lovecindy1703的个人专页

呢間黑白大廚後好多人朝聖既餐廳，平日下午茶時間冇乜人，可以黎試試oppa 既手勢🍽️點完餐會自動送上Appetizer：🔽 Focaccia包控既我都好滿意佢，內軟而煙韌、溫暖、外皮有啲脆 。點埋橄欖油覺得有陣好香既味道☺️係麥香？烘焙香味？係好食既👍🏻可惜size 細細一個正方形 🔽 點左個食評中最多人讚既意粉Truffle White Ragu手工意粉扁狀偏幼，軟硬度適中 。出色位係佢既牛肉粒有啲肉乾香，口感微乾而咸香、配上芝士碎更令肉醬香氣發揮出黎，意粉肉醬乾濕度適中、味道惹味香濃，雖然Truffle 味唔出 ，但整體好味，都會比個👍🏻👍🏻 佢 。餐廳高樓底、落地玻璃，外觀文青舒服 。如果餐廳可以整多種餐品變化（下午茶、甜品、飲品）而且更善用空間，配置WiFi, 叉電插頭，令更多人可以好好利用佢既空間，我相信會吸引更多人黎💪🏻…查看更多

一直noc風格都好清新潔白文青風 ，有大片玻璃窗望到街景，感覺好舒服 。但印象都係食物細份而偏貴性價比唔高，所以好少幫襯 。今日下午茶時間，趁人少少入去飲杯咖啡食件餅原來平日有個下午茶飲品+甜品set$65 🔽 飲左杯朱古力濃度較高嘅mocha 少甜 ，所以偏甘苦，但都正常有咖啡香，不過不失🔽 叫左個甜品CARAMELISED BANANA& CHOCOLATE PUFF 🍌🍫本人一向愛香蕉&朱古力絕配嘅組合，呢件甜品完全食到真係用香蕉打蓉再加朱古力整成，配上外皮鬆脆一絲絲，外脆口感配上溶化溫暖嘅內餡，令到我為佢要寫一篇食評😂😍真係…查看更多

呢間位於新城市廣場嘅泰國菜，多年前已經喺度，一直見佢好多人排隊，終於咁多年後食到佢😆 食左就明點解佢咁受歡迎👍🏻🔼 一坐低就會遞上一兜蝦片，兜細但蝦片都唔少（圖中差唔多食左一半），蝦片脆口蝦味都好香叫左兩個主菜、一個小食、一壺養生熱茶🔼 泰式滑蛋黃咖喱大蝦🍤 ✨✨超好味！咖喱滑蛋汁超惹味！咖喱帶點焦糖香甜，咸甜比例拿捏得恰到好處，好開胃🤤🤤🤤 啲汁用黎配飯、配薄餅一流！蝦大隻而爽口彈牙！我地都對呢碟菜讚不絕口！👍🏻👍🏻🔼 印度薄餅 薄餅好酥香，點咖喱好味到邊食邊讚，好想即刻再叫多份（失去理知），但其實食到最後係好飽了😋🤪👍🏻👍🏻🔼 泰式炒金邊粉無論係粉定係蝦都好彈牙，材料、味道、口感都好好，係一貫高質既抄金邊粉味道🔼 全條魷魚🦑魷魚彈牙微軟，而唔會太難咬， 配上泰式醬汁（有啲西芹）本人麻麻西芹，所以覺得還好🫖🍵 壺養生茶因為用茶包泡所以冇特別就冇影相了總結💭 超惹味泰國菜，食到舔舔脷😋👅…查看更多

最近會路過上環，之前經過一次冇幫襯但店員都好友善打招呼，所以今次決定黎幫襯 。🔼 叫左個烤雞扒撈檬夏天天氣熱好鍾意食檬粉好清爽開胃 。雞扒皮脆又薄，食落脆冇肥膏但唔乾柴口感好，加上醃製咗所以好夠味，蔬菜配料切到幼絲又新鮮，檬粉條條清爽分明，配上檬粉汁，整體平衡、恰到好處 🤤食完覺得好讚所以都想再試埋小食🔽 越南春卷（仲會配幾塊生菜🥬比你）春卷好鬆脆新鮮，配埋生菜好fresh 解膩店員話點汁會更好味，仲好友善咁教我要搖勻檬粉汁再幫我倒 。💭越南餐廳、檬粉食過好多間，大多數都有一定水準 ，但呢間難得令我好味到想讚佢想推介😍👏🏻整體感覺好好： 食物好味、店員友善親切、環境簡單舒適、價錢合宜！好棒！好好味😋！想再食！…查看更多

