VicRice的个人专页

行過經過呢間就入去試吓竟然有驚喜喎，我覺得佢係澳門特色葡國菜！店員都好熱情，介紹咗好多嘅個人認為必試有：1. *炒蜆*—蜆肉鮮嫩多汁，配蒜蓉炒香，鹹鮮帶提味，好開胃！🧄 2. *濕海鮮*—用濃郁醬汁煮，海鮮鮮味十足，入口細滑，好正！🐟 3. *乳豬*—皮脆肉嫩，香味四溢，唔會太膩，係經典必試！🐖呢啲菜式集鮮味同口感於一身，好有葡國風味，嚟澳門一定要試試！😋 一定係澳門嘅特色香港或者其他地方都少，一定係澳門嘅特色，所以建議大家都試吓啦！…查看更多

金巴利道呢度啲餐廳多到應該食一世都食唔完。但係今時今日競爭真係好大汰弱留強嘅現象，尤其突顯。有D餐廳真係好爆，有好多都係拍烏蠅。呢間韓國嘢就係好爆嘅其中一間。由鋪面到入面都散發一浸韓味，侍應廚房都傳來韓國話。鋪面唔係好大，menu亦都好簡單，全部都係地道韓式菜。餐牌選擇唔多，就係咁樣可以專注做好佢擅長嘅嘢。韓牛肉餃子鍋。牛肉有質素喜出望外，牛肉味濃 脂肪甘香 冇筋位。呢一個價位係咁嘅location食到啲咁嘅質素嘅牛應該係超值。牛肉餃子一樣出色，餡料飽滿，皮唔算好薄 但係食到一浸麵粉味。附上大量菇菜，一個鍋都足夠二人份量。遲啲秋涼必選之菜。#香港韓國餐廳 #尖沙咀美食 #尖沙咀好去處 #香港韓餐#韓式料理 #SsalBoriSsal…查看更多

係今時今日昏暗混亂嘅社會，可以有一個清靜純潔平和嘅地方杯咖啡，最重要嘅就係有善良可愛嘅貓星人陪伴。仲有好多貓星人一齊陪住。呢度環境真係好好，好靜好寧靜，地方好乾淨，簡樸嘅裝修充滿溫暖嘅自然光。客人都好規矩，大家都好靜。呢度有20幾個貓星人實有幾個同你八字相親，摸住佢哋真係世間煩惱一掃而空。呢度真係好適合拍拖傾偈八卦創作沉澱….. let your soul be free.雖然知一間貓Cafe，但係佢哋嘅cheese cake coffee水果茶一啲都唔Hea 。cheese cake 雖然冇文華東方萬萬聲嘅水平，但係一定唔會差過坊間任何一間連鎖店嘅cheese cake。就算free coffee 都係即磨即打，飲2杯已經歸本。…查看更多

美麗華呢一區執咗好多餐廳，汰弱留強，留得低嘅都係強者。摩登泰菜由總監周世韜師傅主理，以中式烹調手法重新演繹泰國菜，餐廳佔地7,000呎，設有室內梳化雅座同戶外雅座，裝潢以象牙白為主調，配以熱帶植物同藝術品，營造出清新雅緻、遠離塵囂嘅用餐氛圍。泰式小食薈萃選擇多，香茅雞翼外脆內嫩，蝦多士彈牙，紅磚豆腐大推，炭燒豬頸肉香口。炭燒沙嗲牛串肉質嫩滑，沙嗲醬花生味濃，配搭一流。泰式椰香鮮雞湯椰香突出，雞肉嫩滑，湯底順滑唔膩。酒香火焰骨肉質鬆化，醬汁酸辣開胃，唔會太辣。泰胡椒和牛炒糯米河牛肉多且嫩，河粉煙韌，鑊氣足。黑糖椰子雪糕冰凍香甜，配料豐富，層次感強。Painting及雪糕紅豆珍多冰色彩繽紛，味道清新，打卡靚又消暑。整體味道有驚喜，擺盤靚，氣氛舒服，適合聚餐！😋…查看更多

