jxj的个人专页

觀塘有好多工廠大廈開左西餐廳, 不過好多都要預先book, 有D甚至要一個星期前book定... 如果即興想食西餐都係要去返商場/街舖。我果日係weekday去, 大概7:45左右到, 已經排晒隊要等起碼等6,7張枱, 職員叫我地8:30返去。咁啱猶疑緊轉去邊度食既時候, 突然個職員問有冇兩位, 於是我地兩個好好彩咁又即刻有位。叫左個卡邦尼綠茶幼麵 ($98) 同夏威夷薄餅 ($118)。主菜未到之前有麵包條食。室溫, 唔係新鮮, 不過完本冇預左有, 所以冇乜所謂。卡邦尼綠茶幼麵到先。呢個唔係好得, 只因個卡邦尼汁同一攤水一樣咁稀。佢個原意係好, 俾既唔係一般既pre-made卡邦尼汁, 係俾蛋黃你去撈而完成呢個汁。可惜果攤水落唔夠cream同未煮夠濃度就已經上碟。附帶一提, 碟意粉好細碟。食完晒個意粉個pizza都未到, 如果waiter事先同我地講pizza要耐D會比較好。個意粉已經唔係話十分快上, 加上份量偏細, 所以等pizza等到好餓。不過個pizza絕對值得等! 熱辣辣, 薄批, 足料, good! 非常滿足。…查看更多

呢度個氣氛好 casual, 唔會有 server幫你點餐，要自己去 counter叫。不過佢地會將D野食送去你張枱。原本好期待呢個 lunch, 叫左個 mushroom dog同 taters and sour cream。好可惜個 mushroom dog上面既 gravy實在太咸， taters and sour cream根本就唔係taters，其實用 fries頂替。好彩唔係叫 poutine, 如果唔係就雙重咸爆。 soft drink有得 refill, 香港真係少見！overall就真係麻麻，係比較勉強既ok，但係唔知係咪咁啱我去嗰日水準失手？有機會再經過我諗我會俾多次機會再試埋 burger。…查看更多

可能真係要去深水埗比較下先知。最好食既就係個脆皮焗叉燒包, 外而脆, 入面有啖啖叉燒。呢樣係咁多野之中最快上, 落單十分鐘內就到。鳳爪唔係平時酒樓紅色嗰隻, 味道一段不過幾大碟下 (唔係一籠咁, 係俾一大碟), 所以都叫抵食。鮮竹卷, 燒賣, 排骨同春卷味道唔係差, 只可以話係正常。最唔掂既係蝦餃同炸両。蝦餃完全係冇味, 好在食完春卷碟喼汁未拎走, 用佢黎點下先食得落。個炸両呢... 入面條油炸鬼都唔知係咪隔夜既... 唔鬆軟, 韌都牛皮咁, 又唔熱, 食落得啖油。人生中可謂最難食既炸両, 就俾我係呢度搵到。呢個OK都俾得幾勉強, 只因為大部份食物都係可接受...…查看更多

中午去到APM唔知食乜好, 上上下電梯見到Pizza Express, 又冇人等緊 (當時大概12點半前), 於是去試下。第一印象而經相當唔好, 上到櫃台冇人帶位。當時有staff掛住吹水, 望到有人都唔過黎... 啱啱想走佢就行過黎, 我就算啦。明明有大把位, 唔知點解要帶我地迫埋一堆咁坐, 佢地嗰度D枱排得好貼, 我問後一張係咪book左, 可唔可以坐後一張, 佢話冇book, 死死氣俾我地坐, 但要限時。未食都已經頂住頂住條氣。我叫左個light lunch set, $58 (未加一) 有main加飲品。叫左個giardiniera pizza同raspberry cool。個pizza味道OK, 材料都算實在, 不過似乎大多數香港pizza連鎖店, 材料既份量都係掙D, 同外國食pizza真係仲有D距離。個raspberry cool難飲到爆, 千期唔好叫。冇味, 好似齋飲蘇打水一樣, 一D甜同raspberry味都冇。…查看更多

