四味壽司作為刺身類嘅收尾幾好，魚子喺口中爆開嗰下好鮮 💕網燒澳洲西冷我哋叫咗三成熟，上到黎大概五成左右，都ok。佢有跟個應該係gravy sauce，不過本身都有落鹽同黑椒調味👍 所以我反而覺得唔點醬更好食。 醬油日本三元豚肉煮相較之後比較一般，豚肉略嫌乾少少，不過隻蛋夠流心，大根都索夠汁煮得好淋又嫩。 有配黃色芥辣，出奇地夾，可以一試大虎蝦天婦羅賣相好啱打卡XD 放咗個孔雀開屏咁嘅東東黎做background好靚 炸得夠脆但調味好似無乜，全靠個天婦羅汁先有啲味。 原條鰻魚玉子飯好食，佢個飯有落味素，有紫菜又有芝麻好香口💖 玉子厚身又夠甜，鰻魚超大條，食到最尾其實已經好飽了，好彩朋友給力先食得晒飲品方面，要大讚個牛油果奶昔，好感動佢真係奶昔，唔係冰沙，仲要係無冰嗰隻好綿滑🥹 富士山乳酸梳打個syrup略嫌有少少假，但個梳打base係真清爽，都ok。 最後甜品比較特別，有個炭燒咖啡嘅Affogato，好神奇佢係俾抹茶雪糕，唔係牛奶雪糕。不過撈埋食落，咖啡無咁苦，雪糕又無咁甜，中和咗好味～…Read More

呢日地膽帶路去食好嘢, 話有間茶記啲炒粉麵飯好高質，好食又大份。去到個menu超多嘢揀，我都選擇困難咗好耐🥹 最尾跟咗佢嗰三個推薦黎嗌，另外加個炒公仔麵。點知行到出去counter又見到再多啲選擇 😂 嗰幾個滑蛋飯超吸引，但最尾都係決定試返本身揀嗰啲先 🙈送例湯，節瓜湯好好飲，唔會飲完口渴，MSG唔會太重手👍瑤柱蛋白炒飯，份量好多，調味夠 好香又炒得夠乾身，瑤柱份量好大方，我有啖咬到舊無mit好散嘅瑤柱，香到爆炸 🥰 我哋叫咗四碟main, 呢個係唯一有新鮮菜嘅 😂香煎肉餅飯，本身睇名覺得無咩特別，地膽十級強調必須嗌就try try。離遠見staff拎住仲以為咁大塊漢堡扒，行近先知原來係我哋嘅肉餅 🤯🤯 厚到呢，同我認知中嘅肉餅完全唔一樣，煎到勁香口但唔會乾🥹 好juicy 應該有落粟米同馬蹄，口感夠又少少甜吊下味，唔試走寶 🤌椒鹽豬排飯呢度啲有啲蒜濕濕哋，呢日豬排乾咗啲，如果肥返少少仲正。牛扒炒公仔麵，呢個都係encore，好似話之前食嗰次好食啲，今次爭緊啲鑊氣。牛扒唔會太細舊，唔un 好軟熟又有牛味肉餅同豬排飯都有俾菜甫，少少辣 我平時唔食得辣嘅都接受到，送飯食好惹味😍…Read More

呢日同朋友約飯，求其揾咗間cafe，慘得過唔貴又有驚喜😍Dinner set default有跟湯同蒜蓉包，我哋嗰晚嘅忌廉湯係甘荀忌廉湯，本身都驚甘荀入湯會唔會好怪，但又幾順口幾好飲，分分鐘好味過就咁食甘荀😂帶子蠔汁意大利飯有三隻帶子, 都好大隻, 我本身麻麻哋食蠔嘅, 但呢個蠔汁幾好食, 本身我哋仲估係咪蠔油味🤣 end up 當然唔係, 有啲難形容但都幾鮮, 好彩有試🤌 而且有落少parmesan cheese，味道柔和啲同香好多🤤大啡菇拼牛柳，揀咗黑椒汁同跟薯菜，朋友怕生所以我哋折衷叫咗五成熟。上到黎OK牛柳好厚身，切開有啲血水，牛味幾濃，切開細舊食都夠淋咬得開，落埋黑椒汁好惹味💖大啡菇超juicy~呢個質素, 埋單都係每人百三有找，算幾扺，實會返黎encore💃 …Read More

