芝士玫瑰的个人专页

今日行開荃灣海之戀見呢間幾多like就入去試下現場所見家庭客都幾多因為地方都幾大而且枱可隨時搬動變8人10人枱都冇難度。。。。。。。。。首先一入到去就會有職員話你知是日餐湯係咩最中意呢啲套餐有齊湯，主菜同飲品見到個好特別既小食：炸白汁三文魚球 而且唔洗特別加錢所以諗都唔諗就叫左呢個炸得幾香脆，肉質滑但可能我唔識食啦如果冇menu，我食唔出係三文魚。。。。。。。。。。今日既餐湯係香草蕃茄湯好香調味適中不過如果再濃稠一點會更好。。。。。。。。。。主菜係風乾豬面頰卡邦尼意粉非常creamy，超中意風乾豬面頰略帶咸香，好食麵量岩岩好。。。。。。。。。。另一個主菜係香草脆皮雞意粉雞是即炸的，有4件意粉配蕃茄醬，感覺清爽。。。。。。。。。。飲品方面，檸檬茶有薄荷香氣，讚另外我亦加多左18蚊升級做cappuccino 好飲，第一次見到有塊餅仔喺杯咖啡隔離好滑既奶泡，個人覺得絕對值得加錢升級。。。。。。。。。。職員態度有善，會再幫襯希望下次可以試到甜品CheeseRose…查看更多

今次想推介既係名為Pattaya 地踎撈麵首先叫得呢個要有心理準備要等15分鐘 因為五花腩係即時炸的 juicy同香脆肉碎就配另一個汁 全部都好好食粗麵彈牙基本上每次去呢間都一定會叫呢個食＊職員態度友善 每次去既體驗都係唔錯的個人都幾中意呢啲小店完CheeseRose…查看更多

偶然路過見到呢間新開既車仔麵就入去試下首先講下舖位，分開兩個舖位係個幾特別既設計。另外位置較逼，人多搭枱係必須的，碗大枱細，要將就下啦大雜同細雜麵的確幾推薦。中意呢呢間係因為佢有好多餸可以選擇，當然一分錢一分貨，兩餸麵既麵會少左。有一個比較特別既係炸蝦條，好彈牙，好好食，每次去食都一定會叫的飲品方面，冇記錯好似另加7蚊定8蚊有盒紙包飲品醬汁就推介沙嗲汁，非常濃味。但喜歡淡味朋友仔都唔洗擔心，因為醬汁會放喺匙羹上，可按個人需要而決定落幾多。其他醬汁就唔知啦，因為我三次都係叫沙嗲汁煎釀三寶有5款？茄子，紅腸，青椒，豆腐同？ 唔記得左記得既朋友仔請幫忙補充。謝謝完CheeseRose…查看更多

岩岩經過附近做野，見到呢間又幾新，環境又唔錯，裝飾又幾靚，所以就吸引左我入去我地2人叫左每日餐牌上既食物，食物質素幾好又夠熱。份量夠。留意每日餐牌上既餐點晚上會每款加5蚊，奉送例湯和熱飲。期間限定可免費升級白桃烏龍茶。唔洗加一。唔貴。可能會再幫襯既冰室。CheeseRose…查看更多

最近無意中睇social media有人介紹呢間餐廳係大件夾抵食，所以特意過黎試試環境：外表唔算出色，內部裝修懷舊，冷氣非常夠。食物叫左3樣野1. 午餐：黑椒牛扒意粉，配牛油多士，忌廉湯或羅宋湯揀，包一杯飲品牛扒鬆化，黑椒汁幾好味，茄汁意粉底，份量夠2. 午餐：蒜香豬扒意粉，配品跟上面的一樣豬扒都可以，蒜汁唔夠香，一樣係茄汁意粉底，份量夠3. 正價扒餐： 鐵板黑椒雞扒配品一樣。上菜時店員會問洗唔洗幫忙淋汁，按個人需要回覆即可。原來冇特別講明的會配紐紋薯條。加10蚊可以跟飯或意粉。兩大塊雞扒，半煎炸，所以雞皮會脆的，肉質可以，但如果可以再juicy會更加分。飽到...總結：1. 薄多士配牛油，脆但感覺似隔左一至兩天既麵包？2. 上菜速度超高，基本上全部野10分鐘內上哂3. 店員服務態度有善，識執生4.會收加一服務費的5. 豬牛餐點會較出色6.忌廉湯冇咩味7. 咖啡質素可以，茶餐廳以上，咖啡店未滿8. 會再去的餐廳，再試其他菜式…查看更多

