御花園的个人专页

位於尖沙咀the one 17樓景觀良好，座位舒適食物除左點心紙上之外仲有一大排自己夾既食物非常滿足香港人咩都想試既心態食物都即叫即蒸熱辣辣最好食係個羊肚菌棉花雞同牛肉球包點類都熱辣辣味道唔錯當然百幾蚊食放題就唔好要求點心質素會好高但都絕對同一般茶樓既差唔多水準喇最欣賞佢可以一件件咁叫非常好既安排服務都好唔錯阿姐忙到不得了但應客都好有禮貌落單同事睇單準確一張單都無漏過舒舒服服嘆足2個鐘值得encore!…查看更多

米線標價頗高睇openrice見話佢個黑豆花米線有特色經開花墟就試下就咁2個餸黑豆花同牛肉就70蚊杯野飲跟餐就10叫左百香果茶佢係成個煲咁上米線質地正常湯就好普通啦都係個d味精味個牛肉得幾塊🥵舊黑豆花就得一舊其餘就再有配菜佢寫正常辣就中辣但應該只有5小辣個泡椒非常唔出味係一碗非常之咁普通既米線索價70個杯野飲先得人驚調色甜水入面唔知咩事好多渣（係類似檸檬肉揸乾曬剩低d衣咁既質地）杯野就咁叫要20蚊🥵朋友碗面加左肥腸（30蚊）以為會另上但碗面黎時原來加左入去數埋7舊瘦腸（無曬肥膏）索假70蚊朋友問呢度30蚊就係7舊？！侍應表示秤好60g嫁🥵車仔面加多個餸都唔使咁貴真係唔知佢條腸係咩腸其實有時出街食飯望下openrice d comment呢間咁樣都大量好評真係「好奇怪」🧐果然試新野要付出「代價」…查看更多

一碗暖既橙色烏冬價值90主力講下有咩食材個set有中華沙律2舊唔知點解要加芝麻醬既飯卷一碗橙色溫暖既烏冬有6樣佢話係北海道海鮮海鮮有一粒帶子一隻青口2隻細蝦2條蟹柳2塊魚蛋3隻蜆好想知以上物品同北海道咩關係個2塊魚蛋係我食過最不知所謂粉同鞋既個湯先係重點我叫辛辣湯但黎到唔熱不特止個橙色湯唔知咩黎我唔敢飲落去草草食左一半「北海道」海鮮同少少烏冬之後放棄本身唔想打負評但夠膽食賣90一定要寫出黎告誡大家做食物係要用心無心就唔好做（無論餐廳定個廚師）劣評同埋唔會再食！…查看更多

就係因為門口個一大陣辣味吸引左去望下咩黎新城市越黎越多呢類型既國內店見到有一人餐烤魚98蚊就唸住試下當時係星期日既1:30坐左半滿一坐低比個qr code你自己落單搵黎搵去都無1人餐問店員先知只做平日星期六日假期都唔做咁唔坐都坐左就算啦就咁最普通1個餐298青椒烤魚加左個一人冰粉咩都無另外叫因為得2個人食等條魚上之前就去試下d冰粉堅係慷慨既緊多料揀最愛桂花糖配桃膠加山楂餅食完一碗好车盤既烤魚上台魚係幾大條下好多肉無咩骨辣度ok有幾舊豆花底有少少少少洋蔥就係咁多喇要飯既碗碗18好彩我一向低碳魚好食豆花好食湯好飲餐檯旁邊櫃桶仔有紙巾圍裙牙籤貼心既不過當我睇返openrice d post原來又會點火又會幫手加湯咩都無wor剩係食到最尾唔食既時間湯都就乾底個店員先黎話幫手熄爐其實個魚係越食越鹹我食左3碗冰飯解膩…….…查看更多

應該都成年，冇食過三哥喇有一日突然間食晏好想食就同班同事一齊去咗試話說我係第一次係食晏嘅時候走去食三哥而家咩都貴都明白三個都係要家家，但我冇諗過大窩口呢一間，凍檸茶居然係要加10蚊可能我真係太耐冇食三哥叫咗腩肉腐竹小辣，小米線再叫多個細土匪呢一間就算叫兩個餸呢都算多餸既小辣呢亦都係正常發揮不過我真係好希望佢哋唔好再用嗰隻紙飲筒真係督兩督已經廢咗最後係要就咁埋口飲因為三哥又係平時唔會擺辣椒油喺枱但而家佢哋嘅做法係如果你想要那之後佢又會成樽俾你嘅辣椒油都冇遲到質素其實鬼呢唔緊要嘅加價都係正常大家都淨係想食返一貫質素嘅餐廳姐譚仔三哥做得到👍🏻…查看更多

