寶達市場街市一間新興車仔麵，遇到件好唔愉快嘅事。收工好攰，落order買兩隻豉油王雞髀。有個戴眼鏡壯健男態度好差。佢自己講錯「油比」，我攞咗個袋，摸落去得一只，原來係炸髀。我就話我係要油比喎。佢唔認錯仲話「你真係呀」，明明係佢自己講錯。成個寶達市場咁多選擇，唔代表你間舖可以態度咁差。本身啲食物已經普通，唔係特別好食，而家服務態度仲要咁惡劣。我真係唔明，點解仲可以咁樣做生意？客人係需要尊重嘅，咁嘅態度好難會有回頭客。香港服務業難道要俾錢買難受？ 如果各位想體驗一下俾人鬧嘅滋味可以去呢間會一會佢。呢個人已經唔係第一次鬧人見過佢鬧過一個男仔打機唔理佢講嘢。人哋係客其實你有咩資格鬧人呢？ 真係好趕客。情商差就唔好學人出嚟做嘢。…查看更多
以上食记乃用户个人意见 , 并不代表OpenRice之观点。
赞好
用餐途径
外卖自取