喺呢間店食過三樣野1. 熱撻：雞批2. 黑芝麻曲奇3. 抹茶曲奇雞批，唔算平，但勝在餡料較多同好香既牛油皮。份量足已當早餐食都可以黑芝麻曲奇，曲奇有點似法式手工撻。非常脆，香牛油味。餡料算多，都食到黑芝麻味。Cream都幾滑，唔甜。抹茶曲奇，唔好抹茶，食左少少姐，評價同黑芝麻差不多。但由於佢真係做到超低糖，抹茶cream帶有甘味，講真個撻皮仲甜過啲cream 總括而言，係可以一試既甜點店。但感覺堂食好過帶走CheeseRose…查看更多

今次去既餐廳純粹喺開飯啦是但揾卻有驚喜 餐廳裝修以白色為主色 光線充足 走簡約風格 首先呢度應該係所有野拎係單點 冇套餐的現場所見應該所有Latte類都係有拉花的 好岩打卡而且年齡層大多為年青人 坐入去頓時覺得自己年輕左冇記錯要加一服務費的今次夜左試唔到咖啡 下次再訪一定會試咖啡溫馨提示：人多時有限90分鐘入座＊＊＊＊＊＊＊＊＊＊地點：8／10 未去過 要睇住Google map揾食物： 9／10服務： 9／10 CheeseRose…查看更多

第一次試呢間餐廳＊10蚊蠔好好質素 推薦一定要叫＊如果咖啡係拉花就好啦＊ 喜歡午餐係set lunch 麵包加湯加主菜加飲品。價錢經濟實惠＊最中意係佢既甜品拼盤 樣樣都有芝士蛋糕同心太軟都幾好總結：會回訪既餐廳＊＊＊＊＊＊＊＊＊＊＊地點： 8／10食物：9／10價錢：9／10…查看更多

起初係因為想去西九龍嗰邊睇聖誕樹所以就搵下附近有咩好食見呢間到幾多like又容易去到所以就經open rice卜位中間有D突發事所以比原定訂座既時間遲左, 好彩open rice比臨時延遲時間, 好準時咁順利到達餐廳**************************因為係聖誕正日既關係, 所以只有一張menu我地4個人就a,b,c,d都各叫一個加埋一預每人 HK$ 3xx - 4xx不等除左MENU所提及的, 其實餐廳仲會每人送上一個熱騰騰同軟熟既牛油餐包湯都唔錯, 黑松露味好濃同幾creamy如果份量稍為多少少可能會較好(印象中好似係大概半碗多D? 抱歉掛住飲冇影到相)前菜啦~ 由於我地係4個人既關係, 所以餐廳用2隻碟上菜, 每隻碟包含2人份量既前菜先講火腿同哈密瓜火腿幾好食, 配上甜度勁高既哈密瓜(但糖尿病的要小心唔好食太多), 清新唔會膩個人唔係好受得沙律所以冇食, 此部分冇評價酥盒超脆, 即使放耐左都仲可以保持一定既脆度而且餡料充足但有個別的好似食到類似蟹殼既, 覺得吉口主菜黎講都幾好豬扒鬆化, 係中間D肉"鞋"左少許牛扒(最貴的)冇得頂啦, 連平時唔多食牛既都覺得唔錯仲可以食哂, 所以都唔差得去邊羊架 (唔食羊, 冇評價)意粉 (creamy但魚柳可以改善下, 口感較"梅", 意粉份量就幾充足)所有扒類的都伴南瓜蓉同類似豆角的, 營養均衡, 不錯!飲品同甜品可以最後先上,首先講飲品方面,每位包一杯HK$34既飲品, 34以上的就補差價飲品以咖啡為例, 都幾香醇, 但唔算好濃, 因為我反到屋企冇幾耐都可以訓得著整體OK, 有個小建議就係可以試下咖啡拉花, 咁食客就會覺得好開心 (認真試過一d咖啡店每杯咖啡都有唔同既拉花, 所以食客會好期待自己既同其他人有咩分別, 多左一份驚喜)最後講埋甜品, 可2選1 (芝士餅 / H字頭雪糕)芝士餅就固定的, 而H字頭雪糕就有4種口味,店員落單時會問埋口味雪糕冇食到丫, 都係一般市面買到既杯裝雪糕咁囉, 冇咩特別, 大家都食開架啦芝士餅幾好, 我好中意食一d實既芝士..******************************餐廳環境闊落, 店員態度可以總的來說, 有機會都會帶朋友上黎試下呢間餐廳平日既set lunch / set dinner(完)CheeseRose動個小手訂閱我, 你的支持是我寫下去的原動力(Thank you ^_^)…查看更多

