Stella Wong 91230的个人专页

位於中環的 Thai Pai Dong，呢間新派泰國餐廳一開業就成為排隊紅店。餐廳主打地道街頭味。店舖比較多泰國員工，聽聞九成以上嘅食材都係由泰國直送，連香料、魚露、羅勒葉都係空運嚟港，難怪一入口就有種即刻去左泰國嘅錯覺。 招牌嘅和牛船麵湯底濃郁，令我醒起bangkok食嘅thongsmith，湯底濃郁，加上入口即化嘅和牛片，完全係高級版街頭船麵。炒蜆配辣椒膏又係驚喜，辣得夠爽口、唔嗆喉，炒得入味。而且份量超級多，食極都有，同埋洗得好乾淨完全無沙，食得好放心。蟹肉炒飯勁香，蟹肉份量唔手軟，炒出泰式鑊氣但一d都唔油膩。最後嘅芒果糯米飯非常正宗，糯米軟糯香甜、芒果新鮮多汁。 個人認為係香港最好食。埋單兩個人五百幾蚊，中環區嚟講算合理。…查看更多

呢晚去咗 Sepoy Mess食飯，呢間餐廳主打印度同英式fusion菜，氣氛幾舒服，燈光柔和，outdoor indoor都有，見到唔少係去happy hour。 食物方面，首先上枱嘅羊肉Samosa。外皮酥脆、餡料香辣得嚟唔膩，作為前菜幾開胃。蝦Pakora Basket炸得香脆，蝦肉爽彈，配上自家調嘅酸辣醬汁幾有層次。主菜試咗Tenderloin Skewers，牛肉嫩滑多汁，香料滲得岩岩好；Dal Makhani口感濃郁滑順，配埋蒜香芫荽Naan真係絕配。 甜品方面，開頭覺得Pistachio Burnt Basque Cheesecake幾特別，印度甜品整體比較甜，但係呢個調整左，唔膩，香氣十足，開心果令口感更豐富。我飲Spiced Gin and Tonic，香料味清新。…查看更多

呢晚喺中環 AOAO 食晚餐，整體體驗算幾有水準。餐廳位於皇后大道中嘅商廈上層，裝修走簡約日系風，氣氛靜中帶雅。服務態度好細心。 講返食物，前菜點咗 Akagai同 Celtuce Salad，前者海味鮮甜、有彈性；雖然得4舊有少少唔夠喉。沙律就好清新，順便補充下膳食纖維。Caramelised Pumpkin有拔絲蕃薯feel，燒得微脆帶焦香，甜得嚟唔膩。主菜叫左炭燒鰻魚同 和牛三文治。鰻魚炭香突出，油脂豐富；和牛三文治炸得金黃酥脆，牛肉嫩滑多汁，真係幾驚喜。 甜品部分，Mini Melon Daifuku清新細膩，三粒剛剛好。特別鍾意Matcha Cheesecake，茶味濃郁但唔搶味。最後試咗兩杯 signature 酒 Jade同 Onyx，調得幾好飲，唔會太甜。環境同服務都屬高檔水平。適合慶祝或者一班frd慢慢坐傾計。…查看更多

$398食到高質韓式fusion菜，真係幾抵食。白切肉肥瘦啱啱好，夾住蒜片點韓式醬油，香得嚟唔油膩，開胃一流！火山有骨炸雞（半份）夠哂驚喜——外皮脆卜卜，辣辣哋，咬落肉汁爆出嚟，邪惡但停唔到口。個人唔鍾意平時太甜嘅炸雞，呢個口味好適合我。牛肉蛋包飯係重點！滑溜蛋皮包住番茄炒飯，牛肉碎夠香濃，撈勻食啖啖滿足。最後件開心果芝士蛋糕簡直完美收尾，堅果香同芝士濃郁撞出嚟，口感綿密又唔會太甜。整體份量夠兩個人食到飽，味道有傳統韓味又有新意，絕對係高CP值之選！…查看更多

紅油鮮蝦豬肉抄手色澤誘人，皮薄餡多，配上香辣的紅油，既鮮又辣，非常開胃。京醬肉絲醬香濃郁，帶有一點甜鹹交融的味道，夾在薄饀皮內令人回味無窮。四川辣子雞丁外酥內嫩，香辣十足，令人感受到四川菜的熱情與豪邁。宮廷驢打滾外層糯米香滑，內裡紅豆餡料豐富，口感層次豐富。上海生煎包外皮酥脆，內裡湯汁豐盈，咬下一口，滿滿的肉汁令人滿足。整體來說，樂天皇朝的菜品不僅味道鮮美，而且色香俱佳，讓人流連忘返，是品嚐美味中華料理的絕佳選擇。…查看更多

