甜妹頭的个人专页

朋友去完旅行番到香港🇭🇰想食中菜，就建議食呢間出晒名嘅樂天皇朝，之前食過幾次都唔錯，今次就去咗雅蘭中心嘅分店，平日都好滿座，而且有限時，眼見都唔少人排隊😏❣️小食 $15個小食係醃過嘅花生同栗子，非常腍身同入味😋❣️特式皇朝小籠包 $148叫咗呢款有齊8種唔同口味嘅小籠包，仲附上指示卡介紹食嘅次序，樂天皇朝嘅小籠包本身有保證，可惜今次有少少失手，小籠包做到皮薄，但今次就冇咩肉汁🥲，當中嘅蟹粉同黑松露最突出，其他都係一般味道，下次推介食返原味就得🤪❣️醋醬海蜇頭 $95海蜇頭比起普通海蜇更加爽口，而且非常入味🙂，配上青瓜食更爽口😍❣️四川夫妻肺片 $78食落冇異味，辣度都幾勁，係份量少咗啲😜❣️上海炒年糕 $95年糕食落煙煙韌韌，而且炒得好有鑊氣👍🏻❣️皇朝話梅骨 $120每一粒排骨都均勻沾上醬汁，酸酸甜甜，越食越開胃🫶🏻❣️雲吞雞（半）4-6位 $176雲吞同雞正常發揮，味道冇話特別出色🤣❣️宮廷驢打滾 $52外面煙靭嘅糯米皮包住甜甜嘅紅豆餡，再加上外層嘅黃豆粉，係一個唔錯嘅甜品🤓🏦是次消費總額 $914.1（人均消費 $229）茶位$13 🍴須加一服務費👅好味度：8.5（10分滿分）食物味道中上，但今次小籠包有啲失手🥲，係有少少失望，但如果大家想食上海菜都可以嚟一試👍🏻🍽️樂天皇朝 旺角彌敦道625 & 639號雅蘭中心2樓203&205號舖…查看更多

朋友介紹嚟灣仔呢間巷仔內嘅手工意粉店食法國菜式，餐廳位置都幾唔顯眼🤣，要行入小巷先到，餐廳雖然位置唔多，但裝修都幾別緻，主打手工意粉，星期日午市都滿座🤓，而且仲有午市套餐🙂❣️Fable lunch Menu $188*4❣️前菜📍香煎鵝肝配黑松露醬*2 +$68鵝肝充滿油脂感，黑松露味都非常濃郁，但份量略嫌偏少😛📍藜麥堅果雜菜沙律配芝麻醬普通沙律菜嘅味道🤪📍手打安格斯牛肉丸配意大利紅醬芝士味道有啲似IKEA肉丸😅配上蕃茄醬🥫❣️主菜📍龍蝦汁芝士波浪意粉配虎蝦 +$28呢度主打手工意粉，波浪意粉麵質煙韌，但都掛到汁，配上爽口嘅虎蝦🦐味道唔錯👍🏻📍香橙干邑醬煎鴨胸配烤薯塊 +$28鴨胸肉質一般，醬汁味道亦唔係好突出😅📍草飼肉眼牛扒配烤蒜法國紅酒汁 +$78牛肉味道濃郁😋，叫咗五成熟所以入口好嫩滑同保留肉汁🙂📍慢煮牛頰肉醬手工寛意粉 呢一款嘅手工意粉就比較硬身，牛頰肉好嫩滑，但醬汁比較濃蓋過咗牛味🤪❣️甜品📍提拉米蘇呢度食到正宗嘅法式Tiramisu，裏面嘅酒味相當濃郁，鍾意酒味嘅朋友應該非常喜歡🥰📍法式焦糖燉蛋燉蛋嫩滑配上脆身嘅焦糖非常好味😋📍開心果巴斯克芝士蛋糕 +$48蛋糕開心果味加芝士味🍰非常濃郁，亦做到巴斯克嗰種軟軟流心嘅質感🤓❣️追加飲品📍荔枝梳打*2 +$28📍鮮榨鳳梨薑冰茶 +$28📍凍咖啡拿鐵 +$28飲品正常發揮，冇咩特別🤪❣️追加小食📍松露蛋黃醬薯條 +$40📍蜂蜜辣味雞翼 +$40📍烤蒜西蘭花苗 +$40小食亦都正常發揮😜🏦是次消費總額 $1432（人均消費 $358） 🍴須加一服務費👅好味度：8（10分滿分）食物質素中規中矩😜，主打手打意粉，有啲麵質略嫌偏硬，口味真係因人而異😏，反而甜品有驚喜，有正宗嘅Tiramisu同巴斯克蛋糕，但食物價錢都比較進取🤣，有機會行過附近都可以一試🤓🍽️Fable 灣仔安樂里1號利昌大廈地下低層D號舖…查看更多