今次為大家介紹既係位於元朗yoho mall入面既一間西餐廳,喺元朗西鐵站落車, 行一個字度就到沿途經過商店: 宮奇駿專門店 ->U字頭既西餐廳-> 轉右就到架啦真係唔識點去既話可以認住yoho mall戲院 見到戲院, 轉頭望右手邊既位置見到有好多綠色植物做裝飾既就係餐廳啦..............................暫時我去過2次, 而且都係經開飯啦入面預先訂枱的去到只要顯示反訂座記錄就會有職員帶位餐廳入面環境優美有D位置仲可以見到出面既平台花園感覺舒適..............................食物啦, 等我逐張介紹下(2次一次過post)1. 餐前小食呢個係炸雞拼盤,即叫即炸的預反都要等3個字左右調味可以個人比較中意食雞塊啖啖肉又juice唔會炸得太乾,恰到好處呢個蜜糖雞翼甜甜地幾易入口對比炸雞, 雖然2個都係炸, 但係呢個食起上黎感覺冇咁脆, 前者係用脆漿炸的, 後者感覺似用氣炸鍋炸既感覺怕熱氣既朋友仔可以點呢個我冇記錯的話好似係單骨雞翼來的咁就方便中意食雞翼但又想保持儀態既女士們薯條夠脆而且分量都夠多三個人share黎食都冇問題黑松露醬入面應該溝左D傳統白色沙律醬,所以較為偏酸, 但黑松露味都幾濃2. 主食牛肝菌芝士意粉配馬德拉酒呢個非常推介芝士味好濃, 好creamy開頭未食過見到"酒"呢個字打左個突, 因為我唔飲酒的其實酒向煮既過程已揮發, 牛肝菌既味已蓋過. 所以唔可以/識飲酒既朋友都唔洗擔心4季pizza黎2次都叫呢個可想而之好食程度去到邊顧名思義有4款: 黑松露蘑菇, 香草類既菜, 牛油果, 原味(5種芝士)4款各 X2 => 叫一完整個就會有8件批邊如餅乾般乾脆薄底, 好似我呢D大食既一個人一次過食哂4款味各一件都可以其他味唔詳述啦, 因為都係差不多主要想講下牛油果佢地會放幾粒粗鹽落牛油果既表面當然啦, 牛油果係好軟, 但加左D鹽上去, 食落去有D咸咸地, 個人覺得有少少怪如果冇鹽會較好呢間食既野都係多國化第2次去既時候見到有銀鱈魚青咖哩配白飯諗住試下魚係用葉包住上的但食落去偏乾青咖哩濃郁, 但汁量偏少,而且有一定程度上既辣, 要有心理準備喔小貼士: 點餐時可留意旁邊有冇"辣椒"標誌熱香草咖啡好濃, 相信咖啡迷應該都會幾中意如圖一樣, 如果個心心拉反正中就會好睇好多(留意心心既位置同杯耳既位置)..............................小遺憾係仲未食到呢間既甜點希望有機會可以再去試啦..............................總結: 食物及飲品質素都高, 但單點價格都偏貴,小食1個都要HK$100埋單亦有加1服務費而且暫時睇點過既餐點黎計呢間餐廳都係以西餐點最為拿手..............................題外話: 因為2次去食都係D大時大節, 所以要單點. 唔知平日既星期六,日會唔會有lunch set架呢?******************************(完)CheeseRosse…查看更多

吉野家呢間野大家都唔會覺得陌生佢出開名係食牛肉飯既今次為大家介紹既呢間係位於屯門市中心屯門市廣場分店的位置方便,而且間隔都唔錯我最中意去唔同既地方high tea話說本來諗住普通叫反個細牛肉飯填飽個肚就算但去到見到個餐牌有我未食過既新配搭: 迷你牛肉飯配...依稀記得好似有配牛角包, 司華力腸等等價錢唔貴三十頭就已經有交易結果我叫左個迷你牛肉飯配司華力腸+麵豉湯好可愛就係超迷你,如果男人嗰D真係兩啖就食完之後就諗會唔會唔飽呢認真我唔細食的飯就冇咩特別,都係平時嗰D質素重點係條司華力腸唔太咸而且又有脆皮既感覺幾好食唔好理食完飯同腸加埋碗麵豉湯我竟然夠飽就咁平平地就醫飽左個肚啦(完)CheeseRose*歡迎互追蹤*…查看更多