收工約咗觀塘做嘢嘅朋友，佢帶路去食呢間比較近牛頭角嘅火鍋店，無咁多人又唔貴，人均 $288好多嘢食，超豐富。一坐低有五款小食可以即上醫下肚，炸雞最好食，要試！🤌 之後會上刺身，有三款：三文魚、北寄貝和蝦，份量唔多但都幾新鮮，北寄貝幾爽口✨跟住可以揀食酸菜魚／雞煲，我哋嗌咗酸菜魚。啲酸菜好濃味，魚片夠滑又無骨，仲有少少薯粉，用黎開胃啱晒🤤打邊爐湯底我們揀咗豬骨濃湯，上枱真係有成大舊豬骨，湯底都夠味又唔會太熱氣。Default有個海鮮拼盤 5款海鮮，我哋嗰晚有鮮蝦、大蛽、半殼元貝、脆肉鲩同白鱔片。火鍋食材貴精不貴多，有3款牛、有豬有羊，有牛丸、響鈴etc。我哋試咗牛頸脊同安格斯牛板腱後, 覺得牛頸脊偏肥，所以encore 淨係叫返牛板腱同豬。牛丸如果無估錯應該係振興，安定嘅好食💃食完最尾先知原來仲有甜品　有芒果同開心果雪糕，仲可以配唔同味嘅爆珠，好圓滿又豐富嘅一餐🥰 …Read More

呢幾日轉季，見到鋪頭名頓覺吸引，係我好鍾意但香港無嘅秋意呀🥹第一次黎食，叫咗招牌嘅去骨豉油雞，本身都驚會咸，但應該落老抽為主，個豉油汁好深色但唔算好咸 反而有少少甜。隻雞熟度啱啱好，無血但啲肉超滑又入味🤌 好欣賞呢度嘅食雞態度：做雞唔食皮，不如唔好食，舉手舉腳讚成🤣 雞皮有少少肥，但咬咗佢還好 雞可以揀配白飯/濃雞湯麪，我本身怕熱想叫飯，但見咁多人叫麪又覺得有信心。上到黎飲啖湯，真係好得喎💖　准山麵好索湯，就咁食麪都有好香嘅雞湯味，個湯無中藥味嗰種苦甘味，會怕嘅人都可以放心叫。 下次再黎會想試瑤柱貴妃雞，清少少配個飯　試埋隻溏心蛋。期待再黎encore🤤…Read More

最近去咗間打卡cafe慶生，味道ok嘅但性價比低，個人感覺唔值得呢個價。為咗均衡飲食返少少，我哋starter叫咗個雞胸牛油果salad，好食的，醬唔會過多，雞肉有調味+夠嫩之後先上開心果青醬甜蝦意大利粉，呢個好食，開心果味幾出，mascarpone cheese令成個味道好柔和，甜蝦比較漿口，我略嫌有啲腥，感覺唔夠新鮮要mix埋意粉食先ok，不過唔係壽司店好似無得要求咁多。薯蓉好正，一放入口就係牛油味，但呢個其實技巧唔高，咁啱朋友想食所以先叫，性價比低。之後係甘鯛立鱗燒，賣相吸引嘅，但比想像中細舊，配上牛油粟米醬和金沙蜜糖豆，都幾好食。last是黑啤煨羊膝。本身我哋想叫嘅係另一個羊嘅dish，但staff話轉咗另一個dish，過黎口頭問我哋o唔ok，無講價錢，我哋都無特別問，感覺有啲取巧... 煨菜同本身想像中好精緻嘅羊鞍卷，所花嘅時間有啲大。羊膝肉質中等，未至於好鞋但都唔太嫩，但小茴香嘅味道太濃了，羊膝本身個羊味都唔重，可能原意係想蓋過羊嗰種羶味。但我食羊本身就係為咗想食到羶味，所以有啲失望。簡單講就係間打卡店，廁所第一眼望整到好靚咁，洗手位有啲花花飄喺上面，但見佢長期有水，唔見有排水位，細思極恐覺得好唔衛生...... 如果係想食好西嘅話唔建議黎，無第二次。…Read More

