kirakirawan的个人专页

好想食米線 試下喱間 之前都聽人推介過 牛頭角嘅香格里拉米線揀咗 麻辣湯（BB辣） 配金菇同生菜 米線一上枱已經聞到獨特嘅麻香味  其實平時食開中辣 但喉嚨痛又想食 唯有揀最細嘅辣度滿足下口癮  估唔到生菜同金菇量都好多 而且鋪得幾靚幾整齊 生菜質地煮到啱啱好 金菇略嫌生咗啲啲  索哂啲湯 雖然一啲都唔辣 但嗰種麻都令我咀唇微微震動 好好味 估唔到對我嚟講唔辣但帶麻嘅味道都可以咁出色 係陣陣嘅麻帶甜帶點辣嘅味 好啱食唔到辣嘅人士試下 因為喱個味充滿辛香味 八角胡椒味一層層散出 真係好出色 米線質地做得好出色 啱啱好彈牙 有種煙韌感 有啲咬口 喱間暫時成為咗我心中目中最好味嘅麻辣湯米線 要嫌棄嘅地方係得幾條芽菜同一塊腐竹作伴菜 如果做到好似其他米線店多返啲伴菜 口感會更豐富 整體而言 喱間真係超推介 真係充滿驚喜嘅美味感 食完在口腔仍然慢慢散發嗰種辛香味 好想用佢嚟做火鍋湯底 至於座位都唔錯 卡位令人感到舒適 用紙筆落單有啲落後 但無損小店傳媒風…查看更多

朋友生日話想試喱間貴價泰菜 就睇下貴價同平時平價食開有咩差別 哇一個字概括 差無論食物質素服務態度都係不合格 完全唔符合佢喱個價錢 除咗個環境係坐得舒服啲 燈光昏黃格調顯示其高級感外 枱與枱係好貼 毫無私隱可言 都係敗筆先講食物質素揀咗炭燒沙嗲牛肉串 $108喱個個汁係問題 佢個沙嗲汁完全唔知咩味道 只可以話難食 食唔出有咩沙嗲味 只係一pat油醬咁 無香無味 個牛肉串叫正常發揮 本身都入味 肉質亦夠稔身 但喱個精華呢？個醬完全係毀壞之作炭燒手切牛頸脊 $288喱個個賣相唔錯 燒到外面熟中間生牛感 肉質尚算嫩滑 牛味好出 亦叫保留到肉汁 加埋個酸辣汁作調 喱個係合格之作 但唔會值到喱個價 牛嘅切法可以再薄身啲 而且中間條筋亦係扣分位地道飛天通菜 $128喱個不知所謂 最簡單嘅炒通菜 炒成一碟清炒通菜出嚟 名就改得威 食落完全似屋企無落鹽將啲通菜炒熟嘅求其之作 加咗啲啲辣椒都出唔到任何味道海鮮炒金邊粉 $188喱個好普通 海鮮唔見好新鮮 魷魚勁韌 蝦亦唔彈 整體味道你食唔出同food court泰菜鋪嘅有咩分別 叫做賣相好過佢 青檸都姑寒 俾兩小舊 勁乾 擠唔出少少汁 雪糕紅豆珍多冰 $78喱杯嘢賣喱個價 好心個賣相都好小小 擺上枱都唔覺值喱啲價 不過算係成餐最出色 夠濃味雪糕芒果糯米飯 $138喱個賣相真係嚇死人 淡黃色嘅芒果 我懷疑佢將啲芒果放落椰汁到醃 成碟上枱真係好肉酸 正常繽紛嘅顏色變到不倫不類 重點係芒果無芒果味 唔知食緊乜 糯米叫軟糯 雪糕嘅芒果味亦好假 見到隔離枱同樣食兩啖就放棄 俾咗答案你整體而言 喱間嘢真係好唔掂 嘢食基本上係差劣 唔好講個價錢 即使唔係喱啲價位都唔會收貨 仲要上菜速度勁慢 碟炒通菜夠膽係我哋食哂啲嘢先上 見佢速度慢 早啲落甜品 喱頭嗌 嗰頭兩分鐘送到 我哋啲䶢食都未食哂 真係無語。。。啲員工扮忙 勁多個喺度唔知整咩 嗌佢哋都要啲時間先識回應 一間咁嘅價格提供咁嘅服務絕對唔容許 起碼時不時望向客人都做唔到 仲要上菜亦無禮貌 未食哂想收 同佢講仲食緊喎 仲要臨走一句thank you都無 咁樣埋單過千 真係好嬲 食自助餐唔好。。。…查看更多