今日放假想休閒又舒服慢慢咁嘆個午餐，見到圍方呢間Whole day 好得意，佢隔離係間髮型舖，一齊under the roof ☂️ 餐廳望落日式簡潔好舒服，仲有得食semi buffet, 啱晒邊傾計邊慢慢嘆 ，亦見到好多客人自己黎做野或者睇書，感覺好寫意 。我地二人各人叫左個semi buffet + 甜品另外再加多個羊柳一落完order 即刻去攞野食，semi buffet 都好有多款式，有我好鍾意既薯仔通粉沙律、煙三文魚🔽 主菜叫左虎蝦配龍蝦汁手工闊條麵🦞龍蝦汁好香、虎蝦都好彈牙🦐 整體感覺惹味🔽 另一個主菜叫咗白酒忌廉蟹肉手工粗管麵🦀麵口感煙靭，啖啖既蟹肉味同白酒味，相對上面嗰款口味冇咁濃🔽 因為好想食羊所以叫多個寶雲酥羊柳店員推介medium well呢個羊係我地最鍾意既主食，羊肉味香肉質嫩滑、配上微微煎到酥香外皮🔽 叫左兩杯飲品🍸 個樣都好靚又可愛🌸左邊Jade ocean 🌊清爽既梳打味右邊Jred Velcet Latte 🎀 甜甜暖暖嘅紅絲絨味🔽 甜品叫咗兩款： Opera Layer Cake 🍫濃濃朱古力味夾雜着一層層薄薄蛋糕，好多層次🔽 Homemade Canele with Myers’s dark rum pipe 好可愛可以自己唧啲冧酒出嚟整體用餐都好開心，店員服務好，環境好舒服寬敞，好適合一大班人聚會，店員仲話有私人位置 可以包場 提前兩星期預訂有85折優惠 。出面招牌見到佢仲有做緊happy hour時段（2:30-8pm）酒精類飲品仲有8折🍻🍻 下次可以同朋友黎傾計聚聚 @wholeday.restaurant.hk@chef.tonytc #wholeday.restaurant.hk…查看更多

晚上去開上環，隨便睇open rice 搵食，呢間「味道」比較受歡迎，一於試試佢 。🔽 叫左香茅豬扒煎蛋飯豬扒份量大份，切得比較幼好方便食，薄而口感咬落適中，鍾意佢瘦瘦但唔會柴，煎到脆脆地，香口滋味 。荷包蛋煎得剛好，蛋黃半流心，加落飯度再配上店員提我可以加既秘製豉油超惹味 （加左豉油之後真係滋味倍增！） 混合埋流心蛋漿真係絕配旁邊仲有蔥油，感覺有港式既滋味 。平時我麻麻地食蔥油但佢整個組合配起黎都好香，令我食哂成碟飯 。配上一杯唔澀既奶茶，冇加糖都飲哂感覺良好 。簡單直接好味既一餐…查看更多

呢間章魚無雙未搬鋪位前係我排行第一既章魚燒店 🐙當時都好受歡迎，好多like, 朋友同我都大讚 ，唔知點解搬咗舖位，水準可以咁大落差，簡直壞左個招牌😢 💔從前望落外觀，都係粒粒飽滿外皮脆、而且內軟、味道濃郁，好多配料 ，大家一食都會讚不絕口而家一望個樣，細粒哂、仲要個樣謝哂皮🥀🥀外皮淋、仲要有啲散 。我都好耐冇食過咁既口感章魚燒，由最好變成咁差，我覺得佢地糟蹋咗呢個招牌 。唯一感覺相似嘅係佢既材料味道（可能食材用料來貨如前）但人工手法真係兩回事 。點解會攪成咁？服務態度麻麻、仲要感覺冇心整 。只能講好可惜，可唔可以比返以前既味道我😢😭💔💔💔🔽一睇個樣都覺得驚訝，同以前兩回事，而家連個球體都望得唔清楚，縮水又淋哂😔…查看更多

