梓狼的个人专页

之前其實試過外賣個鮮茄豬扒，感覺食落ok既鮮蕃都多又唔係用太多茄糕，豬扒又有走油，食落都唔乾。所以今次叫咗五個小菜，諗住試埋其他嘢，點知失望到核爆。首先5個小菜，有2個係完全錯哂。一個係鮮茄豬扒變咗肉絲炒麵，另一個係菠蘿咕嚕雞球變咗雞柳，仲要得返一半好似比人偷食過咁，重點係啲雞柳係變咗架。跟住就係個滑蛋炒蝦仁，冇一個蝦仁啲肉係唔霉⋯⋯同埋油億味好重，鹽又落得好重手。另外兩個係蒜蓉炒西生菜，菜遠炒牛肉，呢2樣係ok既，有鑊氣，質素都正常輸出，不過都係功不抵過。全因打過電話去詢問以上各問題因由，得到回覆係廚師係新嚟既，同不設送外賣，更換比錯既肉絲炒麵。只可下次黎退返肉絲炒麵同茄豬差價果19蚊所以便要求我一家人食啲唔食既嘢。希望你繼續可以生意興隆！即係證明貴餐廳肯接受意見同作出改善。…查看更多

事原朋友係網上見到有間牛扒幾扺食所以就一行5人，諗住一齊試下點知唔試由止可，一試成肚火首先未食先黎個排長龍都唔緊要食好西係需要付出代價排左半小時終於入得，但餐牌經已好多售罄排隊果陣無通知已經少少不滿又唔係好明點解同一塊肉有300g，而200g就無？！算啦我肚餓，30蚊差價我豪比你！叫左個澳洲西冷300g，108蚊水都唔包杯，升級套餐加28蚊ABCD揀3樣單加一款就12蚊，咁緊係3樣抵叫左BCD，沙律，湯，可樂目前已消費136，連加一其實已150我覺得唔緊要既，咁多人食一定有佢個人之處！等食物既時間真係比較耐，所以先講下環境我係未試過「鋸扒」要好似打扙咁款四周充滿濃烈油煙，抽風唔掂，冷氣都唔掂環境擠迫，連隔離枱啲粟米都飛到過嚟餐枱餐椅好似有層薄油咁😢唯一抵讚真係得個服務態度等左幾個字塊扒終於登場✨有樣嘢我又唔係好明，啲沙律同汽水點解唔可以分開上呢？成盤一齊攞過嚟搞到好似食快餐咁算啦，太餓試左個沙律先疏菜新鮮一般尚可，個汁酸酸甜甜幾開胃👍🏻終於到期待以久既主角切開之後5成熟都好似幾ok咁！一食落口你就知係大錯特錯估都估唔到就係煮到咁生都可以咁難食💩無乜牛肉味，肉感乾身而結實表面嚡十十，咬多兩嘢連緊餘既肉汁都無埋成舊擦膠咁！認真150蚊唔算平數目係出長好多牛扒餐廳跟湯，餐包，杯品都係咁上下價而佢標榜既76蚊，抵食扒其實一早已售罄係不知情既情況下，好似迫人食貴嘢咁重點係塊扒真係好唔掂呀嘛呢塊史前沙紙係我心目中勇奪最低評價✨感謝當日有份一齊承受呢份痛苦既戰友🤧真係辛苦哂🤷🏻‍♂…查看更多

暫時覺得去過最好既貓貓cafe✨首先不限時任坐，也不會有入場收費！雖然有最低消費，但食幾多收幾多都算合理😋其次店員服務態度一流，每位對貓貓都有一定知識，會顧及每個客人既要求，協助如何抱貓貓及影貓貓❤️最後都係最高評價既地方！！！食物質素非常之高可媲美高級餐廳，食得出用料絕不”馬虎”。推薦食品:芝士火腿飛碟-唔似茶餐廳西多樣，外層香脆包裹住濃郁既芝士同火腿。吉列豬扒麻醬冷烏冬-吉列豬扒還好😂烏冬幼細滑嫩同麻醬香濃夾埋口感一流！…查看更多

適逢朋友生日，諗住搵間有新意啲嘅放題試下新嘢😋點知新不如舊，大失所望😫首先我哋係book咗7點半嘅，點知都係要去排隊，等左超過半個鐘先入得🙁個輪候區仲要室內無冷氣，一大班人係度焗桑拿。都唔緊要既，香港人既輪候時間係比較長。咁算啦！一入到去埋位一定係即刻叫嘢食架啦， 落咗第一輪嘢食，超過半個鐘都未到，之後落第二輪順便吹單，都係淨係嚟咗碟天婦羅同雞翼之類。刺身仍然未見蹤影！到45分鐘後終於出現，不過我哋已經食咗4-5碟炸物，其實呢間係炸物放題定刺身放題呢？ 我真係百思不得其解！食物更加不敢恭維。刺身方面除左帶子同蝦係有味啲，其他都很平庸。特別一提吞拿魚同生豪，好似係本店精選，先講吞拿魚不夠生鮮之餘仲要每片都係散開的，夾上黎都已經造成問題！生豪就更加不堪，每隻豪都好似萎縮左咁，是廚房太熱嗎？唔好話食，連相都唔想影。而熟食炸物方面，壽司係唯一可以接受，火炙既都做到半生熟既效果！燒物如鯖魚，同燒，多數係乾如柴，再燒就變炭啦。炸物如天婦羅，雞翼油益味勁重。鐵板既海鮮芝士蛋，口感唔錯，但海鮮勁腥。飲品同雪糕，都係一般貨色，完全冇驚喜。最後都係最嚴重既問題，甩單都算，數量仲要cut到無一半，未試過放題係食唔飽😢搞到個朋友生日咁唔開心，我都有啲過意唔去！🤦‍♂️五送一優惠卷原來係要印出黎嗯？真係復古當新潮咩，有心比人用我諗都唔會咁玩法。奉上2張食物照，雞翼5變1，羊架就消失，無下次！…查看更多

其實都黎過幾次多數都係深夜時段係香港大牌檔真係買少見少大碟又有鑊氣炒到大牌檔風味真係唔多開頭早黎真係無乜特別點知發現佢啲食物愈夜愈有水準椒鹽鮮魷香脆爽口必食干炒牛河大碟有鑊氣少油必食沙嗲金菇炒肥牛別有一番風味中菜又有中式牛柳都唔差通常食大牌檔都諗住呃錢多估唔到有間做到水準又唔呃錢今日又帶新朋友黎試下佢地都大讚食物有水準5人份量6碟炒野5支酒叫野完全唔洗睇價錢每人平均消費都唔洗200蚊真係物有所值，值得一試再試！…查看更多

上週日心血來潮就同4個朋友試下新放題開頭黎既食物質素都幾好刺身夠新鮮，尤其係呑拿魚質量比美拖羅壽司都唔錯，火炙三文魚入口即溶骨頭腸很有特色其他食物如炸物，天婦羅都可接受都諗住可以再黎點知後期就變差第一輪食物黎完之後等好耐都無5人份量加單幾次但甩單問題持續都無跟進枱面上長期置於空置狀態到最後last order有接近5成既食物無出現過叫待應跟進，又話廚房有單，食物準備出緊點知last order後都係得2碟，好失望！…查看更多