陳小姐2號的个人专页

朋友發現咗呢間隱世小炒店，鍾意食粵菜嘅我梗係要試一試啦，整體味道唔錯，特別係個煲仔飯非常出色。佢都有好多款式嘅煲仔飯，而我哋就揀咗田雞黃鱔煲仔飯，$198，起初都覺得個價錢比較高，但係上枱嘅時候見到個份量同埋味道就知道物超所值，講真冬天求其食過黃鱔煲仔飯都要80至90蚊啦，依家呢個煲仔飯都不到差唔多十碗仔出嚟，侍應會幫我哋剷埋飯焦出嚟，另外搵個碟裝住啲田雞同埋黃鱔，黃鱔同埋田雞都好新鮮，而且黃鱔畀出面其他地方食到嘅教粗身。鐵板火爆腰花香口夠鑊氣好惹味，炒得連配料都好正。最後叫多碟菜就完成一餐豐富嘅晚餐。…查看更多

經朋友介紹呢一間傳統粵菜，真係一試難忘。最驚喜係佢嘅小炒王，超級大碟，賣相好掂，師傅真係炒得好好，可能係暫時我食過咁多小炒王唔知中最好嘅，除咗炒得乾身又唔油之外，佢嘅材料味道同埋口感都好分明，脆嘅脆爽嘅爽香嘅香。第二經起就係古法太爺雞，出面好多太爺雞都係有名無實，始終用煙燻去整熟隻雞呢個技巧係難掌握嘅，下次嚟會再試，睇下師傅係唔係撞手神，要做到有煙燻味而雞肉仲可以嫩滑係好難嘅。蝦球煎米粉就只熟屬一段般水準，可能因為個米粉有少少厚身，令到尖嘅時候未夠脆。至於個煎蓮藕餅同埋桂花炒魚肚亦都相對嚟講比較失色，特別係個煎蓮藕餅，冇諗過佢太爺雞同埋小炒王咁出色，但係個蓮藕餅就有少少出事，主要係蓮藕餅嘅餡料運得唔夠平衡，感覺上蓮藕好似太少，所以食嘅時候就冇咗蓮藕餅應該有嗰種爽嘅感覺。至於個桂花炒魚肚就濕咗少少，可能控制芽菜出水呢一部分要留意下。…查看更多

睇戲前試咗呢間味道唔錯嘅泰國菜，服務好而且價錢都算抵，兩個人每人都只係$110，尖沙咀高級商場入面係講算係非常理想。我哋叫咗兩樣嘢食同埋一杯飲品，呢個就係第一款泰式鳳尾蝦炒金邊粉，$88，有4、5隻鳳尾蝦，而且都算新鮮(雖然都知應該係雪藏貨)，個金邊粉炒得幾香。另外叫咗一碗泰式船湯河，$78，入面有牛丸、肉片同埋炸豬皮，個湯好香椰汁味，整體幾好食。飲品就試咗佢嘅菠蘿沙冰，$38，唔係好甜，都唔錯。…查看更多

新開甜品店之初嚐，味道不錯且有誠意，服務也稱心滿意，很好的體驗。甜品店當然要點甜品吧，選了堂食限定特價兩款之一的雪燕燉椰皇，$28真心是無懈可擊，椰皇清潤香滑且面層佈滿雪燕，沒有因價錢而偷工減料，值得一讚。另外還多點一個小食，竟然有炒腸粉，決定試一試，炒得乾身少油，香味撲鼻，都是不錯的出品。…查看更多

今日lunch試咗呢一間西餐廳，都幾抵食，叫咗個扒再飲咗杯大啤，都只係百幾蚊，喺啟德嘅AIRSIDE黎講算係抵。石燒紐西蘭肉眼扒，熱辣辣啫啫聲出場，石燒呢件事好正，想熟d就燒耐d，想生d就燒短d時間，性價比都幾高，肉眼扒嘅肉質都算幾好，而且唔算好肥，仲有件菠蘿，燒熱咗都幾好食，可能係因為d糖份谷咗出黎，少少焦糖脆皮feel。呢隻啤酒都幾正，係傳統德國啤酒黎嘅，都真係幾大杯，$48都真係幾抵飲，話晒都係歐洲野。…查看更多