其實觀塘好多工廈餐廳 今次試咗喱間揀咗西班牙厚切黑毛豬鞍 真係厚切豬 好大舊 煎得好靚 黃金封頂 小小燶邊 賣相好好 但食落唔算多肉汁 有啲乾身 唔算嫩滑 但係都頗淋身 唔係hi口 味道唔錯 主要靠表面煎香同調味調起舊肉 肉味唔算濃煙三文魚蟹籽什菜沙律（凱撒沙律汁）沙律都算新鮮 喱個價錢份量唔算多 什菜亦只係普通菜款 貴在有煙三文魚 感覺有啲普通同求其西瓜沙冰新鮮西瓜同冰攪拌而成 凍感好重 所以唔太飲到西瓜嘅味道整過體而言 喱間酒吧間隔 燈光昏暗 幾有格調 亦坐得幾舒服 不過佢播啲歌有啲老套 換返淨音樂會更好 上菜速度亦快 員工態度幾好 至於食物質素 中規中矩 比起一般餐廳 擠擠擁擁都係喱啲價同質素 喱間算係唔錯嘅選擇…查看更多

今次又嚟試下間小店 專賣餃子嘅 主打人手即場包 唔會係預製菜吧佢有湯餃煎餃同車仔麵類 我覺得餃子要好味 一定要皮薄餡靚 食到有肉汁同菜味就完美揀咗煎 湯餃各一試試佢雲耳椰菜煎餃 （10隻） 賣相煎得唔錯 金黃外皮 邊夠脆口 餡料亦好足 大大隻 略嫌肉汁唔夠多 雲耳咬落好脆口 個皮都有麵粉香 差在可以再薄身多啲會更好韮菜肉湯餃（10隻）好香韮菜味 因為湯煮關係 一咬肉汁好豐富 都係差在個皮再薄啲會更完美 略嫌肉質搞得太滑身 我鍾意人手剁出嚟嘅肉碎 口感會較豐富 感覺有啲似改良版嘅超市盒裝餃子 湯底唔似味精湯 連埋一齊飲都唔口渴 整體而言 喱間小店質素唔錯 環境係大圓枱搭枱格局 坐得舒服就無可能 不過勝在整體都叫寬趟 而餃子質素都唔差 煎餃較出色 煎到外皮脆口內裡依然封鎖到肉汁 係唔錯 不過上菜較慢 可能即包呱 價格亦合理 想食餃子可以一試 充滿住家味道…查看更多

聽人介紹話喱度有個出名燒鴨同咖哩 經過一於試試佢 點知換嚟嘅係無比失望 喱度係市政街市間隔 位置的確寬廣 衛生環境就睇你接唔接受到講返食物質素掛爐燒鴨飯（碟） 喱個完全係凍冰冰嘅燒鴨飯 完全唔明點解會出名 皮唔脆 肉質係淋身 咁公道啲講 都叫有鴨味同有肉汁 但最重要係無温度 完全係似平時求其喺街市買盒燒味飯 擺咗一段時間再食嘅質素 可想而知 完全唔明何來值喱個價始創咖哩羊飯 48 咖哩汁另加8蚊 喱個賣相唔靚 而且個肉量同汁量都好細份 佢另外用細碗仔分開裝 但飯量十足 由於要將啲咖哩倒落個飯度 唔小心倒瀉咗 問個店員可唔可以俾多啲汁 佢諗咗陣 就話其實個汁要加八蚊 不過今次算啦 唔收 個咖哩味係幾香濃 係帶少辣同香辛 肉質亦算淋身同入味 無羶味 其實唔錯嘅 不過係咪食過會再回味又未至於 好多地方都做到喱個質素 唔見獨特同出色整體而言 喱個地方喱個價錢 我唔覺得抵 加上味道只能話普通稱唔上會推介俾人食嘅美食嚟 店員服務態度還好 要返轉頭食我一定唔會 …查看更多