叫咗佢哋嘅 LV2美國Prime Grade套餐，整體體驗真係好滿意，值得推介。套餐裡面嘅Prime肥牛片真係正，肉質鮮嫩多汁，每一啖都充滿牛肉香味。特別要講下佢哋嘅 游水海蝦，非常新鮮，蝦肉鮮甜彈牙，食完一碟又再叫多一碟。至於白鱔片亦係重點推介，夠晒鮮甜滑溜，我哋仲要咗三次，真係食極都唔覺夠。除咗啲主打肉類，其他配菜都好有水準，例如麻辣木耳，口感爽脆，麻辣味道啱啱好，非常有特色。另外鮮淮山、牛柏葉、金菇、南瓜片、黑毛肚等等，全部都夠新鮮，配埋湯底真係一流。我哋揀咗秘製麻辣番茄牛肉鍋湯底，味道濃郁，麻辣同番茄嘅香味融合得好好，配埋啲食材真係無得輸。餐廳除咗食物好，飲品選擇都好多，仲有免費雪糕可以食。成個用餐時間120分鐘，不過未到時間，我哋已經食到好飽。同埋座位之間嘅距離夠大，唔會覺得迫，所以都幾好。…查看更多

其實收加一 但係我係要自己行出去比錢，水自己行出去倒比自己，d服務員行黎行去完全唔會理你，咁我點解要比服務費呢？ 一個普通沙拉加埋一要160蚊。到底服務個位係邊？張檯仲要好似未抹過咁。好多黑色點唔知咩黎。…查看更多

之前見到d ig post 覺得好吸引，呢間隱藏喺尖沙嘴同佐敦中間嘅韓式小店真係有驚喜。餐廳係韓國人開嘅，標榜無味精，食完成餐真係唔會口渴喉嚨乾，完全冇出面韓餐嗰種鹹辣口渴嘅感覺，似足返咗韓國阿媽嘅廚房食飯。 最抵讚係佢地12道小菜，一次過上枱擺到滿滿一桌超華麗。新鮮泡菜醃得酸甜平衡，仲有蛋卷，菠菜芽菜拌麻油好香。特別鍾意佢哋嘅韓式炒粉絲，唔油膩，每款小菜都睇得出用心。 主菜試咗燉牛排骨，牛肉炆到淋身入味，醬汁帶微微果甜完全唔死鹹，配碗暖粒粒嘅韓式白飯一流！香烤雞肉外皮焦香內裡juicy，最啱怕肥膩嘅女仔。海鮮豆腐鍋好正，d豆腐超級嫩，湯底有海鮮嘅清甜味。煎黃花魚就正常發揮，大大條炸得香口。2人套餐價錢已經包晒3個主食，一個湯鍋，飯同d小菜，同野飲，唔使再加一，份量夠晒抵食！埋單$710 2個人食到捧住個肚走。現場都爆滿曬，位都好坐，唔會逼。…查看更多

鍾意食sourdough但係我覺得呢間店有d過分。53蚊本份三文治打開係咁樣，只有2節手指咁長。首先ham係少得可憐，所有野都係好少。 有種搵笨嘅感覺。社交平台 d圖影得好好睇，但係實際所有野都好孤寒。…查看更多

地點就腳到爆，彌敦道地鐵一出就係！餐廳空間感十足，枱與枱之間唔會逼夾，燈光仲夠晒光猛，啱晒打咭～今次試咗佢哋嘅台灣養生醉雞涮涮鍋，藥材香混住淡淡酒香，未落料已經忍唔住飲咗兩碗湯！套餐揀咗A餐有美國安格斯牛同西班牙無激素豬，牛肉油脂分布唔錯，入口真係有陣濃濃嘅牛香味湧出嚟；豬肉片薄切得嚟唔會散，食落仲有微微甜味～最驚喜係火鍋料多到眼花！數過有7款肉類、13款手工丸餃、28種蔬菜... 仲有即炸響鈴同魚皮熱辣辣上枱！海鮮控一定大愛啲手掌大嘅海蝦同白鱔片，鮮甜到似即撈即上枱。我同朋友食到90分鐘已經要投降，但侍應仲主動問要唔要加湯添料，服務真係抵讚！順帶一提，佢哋嘅自助吧擺得好整齊，連冷泡茶同甜品都有供應。$300左右食到咁高質放題，仲要喺旺角核心地段，絕對會encore！🌟P.S. 記得訂枱留定個靚位，平日夜晚都full到九點半呢～…查看更多

在健身與口腹之慾間掙扎的我，終於找到完美平衡點！Webite Space以全品項標示卡路里的貼心設計，成為我近期覓食首選。招牌「粵式冬菇蒸雞套餐」徹底顛覆健康餐印象。去骨雞腿肉蒸得滑嫩不柴，冬菇吸飽雞汁精華。重點是整份僅800大卡，配上糙米飯與灼時蔬，飽足感十足卻毫無罪惡感。+10元可以升級有手工乳酪— 不過太飽就無試了！ 好似仲有早餐買間餐廳。從精準熱量標示到少油不減味的烹調功力，看得出店家對健康飲食的講究。特別推薦給厭倦沙拉冷食的健身族，熱食都係適合我asian stomach多d。…查看更多

