Cindy Gavi的个人专页

見間餐廳都開左一段時間未試過平日人流一般今晚諗唔到食咩就試下可能我唔好彩啦 想叫4樣野酸辣土豆絲 回鍋肉粗炒蚵仔煎 海底椰燉雞 （賣哂）土豆絲 38味道一般 加左青瓜絲入去 攪到口感有D怪 街邊是旦一間／兩餸飯賣嘅都好味過佢多多聲回鍋肉粗炒 88D肉炒得幾香嘅 但份量奇少不禁想講 香港D餐廳執笠真係唔抵幫架你俾多少少麵都唔係多好成本姐攪到碟大 麵少 so sad跟住係重頭戲 見到嬲到要即刻打食評嘅蚵仔煎 108價錢貴唔貴 見仁見智但一上碟 嘩 咩嚟架？ 又綠又黑我叫左蔥仔煎呀？點搵都搵唔到一粒完整嘅蠔散左嘅蠔碎大約手指尾指甲咁大左右簡單嚟講 全碟都係蔥108蚊叫左碟煎蔥食落當然一口油 無蠔味啦 真係差到難以形容我即刻睇返menu張相 圖片只供參考 你都唔好太過份呀…查看更多

估唔到喺尖沙咀搵間唔限時嘅壽司鋪係幾難嘅 門口睇menu見到有壽司 有丼飯就試下入到去座位唔多 8個位左右 都係Bar枱 超窄 由於張枱太細 係分開左上下格枱咁 嗯....真心唔係坐得舒服店員好熱情咁介紹唔同嘅set$198 10件 每款最多兩件$248 10件 每款最多一件 $278 12件 有二人餐 有少少刺身 有壽司 有個hae hae地鰻魚飯 唔吸引 唔記得幾錢叫左248 10件 由於唔可以重複 所以叫10件 因為叫12件嘅話 最後兩件我單點仲平 味道 OK啦 無驚喜 海膽用加拿大嘅 ok啦 Toro 可能無講係中拖定大拖 我只能夠講比赤身粉紅D 但中拖都講唔上赤貝 細但爽！炙燒金線鯛 幾好牡丹蝦 發育不良炙燒左口魚邊 正常北海道生蠔 $78蚊隻師傅明顯唔識開蠔 生蠔慘被碎屍 唔郁 不過柚子醋調味都好味另外叫多左D單點 O K 啦明太子沙律 正常份量 正常味道 發現枱底有張紙話Kuma壽司可以用app儲分 哦總結 零驚喜 性價比低 但服務態度好 會唔會有下次呢？ 應該無…查看更多

成日經過都見到有唔少客嘅鋪頭今次就試下佢閒日夜晚8點幾入去 4枱客坐普通枱得返吧枱唔緊要啦 坐落都幾舒服嘅居酒屋Menu嚟講 款式數量正常壽司清楚講明係一件嘅價錢有刺身 手卷 燒物 料理 茶漬飯 Sake menu自成一本叫左牛油果蟹籽沙律清酒煮蜆三文魚籽日本海膽丼 （跟味增湯同沙津）燒油甘魚茶漬飯壽司就叫左 火炙三文魚腩劍魚腩甜蝦蟹膏北寄貝油甘魚腩牛油果蟹籽沙律 正常野 無太多comment 係牛油果比較少 同可以熟d壽司係好味嘅 材料新鮮刺身丼我就有少少疑惑嘅明明menu係寫住（三文魚籽，日本海膽）但上到嚟 有埋其他海鮮角切 同螢光魷魚 不過$198 如果滿碗三文魚籽加海膽又真係無咩可能嘅而且味道係好味 飯同刺身中間有黃蘿蔔粒同紫菜碎增加左口感 清酒煮蜆都係驚喜嘅 味道唔太濃 有清清地嘅酒香 個湯底係你會想飲埋個種全餐唯一覺得非常失望嘅係茶漬飯叫嘅時候講左 紫菜分上 （因為我自己唔食得紫菜）上嘅時候 紫菜片係分上 但成個飯都淋滿紫菜😵 飯面就係一粒2cm X3cm x1cm 嘅煎魚粒分上嘅茶壼 裡面係抹茶粉沖水倒落去 就好似抹茶粉加水加白飯賣相已經灰左 食一啖已經唔想食本身我係好鍾意食茶漬飯嘅 因為之前喺其他居酒屋食過係好好食 同有唔同次序嘅配料落總括而言咩都好 就係千祈唔好叫茶漬飯！…查看更多