見到喱間無咩負評嘅潮州菜館 就試下啦 點知坐低先發現有啲被騙感 揭開佢個餐牌 似普通大排擋中式菜館多過似打冷鋪 唔緊要 都試一試啦 揀咗佢個晚市孖寶 有薑蔥粉絲蝦煲同沙薑豬手配上湯蒜子浸時蔬 價錢178 其實好抵 佢嘅份量都唔細 至於味道先講薑蔥粉絲蝦煲 喱個個味道唔錯 粉絲索哂啲蝦汁味 但可惜啲蝦唔算彈牙 無新鮮嘅感覺 只係佢調校嘅汁可以遮蓋蝦嘅不新鮮 而且亦有啲火候感 賣相亦唔差 蝦都叫幾大隻沙薑豬手 喱個要讚 佢係凍食嘅 好好味 豬手好入味 又唔肥膩 好彈牙 完全唔似食肥膏 感覺清新爽口 讚上湯蒜子浸時蔬喱個啲菜量好多 而且好新鮮好好味 仲加咗個方魚肉碎粥不過喱個粥同平時喺打冷鋪嘅唔同 佢加咗啲切碎嘅翠肉瓜 肉碎量多 但唔明點解無方魚 完全食唔到個味亦咬唔到有 只食到重重胡椒味 可能翠肉瓜就係拎嚟中和返個胡椒味？整體麻麻地整體而言 喱度張張大枱 間隔感十足 坐得幾舒服 員工服務態度尚好 上菜速度亦好快 其實係唔錯嘅 至於食物質素就尚可 未至於好味 但佢嘅價錢都好合理 …查看更多

睇戲前諗住快食一個meal 嗌咗個burger同埋angel hair 點知個侍應原來聽唔到我哋落嘅burger 食哂碟麵都仲未上 都估到漏單 其實點菜時佢又無覆述一次 就係咁missed 佢又唔覺得我哋奇怪 兩個人只share 一個天使麵 又無嗌嘢飲 雖然我哋兩個女仔都未至於咁呱 算啦 趕時間都唔等 不過佢又好好咁表示誠意 free咗支礦泉水俾我哋香辣牛肉醬天使麵 喱個賣相唔太靚 加配一隻流心蛋作鋪面點綴 其實我本身都麻麻地天使麵 嫌佢太易淋身 好易成糊狀 但我fd想叫就試下啦 佢個牛肉醬真係稱唔上好味 有啲啲辣味嘅牛肉粒醬 係用麻辣醬炒牛肉碎而成嘅醬料 我覺得真係同叮叮麵質素無咩差別 天使麵質淋係自然嘅 味道真係好一般 份量尚可 但喱個價錢真係一啲都唔值 整體而言 喱間餐廳其實係坐得幾舒服 間格係唔錯 因為只試咗一款菜式又無飲佢啲咖啡 我對佢嘅食物質素評語只能話幾差 加上最基本嘅覆述菜式都唔做導致漏單 喱個亦講唔過去 用另一角度諗 只能話佢哋都好casual 就算你兩個人只share one meal 佢哋都好樂意為你服務 仲好有誠意 free 支San Pellegrino 礦泉水俾我哋…查看更多