叫左兩樣野:1) 炒貴刁味道唔錯, 輕辣, 不過太油, 同埋食開清淡既人會覺得咸2) 拼盤可以揀四樣, 點左無骨鳳爪, 咖哩角, 蝦餅同沙爹蝦拼盤用個兩層架送黎, 幾特別!- 無骨鳳爪OK啦, 不過有幾舊仲有少少骨, 唔夠仔細。- 咖哩角有兩舊, 細細舊兩啖食完, 辣度一般- 蝦餅外有一層杏仁薄片增加口感- 沙爹蝦係一整隻咁黎, 有兩隻, 沙爹味唔係好覺, 要用手mok黎食, 如果識得提供濕紙巾沬手就更好啦服務一般, 要叫先會加水 (俾得個細杯就應該醒少少多加注意)。整體覺得很普通，兩個人食完大概六分飽，唔太值得，試過就算，短期內唔會再去。…查看更多

試左個蕃茄芝士拉麵。個蕃茄湯底非常濃郁，好多蕃茄，俾人好真材實料既感覺! 上面有配幾片大蕃茄同埋有粒車里茄，加上溶化既mozzarella芝士，好正! 感覺似食意粉一樣，不過變左拉麵。我叫左加辣不過加左之後都唔係點食得出辣味，不過其實都已經好好食。如果真係要挑剔既話，我覺得除左蕃茄之外，再加少少其他蔬菜會仲好 (因為成個湯底已經好多蕃茄，連D菜都係得蕃茄就變左有D單調)。餐廳內好乾淨，有個播住日本節目既電視。再經開呢頭我一定會再試其他款式拉麵!…查看更多

柚子奶凍賣相很吸引，不過食落冇乜特別。味道既配搭唔錯: 柚子jelly，有少少crumble (不過冇乜香味, 我覺得好食既crumble應該有牛油香味)，有D berries，上面既sorbet酸酸地balance返個奶凍。個奶凍味道冇乜特別，味道較淡口。櫻花紅豆梳乎里&綠茶雪糕呢個朋友叫既，我試左少少，冇影到相。個梳乎里既味道怪怪地，好artificial，食左一啖我已經唔想食。綠茶雪糕冇乜特別，好細舊。總括: 冇人排可以一試，不過個人覺得唔係好值得同埋冇其他食評所講既咁好食。…查看更多

有3款味道既cream puff揀: 榛子, 雲尼拿, 拖肥, 每款都係$15。大大個, 夠料, 正!我覺得佢地個cream其實似mousse多D, 因為cream係比較有空氣感。而佢地呢個cream比較實在, 不過咁樣我仲鍾意! 因為好多時食cream puff, 個pastry puff已經好鬆, 加返呢個有份量D既cream就唔會覺得淨係食空氣咁。pastry puff上仲有朱古力同開心果粹, 而且cream好滑, 夠榛子味, 有滿足感! 雖然有份量感, 但係食完又唔會覺得好漏, 朱古力愛好者一定like!…查看更多

原來黃大仙呢個分店係冇堂食，後來我就上網叫外賣。網上登記好方便，成個過程都好簡單。最後落完order個網頁會話你知大概幾時會到，我個order好準時，比網頁上預計時間快5分鐘!叫左兩個大批，一個燒烤雞肉，另一個火熱墨西哥。兩個大批共$193，上網訂滿$180送四條炸春卷。D料以咁既價錢算合格。兩個批味道都OK，燒烤雞肉有少少甜味。而火熱墨西哥其實一D都唔辣，不過都唔錯!餅底唔厚，幾好 (我最怕D底太厚，食麵粉食到飽)。炸春卷好細條，好似一隻手指咁長，裡面都係雜菜，有一個似千島醬既醬送。不過始終春卷係送既，所以我對佢冇乜要求。可惜既係送到唻既時候已經唔係熱而係微暖。兩個大批夠4個唔大食既人食。總括：懶懶地唔想出街又想半個鐘有得食就不妨試下。…查看更多

叫左個豬軟骨湯麵配菜心。朋友叫左炸醬撈麵配南乳雞翼。加$5可以有豆漿或意米水，我叫左個熱豆漿。我個豬軟骨湯麵唔錯，味道夠之餘食完冇口乾。偷左朋友一隻雞翼來食，好正！味道香脆又唔油。熱豆漿都幾大杯。可惜個杯洗唔乾淨，杯邊口位仲有野痴住，衛生方面要打折扣。不過個服務員好有禮貌換過杯熱辣辣既俾我。整體食物味道唔錯，不過價錢有少少偏貴，份量亦都掙少少………查看更多