一直見茶痴呢間舖喺上環開咗好耐今日經過終於買左杯黎試試佢🔽 熱硏磨開心果燕麥奶茶，揀咗少甜開心果味好淡面頭啲開心果碎又唔夠香脆感覺普通唯一好啲啲既係茶底有啲花香同埋港痴支持下香港野但整體嚟講都係冇乜特別而且價錢都偏貴或者佢其他飲品比較出色令佢可以屹立咁多年？…查看更多

去開黃埔，搵搵附近有啲咩好西食，見到呢間上海野評價唔錯，所以就由黃埔站行過去大約8分鐘左右，去到叫完野食先知只收現金，員工叔叔話幫我比住先叫我下次先比返佢，因為唔好意思又唔就腳下次黎找數所以就多謝佢冇食走左。兩個星期後又有機會再去，特登去幫襯返，因為上次太感動，所以再去支持呢間小店 💗店內職員都係叔叔阿姨，佢地都好友善，一坐低都即刻比茶你，見佢地同事之間都有傾有講，氣氛融洽 。最後我傾計話多謝佢上次咁有人情味，佢話原來已經有幾個人都係食完冇現金比，話比佢下次找數，但之後都冇左人影！ （睇到既記得返去找數啦👀）之前睇食評講到員工態度咁惡劣，但原來係好有人情味🥹🫶🏻講返食物，因為我自己一個食唔到咁多，只叫左個糖醋排骨麵 ⬇️排骨好大碟，都好多肉，一啲都唔偷工減料 👏🏻外皮炸得薄而酥脆，糖醋醬黏身惹味🤤麵係幼身，湯底較清，可以中和返糖醋味 ⬇️ 配埋杯暖豆漿，唔會太甜又大杯食完仲要聽到隔離枱突登走去讚話炒年糕好好味，有機會要試試🤩💡最後店員叔叔話為左大家佢整左個Ailpay (冇記錯的話）等大家方便比錢啊🤩🥰💭 總結：小店營運好唔易，有人情味食物好味更值得支持💪🏻…查看更多

以前食素冇咁常見，印象中多年前食過呢間餐廳都令我對新派既素菜另眼相看 。到近年愈來愈多人食素，呢間素年仍然屹立，仲開多左幾間分店，可想而知佢果然有實力🙌🏻🌱💪🏻今日同素食朋友兩人叫左兩個餐：⬇️日式照燒豆腐煎純素蛋漢堡有驚喜既豆腐漢堡，配上牛蒡，大葉，椰菜，仲有自家製純素蛋黄醬味噌照燒汁，出奇既夾同埋清新，一啲都唔罪惡既burger，成件事感覺好健康😆而番薯條分量都好多，外層少少脆口裡面既番薯仲濕潤，感覺都唔太熱氣🤭⬇️日式咖喱唐揚猴頭菇野菜定食日式咖喱配唐揚猴頭菇係非常既夾，猴頭菇好入味，口感好好！歡喜🤤🍄‍🟫配上淮山漬物、前菜牛蒡、甜品蕨餅，呢個set 都好圓滿⬇️跟餐可以加錢有埋甜品：青提柚子慕絲蛋糕蛋糕柚子&青提味道酸甜，感覺好清新總結💭： 餐廳質素有水準，將素菜以新穎、清新既形成呈現，咁多年對佢印象都好好，而家既分店更大間舒服，值得一再幫襯🥰…查看更多