今次嚟到荃灣 試下喱間主打鮮魚靚湯嘅小店 不過感覺實在太差 六點零坐低唔算多人 雖然店員講咗背包可以掛頭頂 但眼見全場勁多吉位 咪諗住拉張吉椅放低 有人嚟我自然識趣拎返啦 但店員好似好唔滿意 堅持背包不能放椅子 這是小店的執著 仲見到原來温馨提示咗大家 貼好咗標貼在牆身 其實無問題嘅 你有你執著 但有好多吉位時 你嘅執著咪令人覺得你唔識做 好老套囉 相信小店主打街坊生意 你識做我識做 有人入嚟唔通我仲死霸張椅嚟放嘢咩 無必要咁樣要求客人堅持你嘅執著呀 講緊嘅係客人觀感我哋將抹手後啲濕紙巾放喺枱面 店員好無禮貌又好不屑問 你哋架? 然後收起 個樣勁不滿咁 嗌完嘢食 用力劈低張單喺枱面 都唔知發生咩事 感覺極差 聽到佢對其他客人都係粗魯拋低食咩呀 好似前世欠你咁嘅態度 講完服務 講食物質素 我滿心期待佢哋嘅湯底係濃郁魚味 但一食已經覺得啲湯好似係魚湯溝咗大量清水溝淡咁 好聽係清清淡淡 難聽係溝稀咗嘅湯底 米線尚可 軟硬適中 我哋揀咗炸魚餅同枇杷豆腐米線各一碗 炸魚餅唔錯嘅 有魚肉味 將魚肉剁碎壓餅炸 比較薄身 但口感唔錯 少少彈牙 枇杷豆腐就差啲 肉質好散又唔嫩滑 魚肉味豆腐味欠奉 唔知食緊咩咁我哋另外再加咗個炸魚片 以為係平時食開嘅魚片 點知佢係好似炸蝦餅質地嘅炸魚片 估佢唔到 但佢質地又未做到好似蝦片咁脆 佢中間咬落去係好似受潮咗嘅薯片質感咁 至於味道係有啲魚味嘅 但唔叫好味仲有加多碟全走菜 揀咗菜心 係勁粗壯嘅 煮淋到完全唔想食落去 我個人口味鍾意食較生較硬嘅菜 但佢完全係唔駛用牙咬都得嘅淋度凍飲或可樂要另外加9蚊 如果佢魚湯係真材實料又香濃都叫值喱個價 但咁嘅質素收50蚊就真係不值 整體而言 喱間小店質素低下 主打魚湯無味 魚肉製品亦未見出色 環境唔算狹窄 一張大圓枱 相信係容納唔同搭枱客嘅設計嚟 舒服唔稱得上 但喺小店嚟講算闊落 不過間鋪咁嘅趕客服務態度真係唔知點吸回頭客或令人想幫襯 不過我理解 有機會啲人係食情懷 可能係街坊生意 但喱種情懷係咪應該加多幾分禮貌會令人更加珍惜呢 公道地說 係其中一個唔知係咪老闆娘嘅態度最差 亦有有禮嘅店員在場嘅 講真 香港服務質素低下係眾所周知 如果今時今日仲有街坊幫襯捱得住 唔係要珍惜有禮一點對待客人嗎 食物已經無質素 加埋咁嘅待客之道 真係無語 …查看更多

聽人介紹話喱間擔擔麵好好味 特登嚟到新蒲崗 係一間小店 揀咗：四川擔擔湯拉麵 哇 食第一啖已經唔想食落去 啲麵質好唔掂 淋到好似擺咗好耐咁 亦唔似自己手拉 似現成貨 係湯底叫做正常發揮 唔太辣亦有啖啖蔴醬香 個樣賣相唔差 但一定唔係出色到可以遮蓋淋麵嘅缺點 實在太失望 我真係唔明好味在邊蔥爆羊肉配飯 送熱飲 喱個蔥爆羊肉飯 只能叫普普通通嘅發揮 喺喱個地方食喱味餸 完全不值 蔥爆唔夠香口又唔夠穫氣 羊肉帶點羶味 極其量叫做有煮家飯嘅感覺整體而言 喱間鋪又窄又細 坐得勁唔舒服 仲要加埋喱啲嘢食嘅質素 真係唔需要試 我眼見好多枱都係叫小籠包 可能喱度其實係出名佢呱 但論性價比 我又覺得唔值 …查看更多

