kaba_sin的个人专页

八點左右去到，等咗一陣就有位。唔知大家對餐廳限時有咩感覺。呢間餐廳嘅時候已經知道有限時，一年前食過一次，過往經驗都夠時間食服務OK，所以再次光顧。但係冇諗過，星期三嘅晚上都要系咁催趕嘅狀態下dinner。我哋8:15落單，上菜應該等咗5-10分鐘左右齊。話咁快 15-20鐘後職員同我哋講”你哋得返10幾分鐘 要交枱”。果陣我即刻望吓個時間，唔通開心嘅時間真係過得咁快？唔係咼8:50咼？我估係可能我哋已經停咗手，但係好開心咁傾緊偈，所以職員催？食完就快走啦嗱嗱聲埋單丫離開la喂的感覺。冇對與錯，只係聽完佢呢一句之後我哋都冇心情再食落去la。今次嘅體驗之後應該就唔會再考慮呢間餐廳。。。至於食物方面okay ge，可惜係招聘醉貓炒河已經冇以前咁好食。今次試左少啲人推薦嘅蟹肉奄列，幾香口幾特別。…查看更多

有時2個人食嘢想試好多菜式，但2個起3個止。呢間小菜份量同價錢都適中，幾岩2個人食。一個主食仲+多3個小菜咁。會再想黎試埋個狗仔粉我地就試左個幾樣餸，牛油咖央多士完美嘅份量，咖央同牛油比例岩岩好🤌🏻多士又焗得岩岩好，上枱可以即刻入口微温又溶到塊牛油。好mm7蘿蔔糕同啲辣魚仔好夾，糕係偏實但唔會好麵粉菜有個辣醬另上比你點。細滲湯好飲，可以無限添飲，但我地2人一人一碗都夠皮la。裡面啲餸係冇諗過咁好食，雞腳都夠淋又入味招牌龍蝦海鮮蝦湯麵食飯時都見有外賣同堂食客叫，可惜就唔太岩我地口味，覺得個湯唔夠濃掛唔到系啲油麵度，最後食淨一半。龍蝦正常la呢個價嘅品質。…查看更多

假日特登走過嚟試過晚餐結論係你食個pizza係OK嘅，其他就免la可能係星期日嘅，晚上成間舖頭都係冇人嘅。但係之前Save低見到都有唔少好評就真係想試一試。員工都非常好，服務態度嘅。但應該就唔會再嚟㗎啦。俾大家望望真實食評。Uncle Wyman即係雞肉茄子Pizza, 熱辣辣嘅Pizza真係最好食，個人鍾意食簿Pizza呢一個係超啱口味。但係就應該個Pizza冇咗蕃茄醬底，淨係得芝士底上面鋪肉。蘑菇汁豬鞍$238ga…豬係真係好難整得好好食嘅。。。但真係成嚿都嚡口，點埋汁都搞唔掂。仲有半碟嘅菜，啲菜係成口油，薯角睇落就係燶到一個點並唔係金黃色，食落都OK嘅。。。。。但都感覺係返炸再返炸。。。。。雞翼正常操作，好食同場加映見到貓店長出嚟巡舖OpenRice訂好似有七五折，但係我哋去到嗌完先知，所以正價埋單。…查看更多

8點黎到仲要等位。諗住唔伏得去邊la2人等左5分鐘左右就有位一定要試佢個越南粉蕃茄蟹檬粉都有7分嘅，雖然成個湯底好明顯係味精。但都係好味蒜蓉椰菜苗基本嘢啦，係我覺得呢一餐最好食嘅餸。香茅豬扒飯除咗啲飯之外，其他嘢都唔知搞咩嚟。個豬扒係偏乾身，上面啲蔥油係冇味嘅。。。隔離伴菜果舊蛋加木耳？ 都係冇味嘅。。。芝心蝦多士:(抱歉，我真係唔太識欣賞la…太油得黎又冇蝦味 ，芝士流心係okay ge…但成舊嘢真係現成到覺得返炸過。。。完全搞唔掂。要味道好難食嘅，但就冇下次啦。…查看更多