呢間嘢長期都好旺，下午茶時段都有七八成滿，晚飯時間更加唔使講。汰弱留強嘅洪潮下，依然咁多街坊幫襯，一定有原因。no second chance for first impression。一入到乾淨企理枱凳四平八穩，醒神嘅員工制服。一間正常餐廳本應有嘅嘢，我嘅要求其實好卑微。燉湯兩盅好滋補暖胃。海南雞係必點！半隻份量都唔少，嫩滑、雞味濃郁，配上特製醬汁就更完美啦。XO醬海中蝦西蘭花 味道好豐富，蝦肉彈牙，西蘭花爽脆，惹味得嚟又健康！上海香菇浸白菜 聽落好清淡，但香菇嘅鮮味同白菜嘅清甜互相輝映，用上湯浸煮，食落夠晒舒服同健康。冬T 、啡 傳統嘅港式咖啡，味道應該濃郁香醇，係飯後提神嘅好選擇。奶文西多 煉奶西多 經典甜品！外層香脆、內裡鬆軟，配上煉奶同牛油，甜而不膩，作為壓軸甜品真係冇得輸！😋總括嚟講，呢餐飯有肉有菜有飯有湯有甜品有飲品，份量都幾足，好有港式冰室風味，而且選擇都幾多元化，應該食得好滿足！…查看更多

小暑 未到已經咁鬼熱，見到呢間 金西南 光猛嘅門面，清雅嘅裝修，木紋米白色主調，仲有涼拌米線。入去試吓。一定要試吓佢哋嘅炸皮蛋豆卜，都幾搞嘢，好似啲 鬼馬乜乜 咁。手搓糖心皮蛋 塞入粒豆卜裏便，心機手工嘢。佢哋嘅加送好抵。我加咗滷水大腸$9，好多件。if過隔離企街嘅龍津$9一定買唔到咁嘅份量。金牌腩肉，果然名不虛傳。甘香嘅肥膏黐住圓滑嘅腩肉。藤椒魚皮 好出色。魚皮夠厚 好爽口 又彈牙。唔係好辣，但係好香口。哥哥仔好好相與，見我哋坐喺窗邊位置食到滿頭大汗，私伙扇出埋，主動咁重新安排我哋坐喺舖頭入邊冷氣勁啲嘅位置。…查看更多

呢間嘢長期都好旺，下午茶時段都有七八成滿，晚飯時間更加唔使講。汰弱留強嘅洪潮下，依然咁多街坊幫襯，一定有原因。no second chance for first impression。乾淨企理枱凳四平八穩，醒神員工制服。正常餐廳應有嘅嘢，我要求其實好卑微。燉湯，感覺好滋補暖胃海南雞 係必點！半隻份量都唔少，嫩滑、味濃郁，配上特製醬汁完美啦。XO醬海中蝦西蘭花 味道豐富，蝦肉彈牙，西蘭花爽脆，惹味得嚟又健康！上海香菇浸白菜 聽落好清淡，但香菇嘅鮮味同白菜嘅清甜互相輝映，用上湯浸煮，食落夠晒舒服同健康。凍啡 濃郁香醇，係飯後提神嘅好選擇。煉奶西多 港式冰室嘅經典甜品！外層香脆、內裡鬆軟，配上煉奶同牛油，甜而不膩，作為壓軸甜品真係冇得輸！😋…查看更多

15年前釜山大學生Robin Kim創立，香港係佢海外第一站，10年來都好受歡迎🍗。裝潢以韓大居酒屋風格，氣氛浪漫，適合朋友或情侶聚餐。全部由韓國人主理，味道正宗！佢哋嘅炸醬麵 짜장면 用春醬（黑豆醬），偏甜、顏色超黑，會加焦糖、豬肉、洋蔥等一齊炒，再勾芡，醬比較滑、濃稠。一定要試吓。韓式燉牛小排餐超滋味，牛小排燉得軟腍入味，燒汁香濃帶微甜，配埋泡菜同菇超正！份量十足。燒豬頸肉。入味爽口肥瘦均勻追住嚟食唔停得口。田中大少少辣嘅燒汁，真係好開胃。海鮮燒餅，粒粒海鮮都好新鮮。煎得金黃香脆。呢度仲有好多嘢玩。給你未來的一封信、抽獎、愛情鎖、熱感紙嘅即影即有（好有feel）。…查看更多