今次觀塘覓食 試下喱間烏冬店揀咗：法式油封鴨髀飯 喱個油封鴨髀一掂就散開 肉質稔身 肉汁亦好夠 豐富油脂但唔 係肥膩 外皮焦脆 幾香口 肉亦腌得好夠味 唔駛額外點豉油都夠味 喱個價錢食鴨髀 係超值 飯係珍珠米 唔會一舊舊 仲要原隻溏心蛋 整得好靚 都俾咗幾多嘅炒菇做點綴 份量又大 性價比唔錯 蕃茄濃湯烏冬配燴牛尾 喱間店主打烏冬 當然都要試一試 蕃茄味都幾濃厚 我鍾意佢將啲餸同烏冬分離 烏冬係彈牙又不失滑溜 麵質軟硬拿捏得宜 真係唔錯 而個牛尾都炆得好稔身同入味 膠質滿滿 洋蔥香口 的確唔錯72%朱古力奶 餐加25蚊喱支朱古力奶同維他朱奶一樣味 完全覺得係佢倒落個樽雪咁 應該都有750ml 嘅量 我個人都鍾意飲維他朱奶 所以覺得好味嘅 店員話送杯茶我哋飲 送完就無 所以我哋有一杯可以品嚐 我又覺得正常餐廳都唔吝嗇俾茶水 如果佢係為我哋提供而唔係限量會好好多整體而言 喱間啲食物質素係對得住個價錢 份量亦足夠 位置尚算寛敞 唔會迫住哂嘅感覺 差在無茶水供應 而且上菜速度亦較慢 佢食夠一百蚊仲可以擲三粒骰 大於十七點下次有九折 都幾有趣同有新意 …查看更多

行經尖沙咀 隨便入 試下喱間丼店 好驚喜嘅質素 樣式選擇亦好多 可以自選刺身丼 亦可以揀配搭好嘅 虎燃四皇丼 擺上枱已經覺得好吸睛 好有多巴胺色彩 鮮艷奪目 內容好豐富 有三文魚 左口邊 蟹棒 赤蝦 蟹籽 加咗兩片青瓜點綴 鋪排得好靚 啖啖肉同埋好新鮮 份量對唔太大食嘅人嚟講都夠 但大食應該就唔多夠 金龍卷 哇 真係好驚喜 店員一擺低就用火槍燒起 真係有火焰 好靚 炸鰻魚 炸蕃薯 青瓜 蟹籽 配搭起嚟都唔錯 有咬口同層次 正大燃燒三文魚蓉丼 喱個好超值 份量都係適中啦 有四粒小帶子作面頭點綴 樣子都係鮮艷奪目 三文魚蓉鋪喺面 用火槍輕輕燒一燒 帶有煙薫感 再加大量三文魚籽 令到口感更豐富 抵食 整體而言 喱間食物質素真係好好 價錢合宜 環境光猛 店員亦有禮貌 枱同枱間嘅距離都叫ok 未至於枱貼枱 因為座位較寬闊 只要維持喱個水準 都一定會encore …查看更多