黎開駿景園探朋友於是就近近地喺商場食lunch，揀咗呢間酒樓飲茶，野食唔錯不過嚴重無伙記，個肥仔經理見到我自己拎住個熱水壺沖水都無埋黎幫我，仲要收我加一服務費，真心佩服，好彩d點心都幾好食。蝦餃隻蝦夠新鮮，蝦餃皮都夠薄，入面有笋絲，夠正宗。釀尖椒都真係幾搞野，半碟辣半碟唔辣，玩死唔食辣嗰啲，不過唔計佢辣唔辣，個味道係唔錯嘅，鯪魚肉都算新鮮。菜苗餃好食，味道夠清新。叉燒包做得唔錯，熱辣辣，入面d餡都幾好食。…查看更多

黎詠藜園就梗係為咗食佢個擔擔麵，原來衣家有普通版擔擔麵同改良版擔擔麵，最後我哋都係要咗普通版，感覺安全啲。除咗擔擔麵之外，仲叫咗幾樣其他野，不過味道都係麻麻地。如果無記錯，呢個好似係椒鹽肉排，因為本身想叫排骨擔擔麵，點知原來係無嘅，唯有叫呢個當係。紅油抄手味道都係好一般。個窩貼好少少，叫做正常啲。呢間野都係得個名，價錢高但係質素真係廣麻麻地，好彩服務都ok 嘅。…查看更多

呢間舖頭個位置比較了能，就算朋友推薦要是，去到2樓都兜咗兩個圈先至搵得到，依家周圍食肆都靜英英，但係呢一間雞煲店係平日夜晚八九點呢啲時間都有半間滿座，真係同佢雞煲肯用靚雞有關，就好似上面幅相，啲雞真係好靚，而且呢一碟雞都幾大碟，係半隻雞嘅份量，絕無欺場。食完雞煲之後就開始打邊爐，嗌咗雞子、鮮腐竹、蝦滑同油麥菜四樣嘢，樣樣都幾新鮮，似乎呢間舖頭嘅老闆都幾肯用靚嘅材料，仲有個蝦滑竟然有兩條咁多，真係抵食好食夾大件。…查看更多

一間絕對值得encore嘅餐廳經常有新菜式，為我帶來無限驚喜，今次就試咗每日限量10碗嘅雞白湯立鱗燒烏冬，真係做得好出色。先講個雞白湯，雖然冇出邊食到咁Creamy，不過佢嘅雞味真係好香濃，唔搵新鮮雞殼，仲要係大量咁樣去咬個湯好難煲得出呢一種香度同埋濃度，難得嘅就係唔會好多雞油。至於粒立鱗燒同呢度魚類出品一樣有一貫嘅出色水準，除咗個樣好有型（因為啲魚鱗炸到企晒起身）之外，連啲魚鱗脆卜卜可以吞埋落肚嗰下正。…查看更多

呢一間係太子嘅粵式小炒餸菜出色之外，佢嘅燉湯真係唔可以錯過。今次因為冇提早預訂，所以只係試到佢嘅杏汁白肺湯，香甜濃郁，真係要用料好足先至咬得到呢一種味道出嚟，個湯底應該落咗啲瑤柱魚翅海味等等嘅材料先至有呢一種味道，豬肺都新鮮乾淨，數量亦都比想像多，因為出邊好多地方都係得少少豬肺，食得唔夠喉唔過癮。小菜嗌咗三款，三款都非常精彩，咕嚕肉同埋鐵板白胡椒煎魚卜不相伯仲，非常有驚喜。另外佢個乳鴿都做得好出色，啲肉好嫩滑。最後想讚一讚佢呢度呢隻德國麥啤好好飲。…查看更多