5點鐘 喺九龍幫想搵間Cafe坐下食少少野揸車兜下兜下 見到間門面幾靚嘅鋪頭 喺車房中間格格不入門口難得有位泊低車就入去坐鋪頭10張枱 得一枱客個下個心離一離因為多客無伏呢個道理 我好耐以前已經知樓面姐姐無咩特別招呼 比左個餐牌我睇一睇 唔怪得咁少人啦第一版廚師推介見到牛油雞翼本身想叫 一望$132再打開menu是旦一個撈濛都過百越式法包都至少九十幾or過百九龍城 車房區 咁嘅價錢 唔怪得星期六下午都無咩人都坐低左 就點都叫D野食啦叫杯乳酪飲下 想叫荔枝無 想叫奇異果都無唔緊要 我即刻問姐姐 可唔可以士多啤梨香蕉 姐姐話：又得喎呢下幾開心 竟然唔洗加錢然後叫左個牛油果燒豬頸肉法包乳酪好快就上 賣相就無咩架啦😂 但唔似係買返嚟嘅 似自家制 好味牛油果豬頸肉法包 賣相正常 但唔係打卡able嘅樣啦食落包脆 豬滑 多汁 牛油果都唔少中間仲有青瓜 菜絲 好好味 份量就唔會飽架啦 不過食個tea如果食到過2百 但又唔喺酒店or打卡cafe 會有D心理唔平衡 所以無再叫其他野食由於鋪頭無其他客 所以都坐得好舒服靜靜地比我打埋篇食評…查看更多

天氣又變返暖 想搵D唔只得食壽司嘅和食食下近近地apm無左板長就食下佢地副線鮨樂星期四 無訂枱 walking就有位兩個人食 竟然有窗口卡位 有埋布簾 私穩度幾高不過叫人嗌野就要伸個頭出去搵人坐低有姐姐介紹點落order 可以口頭叫 可以填紙仔有咩是日精選見有栗蟹 白子 清酒煮蜆 鮟康魚肝二話不說 叫左魚肝同煮蜆睇menu D野食都幾吸引第一樣嚟嘅係清酒煮蜆 成個爐上推薦有哂酒精膏燒住 好好味！個湯底又鮮 D蜆又好味不過有兩隻有沙就扣左分另外勁推薦嘅就係甲羅燒 好味到核爆 佢仲要配埋白飯魚脆片去食簡直好食過喺日本食燒牛脷呀 壽司呀 個D就正常發揮啦最後叫埋個南瓜雪糕作結 比以前板長大啦 因為係一個上但雪糕好似無以前咁香甜…查看更多

服務到位 有兩個唔同位置比我地簡一個正海景 一個側海景咁簡左張正海景嘅枱不過張枱我就覺得細左少少同埋同隔離位都比較近食物選擇就唔多 一定係叫set 3個Crouse 或者5個Crouse 想食牛就一定要叫3個Crouse嘅食物精緻好味 全部都係打卡able嘅擺盤有兩次好笑嘅位置就係我地張枱無人生日 無啦啦上生日甜品唱埋歌原來係隔離枱生日同埋無Anniversary 上甜品變Anniversary 充滿慶祝同尷尬氣氛嘅飯😂…查看更多