觀塘APM呢間Five Guys 開咗一段時間都未試過😆，呢日行街突然想食漢堡，之前食過SHAKE SHACK評價唔錯👍🏻，今次就試吓另一間過江龍🙂❣️Little Cheeseburger $75可以根據個人喜好揀選喜愛嘅漢堡包🍔，第一個揀咗單層芝士漢堡，所有配料免費添加，例如生菜、酸瓜🥒、蕃茄🍅、烤洋蔥同烤蘑菇，醬汁就可以揀蛋黃醬、蕃茄醬同芥末，選擇都唔少，但略嫌個主角漢堡包唔夠鬆軟，漢堡扒都冇咩肉汁🌚❣️Hamburger $85呢個選擇咗雙層漢堡🍔，唔同之處就係有兩塊漢堡，但敗筆都係塊漢堡扒好乾，冇咩肉味🤷🏻‍♀️❣️Little Five Guys Style Fries $48薯條炸得香脆，但炸得有少少過火，份量亦唔算太多🫢❣️Five Guys Milkshake $60叫咗兩杯奶昔，可以選擇加或者唔加忌廉🙂，咁就各一啦😂，有多款配料任揀，例如鹽味焦糖、芒果、香蕉、花生醬、雲呢拿同煙肉，今次冇試到佢哋極力大推嘅花生醬，反而試咗芒果香蕉加鹽味焦糖，加上面上嘅忌廉都好膩 🙂‍↔️，仲貪得意加咗煙肉🥓，味道更加奇怪😳，成杯嘢極力唔推薦飲😕🏦是次消費總額 $328（人均消費 $164） 👅好味度：7（10分滿分）如果有得揀，寧願食Shake Shack🤓，Five Guys 漢堡同奶昔都比下去，價錢仲貴啲添🤪，題外話，觀塘分店有好多位俾人霸咗嚟做其他嘢，搞到真係想食嘢嘅人都無位🤷🏻‍♀️🍽️FIVE GUYS觀塘觀塘道418號創紀之城五期(apm)大堂C2號舖…查看更多

好耐冇食過茶木，估唔到而家午餐都要一百蚊啦😆，德福廣場分店都幾大，位置相對都闊落啲🤪❣️手撕鹽水雞椒麻手工拌麵+熱茉香奶綠 $84+$5鹽水雞味道濃郁😋，而且份量幾多，朋友唔食得辣，所以揀走椒麻，味道都唔錯👍🏻，手工拌麵煙韌彈牙，流心蛋蛋味香濃，仲有鴨血同埋素鴨😗，茉香奶綠就正常味道❣️Teawood牛三寶湯手作麵+凍黑糖仙草奶茶 $92+$5呢個就有啲小失望🥲，以前食湯底係好濃郁，而家個湯底就偏淡，牛三寶包括牛肚、牛筋同牛頰肉，牛肚牛筋都算腍，牛頰肉就略嫌有啲鞋，手作面都失去水準，麵質偏腍😅，黑糖仙草奶茶比較淡，而且冇乜黑糖味仙草比較碎濕濕，唔建議叫🥸❣️加配小食 金黃鹽酥雞半份 $24鹽酥雞新鮮炸起，食落香脆可口😋，配埋九層塔食更惹味🤓🏦是次消費總額 $231（人均消費 $115.5） 🍴須加一服務費👅好味度：7.5（10分滿分）茶木呢間分店嘅質素比起以前食退步咗，連招牌嘅牛肉麵都做得麻麻，而且價錢貴咗好多，今時今日應該可以有更加好嘅選擇😜🍽️ 茶木‧台式休閒餐廳 九龍灣偉業街33號德福廣場1期1樓G53D號舖…查看更多