新城市週末就係太多人等枱食飯所以為咗快啲有飯食，就上咗連城廣場望一望因為都想食碗pho堅唔係好多人排就試啦其實佢下午茶一碗雞扒或者豬扒嘅河粉都要50幾蚊㗎喇咁是但啦都試吓啦咁因為又想食春卷啦春卷三條$18 嘢飲就普通嗰啲就$3啦，特飲就加$7咁樣嘅喺出邊已經見到佢嗰啲杯，全部都係嗰啲即棄㗎喇都知道應該伏伏地叫齊嘢食呢就嘢飲嚟先嘅啲膠杯都唔穩陣，如果唔搵手扶住去篤嘢，真係危危地我就叫咗蜂蜜柚子，但勁少蜂蜜柚子另外就買咗杯紅豆冰，水到不得了之後就想炸春卷炸春卷，就正正常常三條短短洗洗啦，不過都叫炸得透身再嚟就係嗰個雞扒河粉啦佢哋就分開上嘅雞扒就一碟一見到碟雞扒真係充滿問號勁細塊都知道一定係急凍嘢㗎啦，但霉成咁真係第一次成個pho係得個湯得嘅啫咁另外一碗豬扒河粉塊豬扒，都係勁薄係一d都唔香既仲要凍左🥶成餐粉我地食得好快因為唔好食想快d走絕對唔會有下次坐得唔太舒服唔係問題我明白新城市寸金尺土但50幾蚊碗粉仲話下午茶咁既質素真係不再見！…查看更多

朋友介紹黎一間食台灣嘢話好好食荃灣呢間鋪座位有d窄肥少少都好難過🫠佢哋午餐有得揀setSet都有10幾款揀配埋野飲可以減10蚊全部寫紙仔落單上次我食過麻辣牛肉麵啖湯好好飲佢係真係有落嗰啲藥材去煮麻同辣係兼備個湯好好飲幾乎清牛肉佢哋用金錢展勁厚身會跟埋酸菜比你唔夠可以叫佢添今次我就叫便當叫左個香脆排骨便當上到黎塊排骨超大跟左2個菜一個小食同半隻蛋一個係有少少辣既汁煮冬瓜另一個係炒翠玉瓜兩個瓜都好好食芽菜又係辣辣地👍🏻隻蛋都好蛋我本來今日係牙肉腫痛但係最後我係食晒成個餐😆因為整得好食👍🏻我叫左個珍珠熟成奶茶係咲茶味會濃d不過佢個冬瓜茶好飲d😙會再encore!價錢黎講好合理值得推介…查看更多

早排搵咗一日覓食元朗由食牛肉麵開始朋友介紹話呢間好食因為我到咗先咁我就去搵間舖等位呢間個位置都幾唔容易搵同埋佢個二字唔係我哋平時睇嗰個二字搵咗都有段時間先搵到佢好啦因為舖頭好使唔需要點都要排隊記得人齊先准入入到去服務員態度唔錯稍稍介紹完好快就落到order我同朋友都係叫咗紅燒牛肉麵等咗一陣就上菜佢個湯係放喺個糊度俾你自己落嘅同埋可以叫佢俾多啲酸菜啖湯好飲濃得黎清清地牛肉都好食個面質都夾到個湯清曬成碗不過香港地搵碗好食牛肉面唔難下次要再覓食元朗先再可以幫襯了…查看更多

逸東軒長期做既38蚊點心優惠真係間唔時都幫襯下早排佢重開？！送每人一份叉燒流曬口水咁去訂位雖然係地庫但環境都幾舒服招呼唔算好多但夠嫁喇真係唔使太欣勤叫左幾個點心無耐就上叉燒一見到就😍😍😍😍😍樣靚都不特止好食到呢🥹點心維持水準👍🏻碟腸粉晶瑩通透到一個點😍好好好食就算都係叉燒都一定會叫咁多款點心中敗筆在此希望可以改良下因為本人非常之咁鐘此食流沙包但呢個一d都唔流沙無論係茶又好小食都好都一樣咁好會定期飲茶🥳…查看更多

同朋友食完晏晝諗住去飲杯咖啡食件甜品啦因為睇電視節目大推呢間咁等就等啦佢地個預留制度唔錯寫個名同電話差唔多有位就會call你唔使你排等左30mins左右就有call去到叫左2杯咖啡同一份講到好出名必叫waffle杯啡黎到我叫個杯都幾好樣但唔好飲😮‍💨朋友個杯個花整得唔靚熱既都無香味成間店個個飲啡但一d咖啡幽香都無好啦最大期望個waffle上檯個賣相講真都幾無美感一片混亂個waffle唔脆口雪糕水水唔係靚野最好食係pat cream🫠鋪頭入面空氣唔流通，越坐唔眼訓（飲曬咖啡都咁🫣）明大於實一次足矣…查看更多