細個時食觀塘新南苑小菜早兩年喺旺角食新南苑火鍋前排約Fd食飯 見到旺角果間已結業 真係嚇一嚇 以為咁好食嘅雞煲邊爐不敵疫情原來係搬左新鋪 喺寶勒巷M記樓上門面同以前好唔同 好新淨 又有卡位保留住旺角鋪頭嘅marvel figure 裝飾更光猛整潔 每排卡位都有獨立電視仲見到有D房有得唱K景物更新同時 食飯都有更新火鍋plan出多左叫返一向食開嘅至尊餐 （改左名叫滿足餐）都係$498 但比以前多左野食除左任食雞煲 仲任食酸菜魚 毛血旺4個人食左兩轉雞煲 1轉毛血旺唔記得食酸菜魚 雞煲夠鮮 夠火喉 毛血旺又香又麻好好食到上海鮮同牛海鮮比以前更升級左 有波士頓龍蝦任叫蝦 蠔 蜆....牛個拼盤都pro左好多每款牛有哂名牌 仲比之前更好食 店員一如以往嘅親切主動會叫你試下唔同野成個感覺性價比再高左坐得舒服 食得開心…查看更多

經過見到門面幾靚 諗住試下啦入到去有三枱客門口有個類似老細嘅物體佢望都冇望過我哋一眼然後有個女waitress帶我哋入去坐然後畀份餐牌我哋只有十項選擇冇飯冇面冇任何飽肚嘅嘢唔緊要啦坐低咗就試下如是者嗌咗四樣嘢幫我嗌清酒煮蜆嘅時候 waitress同我講只係一人份量可能唔夠食諗住試下就照下一個叫完之後waitress同我講話師傅得一兩個可能要等一陣一等就等左28分鐘上第一味金菇肥牛卷 呢個好味隔咗陣再上咗一個京蔥燒雞串但兩串雞冇京蔥 喺冇通知冇講聲嘅情況下轉咗做秋葵秋葵如常好潺 我勁憎味道同雪藏照燒雞串一樣然後上咗個青蔥豬肉捲 無咩味最後嗰份清酒煮蜆就精彩啦有四小隻蜆 細過一蚊銀嘅size無酒香 得一堆海苔應該叫做清酒蜆湯 唔好叫清酒煮蜆一人份量都無可能得4隻掛因為實在太差 所以好奇到底開咗幾耐問咗侍應生原來5月先開張唔怪之得未執同埋另外三枱客全部都係老細朋友老細朋友可以坐喺餐枱埋單我呢啲唔識老世嘅 要行出去收銀埋單加一 加左係邊？最後埋單 3百幾 當然叫得少 好似食左陣風咁出門時發現原來當時有三個都似係老世因為佢地會同d朋友坐 見你走都會講聲 Bye Bye…查看更多

麻辣雞煲 唔麻 不過叫OK但其他火窩料就真係唔得肥牛唔肥，仲要軔到爆安格斯牛粒 軔過香口膠好在有海蝦係新鮮ge, 不過想叫多兩次嗎？唔好諗啦，加單就會漏左上蝦，淨叫蝦就會無左件事，吹佢比蝦 ，佢就話你地預鐘啦喎…不過鵝腸同粉腸就ok ge~服務就欠奉架啦 埋單唔洗兩百 算係咁啦～…查看更多

無訂位下去到坐ge位置無自家爐燒，唔緊要ge，佢話廚房燒埋點菜紙唔太多選擇 叫水產燒 但無咩海鮮叫咁咩都點少少試下啦好伏上ge所有野都係無味ge而枱面調味只有salt n pepper呢一餐係我一生落得最最最多鹽ge一餐真係好可怕任何野都係無味ge之後問佢比左d燒汁 叫好少少但我會想落巴蜀燒d香草粉多d野唔好食 但放題 都要食埋架啦點知連我落唔多ge order 都要漏單OMG我琴晚neway k buffet仲好食過呢間野呀～…查看更多

　等成個鐘以為好平好正啦～十點半入坐叫野～十一點半都未齊～金菇無～蝦無～生根無～咩都無～肥牛完全係牛還牛～肥還肥咁～一ｄ都唔好味～湯底差到爆～問個部長～就同你講～”裡面好多單～好亂～好多野都無～”一句唔好意思都無～仲要黑面～再加單再無～連烏冬都可以無～有個主任經過　見到投訴緊都唔係好理到埋單收錢先死過呢～叫十樣有七樣都無～叫完野唔齊仲要勁等～勁比平野你食先～貴野唔係話無就唔出比你～呢間野試一次都多左呀！！！！！！！！…查看更多