朋友知我鍾意食牛扒，每次講起牛扒話題，佢都會推薦我試吓呢間🤣。今次終於去食喇😍！餐廳位於APM附近，十分方便。環境幾有氣氛，充滿深色實木元素，溫暖舒適得嚟又高貴優雅。面積不小，都幾多座位。餐牌選擇好多！除咗主打嘅牛扒，仲有豬鞍、烤雞、烤魚，各款意粉小食前菜，甜品、飲品同樣多選擇。唔係簡單一間扒房。⬆️ 先講飲品，叫咗🍹士多啤梨乳酪碎冰🍹杏仁海鹽焦糖忌廉碎冰士多啤梨超超超濃😍！飲到尾都仲同第一啖一樣咁濃🤩，好香甜食到士多啤梨肉同籽，冇化學味，好好飲，大推👍🏻杏仁海鹽焦糖相對較淡，但都好唔錯飲到杏仁同忌廉香⬇️ 佢有兩款牛扒，決定叫哂，比較吓😆⬆️ 慢煮牛肩胛肉🥩賣相好吸引，表面烘烤得好靚，裡面肉質粉粉嫩嫩。將第一件放入口，🤩好滑！好細嫩！果然係慢煮。牛味好香好濃，好味到我瞇埋咗眼食🥹❤️。好耐冇食過咁好味嘅牛牛喇🥹🤤⬆️ 美國1855安格斯肉眼🥩呢個賣相一樣good。肉質相對冇慢煮果塊咁嫩口，但牛味呢塊會再濃一啲🤤，好好味🤤🥩🥩兩塊都好正，好好味❤️⬆️黑松露忌廉雜菌意粉🍝意粉軟硬適中，黑松露味夠濃，味道偏甜，有雜菌香⬆️ 梳乎厘班戟🍰同樣係呢度招牌貨叫咗原味溶岩梳乎厘班戟試吓。好喜出望外🤩，原味勁好味！佢個奶味勁勁勁香濃，好味到不得了，奶香加蜜糖甜加埋一齊，正🤤而梳乎厘班戟做得好好！質地輕盈，食落唔笠口，唔會漿住個口，好清爽脷落，但又唔會食空氣咁，係咬到鬆軟嘅質地，同時充滿蛋香同牛油香😋呢個梳乎厘班戟應該係我食過最好食嘅梳乎厘班戟🤩🤤總結💭：唔怪知我朋友成日同我講呢間餐廳啦🤣原來都真係好好食，同埋佢性價比真係好高👍🏻如果未食過，真係非常推薦大家去食❤️…查看更多

同朋友去尖沙咀經過，見佢門面好開揚又多位，氣氛都好有情調既墨西哥酒吧餐廳，望下menu 原來價錢都唔貴，所以同朋友入去試試😛🔼 員工熱情既打招呼🔼 牛扒脆玉米片Steak Nachos $158 👅呢碟Nachos一上菜，會令人嘩一聲！冇諗過咁大盆，同埋好足料！一大堆牛扒切粒堆放面，底下有紅色既nachos，淋左應該係芝士忌廉既醬汁，不單止大碟，仲要高質好味，牛有香牛味，食落唔鞋口，配埋脆脆nachos同醬汁，令人邊食邊讚，CP 值超高！ 🤩🔼 薯條配牛油果醬Chips with Guacamole $58 諗住嗌份薯條少少地過口癮，點知都比想像大碟，比左啲牛油果& cream sauce 都好多，食完都點唔哂🔼 豆蓉羊肉墨西哥卷餅Bean & Lamb Burrito $148 🌯第一次食卷餅中間包左抄飯，有羊肉又有豆蓉，再配埋芝士，非常飽足既一道菜，都係第一次食到咁紥實既卷餅，一半攞上手就感覺好有重量🔼 每一啖都好足料，食半份就已經好夠飽。味道係好既，但因為前面兩碟份量太勁所以食埋呢個實在太飽，建議想食多幾款就要搵多啲人黎share! 😂 💭總結：超滿足超飽足！冇諗過尖沙咀呢個地段，都可以有CP值咁高既餐廳，好味又大大份！環境又好可以坐足成晚，非常推介一大班朋友黎開心share偈傾食飯飲嘢！🍻…查看更多