6月中嘅長沙灣，天氣又焗又熱，落過幾陣雨，行去蘇山雞飯嗰陣都覺得成身黐笠笠，好想搵個地方坐低嘆返餐涼快嘅。入到去，餐廳裝修走懷舊南洋風，黑白地磚、木枱木椅，牆上仲有啲新加坡小畫，燈光夠光猛，坐位都算闊落，感覺好舒服，啱晒三五知己慢慢嘆。今次叫咗招牌海南雞飯，雞肉滑溜無骨，雞皮色澤深金黃，唔使點醬都已經夠味，配埋三款醬汁（薑蓉、甜醬油、辣醬）任你揀。油飯粒粒分明又香口，唔油膩。仲有一碗冬瓜雞雜湯，湯底清甜，雞雜份量唔少，真係有誠意。成餐食物分量足，味道有驚喜，價錢都合理，難怪日日都咁多人排隊。特別要強力推介係佢哋嘅 鮮油咖央多。鮮油甘香、牛油嘅溫度同埋狀態啱啱好。…查看更多

「Sepoy」指英殖時期印度軍隊嘅本地士兵，而「Mess」就係軍隊食堂。seeing is only half, knowing is the other.歷史典故，主打印度菜式，帶住濃濃嘅英印殖民地時代懷舊感覺。呢幾道菜融合咗印度同西式風味，Arancini Tikka Chaat外脆內香，帶點微辣，好有層次感。Masala Garden Salad清新爽口，配搭香料夠開胃；Chicken Tikka Masala雞肉嫩滑，醬汁香濃惹味。Truffle Ricotta Cheese Naan同Garlic Coriander Naan都好香，前者帶芝士香滑，後者蒜香濃郁，配咖喱一流。最後Sticky Toffee Pudding甜而不膩，完美收尾！…查看更多

近排荃灣開返多幾間唔同款式嘅餐廳。有豉油王西餐、丼飯….. 依間一橋拉麵就喺荃新天地，即係M&S、5GUYS 嗰個商場。G/F對住內園，門面裝修都好醒神。座位唔係好多，全部都係吧枱對住開放式廚房。鋪面乾淨企理，廚房井井有條。見到一個大師傅帶住幾個後生仔，全部都有板有眼。街坊拉麵，唔複雜。上好嘅湯底，穩定嘅拉麵供應商，加三兩個撚手小食，咁就搞掂。辛辣乾撈麵，溫柔得來辣得好過癮，都真係幾辣。加果醋、香油，呢啲天氣去濕就最啱。配料亦都好豐盛。有溫泉蛋日式叉燒。海佬濃湯叉燒麵，湯底濃郁嘅海鮮蝦嘅鮮味。濃濃咁掛喺麵上。淡淡香濃。香滑牛頰肉，炆得好腍好入味，牛肉味亦都濃，肥瘦均勻。推介。中華燒賣Combo ，三個口味都唔錯。所有嘅嘢都滿意。會繼續幫襯。…查看更多

呢間冰室生意勁旺，無論咩時候去都坐滿人，出品有保證。門口大大個餐牌，套餐選擇一目了然，等位時已經可以諗定食咩，坐低即刻落單，慳返啲時間，效率高到爆。每枱快咗一分鐘，日積月累就多做幾十張單，老闆都笑晒。B餐鹹蛋肉餅煲仔蒸飯，肉餅厚身多汁，鹹蛋鹹香滲入飯粒，熱辣辣一上枱，趕時間食個飯都滿足。D餐焗馬來薯仔咖喱雞扒意粉，雞扒超厚超大塊，外脆內嫩，薯仔炸香再撈咖喱汁焗，香辣惹味，意粉吸晒咖喱精華，啖啖都好滋味。中式例湯用西洋菜、無花果、陳皮熬足火候，冇味精，飲落有媽媽嘅味道。西式羅宋湯同樣足料，酸甜開胃。招牌辣椒炒肉，明火快炒，辣得過癮，送飯一流。成間冰室氣氛懷舊，食物有心機，難怪日日都咁旺！😋…查看更多