特登走咗嚟呢間隱世餐廳試試佢個Menu抱着期待嘅心情。但最後都係失望而回，可能佢哋嘅嘢食唔太啱我地口味la.首先講咗個結果，有興趣先睇落去。八點左右門口都仲有三台客等緊入座。入座後，決定咗叫佢餐廳嘅推介食品。餐湯，蘑菇湯傑身但淡口，有蘑菇味，但係冇蘑菇粒。最後要加鹽先飲得到。但係佢跟湯嘅餐包係好食嘅。 Parma Ham pizza好遺憾個Pizza真係太厚得來，個餅底又硬，好難咬。裏面啲料係OK嘅，但成個夾埋一齊就唔一致，我就唔識欣賞啦。。。招牌卡邦尼意粉係好食嘅，但完全唔係卡邦尼。似係加咗豬肉汁意粉多啲。如果係諗住佢好似卡邦尼咁有濃厚嘅芝士掛上啲麵條度，呢個就唔太適合啦。 Apple crumble甜品真係睇得出廚師嘅功力。好可惜，我覺得呢個就都係唔係好適合我哋。個蘋果裏面啲肉桂粉太甜。原本加埋個餅就應該啱啱好，但佢上碟又太熱一定要加埋個雪糕你先食得到。總之整體嚟講，就係唔係一個令人可以享受嘅甜品。。。如無意外都唔會過嚟食多次。餐廳都用好強嘅漂白水，入門口+食緊嘢中間都係聞到浸漂白水味。。。。當然都係想支持小店嘅。。。只係同個廚師佢哋唔係好啱key姐。。。…查看更多

透過隔離間爆人餐廳 得到坐嘅位置比較過天天海南雞飯嘅餐牌，相比起$250叫一個海南雞+飯，最後都決定叫返四季芬芳嘅餐牌。早啲講個結論，如果唔係食蛇，同佢嘅燉湯。可能都冇需要到呢間餐廳。叫咗三樣小食同一個主食，其中同樣抄手係餐廳推薦嘅都真係比較欣賞。小籠包。冰鮮嘅，拎出嚟係暖。本身都唔緊要，最可惜個包皮都已經裂左。。。。黑芝麻流沙包，中規中矩紅油抄手幾好食，完全唔辣。個醬汁好開胃又香濃。個餡係豬肉加原隻蝦非常欣賞，幾啱我胃口。鴨油麵唔知係冷盤定係熱盤。室溫上菜，鴨油主要係係啲麵下面，要自己撈，但係由於啲麵好似冇過冷河咁黐埋一舊，唔易撈勻。食落寧願食返某台灣出品嘅鴨油胖麵好過…查看更多

尖沙咀打工族嘅午飯時間呢個天氣熱，又焗。本身諗住去雲南度食碗粉。又多人仲要搭枱走咗出嚟之後就見到呢間又新又潮嘅螺螺粉。環境舒服，仲有一邊單人枱。啱晒好似我咁一個食飯嘅毒L#起碼唔使搭成件事升華咗。落單，QR code要用WeChat先開到嘅。第一次食一間舖頭，梗係食佢招牌餸。就叫咗個招牌螺螺粉。個程式好盞鬼嘅，套餐係貴過分開嗌。所以要嗌飲品嘅記得一碗麵，然後額外再喺飲品嗰度落單。辣度方面，會自動預設為BB辣。螺絲粉，超級彈牙份量呢就好似譚仔小米咁。對我嚟講，啱啱好本身諗住呢一個招牌係冇餸嘅。所以額外加咗$12叫個炒螺，就係途中左上角嗰兜。係啲細細隻嘅螺仔，幾特別。唔使特別加㗎，原來招牌裏面已經有呢味餸。最欣賞呢間鋪，個匙羹又夠大，完全明白湯愛好者又想食麵又想飲湯個精神！最體貼係會附送綠箭香口膠。總體而言對呢間印象非常好環境乾淨，冷氣夠大。已經預計到會成為將來午餐嘅其中一個飯堂。…查看更多