呢間人氣米線鋪喺米線關注組好受歡迎😍，呢日咁啱同朋友經過撞正12點開舖，好好彩第一輪就入到去🤓，位置唔多，長時間都有人排隊🤪❣️泰式豬頸肉米線配墨魚頭配凍檸檬茶 $65+$8好多人推介佢哋嘅豬頸肉👍🏻，果然冇介紹錯，一上枱超大份😝，而且豬頸肉燒到少少燶邊，但又保留肉汁，點埋佢哋嘅秘製泰式醬汁，辣得嚟又好惹味😋，米線可以加配餸，加$8就有墨魚頭，墨魚頭爽口彈牙，米線湯底揀咗佢哋嘅秘製酸辣湯底，可以自由揀選辣度，試咗BB辣，同譚仔10小辣差唔多，湯底味道濃郁，整體嚟講佢哋嘅米線算高質👍🏻❣️泰式豬頸肉米線配魚腐配熱檸檬茶 $65+$6朋友揀咗招牌豬骨湯底，味道清淡，適合唔鍾意重口味嘅朋友🤣，加$8要咗魚腐，呢度嘅魚腐大大嚿，口感比較豐富，係唔錯嘅選擇😉❣️百味豆腐 $28豆腐新鮮炸起，做到外皮鬆脆，內裏又好嫩滑，唔怪之得好多食吓都有叫😋🏦是次消費總額 $172（人均消費 $86） 👅好味度：8.5（10分滿分）米線舖位置比較隱蔽，近Mikiki附近，位置都唔多同坐得好迫😂，但食物質素唔錯，唔怪之得受到米線關注組嘅熱捧😜，如果下次有機會經過附近一定會再幫襯😚🍽️ 秋拾米線 新蒲崗康強街34號康強洋樓A座地下8號舖…查看更多

呢間潮州打冷老字號品牌相信好多香港人都識😆，喺香港🇭🇰已經有超過60年嘅歷史😝，好彩嗰日早到，飯店好大，仲有幾個舖位，但唔夠10分鐘，就全場滿座🤓，可想而知幾咁受歡迎💁🏻‍♀️❣️滷水鵝件 $138不愧係老字號，個滷水汁超出色，香濃但又唔係死鹹😋，鵝件肉質嫩滑，而且超級入味，嚟到必叫📣，墊底嘅滷水豆腐吸收晒啲鵝肉精華😗，超好味，而且斬滷水鵝嘅老師傅手起刀落，忍唔住都要停低睇佢斬料🤣❣️滷水鵝腸 $158鵝腸爽脆入味，坊間好多都會起走晒鵝腸嘅肥膏🥸，食唔到嗰種油脂嘅香，呢度就唔會起走晒，所以食落油脂感滿滿，超香😆❣️韮菜豬紅 $78未食過咁大嚿嘅豬紅😳，真係成嚿小方塊咁，呢個價錢仲要有成十幾嚿，超足料💁🏻‍♀️，雖然大嚿，但豬紅仲保持到超嫩滑同好入味嘅狀態😝，韮菜都超多，煮得啱啱好👍🏻❣️魚湯浸大蜆 $105有唔同款式嘅煮大蜆，揀咗魚湯，果然冇失望🤓，蜆肉超鮮甜，而且粒粒都好飽滿😃，重點唔好錯過嗰喺魚湯，有微微胡椒嘅辣，配上鮮魚熬煮嘅湯底同蜆肉嘅鮮甜，超好飲，配菜嘅粉絲同芹菜都唔好錯過🤪❣️藍妹 $36放工最啱啤一啤佢🍻，即刻冇晒壓力🤣，啤酒配上潮州打冷美食，絕配🤩❣️凍檸茶 $25估唔到打冷嘅地方凍檸茶都唔差，茶底超正🍹🏦是次消費總額 $540（人均消費 $270） 👅好味度：9（10分滿分）飯店開到凌晨2點，無論港鐵啟德站定鑽石山站行過嚟都超級近，如果喺啟德睇完Show 過嚟宵夜🍽️都超方便，而且食物大大份，抵食得嚟仲要係好味😋，啱晒三五知己過嚟開餐🥳🍽️陳儀興飯店 新蒲崗崇齡街40號地舖…查看更多