這家餐廳的炙烤八爪魚有驚喜，好厚肉好肥美，配埋黑毛豬柳串，肉質鮮美，散發住微微炭香嘅豬油，好邪惡但小食多滋味，耐唔耐食下唔過份XD 豬柳都醃得好夠味，整體都幾濃味，送酒一流。番茄湯夠濃而且好滑，唔會太酸，個味都幾自然 似返係新鮮番茄嘅味，唔會淨係成陣茄膏味嘅feel。薯絲馬介休，新鮮炸起整得好脆好香口，咬嗰下可以feel到有馬介休嘅鮮味，同薯絲非常之咁夾。而且個擺盤整得好靚，覺得dry又可以點醬食，味道同食感都有d變化，比較特別。…Read More

呢日朋友又帶我去揾食，葡國菜真係特別豐富，次次都食到捧住個肚走。 先上咗個酥皮蘑菇湯，平時好少叫酥皮，太多牛油好邪惡，今次久違食下。個湯本身都好濃好creamy，浸埋個酥皮落去香到爆。 跟住係葡式雜錦海鮮扁麵，啲海鮮好新鮮，啲汁收得比較乾身，令linguine食落清爽d，唔會太濟。 Last but not least係葡式里脊牛扒配太陽蛋，牛扒煎得啱啱好，唔會好鞋又有牛味，太陽蛋個蛋黃太可愛，一唔小心就會穿咁，望住staff上菜個心都離一離，好驚個蛋未到目的地就穿XD…Read More

呢日去油麻地戲院中心睇戲，附近揾到呢間平平哋超就腳嘅日本嘢，就入去食個quick dinner。Menu都幾多選擇，日本嘢黎講價錢算唔貴。 上枱後明咗點解，份量好少，menu啲相全部係照騙。 我叫咗照燒雞扒鳥冬，menu相show到用砧板上枱，雞扒份量超多咁。實際上到黎得一個小圓碟仔，女仔食都ok geh，男仔應該唔夠。雞扒本身都ok geh，唔鞋，全靠個醬都夠甜，香港地叫做對得住個價錢。反而烏冬個湯幾ok，都係好味嘅MSG。另外個滑蛋雞扒丼，唔知點解係用碟上。（黑人問號）從來丼飯都係用碗上。但anyway，講返雞扒個味道都係還可以，蛋就有相得睇，好安全嘅全熟蛋皮，不過好薄，份量最多就係飯，都ok geh。飲品凍飲個份量唔係茶記嗰種大杯好多，同普通熱飲個size差唔多，加兩蚊都覺得貴咗，去返茶記加夠三蚊有大大杯慢慢飲仲好。…Read More

澳門遊另一餐揾咗呢間唐吉柯德餐廳，網上聽人介紹話係澳門依家唯一一間同時食到正宗西班牙菜同地道葡葡牙菜的餐廳，好方便🤤最先飲咗個湯暖一暖胃先，青菜湯好清新，加埋有啲淡淡哋嘅香料味，幾特別。炸沙丁魚炸得好透，新鮮炸起好香口，淋埋檸檬汁後超好食。葡式海鮮飯係呢度招牌，啲飯索晒海鮮嘅鮮味，海鮮份量都幾多，加埋個汁幫到提鮮，啲汁都俾唔少，撈飯食幾好食。西班牙炸辣椒，呢個我怕辣唔敢食，朋友話都幾特別，少少辣咁。…Read More

今晚同班friend去咗間葡國餐廳，諗住試下佢哋嘅招牌菜。首先嗌咗個綜合小食拼盤，一上枱已經好香，樣樣都炸得金黃香脆，仲熱辣辣新鮮炸起🤤跟住係葡式炒牛肉粒，牛肉粒咬落去好juicy，醬汁濃得嚟唔會太膩，有麵包伴碟可以點埋啲醬，無食飯咁heavy主菜葡式烤乳豬，個皮脆到不得了，肉質嫩滑，香口得嚟唔會太油，調味啱啱好最後經典西式海鮮燉飯都好正，大蝦、青口、魷魚樣樣齊，飯粒吸晒海鮮嘅味，味道鮮甜整體嚟講，每樣菜都做得幾地道，價錢算合理，下次會再嚟encore！…Read More