冇失望到！呢間pizza店座位唔多，我去既時候係週日既6點幾去，都已經座滿晒。不過都好多人係bar枱或外面企主食。每件pizza散叫既話每塊$35至$45，每塊好巨型，絕對係美式既size！我最鍾意係佢地個pizza餅底，可以用鬆脆來形容，一D都唔厚，唔會好似淨係食麵團咁。料都好足夠！我嗰日叫既係margarita，有芝士，蕃茄同香料，而家仲回味緊  一定會再去試其他口味！…查看更多

夜晚7點半左右到，叫左個九大簋二人套餐。每人一碗麵，九籠點再送一個。唔一定要揀湯麵，可以免費轉撈麵架！自己叫左個白高湯米線。呢個湯底入面有魚 (不過好細細舊食到底先會發現)，杞子，薑。湯底清，同埋就算唔鐘意食魚既人都應該接受到呢種魚湯底。每籠點心都細細個，好cute。十款點心中，最鐘意炸蝦丸，豬頸肉，同腩肉片。炸蝦丸個心有D汁，都幾得意。可能因為我個湯底比較清，同甜甜地既豬頸肉同埋入味又辣辣地既腩肉片一齊食就覺得好好味。野飲我叫左凍奶茶。同平時出面茶餐廳既奶茶味又有D唔同，都OK。其實唔洗特登叫呢個餐，因為唔係樣樣點心都咁特別 (例如竹笙卷，水餃，雲吞，我覺得都可以pass)。一個人食既話叫個湯麵配三款點心都夠晒。再經過呢頭既話我會再來試其他野！…查看更多

晚餐較早既時段到，大概7點前，去到當時已經坐滿一半咁滯。如果要形容呢度既野食，可以話係健康化的西餐，偏向日式西餐既感覺。如果唔鐘意太重口味既人就啱晒！呢度有salad to share，有半份或整份既size。半份已經超級大碗，4個人都夠分。我鐘意佢地既salad D醬兜得夠均，唔會話食一啖冇醬，另一啖一大pat醬咁。而且我覺得醬同材料既比例啱啱好！推介個portabello fries。好chunky同材料新鮮！配個truffle醬唔錯。反而個明太子意粉我覺得冇乜驚喜。就好似煮左D意粉撈mayonnaise同明太子。個人唔覺得特別好食。同埋呢度D意粉就咁叫係冇其他配料，要加配料就每樣加錢。仲有，個服務員一路好勤力幫我地加水。食完既時候已經8點幾，出面排滿晒人！…查看更多

突然好想食taco，香港唔係好多間，見到呢間都好似好多人覺得OK同埋價格都OK，於是唻試下。呢區平時一到下午12:30左右就好多上班族出唻食，於是我嗰日12點就到。我去到既時候未有其他人，開始食既時候就開始有，而且大部份都係外國人。我地兩個人叫左一個taco combo，另外散叫左一個fried fish taco同一個雞肉super nacho。每個taco大約一個手掌大少少。如果淨係講味道，10粒星為最好食，我會俾6至7粒星。fried fish taco舊魚好纖幼，個super nacho算叫做多料。不過最大問題就係樣樣都唔熱既！taco個殼應該係熱呼呼，super nacho D nacho唔洗熱，但係上面D料都應該要熱掛？都幾失望下...份量都唔係好多，食完仲有少少未飽既感覺。個汽水D冰亦都加到個杯咁滿，要注意。食完覺得唔係好抵，亦唔係真係話太好食。…查看更多

同朋友一齊唻呢度食tea，覺得環境幾開揚，坐得幾舒服，服務都幾好。自己叫左個普通既熱珍珠奶茶，兩人再share個藍莓吐司磚。珍珠奶茶太水，有D失望。不過個吐司磚果然好正，料好足，D包亦有輕微toast過既香味，賣相同實物一樣咁靚。一定要兩個人食，好大份！兩個女仔都未必食得晒。如果三人或以下，記得要到齊先可以入座。總括都係非常良好既感覺，有機會一定會再唻或者去其他分店再試下佢地其他野食！…查看更多