早半個月訂咗呢間餐廳同朋友慶祝生日一入到去已經被餐廳嘅佈置同氣氛吸引枱與枱之間相隔一定嘅距離，雖然地方唔大，但成個空間感好舒服。感恩安排咗張角落嘅大枱，我哋兩個人坐得好舒適。估唔到嘅係似係外國人嘅女仔，廣東話係fluent, 反而睇落似香港人嘅女仔，係唔識廣東話嘅整體所有食物都好原汁原味。雖然同樣嘅菜式，但係喺度食出更有品質嘅味道。傳統烏克蘭羅宋湯，蕃茄沙律，好好食蕃茄愛好人士芝士焗牛脷，真係好好食，芝士味道好natural 古法香燒豬肋骨，有一半牛肋骨好似煲完湯拎出嚟咁，有一半呢又覺得好林好好食所以。。。自行判斷傳統蘑菇薯仔餃子，都係一般口味偏淡。傳統芝士蛋糕，係唔甜嘅蛋糕😂🫶🏻唔識欣賞，食咗兩啖就放棄了。食物份量唔算好多，兩個人去都可以識到好多唔同菜式。…查看更多

打算搵間收得夜啲嘅餐廳見到呢間餐廳比較少負評決定一試。我哋去到around 11pm, 叫咗兩個小食，一個雞煲。諗住再加單(ard1130)嘅時候已經冇晒烤魚lo諗住夜晚過去食夜宵嘅去之前打個電話問一問仲有烤魚會好啲🫶🏻青瓜拼皮蛋，皮蛋好流心雖然係用李錦記蒜蓉，但係個汁幾好食喎。椒鹽魷魚鬚，一般。。。好硬又帶少苦招牌雞煲，叫左bb辣。好入味，啲雞煮到岩岩好但就斬到好細件，同超肥(好多舊大半舊都係塊片)我自己覺得好食嘅幾岩我口味，加朋友就覺得好一般。整體okay如果飲宵夜都想再去試埋個烤魚…查看更多

有驚喜的魚😍系ig碌碌下，無意中揾到呢間隱蔽小店。小店開系停車場𥚃面，最後要call餐廳問路先揾到餐廳地方都坐得舒服，食烤魚真係要張枱夠大，2人食都係4人枱蒜香烤魚+左bb辣條魚好滑又大條，仲要個辣度真係岩岩好💓🥹平時出面d大烤魚店蒜香都冇得+辣架la。但呢度可以對我呢d唔食得太辣又想食少少辣嘅麻煩港女。老闆一講就明個湯好味到食曬d配菜咁淨黃金魷魚筒個魷魚好食，但夾咸蛋黃就一般花甲粉好有驚喜，冇諗過d花甲咁鮮甜烤香菇正常幾好…查看更多

第一次重慶食飯的港女本身諗住食下面間PHO。諗諗吓咁耐以來都未試過喺重慶搵間餐廳一開OpenRice就見到呢間，仲要係零負評。走過來睇吓咩料。本身搵唔到間餐廳，企咗喺樓梯口諗緊邊度係一樓。撞正老闆幫我哋帶路真係緣份。冇諗過原來環境係咁舒服。老闆娘好細心咁介紹咗特色嘅食品，同埋推薦左幾款唔食得辣嘅我哋有啲咩啱食。招牌豆腐沙律豆腐唔係百福😂👍🏻好有豆腐香炸牛奶魚雖然有啲細骨，但係都可以全部吞落肚嘅。隔離嗰兩個醬少少微辣難以置信嘅好味牛尾+Naan都係有少少微辣但係好好食，略嫌甜咗啲啲。夾埋個Naan食，一流芒果汁，就好似芒果乾嗰啲味咁朱古力，好好味喎唔甜又香整體感覺都非常正，難得有個地方坐得舒服又唔限時。啲嘢食好味，價錢又合理一定會再嚟…查看更多