呢間台式一人火鍋曾幾何時有好多分店😜，而家得番葵芳一間分店，星期六午餐時間去到竟然得幾枱客😳，真係有啲驚訝😝❣️招牌臭臭鍋 $72可以選擇辣度，材料都有十幾款，當中大腸同鴨血都好入味，其他食材就中規中矩，湯底味道一般🥸，但可自行調配醬料，味道就會好返好多🤣❣️香蒜濃湯鍋 $72蒜味唔太多，反而自行加咗枱上調味料嘅沙茶同蒜蓉就會好好多🤣，材料都有十幾款，但味道都係一般🤣❣️加配美國肥牛片 200g $28鍋底唔包肉類，所以可以另外嗌💁🏻‍♀️，肥牛片嚟到時都未完全解凍🤷🏻‍♀️，而且色水麻麻，但煮完食牛味都重，200g嚟講算平❣️加配茉香奶綠 $7❣️加配珍珠茉香奶綠 $12茉香奶綠好飲，珍珠煙靭，台式飲品出色👍🏻❣️鴨血 $38鴨血份量頗多，而且煮得嫩滑入味，推介😋🏦是次消費總額 $282.7（人均消費 $141.4） 🍴須加一服務費👅好味度：7（10分滿分）由於餐廳冇咩人，坐得幾舒服，但呢個價錢未必會再食，食材唔算特別新鮮，而且可能冇咩人，員工鍾意大聲講大聲笑😜，所以有時要搵佢哋都唔係咁易🤣🍽️8鍋臭臭鍋 葵芳興芳路208號葵芳匯2樓201號舖…查看更多

尖沙咀港青酒店推出咗期間限定嘅「經典懷舊廣東菜」自助晚餐，今日終於有時間去試吓😍，餐廳座位好闊落，坐得好舒服，加上可以望到維港景色，入夜更加靚😚，野食都十分有驚喜🤓❣️「經典懷舊廣東菜」自助晚餐 平日價 $738📍精選冷盤除咗沙律、芝士拼盤同煙三文魚之外，仲有好多經典廣東嘅冷盤，例如南京鹽水鴨、醉雞翼、水晶肴肉同埋雞絲粉皮😚，醉雞翼大大隻，每隻都充滿濃郁嘅花雕酒味👍🏻📍熟食有超級多款熟食，例如避風塘炒蝦🦐、蘿蔔炆牛腩、煎鯪魚餅、龍蝦鉗伊麵、脆香豬手、滷水拼盤、臘味荷葉飯、魚肉碗仔翅、蒸比目魚、鮮菌扒魚肚同埋即煮酸菜湯麵檔等等，嘢食多到試都試唔完📍冰鎮海鮮冰鎮海鮮有好多選擇，當中有波士頓龍蝦🦞、琵琶蝦、蟹腳、蟹鉗、熟蝦🦐熟蜆、青口及小龍蝦等，星期五六日及公眾假期仲有麵包蟹供應，款款都新鮮彈牙，當中encore咗幾次波士頓龍蝦同蟹鉗😋，波士頓龍蝦爆晒膏🤤，肉質超級爽口彈牙，蟹鉗啖啖肉，充滿海水嘅味道🤪📍環球美食有燒原條有骨西冷、即煎虎蝦、各款日式壽司刺身同埋即做花之戀壽司，西冷牛味濃郁，虎蝦彈牙爽口，屬必回本系列👍🏻📍懷舊甜品及各式甜品就算食到好飽都有第二個胃食埋甜品🤪，講到明係經典懷舊廣東菜系列，點少得懷舊甜品，有少見嘅懷舊啫喱糖、芝麻卷、紅豆茶果、砵仔糕、黑森林蛋糕同鮮果蛋糕等等，多帶10幾款甜品任君選擇，同場加映限時推出即焗疏乎厘，超級好食🤤，仲有勁大個懷舊黃梅果占蛋糕推出，咁當然相機食先啦🤪，仲有水果同無限任食Häagen-Dazs雪糕😆📍飲品除咗一般茶飲、仲有經典港式凍檸檬茶同樽裝可口可樂飲品，回憶即刻返晒嚟🤣，樽裝嘅可口可樂、雪碧、芬達同玉泉無限任飲，邊食邊飲，超爽🤓📆推廣日期：2025年9月1日至2025年11月30日🍽️供應時間：晚上6時15分至9時30分💰星期一至四：成人 $738 小童（3-11歲） $488💰星期五至日及公眾假期：成人 $848 小童（3-11歲）$578🏦是次消費總額 $1476（人均消費 $738） 👅好味度：9.5（10分滿分）再臨閣食物質素超正，而且refill嘅速度都超級快，啱晒香港人嘅速度🤣，所以唔擔心冇嘢食，職員嘅服務態度超級好，有乜需要幫忙都會主動協助同換碟速度好快手，值得再幫襯🤓🍽️再臨閣 尖沙咀梳士巴利道41號香港基督教青年會南座港青酒店4樓…查看更多