元朗係人都知多野食所以要出位令人記得度你間舖就真係要花點心思今次介紹既呢間係位於元朗豐年路既佢喺正路邊,完全唔難搵喺輕鐵站"豐年路"落一望就見到落車到去到cafe都只係大概5-8分鐘既路程..******************************唔知係咪都算係新開既餐廳去到都要等30分鐘到先入到去趁等位時就先欣賞一下呢間cafe既門面先四周有好多綠色既植物裝飾望落感覺好舒服個人最中意係內部裝飾既句子每句都好有意思,值得人去反思的例如:"做一個決定,並不難,難的是付諸行動,並且堅持到底""出去旅行,不是去看風景,而是去尋回自己-------------------最本真的自己"******************************忘記影餐牌但印象中叫入餐廳既野食係可以用優惠價換台式飲品一杯因為呢間cafe佢出面其實係做埋台式飲品生意的所以台式飲品既選擇都幾多野食選擇多.出菜算快,店員態度友善,肉躁飯配香蘇雞扒必然要試架啦咁岩去嗰日唔算太餓所以第2個叫幾隻餃子******************************先講飯, 好香, 係D汁稍為少左D雞扒冇得輸,外脆內軟雞肉保持juice到餃子啦皮滑餡料足,最重要係嗰個濃郁既蕃茄湯底我成碗飲哂******************************順帶一提唔食芫茜既朋友仔記得喺落單既時候要主動講丫!呢間我一定會再試到時再寫第2篇…查看更多

沙田去得多每次都好自然就咁落左去新城市廣場地下既food court度搵野食係..當然食物質素緊係好D啦,$都貴D今次行行下,行到去瀝源嗰度見到呢間小店,又唔洗等位,於是就行入去睇下啦******************************其實開頭吸引我入去並唔係越式食物而係佢門口嗰張好彩色既poster---寫住"法式花樣吐司"本人中意西式野食真係入去諗住叫架啦點知入到去既感覺好茶餐廳而且其他食客既枱面都唔覺有人叫類似吐司既野食所以都係算啦搵反D大眾化D既黎試下就算******************************入到去真係有D肚餓,結果就叫左香茅豬扒飯同雪菜火鴨絲炆米出菜都還好,唔算太耐..2個字內首先送到既係香茅豬扒飯香茅味濃,扒邊有少少脆而豬扒亦都夠鬆化老人家都應該食得到最驚喜其實係蔥油少少咸,超好送飯認真講,唔計肉,淨係D蔥油,慳慳地咁食都夠我食大半碟白飯食到咁上下雪菜火鴨絲炆米送到嗯..一食落去...味麻麻地雪菜唔夠,火鴨絲較少唔知係咪一黎到就食左個飯先,之後先再食炆米感覺好大對比,有D失望而且仲要$49飯抵得多又好食不過佢勝在夠熱點都未到食唔落口既地步******************************冇記錯的話呢間好似唔洗加一上述叫嗰2碟都係送熱飲的小店黎講算係咁啦唔好太高要求水準不過不失啦(完)CheeseRose…查看更多

最近忙,開左新ACC好耐都未得閒寫食評今次寫既呢篇已經係成個幾月前食的.好啦新ACC第一個食評寫比海景嘉福酒店既3層架 ******************************首先比大家睇下酒店既Logo先大堂唔錯光,猛闊落(不過去到已有幾個人坐喺大堂,所以唔方便影相)大概景象可去佢地既官網睇******************************中間有個小插曲驚喜既係職員態度良好願意補救所以心情未受影響******************************介紹反個3層架先一入到去個職員會比張menu你望等你知道有咩食落左order2個字後會先到飲品而3層架就落order後約30分鐘先到因為佢地係等埋幾個3層架一齊上的所以要比D耐性喔~等左半個中到終於黎到啦港女打卡就必然架啦太餓啦只係影左大部分野食就逐項介紹下啦******************************煙三文魚配香蔥忌廉芝士幾好,個香蔥忌廉芝士好香黑松露蛋白火雞三文治愛食黑松露既會覺得幾香而且火雞肉唔"鞋"發達芝士乳酪青瓜卷還好啦不過我唔好發達芝士所以覺得有點"蘇"但"蘇"既程度都係接受到既~椰子奶油香草柑慕思球造型吸引味道還好杏仁草莓香餅唔差一粒粒既杏仁食落去幾有咬口雲呢拿法式燉蛋配橘子占最中意呢個撻皮鬆脆蛋滑,但因為加左橘子所以覺得唔膩鬆餅三層架必備架啦都OK,點都好食過我上一間我食過的最後一定要介紹呢個紅絲絨小點真係有驚喜切落去係好creamy既cream cheese中意食cream cheese的會比Like.******************************(完)CheeseRose…查看更多