視覺與味道的結合的个人专页

中佬情懷總是痴😂食嘅係港式大排檔風味鑊氣。人氣。地氣今晚消費六百幾食咗四大碟嘢飲咗一支藍妹啤酒，價錢如何不過不失份量無可挑剔，但純粹單憑感覺就真係無限分。全晚最值得推介係豉椒炒蟶子， 唔好睇佢細細支食落口又爽又甜又鮮味，如果能夠再加埋涼瓜煎米底咁就真係very的good，而另外小弟覺得最romantic嘅炸大腸炸得外脆內嫩，而个甜酸汁相當到位不濃不甜不酸味道恰好，食落便自然勾起當年上海舖嘅炸大腸味道。不過避風塘虎蝦同埋小炒王就真的比較一般，先講小炒王鑊氣ok但就係唔夠惹味，避風塘虎蝦炒料夠香夠味，但蝦本身就唔夠新鮮，如果改食豉油王應該可以好接受一點。 整體今晚用膳情懷滿分，難得仍然能夠在香港食到傳統大排檔的鑊氣，小弟仍然推介大家一定要黎試下。…查看更多

好少寫食評～主要原因係懶懶同懶，但偶爾都會因為間舖頭出眾而令我都想寫返兩筆同大家介紹返^^亦為自己留下一點回憶。今次幫襯因為老婆生日以往老婆生日多數都會揀選西餐，但忽然今次心血來潮上網openrice望下望下就揀咗呢間小弟從未幫襯過的船渦蒸氣鍋餐廳。晚上九時順利進場座位尚算寬敞 位與位之間用竹廉阻隔未至於太過礙眼，由於我只想重點食自己喜歡的海鮮所以係並冇點選任何 套餐（但之後發現原來套餐係非常抵食😅），檯面有計時裝置亦寫明每樣海鮮需要蒸煮嘅時間， 對於我這個第一次幫襯嘅人嚟講覺得又好玩又新奇🤣。同老婆各自揀選自己喜歡的海鮮值得一題亦係小弟重點推介就係北寄貝，自從某次係一間羊羊火鍋店食泡新鮮北寄貝之後就正式宣告返唔到轉頭，嗰種新鮮嘅香甜味道一直令我回味無窮， 所以今次我亦毫不吝嗇咁一口氣就點算咗三件（以為自己很豪氣的樣子🤭）最後亦不負我所望一個字正，冇誇大亦無誇張唔信嘅自己試下😏 。至於其他點選例如龍蝦雖然細隻但完全符合個價錢只能夠講其實係好抵食， 澳洲m5和牛香濃墨魚丸充滿墨魚肉，蟶子夠大隻香甜扇貝就一般正常感覺啦！！ 最後亦都係我想講一句要讚下嘅就係全晚嘅海鮮貝類多除左蟶子 食到少少沙之外，其他貝殼類全部合格。 所以點解蒸氣海鮮鍋喺香港盛行咗咁多年小弟亦未曾幫襯過，主因就係好驚食到有沙亦都係最掃興嘅一回事。返啅是必然！下次帶埋阿爸阿媽嚟好好再食一餐當然少不免帶支靚清酒過嚟啦！！！！…查看更多

是夜一行五人拖男帶女浩浩蕩蕩進擊佐敦醫肚餓，火鍋永遠是小弟晚餐的第一選擇。得姐夫介紹遇上牛皇星，場內雅座均設獨立間隔不受干擾。象拔蚌新鮮爽脆無腥味肥牛嫩滑滿油香，即炸響鈴滿豆味新鮮鵝腸沾辣醬，來杯汾酒添氣氛齒頰留香number one 。…查看更多

今日係結婚8週年紀念晏晝食咗buffet所以其實係幾飽，而且之前中午已經唔試過OMAKASE，所以今次試下散點揀啲自己特別鍾意食嘅嘢。今晚揀選了一支清酒以提升氣氛🎉🎉，另外重點算了秋刀魚刺身原條燒喜之次及沙甸魚刺身，因為沙甸魚刺身未試過亦都好少見其他舖頭有供應，所以唔試下絕對係對唔住自己個肚皮😂，但可惜由於魚市場今晚沒有供應所以就緣慳一面😬，全晚整體好味唔在話下連平時唔多鍾意食魚刺身的老婆也食多好幾片，期待下次光顧可以一嚐沙甸魚刺身。另外再一提之前午市試過OMAKASE性價比極高而且價錢平，中午想食餐好啲這個是必然的選擇。有心的日本料理店用心做食材新鮮菜式特別，價格中位服務優良會keep住長期光顧幫襯。…查看更多

貴唔貴幾時都係視乎好唔好食嘅啫！幫襯咗好耐你都唔係第一次寫呢間男女主角的評語，但真心呢間嘢食物水準係可以保持穩定，雖然曾經試過有段時間可能師傅唔同咗所以有參差， 但開業至今大部分時間食物水準係可以嘅。講返正題呢盒豉椒牛肉炒河兜亂，絕對可以稱得上美味（有圖有真相），夠鑊氣配料足三色椒有齊加洋蔥， 牛肉夠香芡汁比例均稱，食嘅時候內裏嘅微量辣椒粒進一步將呢盒豉椒牛肉炒味道進一步提升。64蚊的代價配例湯一個，貴唔貴其實一定視乎好唔好食，整體味道一流炒得有心機唔係求求其其整熟畀上碟就算，個人來說今次呢餐我會畀95分。…查看更多

同一間店日頭和夜晚兩班人服務態度就是天與地的分別,早上姐姐用心有禮個個都叫早晨食得開心又滿意，晚上幫襯就有如賭博。。。何謂賭博即係五五波可以好食亦可以非常之難食，簡簡單單一個豉油王炒麵 可以炒到林bet bet完全毫無口感，稍為對食物有知覺嘅都知道豉油王炒麵只要豉油靚夠鑊氣就可以炒出一個好味道。今晚見落大雨一心諗住幫襯下街坊店叫咗一個滑蛋牛河兜亂，殊不知攞返屋企發現係豉椒牛肉炒河，打電話返去諗住提點一下佢哋 小心D留意吓，點知道劈頭第一句就話咁你食唔食呀！！嘩！！呢啲係乜嘢態度呀！！ 唔好意思都冇句，咁耐唔幫襯一幫襯又出事你叫我以後重點繼續幫襯你呀！！…查看更多