近期Thread 友大推A-1 Bakery嘅開心果麻糬波波同埋明太子法包😍，長期成為熱賣榜首位，今次終於見到有貨，忍唔住要試吓🤪❣️開心果麻糬波波球 $32/6件麻糬波波嘅size比起平時普通嘅麻糬波波大，一咬開開心果味湧出來🤪，裏面包住開心果醬，味道特濃，食完一件有少少漏🤓，鍾意開心果嘅朋友一定要試吓👍🏻❣️福岡產明太子法包 $17表面有滿滿嘅明太子醬，打開原來裏面搽咗明太子醬😋，味道鹹香鹹香，超惹味，但建議一定要焗嚟食，凍咗食法包冇咁脆，口感冇咁正🤣👅好味度：8.5（10分滿分）…查看更多

倒數番之前5月生日🎂食咗個Lady M新推出嘅大甲香芋蛋糕，今次冇試到佢哋嘅招牌千層蛋糕，選擇咗海綿蛋糕，點知就中伏啦🫢❣️大甲香芋麻糬忌廉蛋糕 6吋 $480雖然蛋糕採用咗台灣大甲芋頭，加上蘭姆酒香芋忌廉同Lady M自家製鮮奶麻糬，但芋頭味唔係太突出🥸，忌廉亦冇佢哋招牌千層蛋糕上嗰啲咁軟滑，麻糬亦太過黏，口感有啲奇怪😆，中間嘅香芋海綿蛋糕亦比較濕潤；雖然標榜個蛋糕係用粉紫色，面層配搭藍色矢車菊花瓣同埋銀色水滴寒天做點綴，但收到嘅時候感覺冇佢哋宣傳相上面咁夢幻吸睛😂😂，只可以話試過就算🤷🏻‍♀️👅好味度：7（10分滿分）呢個蛋糕係期間限定🤪，已經下咗架，下次都係試返Lady M嘅招牌千層蛋糕有保證🫢🍽️ Lady M九龍塘達之路80號又一城UG樓UG-22號舖…查看更多