朋友推薦，傳說出名性價比高的日本料理本身諗住日本餐廳，估計上菜都係細細碟細細件。朋友提醒，呢間唔同㗎好大份，唔夠先再嗌。冇諗過前菜沙律已經嚇親。蟹籽沙律(小)，我以為一人食一啖冇咗點知嚟到係成座山咁高刺身(海膽，三文魚腩，牡丹蝦)刺身就一般，正常表現壽司(左口魚，油甘魚)覺得左口魚白色嗰嚿好似黎錯咗？識落似鯛魚多啲。蟹味甲羅燒，出邊啲餐廳用白飯送，呢度係魷魚脆皮。估唔到咁夾唔小心叫多咗。。。其實叫一份都OK有啲流不過最後都食晒嘅。 炸墨魚咀，一般般活鰻 西京燒，呢個真係有驚喜。一串成隻手掌咁大塊上台啱啱好熟咁，入口一流。職員仲好心提我地呢個一定要趁熱食蛋包飯雞肉餅柚子雪糕so fresh三個人食到捧住個肚走。嚟到一定要試吓個鰻魚👍🏻…查看更多

同朋友的少女心開心lunch本身諗住喺隔離食上海菜，點知Booking full左轉戰嚟到呢一間台灣餐廳。入門口已經難以置信原來係間台灣餐，精緻嘅裝修令人有置身喺高檔餐廳嘅感覺餐廳冇lunch set, 但Menu都好吸引, 最後叫咗四款。蒜泥台灣水蓮樣貌唔太吸引與圖片不符😂完全係水煮水蓮，配蒜泥。真係齋烚。如果想食清淡菜可以叫。明太子甜不辣煙煙韌韌，外表煎得好香脆。配埋個明太子醬一流。超好食招牌牛肉麵見到個Menu有介紹佢pat辣嘅牛油(右邊)，店員話招牌同埋酸辣牛肉麵先有。所以就試一試呢個招牌。淨湯底都好濃好惹味，加埋個辣油仲正鰻魚蛋餅雖然呢個比其他蛋餅都貴成倍要188。但係值得一試嘅。上枱到食落口，成個過程都好出色…查看更多

忙中偷閒的一日已經好耐冇出嚟食飯。繁忙嘅星期六，本身同朋友都要返屋企食晚餐。但就係想搵個地方坐下傾吓計食少少嘢。就記得呢一度好開心等一陣就有位，仲要喺窗邊舒服咁望吓出邊。環境舒適，空間足夠。唔會夾硬迫埋一齊。叫咗兩個小食兩杯飲品因為拍片cap返圖可能有啲蒙炸雞泡菜，夠熱夠脆炸薯角額外兩杯飲品，左邊Lake, 右係Hojicha latte拉花非常靚,係一隻天馬食咗唔夠一個鐘又要返去做嘢啦。可以喺咁繁忙嘅都市尋找到一個位置舒適感休息一下…查看更多

選擇嚟呢度，同朋友度過真粥底火鍋。入到黎，哥仔非常熱情嘅招呼。好搞笑，不過我鍾意有返啲人情味呀嘛。第一樣蒸嘅係龍蝦🦞因為我哋下面有個粥底，所以姐姐建議我哋蝦頭放埋落個粥度。蒸氣第一輪當精緊龍蝦嘅同時，頭盤就上嚟啦。魚生好新鮮，肥美。 第二輪海鮮: 元貝粉絲，鮑魚，蝦，魚。略嫌粉絲就硬咗啲。第三輪海鮮: 蜆， 蠔，魷魚。冬天啲甲殼類都好肥美，見到我隻蠔蒸完出嚟仲好大粒。第四輪係蒸: 雞肉+蟲草花+烏冬掛住食就冇影到相烏冬都超級入味最後食個粥本身以為剩係得啲粥+龍蝦頭，原來仲落咗排骨。出乎意料排骨都好冧。最好每蒸一輪，攪一攪拌個粥底(有時姐姐唔記得)。我哋淨係第一輪有攪匀，所以見到龍蝦上面啲飯係生生地😂就咁蒸啲海鮮都好鮮甜，所以我哋再點豉油。感恩除夕的最後一天有咁美味的一餐。咁舒服的招待。環境舒服。會再帶家人同朋友黎Encall。…查看更多