諗住試新嘢點知出事同朋友見到個Menu都有幾樣嘢可以揀咁就入去啦 入到去打開佢哋個Menu同出面個Menu係唔同冇啊朋友想買嘅嘢 咁個朋友就轉食其他嘢啦但係我同我另外一個朋友想食嘅嘢佢居然話賣晒嗰一刻其實我有諗過走但我做錯咗一個決定就係俾機會佢我哋三個最後都一致嗌咗酸菜魚麵另外在加叫咗三杯珍珠奶茶食物等咗大概半個鐘先上枱非常之咁慢佢第一樣想嘅係杯珍珠奶茶本身我expect呢係細杯嘅點知佢冇問都冇問過我就幫我落咗大杯不過我就算啦因為其實佢杯珍奶好飲嘅跟住嚟酸菜魚麵佢哋完全唔會將嗰個好重嘅酸菜魚面嗰個盤放喺每個客嘅面前係要你自己搬都算酸菜魚個湯底個面大豆芽酸菜都冇問題但係舊魚就非常之有問題舊魚膠膠地咁既質感無魚味食落好怪 我應該勉強食咗半碗啲魚我放棄咗佢個鴨血豆腐鴨血冇事舊豆腐好難食佢仲跟咗碟肉燥油菜條又菜又少又淋到霉我另外兩個朋友都食剩好多冇下次唯一可以讚嘅就係佢哋願意為我個杯大到飛起嘅珍珠奶茶換落個外賣杯度…查看更多

因為屋企人好想食佢地個黑糖包就係為左呢個目的就去左食outback lunch因為佢地d意粉一早就知唔多好食今次只叫左豬鞍同一份炸蘑菇share食就算個豬鞍因為家人想食well done其實可以叫7成既一上台2塊細細地既豬扒連埋個好似混左燒汁既「炒飯」加瑋堆無味雜菜當刀切入塊豬鞍時我就OMG鞋過砂紙非常非常之咁well done連我食得鞋既都覺得難食個飯就不倫不類到一個點🫠唔知佢既存在意思成碟最好食就係堆菜咁個炸蘑菇既用既粉漿相當差甩皮狀態好喇到個黑糖包喇因為我做開面包一切開就肉眼可見既乾爭爭因為家人太鍾意食叫多一個時明顯追加個個新鮮d但當用手摵開個包時居然隻手都係feel到個包肉係乾嫁🫠不過店內有位圓圓地既女員工態度唔錯個OK係比位女職員既…查看更多

其實佢個環境同服務都係ok既係個reception cool cool地 唔襯西班牙style2人都比半月座我地坐係好開心既全程英語用膳請注意開頭會比cold cut serve你不過呢⋯⋯⋯比d 醉火腿你舊cheese standard 啦個包都ok 既其餘仲有咩係個plate 已經唔記得跟住就到小食一個呢係蒜油蝦一個係脆薯片配煎蛋火腿個蒜油蝦係成餐最好食既一樣用黎點包非常好但個脆薯片煎蛋🤦🏻‍♀️All the breakfast 合併版真心唔欣賞我自己煎薯仔片好食好多🙃之後上主菜個牛係要加錢佢炭燒既效果係好，但生到係medium rare咁（佢無問過我地要幾成）而我suppose都係一般既medium 啦最後我交比我frd處理我食個個好似759買既pork rib算了最後甜品叫個時佢serve 個special 比我地即係3樣都有齊Brownie plan and cheese cake?!個cheese cake好食，其他可以忘記其實係好飽嫁食得可惜唔好食埋單位位370試過就算…查看更多

平日去荃灣覓食見同事介紹就一於試吓咁果次我哋四個人佢就試咗佢嗰三個沾面湯底我個次叫蕃茄辣油同事叫魚介同黑蒜個蕃茄係非常濃旭不過個辣油就只係油唔spicy個面好好食！其實女仔食都難難地食得曬好大個面但因為質素真係好好，所以都會食曬食流心蛋非常好食！叉燒好滑有2大片佢仲有炸蒜同辣醬你加食晏又送汽水沾面黎講佢性價比都算唔錯不過呢！師傅麻煩要呼吸新鮮空氣就行過少少食著住d制服企係鋪頭門口比客人睇到觀感唔好食都唔好咁揚比客見到嘛…查看更多

成日放lunch都專登搭車去荃灣搵食因為太鍾意飲湯搵搵下係近荃灣廣場條食街就見到佢有次我地6人去食叫左6個小菜加5個燉湯！勁癲因為以為平時d燉湯細細盅點知佢係夠2個人飲隔離檯見到我地個陣容真係不得了😂😂佢個籠仔飯好食既不過如果你叫龍躉呀鱔個d就會少料d少菜類係細份少少但精緻同有質素既要大推佢個美人湯！勁好飲入面有舊大大件都厚身的花膠每次去都必叫！其他燉湯都好飲去親都清檯不過太多人食記得早d去！…查看更多