朋友安排咗生日嚟呢間bookmark咗好耐嘅餐廳😍，一直喺IG見到唔同人狂Post餐廳嘅驚人畫碟技術，今次終於可以見到，果然名不虛傳，超靚🫶🏻🫢❣️新奧爾良海鮮盤二人餐 $698套餐包一盤2人份量嘅海鮮餐，可以揀選蒜香牛油或者香辣蒜蓉嚟撈海鮮，由於同行友人唔食得辣，於是揀咗蒜香牛油😂，見到蒜蓉超多，但係食得出唔係新鮮蒜蓉，似係李錦記一罐罐嘅即食蒜蓉💁🏻‍♀️，海鮮有一隻新鮮嘅波士頓龍蝦🦞、海虎蝦、鮮鮑魚、鮮大蜆、蟶子、墨魚仔同青口，鮑魚同龍蝦食得出係新鮮貨，好彈牙🤓，但其他海鮮感覺似急凍貨，特別蟶子有沙🤷🏻‍♀️，虎蝦肉唔太彈牙，少少失望，海鮮盤下面仲有配菜，有粟米、西蘭花、燒薯仔同德國腸，呢啲反而味道唔差😝 📍黑松露牛肝菌蘑菇湯 📍法式龍蝦海鮮濃湯 +$22套餐包2個餐湯，咁就各試1個，牛肝菌蘑菇湯幼滑，但黑松露味唔太濃；龍蝦🦞海鮮濃湯要再加錢，味道中規中矩，唔算太濃味🥸 📍泰式柚子蟹肉沙律 +$26柚子蟹肉沙律酸酸甜甜，食落好開胃🤤，而且沙律菜好新鮮，加上蟹肉做點綴，味道好好👍🏻 📍明太子雪山芝士薯條 +$18薯條新鮮炸起，熱辣辣超脆口😋，加上大量嘅明太子醬同紫菜木魚絲，好快就食晒🤣 📍玫瑰荔枝果肉梳打 +$48 7折 📍水果乾洛神花茶 +$38 7折 📍海鹽抹茶芝士奶蓋 +48 7折跟餐配嘢飲可以有7折，飲品味道一般Cafe水準，冇話好驚艷😂❣️秘製北京烤鴨薄餅 $148烤鴨味道有少少偏鹹，加上甜醬味道有啲過濃🥲，好彩配埋Pizza底一齊食中和唔少🤪❣️金沙蟹黃蟹肉QQ捲捲意粉 $178諗住試吓近期大熱嘅捲捲意粉🍝，點知就出事😂，呢度嘅捲捲意粉偏腍身，似烚耐咗嘅意粉，一啲都唔彈牙，雖然有大量嘅鹹蛋黃蟹黃蟹肉🦀同蟹膏，但反而令成碟捲捲意粉有一浸腥味，呢個係唯一一碟食剩嘅嘢食🤷🏻‍♀️❣️杜拜朱古力奶蓋巴斯克軟心蛋糕 $118/half畫碟費用係$35，要提前預約，呢個係最期待嘅環節🤣，因為畫碟真係好靚😍，而且佢個甜品都唔錯，巴斯克軟心蛋糕香濃好味，再加上隻咁靚嘅水怪，加咗唔少分🤪🏦是次消費總額 $1470.5（人均消費 $368） 🍴須加一服務費👅好味度：8（10分滿分）食物味道中規中矩🤣，但其實仲有好多菜式未試嘅，而水怪嘅蛋糕畫碟真係好靚😍，又真係加咗唔少分，見到唔少客人都有預約呢個服務，呢度真係一個慶生嘅好地方😆，而且職員仲會幫客人影一張即影即有嘅相，蛋糕🎂蠟燭仲會噴煙花，都咪話唔正😂😂，有機會可以再試吓其他菜式😆🍽️ Homeland 旺角彌敦道726號19樓…查看更多

呢間位於太子嘅人氣餃子🥟店，經常都有條長長嘅人龍，而且提起香港好味嘅餃子🥟，好多人都會建議嚟呢度，唔怪之得可以連開兩間😗，今次一於試吓佢😜❣️芝士粟米鮮肉餃拼韮菜鮮肉餃（邪惡金沙餃）10隻 $74佢哋嘅招牌係邪惡金沙餃，就係喺煎餃上加上大量嘅咸蛋黃，加$17就食到😋，食落口超香超邪惡，每一隻餃子都超級飽滿，韮香鮮肉餃超爆餡🤣，但更鍾意芝士粟米鮮肉餃，芝士味超濃，餃子🥟煎到脆卜卜，食唔停口🤓❣️紫甘藍粟米鮮肉餃拼白菜鮮肉餃（湯餃）10隻 $54湯餃每隻脹卜卜，超足料😜，湯底係椰子海帶鮮雞豬骨濃湯，超清甜又冇味精，十足十阿媽嘅老火靚湯🤩，試咗特別嘅紫甘藍粟米豬肉餃，紫甘藍爽脆清甜👍🏻，白菜鮮肉餃就鮮甜多汁，煎餃湯餃都咁出色🙂❣️涼拌海蜇 $22海蜇爽口而且食落去有少少醋味，更加開胃食多啲🤣❣️秘汁雞腎 $24雞腎超腍身，真係冇牙都食到😂，加上個秘汁甜甜哋，好惹味🤓❣️菊花蜜 $12❣️青檸蜜 $12菊花蜜清甜、青檸蜜就酸酸甜甜，配上餃子同小食，爽🤠🏦是次消費總額 $198（人均消費 $99） 👅好味度：9（10分滿分）無論煎餃定湯餃🥟都好出色，隻隻爆晒餡，而且味道都好多選擇，難怪成為長龍店🤤🍽️豐信餃子店 太子汝州街15, 17號地下A號舖…查看更多