呢間book mark 左好耐既pizza 西餐店終於黎食佢啦🤩Pizza 賣點係即叫即做，用火山石熹高溫烤焗，話會好鬆脆煙韌。店面綠色配上開放式扇門感覺好清新，令人好想入去坐坐🫢🔽 同朋友叫左個2人餐$398沙律餐湯各一🔽 沙律都足料差唔多有成半個牛油果餐湯係濃濃磨菇湯，有粒粒磨菇抵讚🔽 Pizza 叫左北京烤鴨披薩比起之前試過呢款口味既pizza, 呢間餐廳做既pizza 餅底厚度適中煙韌，而且冇咁重口味，多左啲翠肉瓜令到個pizza感覺清新健康左，味道天然啲冇咁多醬料味。🔽 牛尾肉醬麻花卷意大利麵因為自己好鍾意有煙韌既口感，所以想試試佢呢個麻花卷意大利麵。麵質煙韌，牛尾肉醬味道亦好天然，係有住家既味道。🔽 另外可加配小食 & 甜品 （各+$58🍴小食叫左個蜜糖芥茉炸雞翼呢個係成晚最邪惡味濃，芥茉漿酸酸好惹味，雞奕炸到好大隻鬆脆🤤甜甜叫左個🔽 Brownie 配焦糖香蕉雲呢拿雪糕呢個組合係冇得輸🥹熱辣辣brownie & 燒到焦糖面嘅熱辣辣香蕉，再配上涼浸浸雲呢拿雪糕。冰火交融，不得了🤩總結： 食物比想像味道天然，唔會太味重（隨左個炸小食）想要有啲邪惡又算比較天然住家味可以黎試試😉 …查看更多

間中都會口痕痕想食下泡芙，鍾意佢既甜甜脆脆又透心涼既感覺。最近天氣開始熱左，食泡芙啱哂🤤西樹泡芙最正既係有好多款口味，試過好多款都好味😋今次揀左3款口味同屋企人分享抺茶紅豆🫘朱古力布甸🍮榛子意大利芝士Tiramisu☕️🔼 抺茶紅豆🫘味道唔會死甜，清清地抺茶配上粒粒紅豆蓉，長者都讚好🔼 榛子意大利芝士Tiramisu☕️榛子粒粒配上咖啡香味，仲有餅乾仲keep 到唔淋！ 鍾意咖啡味啱哂！🔼 朱古力布甸🍮鍾意朱古力又濃味既朋友啱哂！好鍾意佢脆脆朱力外皮配上軟滑既朱古力布甸朱古力味好濃🍫 好滋味！間中都會想買黎食過下口癮👅…查看更多

Kay restaurant 前身係K&L dream cafe而大廚仍然係同一位，味道保留！🏅聽朋友講好多好評，所以想去試好耐！天氣凍凍地，點完餐後店員親切地遞上水晶晶既 🔽蘋果玫瑰花茶，酸酸甜甜，充滿果香又溫暖☺️🔽甘筍忌廉湯+蒜蓉包飲得出放左好多甘筍，好多🥕粒好濃郁，有甘筍既甜；蒜蓉包好脆好多蒜蓉。冇諗過餐湯餐飽都咁有質素👍🏻🔽軟殼蟹鮮果沙律🦀好大隻，炸得薄脆而蟹肉多🤤鮮果有哈蜜瓜、青蘋果，都好新鮮🔽蕃茄海鮮意大利飯蝦好大隻又彈牙，最驚喜係飯底好多材料，又菇又蔬菜粒，口感好豐富🔽斧頭扒配焦糖蘋果醬豬肉好軟熟多汁，配上蘋果醬好夾好開胃清新。旁邊既薯蓉都好出色，好滑充滿薯仔香；連焗蒜都可以食埋🔽 炸馬穌里拉芝士條好開心可以拉絲拉到好長😂 （趁熱食喔食得又玩得🔽薯條配黑松露醬薯條好酥脆香，係高質既脆漿薯條黑醬露醬調配得好濃黑松露味💭總結：食材、用料、配搭都食得出用心製作，好味道，會再回頭的…查看更多