喱間越南餐廳好似係擴大咗鋪面 新鋪位於油麻地 要搭𨋢上二樓 環境闊落 好光猛 不過始終都係枱貼枱格局 體現返香港地窄嘅特色 揀咗烤豬肉撈懞 個燒豬肉好稔好焦香 表面乾身 但咬落又唔係hi口 都幾入味 肉量亦夠多 撈懞汁酸甜味適中 清新可口 而且勁多香草味 每啖咬落都香氣四溢 係喱度嘅招牌特色 唔似平時啲越式餐廳咁普通 香草味為佢加添特色牛油果軟包 個軟包好鬆軟 配埋入面的脆口 生菜 酸菜 青瓜 芫荽 蔥 仲有啱啱熟成嘅牛油果 成個口感都好豐富清新 個份量都符合返個價錢嘅 夠飽嘅榴蓮糕 喱個糕雖然質感唔差 但榴槤味就實在太弱無咩味 輕輕散發嘅榴槤味亦有啲假 唔好味班蘭綠豆糕 喱個就好味好多 亦係必食推介 陣陣濃郁班爛味滲出 質地好煙韌 又有輕輕嘅綠豆糕味 兩個味幾夾 出色 喱個一定要試整體嚟講 喱間越式餐廳質素都唔差 價錢中規中矩 食物都算符合返個價 但係咪叫必食之選又未至於 係斑蘭綠豆糕較為出色外 個充滿香草味嘅撈懞又未至於令我一食想再食 雖然的確同其他嘅餐廳嘅有啲啲唔同 平時都幾多人等位 要等位我就唔會特登再食 …查看更多

今次試下素食 雖然我哋一早訂咗枱 但喱間餐廳一入去員工已經話唔好意思呀 你哋介唔介意食一個鐘 我哋趕住俾下枱 齋期比較full 咁唔緊要啦 如果上得快都無所謂 揀咗珍寶苜蓿手卷 喱個係仿三文魚手卷 同行友人話唔講真係唔知佢係假 個味道質感都做得好似 係咪呃佢 其實真係三文魚嚟架素食串燒配秘製沙嗲醬 喱個就扮燒牛肉同牛丸 牛丸味同質感都幾真實 反而牛肉就好似唔知食緊咩咁 雖然都有仿肉絲 但質感麻麻地 加咗醬汁就還好 都似返串串燒 佢個沙嗲醬我就覺得麻麻地好味 因為唔似平時食開嗰隻沙嗲味 反而帶有點點酸味 感覺怪怪地沙嗲牛肉飯 喱個沙嗲醬就同平時食開嘅一樣 好杰身 牛肉同串燒嗰舊差唔多 其實真係好似柴咗嘅肉 所以喱個飯就唔見得太出色燒賣（奶）喱個燒賣同平時齋鋪買嘅燒賣係一樣 一絲絲嘅饀 個皮真係燒賣皮 味道係幾清新 同平時嘅魚肉或酒樓燒賣完全唔同 佢亦唔係仿個味同質感而製作 所以口感幾新鮮整體而言 喱間齋鋪都合格嘅 唔想食肉想食齋可以頂下癮 不過想舒服食個齋 佢得一個鐘食飯時間真係會趕 而且位置係枱貼枱咁 其實想傾計放鬆都唔得 打工仔一個鐘食飯就真係可以考慮嘅 佢個價位喱個質素就中規中矩啦 …查看更多

喱間餐廳門口望落去幾有歐洲格局 仲要見到個餐牌四十幾蚊左右有個下午茶 就試下佢入內格局唔似茶記冰室 係舊式西餐廳 員工統一牛仔服飾 幾得意 價格超抵 大約40-60蚊左右 包一杯嘢飲 而且好有誠意標明係100%果汁 或茶啡 亦可以揀餐湯揀咗雞脾肉燴迷迭香蒜蓉汁.煙肉.意大利粉 開頭無諗過咁大份 同平時午餐量應該一樣 所以喱個價錢真係好抵 雞脾肉量亦多同埋算嫩滑 蒜汁帶有點點香草味 意粉硬度適中 揀咗個羅宋湯嚟試 喱個真係負評佢 無論色澤或味道都係勁淡味 完全好似水還水 番茄夾硬咇啲汁滴落去咁 可以嘅話唔駛試豬梅肉燴意式茄蓉炒意大利粉 佢細心咁將意粉分開 可以自己就住汁量嚟拌勻 麵質適中 茄汁味有啲似連鎖焗豬扒飯嘅味道 豬梅肉嘅量都好多 肉質較軟同稔身 略嫌唔夠入味 整體都係偏淡 不過喱個價錢都係可接受嘅質素 試咗杯熱鮮橙蜜糖日本綠茶 好似西式cafe咁 分開俾你自己斟 幾有feel 琺瑯鍋.香煎魚柳.山葵芥末籽蜜糖忌廉汁.温泉蛋.紅糙米飯 喱個上枱好驚喜 真係成個琺瑯鍋上 員店即刻幫你開蓋 熱辣辣 賣相尚算唔錯 份量亦好足 魚柳都幾厚肉同大舊 肉質亦好嫩滑 配埋個芥末蜜糖汁 香香甜甜 同魚肉好襯 仲有隻温泉蛋 一拮開啲蛋黃汁散開 搞勻成半熟狀 好味 佢用鍋上 減慢咗佢散熱速度 所以加好多分 每啖都熱辣辣 飯就係白米加紅糙米 咬落有啲咬口 唔錯椰子水係100%凍椰子水 不過用隻不銹鋼杯裝 賣相差啲整體而言 喱度嘅下午餐性價比極高 座位尚算舒服 雖然窄窄地 但唔會枱貼枱 員工態度亦有善 上菜速度亦算快 而且門面好似歐式格局 可以話係cafe 質素 茶記下午茶價錢 絕對值得一試…查看更多

