KelLau的个人专页

最近試咗 GoNuts 嘅幾款美食，總體感覺係有驚喜又有失望。首推嘅係 朱古力麻糬窩夫，真係好好食！窩夫外脆內軟，配上濃郁嘅朱古力醬同彈牙嘅麻糬，仲有豐富嘅忌廉同朱古力碎，口感同味道都好正，係一絕！另外，雞軟骨煎得香脆，咬落去有啖啖肉汁，配上旁邊嘅醬汁更加開胃。龍蝦湯 QQ 麵 亦都唔錯，湯底鮮味濃郁，麵條 Q 彈，龍蝦肉新鮮，係一碗令人滿足嘅選擇。不過，負85度咖啡 就稍為失望。雖然有創意，但味道一般，奶霜質感唔夠濃郁，飲落去有啲單調，未能突出特色。總括嚟講，GoNuts 嘅甜品同小食值得一試，尤其是朱古力麻糬窩夫，絕對係必食之選！…查看更多

終於去到成日都大排長龍嘅Bar Leone！入面氣氛好好，啲裝飾都好都自己風格。同朋友一齊嗌咗幾杯唔同嘅嘢飲試吓，最驚艷一定係 CAFFE' PARADISO，creamy 得黎酒感都好重下，好似食緊甜品咁。嘢食方面都唔會令人失望～嗌左Smoked Mascarpone Dip & Chips，Meatball Marinara，"IFC" Italian Fried Chicken同埋Focaccia With Mortadella, Whipped Ricotta, Pickled Chillis。smoked mascarpone dip and chips 送酒一流！creamy嘅芝士加埋脆卜卜嘅薯片，簡直冇得彈！…查看更多

終於同朋友一齊試咗口利福，環境好有中式傳統氣息，昏暗燈光同紅色裝飾好有氣勢，食飯時份氣氛真係唔錯！蝦多士真係好出眾，厚實嘅多士夾實新鮮嘅蝦餡，外面炸得金黃香脆，咬落去蝦味濃郁，配上茄汁同mayo，味道層次好豐富，份量夠晒滿足！叉燒亦都係一大亮點，肉質嫩滑，燒得外層焦香，表面嘅蜜糖光澤同汁水滲出，入口即溶，味道甜中帶鹹，配飯或者單食都正，質感同口感真係高級得來唔失傳統風味。最後嘅甜品龍眼刨冰就係完美收尾，刨冰細膩滑溜，龍眼同杞子加咗清甜嘅天然果香，上面有粒凍檸冰淇淋同啲金箔點綴，賣相靚到爆，食落清涼又唔會太甜，仲有啲健康感，超啱喺熱天享用。價錢算合理，適合同家人朋友一齊嚟試，絕對值得再visit！…查看更多

同朋友一齊試咗 Carbone，環境真係好有氣氛，好似走咗入一間地道意大利餐廳，浪漫又溫馨。食物方面，前菜唔單止有麵包，仲有芝士同埋Salami，好加分！主菜有啲驚喜，spicy vodka rigatoni 第二張圖嘅意粉用咗濃郁嘅醬，味道層次豐富，醬汁同意粉貼合得天衣無縫，咬落去有啲嚼勁，配上一啖白酒真係享受。牛排就更加出眾，煎得恰到好處，外層焦香，內裡嫩滑，上面有幾條野菌同濃汁點綴，增添咗 earthy 嘅風味。份量適中，適合一頓 leisurely dinner。另外提提有一個加分位係佢最尾每人都會送一shot lemoncello，為呢個晚餐畫上一個完美句號～整體嚟講，Carbone 嘅食物質素同 presentation 都係頂級，服務員態度友善，適合同親朋好友一齊慶祝特別日子。不過價錢偏高，建議預算好啲先去。夜晚用餐嘅氣氛加分，食完仲有種滿足感，值得一試！…查看更多

成日經過都見到呢間舖頭好多人排隊，終於有機會同朋友去試咗呢一間三食，好彩我哋唔需要等好耐，星期六晚等咗大概半個鐘頭左右就已經有位。知道呢間嘢出名奶油湯，所以專登嗌咗嚟試吓。本身仲以為會好奇怪，但係湯底又好濃嘅胡椒味，中和咗奶油嘅油膩，Creamy得來帶少少辛辣感，非常特別。另外嗌咗豬頭肉同埋辣炒章魚。豬頭肉好爽口，亦都冇好肥膩嘅感覺。辣炒章魚配埋紫蘇葉味道好特別，令到佢嘅味道再上一個層次。不過我自己就覺得佢嘅份量其實偏少，小菜亦都冇refill過，唔知道有冇得免費refill。個人認為以呢一個價位嚟睇有少少唔係好抵食🥲…查看更多

朋友生日book咗呢間餐廳食佢嘅Omakase set，呢個set全程都會有人過嚟幫你處理你嘅食材，完全唔需要自己郁手，最適合我呢啲唔鍾意自己落手燒嘅人士。店員每一款肉類都處理得好好，成餐飯嘅節奏都把握得唔錯，有時候有啲需要等得比較耐嘅位置都會安排啲小食（例如枝豆）等你食住等感覺比較良好。清酒嘅選擇都唔少，不過店員介紹一支比較甜嘅sparkling sake 我哋就覺得可以再甜啲🤣🤣每一款肉都好高質，油脂味好香，最鍾意食一定係和牛海膽飯，用呢個嚟作結簡直係完美！另外有一個少少🤏加分位係佢哋唔收切餅費，好人性化嘅考量！…查看更多