我同朋友去到東涌嘅東薈城，揀咗樂天皇朝呢間餐廳，試下正宗嘅上海菜。一坐低，啲侍應就即刻送上熱辣辣嘅茶同埋花生粟子，小食真係好香口，服務又好貼心。枱上仲擺咗個細細嘅燭火，用嚟保暖啲茶水，真係好細緻。第一道菜係四川夫妻肺片，啲牛肉片切得好薄，好似蝴蝶翼咁，配埋麻辣嘅調味，入口又香又辣，仲有花生增加咗一陣脆脆嘅口感，真係食到停唔到口。之後就係京蔥爆美國牛小排，啲牛肉鮮嫩多汁，再加埋香噴噴嘅京蔥，味道非常夾，食落去真係好滿足。鮮蝦抄手拌麵啲份量都幾足，抄手皮薄餡靚，仲有麻辣拌麵嘅香氣，真係聞落都即刻想試，味道冇令我哋失望。最後試咗香煎豆沙窩餅，外皮煎到酥脆，入面紅豆餡又軟又香，甜得嚟唔會膩，完美收尾。餐廳環境好闊落又光猛，裝修簡約大方，職員做嘢好俐落，空咗嘅碟都會即刻收走，成個體驗好舒服，服務真係冇得彈。總之呢間餐廳真係值得再嚟試！…查看更多

最近去咗中環碼頭海傍嘅Chimac。呢間餐廳主打韓式炸雞同埋小食，氣氛休閒又有少少韓國街頭小店嘅感覺。我哋叫咗甜辣炸雞6件，韓式炒年糕，魚糕串同炸薯條。甜辣炸雞真係幾正，雞件炸得金黃香脆，雞肉唔會過乾，仲保持到嫩滑，滿佈甜辣醬汁，酸甜微辣啱啱好，唔會太膩，。韓式炒年糕口感煙韌，雖然無魚糕係入面不過都好滿足，有十幾條。至於魚糕係新鮮彈牙，係幾好嘅小食選擇。炸薯條炸得香脆，合格有餘。整體嚟講，Chimac嘅炸雞係亮點，值得一試如果鍾意韓國炸雞嘅朋友，呢度係唔錯嘅選擇，人均約$100都唔洗，食完自己收返個盤都幾自助。…查看更多

呢間素食cafe幾舒服，整體環境簡約而清新。餐廳主張環保，所以食後要自行收餐具，大部分都係可燃物，非常有意思，亦方便大家養成環保習慣。我叫咗個combo，包括椰菜花湯、pine wrap（入面有vegan labneh、青瓜、番茄同橄欖）、薑香香茅茶，仲有個bowl，入面有tempeh、falafel同鷹嘴豆蓉。椰菜花湯味道濃郁，好滑。pine wrap清新又開胃，vegan labneh嘅口感滑溜，配埋青瓜同橄欖，有種地中海風味。至於嗰個bowl，tempeh好特別，好似係印尼野黎，有啲煙熏味，falafel外脆內軟，鷹嘴豆蓉嘅質地適中，唔會太乾，整體味道層次好豐富。薑香香茅茶係一個驚喜，香茅嘅清香同薑嘅暖辣融合得啱啱好，飲落舒服又解膩。總括嚟講，呢度嘅食物質素高，味道豐富，仲有心思，特別適合鐘意健康飲食或者素食嘅朋友。…查看更多

Goobne係一間專注於無油烤雞嘅韓國連鎖店，都開左好耐，一直都係我心目中烤雞no1。QR code落單，叫左火山+原味雞，無骨，同埋雞蛋捲。首先講火山雞。無骨雞肉嫩滑，辣汁滲透入肉，非常惹味。不過，唔係太能食辣嘅朋友可能會覺得辣度有啲過火。配埋啤酒一齊食，辣味中和得啱啱好。至於原味雞，味道就比較清淡，突出咗雞肉本身嘅鮮味。無油烤焗嘅方式保持咗雞肉嘅嫩滑，冇咁油膩，食落去唔會覺得滯。呢款雞好適合唔鍾意太重口味嘅人。雞蛋捲係意外驚喜，蛋皮柔軟，裡面夾雜住青瓜，魚糕，醃蘿蔔，火腿，口感豐富。呢個配菜可以中和啲辣味。總結嚟講，Goobne都幾適合frd 聚會，因為野食都比較大份，加上舒適嘅用餐環境幾好。…查看更多