今晚喺元朗試咗一間以德國菜為主打嘅餐廳，食物質素高，而且價錢合理，性價比高。食德國菜第一樣嘢諗到就梗係脆皮豬手啦，所以我哋都叫咗一份，份豬手嘅size比想像之中多，豬手嘅皮好脆，而佢嘅肉質都唔錯，當然比較瘦嘅部位會有少少韌啦，不過係正常嘅。呢個係黑毛豬豬肋條，係老闆娘推介嘅，真係冇介紹錯，豬肉味香，切成一條條咁樣個咬口幾好，而且煮得好香，真係有激喜嘅一味餸菜。去德國餐廳梗係要飲返德國啤酒啦，呢隻德國麥啤味道唔錯，而且價錢合理，都幾易入口。…查看更多

星期六下晝喺西灣河呢一間Cafe過咗一個非常熱氣嘅下午，因為叫咗幾樣炸嘢食，樣樣都幾好食喎。第一碟熱氣嘢係吉列炸蠔，一份有五粒，炸蠔嘅外層粉漿都幾薄，雖然係雪藏蠔，但係啲蠔都幾肥美，碟嘅沙律菜都好新鮮，都幾有誠意。跟住嗰兩樣熱氣嘢都係炸薯條，左邊嗰款係麻辣薯條，右邊嗰款係火炙明太子薯條，以邪惡嚟講，一定係火炙明太子比較邪惡，而佢嘅味道亦都相對出眾。至於個麻辣薯條係堅麻辣嘅，配啤酒就無敵，如果唔食得辣嘅都幾係嘢。…查看更多

呢間餐廳嘅set lunch都有幾多選擇，不過最正係佢嗰個冇味精嘅例湯。一坐低就一人一碗例湯，有埋湯渣，睇個樣唔似同一煲湯渣然後每日加滾水入去淆，所以唔未到香爐而且加咗粟米之後個湯特別甜。葱霸雞同煎蓮藕餅都有家庭feel，尤其是係個蓮藕餅。唔知係唔係同呢間舖頭專做雞煲嘅關係，個蔥霸雞幾好食，啲雞嘅肉質幾好，蓮藕餅入面食到啲蓮藕好爽口。每一份仲跟一點油菜。個set lunch除咗有個湯之外仲包埋餐飲，都算抵。…查看更多

這間意大利小店座位不多，每次都會預先訂位。想不到今次星期一幫襯，也是全場爆滿，很有氣氛！喜歡這裡的長方形pizza，款式多、味道好，由於太多選擇，於是我們問經理推介哪種款式，他介紹了餐牌以外的Pizza Special—意大利野豬辣肉腸什菌薄餅，這種沙樂美腸是不辣的，但很香口，薄底香脆，水準一貫的高！Pasta選了特大長通粉配意大利豬肉腸、茄子及芝士，令人喜出望外。Homemade特大長通粉非常al dente，比一般長通粉好吃，而材料亦配合得宜，希望下次再來也有機會試。…查看更多

朋友相約到這間店晚飯，平時少吃韓國菜，沒抱有什麼特別期望，但剛到達就感到熱鬧的氣氛，就如在首爾街頭幫襯路邊攤一樣。吃韓國菜必點辣炒年糕，這道菜中除了年糕，還有韓式腐皮及即食麵，真正能醫肚，吃完飽了一半，年糕質感不錯，但味道過甜了點。韓式煎餅也是我愛的韓食，今次選了蝦加薯仔煎餅，外皮煎得脆脆的，味道不錯。戲肉當然是韓式海鮮鍋，鍋中有蝦、蟹、青口、八爪魚，辣辣的濃湯頗為惹味，不過以$380的價錢來說，性價比不算高。鄰桌點了一大jar啤酒，吃得非常high，情緒高漲，無奈真係太吵了，我們朋友之間要傾談都真遇到點困難。不過，一個熱鬧的星期五晚上，到這裡吃一餐還是很減壓的。想找回在首爾街頭吃東西的感覺，這裡也是一個選擇。…查看更多