朋友生日book咗Louise既tasting menu 。一入去已經覺得環境好靚，好啱女仔打卡。啲嘢都好精緻又好好食，果然係有一星水準。朋友唔食洋蔥餐廳都願意幫我哋轉另外一款菜式，轉咗之後係紅菜頭沙律，感覺稍為遜色，比起其他嘅菜式有明顯落差。三黃雞係佢哋嘅招牌菜，餐廳侍應都好貼心咁樣原隻上俾我哋影完相先至幫我哋切開。個人認為隻雞冇咩特別，但係佢配嘅飯就一流！有脆皮嘅雞皮撈埋雞油嘅香味，真係令人食到停唔到口。最後餐廳送上嘅Madeleine都好好味！滿滿嘅牛油香。係一個好適合同朋友食飯打卡嘅好地方。…查看更多

每次想食日本野都會即刻諗起活一鮮。種類多，用料新鮮，飲酒傾計環境都一流。今次嗌左刺身五品，玉子燒，雞肉串，時令秋刀魚，厚燒牛舌同埋壽司拼盤，樣樣都好食，有讚冇彈！💫刺身五品有齊拖羅，生蠔同貝，完全係我想食既野！生蠔加埋酸酸甜甜既啫喱好fresh完全唔膩，蠔本身好厚身又creamy。拖羅油脂好足，入口勁香💫玉子燒每次都嗌，唔算好滑，帶少少甜，但熱辣辣噴曬煙，食完一舊又一舊，停唔到口！💫雞肉串雞肉串帶啲脆骨，口感提升左之餘香氣都好足，加埋醬油漬蛋黃，簡單世一！💫時令秋刀魚佢地成日都有唔好seasonal既魚做刺身，秋刀魚配酸汁好鮮甜，食完刺身個魚架仲可以加錢炸左佢，炸完脆卜卜送酒一流！一啖都唔浪費。💫厚燒牛舌厚切既關係牛舌勁juicy，燒得岩岩好，入面仲有少少粉紅色，不過一定要襯熱食！💫壽司拼盤呢個係做佢地membership之後用積分換的，但用料完全唔馬虎，每款都新鮮又好食，仲有海膽添🤩🤩佢地酒水都好抵飲 生啲1L先$88! 上次去仲做緊買2送1，最岩同朋友醉住傾計…查看更多

太子侍拉麵真係一個唔錯嘅選擇！好似係悄悄班底重開，一直都想試好耐！今次試咗鹽味雞白湯拉麵同煮乾醬油拉麵，兩款味道各有特色。鹽味雞白湯拉麵湯底濃郁，配搭拉麵同新鮮配料，食落好滿足。煮乾醬油拉麵都有濃郁嘅醬油香，有少少似魚介香味，麵條彈牙，味道層次豐富，特別啱重口嘅朋友。最鍾意係佢地既甜品，絕對係驚喜之選！開心果芝士蛋糕順滑，入口即融，仲帶果仁香氣caramel pudding唔算好甜，但係就好滑，係完場一餐嘅最佳ending。環境舒適，服務亦好，強烈推薦大家去試吓！P.S. cold brew都好飲～大推～…查看更多

今日去咗YOI Coffee and Bakery，感覺真係好正！特別要講下佢嘅French toast同chicken breast sandwich，味道真係讚到爆！French toast 真係好有水準！外層煎得金黃香脆，內裡軟滑得來仲帶點濕潤，配上鮮莓同藍莓同埋一啲杏仁片，酸甜同香脆嘅口感混搭得好完美。上面仲有啲糖霜撒落，食落去多咗一份甜蜜感，感覺好似喺享受一頓精緻下午茶！配搭啲新鮮生果同果醬，味道層次好豐富，絕對係早餐首選！同埋試咗chicken breast sandwich ，雞胸肉焗得嫩滑，夾雜住新鮮生菜同番茄，仲有啲 pesto 醬加添咗香味。麵包煎得外脆內軟，咬落去有滿足感，配上啲新鮮葉菜，健康又美味。啲材料用得新鮮，食落去清新又唔會膩，超適合同朋友一齊share！All day breakfast 都唔差～份量夠晒，感覺好chill。環境舒適，食物質素高，YOI Coffee and Bakery真係值得一試，特別係鍾意 brunch 嘅朋友！下次一定要再去試吓其他菜式！…查看更多

一坐低店員好快就拎咗幾款小菜上枱，係要用成個板先上得齊，款式多到誇張！每款都好足料，食落真心正，已經即刻為成餐飯加分！主角醬油蟹真係不得了！蟹肉嫩到飛起，醬油醃得啱啱好，甜甜咸咸超入味，仲有滿滿蟹膏，配飯食簡直係無敵！完全係韓國地道風味嘅享受。總括黎講小菜同醬油蟹質素高到爆，環境又舒服，服務又nice，絕對要試吓！…查看更多