呢間位於太子嘅人氣餃子🥟店，經常都有條長長嘅人龍，而且提起香港好味嘅餃子🥟，好多人都會建議嚟呢度，唔怪之得可以連開兩間😗，今次一於試吓佢😜❣️芝士粟米鮮肉餃拼韮菜鮮肉餃（邪惡金沙餃）10隻 $74佢哋嘅招牌係邪惡金沙餃，就係喺煎餃上加上大量嘅咸蛋黃，加$17就食到😋，食落口超香超邪惡，每一隻餃子都超級飽滿，韮香鮮肉餃超爆餡🤣，但更鍾意芝士粟米鮮肉餃，芝士味超濃，餃子🥟煎到脆卜卜，食唔停口🤓❣️紫甘藍粟米鮮肉餃拼白菜鮮肉餃（湯餃）10隻 $54湯餃每隻脹卜卜，超足料😜，湯底係椰子海帶鮮雞豬骨濃湯，超清甜又冇味精，十足十阿媽嘅老火靚湯🤩，試咗特別嘅紫甘藍粟米豬肉餃，紫甘藍爽脆清甜👍🏻，白菜鮮肉餃就鮮甜多汁，煎餃湯餃都咁出色🙂❣️涼拌海蜇 $22海蜇爽口而且食落去有少少醋味，更加開胃食多啲🤣❣️秘汁雞腎 $24雞腎超腍身，真係冇牙都食到😂，加上個秘汁甜甜哋，好惹味🤓❣️菊花蜜 $12❣️青檸蜜 $12菊花蜜清甜、青檸蜜就酸酸甜甜，配上餃子同小食，爽🤠🏦是次消費總額 $198（人均消費 $99）👅好味度：9（10分滿分）無論煎餃定湯餃🥟都好出色，隻隻爆晒餡，而且味道都好多選擇，難怪成為長龍店🤤🍽️豐信餃子店 太子汝州街15, 17號地下A號舖…查看更多

有時去銅鑼灣睇戲，諗唔到食咩🤷🏻‍♀️，都會去希慎地庫嗰層 food court食嘢，久而久之有幾間已經成為咗食堂，今次就介紹俾大家知💁🏻‍♀️ ❣️絲襪港茶 $36奶茶底比較澀，唔係好啱飲🥸❣️抹色鮮乳 $36話就話係抹茶，但就唔係好飲到濃厚嘅抹茶味🍵，比較淡🥸 ❣️黑芝麻糊 $45黑芝麻味超濃郁，值得推介👍🏻❣️茉香綠茶芝霧奶蓋 $38呢個茶底就比較清新，配上濃郁奶蓋飲一流 ❣️港茶波波 $38純粹個人意見，絲茶個奶茶底真係唔係坊間講到咁好飲😂，珍珠咬口都係一般，偏硬👅好味度：7（10分滿分）🍽️絲茶 銅鑼灣軒尼詩道500號希慎廣場URBANHOOD B2樓…查看更多

有時去銅鑼灣睇戲，諗唔到食咩🤷🏻‍♀️，都會去希慎地庫嗰層 food court食嘢，久而久之有幾間已經成為咗食堂，今次就介紹俾大家知💁🏻‍♀️❣️夏威夷風味 $88材料有吞拿魚、蟹籽同海帶芽，材料非常新鮮😋，而且好多，飯底可揀壽司飯、珍珠糙飯或沙律菜，今次就揀咗壽司飯溝珍珠糙飯，配上鰹魚醬油食好快就清晒😆❣️加洲風味 $98材料有三文魚粒、青瓜、三文魚子同大量嘅雞蛋絲，飯底揀咗壽司飯溝沙律菜，配上果仁芝麻醬，味道十分清新，但可以少啲醬更加好好 ❣️夏威夷風味 $88+雞蛋絲 $10 +牛油果 $15上次食過返尋味，今次再加上雞蛋絲同牛油果，所有材料配埋一齊好新鮮，感覺仲好健康添😗❣️三文魚味噌湯 $15今次再加配一個湯，三文魚份量多😄，味噌湯味道濃郁😋👅好味度：8（10分滿分）🍽️ Peek-A-Poke 銅鑼灣軒尼詩道500號希慎廣場URBANHOOD B2樓…查看更多