講到話主廚有超過三十年印度菜經驗 仲喺皇宮做過添 咁就真係要試下佢菜單真係好豐富 烤餅同麵包都有好多款 根本唔識揀 就隨便叫 食印度菜點少得嗌咖哩 所以隨便揀咗款海鮮配咖哩 員工係印度人 要用英文點菜 但好彩有中文菜單 嗌完嘢食即刻捧咗一盤脆餅俾我哋 初初以為喱個係我哋嗌嘅印度烤餅 原來唔係 係叫脆餅籃脆餅籃入面有脆薄片同蝦餅 配埋個好深綠色嘅薄荷醬 味道幾特別同幾好味 係好似好多香料打勻而成嘅醬 我都唔識分係咩香味 當零食咁食都幾過癮海德拉巴羊腿香飯 喱個飯勁正 面頭有層烤包咁 佢會幫你𠝹開同拌勻 包下就係新鮮熱辣嘅羊腿香飯 佢幫我哋煎皮拆骨剩返腿骨 望落已經流口水 食落更覺出色 真係好香肉同香草味 係好中東嘅風味 啲香料充斥住我嘅味蕾 帶有一點點辣 但同行友人唔食得辣 佢話辣到食唔到 雖然好惹味 其實個店員已經喺落單時問咗要咩辣 我哋係揀最細嘅bb辣 而出嚟嘅效果係我認為辣得好適中 調較得好好 令到成個飯層次感出咗嚟 真係好好味 而且羊腿肉質好稔身 又嫩滑 仲好大隻 又唔肥膩同唔羶 因為香料已經完全掩蓋種羶味 真係好正 下次幫襯係我必嗌之選 佢仲配埋個乳酪俾你 可以撈埋同飯一齊食 真係好有特色同惹味印度烤餅 喱個烤餅係好似麥香麵包感覺 熱辣辣 好軟身 食落好香麥味同麵粉味 好好味 拎嚟配咖喱一流蝦咖喱 咖喱味帶辣 印式咖喱帶辣係正常吧 我都係覺得只係少少辣作調味咁 同行友人話喱個係無咁辣 佢食得到 大家都覺得好好味 啲蝦唔單止表面沾滿哂汁 入面都入到味 肉質亦係彈牙 好新鮮 喱個咖喱都好出色整體嚟講 喱間餐廳感覺尚算寬敞 當日食晚餐又無乜人 所以覺得好舒服 好光猛 同藍綠色嘅設計令人好放鬆 食物質素十分出色 服務過皇宮嘅大廚果然名不虛傳 喱個價錢又唔貴 仲俾我哋享受到貴族美食享受 而且食物份量好大份 絕對物超所值 一定會返轉頭再試其他款色 唯一美中不足係佢𠝹開個皮 無問我哋影唔影張相 就開始努力拆肉撈飯…查看更多