泰Cool位於九龍灣淘大商場，是一間人氣泰式餐廳，主打地道泰國風味，深受食客喜愛。店內環境舒適，裝潢充滿東南亞風情，令人彷彿置身泰國街頭。首先試試 *火車頭河粉* ，湯底濃郁而帶有香料的層次感，牛肉片嫩滑入味，配上彈牙的河粉，每一口都充滿泰式風味。接下來， *泰式咕嚕魚* 外酥內嫩，甜酸醬汁恰到好處，刺激味蕾卻不會過於膩口。至於 *海南雞* ，雞肉嫩滑，飯粒鬆軟飽滿，配上香濃的雞油飯和醬料，令人回味無窮。*雜菜惹菌炒金邊粉* 是一道均衡又惹味的選擇，金邊粉吸收醬汁精華，滑而不膩，配上多款鮮嫩蔬菜和惹味菇菌，口感豐富。 *豬頸肉沙律* 則帶有酸辣清爽感，豬頸肉燒得香口不乾柴，與泰式沙律的辛香完美搭配。最後以 *芒果糯米飯* 作結，芒果香甜多汁，配上椰香濃郁的糯米飯，為整餐劃上完美句號。泰Cool的菜式味道地道，食材新鮮，服務貼心，是一個讓人回味的泰式餐飲體驗。如果你想一嚐正宗泰國風味，絕對值得一試！🍛🇹🇭…查看更多

夏日將至，今日決定食啲清淡啲嘅。但係去到銅鑼灣 百德新街呢啲美食天堂，點可以待薄自己？行過街口見到呢間係轉角位嘅日本居酒屋。簡潔嘅裝修，街角兩邊大窗，對住油站個位，心諗坐喺裏面望住個街景，慢慢食過魚生飯都應該幾chill。秉承日本簡約實用嘅裝修，雖然鋪面唔係好大，但係啲位就坐得好舒服。Set Lunch 嘅選擇好闊，由簡單嘅 滑蛋豬扒飯，到 馬糞海膽丼 有成16款。呢度嘅前菜係無限添加嘅 椰菜絲沙律，一定要睇嘅係佢哋嘅芝麻沙律醬，好啱我口味。我添咗3次。友人 叫咗 馬糞海膽吞拿魚蓉丼。甘香嘅海膽好新鮮。吞拿魚嘅肉打得晶瑩飽滿。睇佢食得好滋味。我就叫咗個三色刺身丼，吞拿、油甘、3文 正常新鮮。佢哋嘅茶碗蒸蛋都做得好出色。其實呢啲lunch 無論係材料服務都好簡單，唔會做到飛上天咁。新鮮嘅食材、安心嘅材料來源、乾淨企理嘅地方、寧靜嘅環境、只有用唔用細語嘅食客，當然唔少得四平百穩嘅枱凳。就係咁樣，滿足嘅午餐。…查看更多

曾經獲得2023-24香港米芝蓮指南。巡五一人山人海之前，過嚟東涌行吓街。特登上去food court試吓呢間嘢。走懷舊台式街頭小店風味。我就係鍾意餐牌唔使好多嘢揀，好食嘅餐廳應該精益求精，專心做自己專長嘅嘢就足夠啦。一定要試佢哋嘅 極黑黯然銷魂飯。層次分明肥瘦適中微微燶邊，加上燶邊太陽蛋。黯然銷魂嘅神粹出晒嚟。酥炸豬肉糭 亦都係佢哋嘅特別名菜。香港呢邊好少地方識得到。揸得金黃入口鬆脆。XO醬炒腸粉，非常出色。鑊氣夠，腸粉煙韌彈口，米香又唔會俾XO醬冚咗。追住嚟食停唔到口。生炸雞髀 好大隻又Juicy，炸到甘香，啖啖爆汁。配上微辣嘅炒麵，就係台灣夜市嘅味道。經典銀針粉，一定要搶住食佢哋嘅炸豬油渣配料。真係一試難忘。…查看更多