最近成日都黎呢個商場揾食。今次試呢間日本嘢又係好高質，lunch有七折。坐低staff會送上濕毛巾同熱茶，毛巾超級香🥹 我幾乎想問佢哋用咩柔順劑🫠 茶杯都有特登加個隔熱，好貼心前菜係海膽魷魚，食落滑嫩有咬口，但調味稍咸。元貝蒸蛋調味就好perfect，蒸蛋細膩滑順，加上鮮甜嘅元貝吊味，表面仲有啲四季豆籽，視覺效果清新得黎精緻。之後係三款刺身，第一種係間白魚，師傅建議第一片點柚子蔥酸汁；第二片以紫蘇、wasabi、豉油調味。個人偏好第一隻汁多啲，酸酸哋開胃之餘襯得隻魚好甜。 秋刀魚正值season，佢獨有嘅魚味同薑蔥豉油好夾。北寄貝好爽口，加咗青檸絲double清爽。十勝A4和牛大根煮，牛板腱咬落去感覺每啖都係滿滿嘅膠原蛋白，大根好甜又嫩，啲湯係精華 我幾乎飲晒。天婦羅方面，北海道仙鳳趾的蠔大大隻肉質鮮甜，沾上咖哩鹽後更加惹味蘆筍天婦羅就保持了原有的清脆感，清清哋reset下味蕾。 最後係份量剛好嘅鵝肝飯，香到不得了又唔會太多食到濟。最後甜品有咖啡雪糕，雪到好冰凍，可以慢慢食。…Read More

行完荃灣donki, 朋友帶路話去食間超高cp值嘅壽司。餐廳門口好日式，擋住外面嘅目光令食客好有私隱，入邊環境有種雅緻的氛圍，不自覺講嘢都輕聲啲。 小食我哋叫咗兩樣，一凍一暖 先上磯煮鮑魚做前菜，師傅刀功唔話得，夾落去先發現切開咗一片片，鮑魚入味又彈牙，好適合用黎喚醒味蕾準備食好嘢 🤤重頭戲我哋叫咗11貫omakase刺身，二百幾蚊咁高質一定有下次🥹最先是膠原鯛，魚脂分佈得宜，師傅話呢隻魚骨膠原含量係普通魚嘅三倍🤩之後三文魚腩通常運轉，三文魚安定嘅好食。油甘魚腩搭配柚子胡椒芥辣，微辣嘅柚子胡椒中和得啱啱好，令魚腩食落一啲油膩感都無。 魷魚配上紫蘇葉絲，煙韌得黎帶啲清爽特別嘅紫蘇味，點少少豉油一流。 帆立貝則係配上了獨特的紫菜醬，紫菜味好濃，配埋清甜厚肉嘅帆立貝好"海嘅味道"。 甜蝦好甜好新鮮，一望就覺漲卜卜好挺身。 銀鱈魚都相當出色，搭配嘅金山寺麵豉非常香濃又唔會太咸，比較温和嘅味道唔會蓋過魚生本身。 秋刀魚刺身我第一次食，唔腥，有種佢獨有嘅魚味，油份應該都唔低但同三文魚嗰種一大舊魚油嘅感覺完全唔同。 三文魚子唔駛講，大大粒好飽滿 豉油都唔點直接送入口，鮮味無得輸。 中拖羅就襯洋蔥醬，比平時食開嘅多咗層次感。 左口魚係用手卷(?)嘅方式上，一大塊燒香咗嘅　左(超) 口(香) 魚(魚) 邊(油)，比起壽司食多幾啖，延長咗享受嘅體驗。 吞拿魚腩卷係個好嘅收尾 最尾再飲返個麪豉湯暖下胃。 茶碗蒸熱辣辣上枱，蛋羹好滑而且調味唔過火，面頭有鮮美嘅三文魚子同蟹肉點綴，清淡之餘更襯托出海裡嘅鮮味。 主食的汁燒銀鱈魚有兩大塊，呢個份量唔話得，銀鱈魚油脂香甜，只有幾條大骨，魚皮煎得金黃酥脆，點埋蛋黃醬，簡直殺死人。…Read More