meathill的个人专页

荃灣平民地道泰國菜，免加一收費，餐廳師傅是泰國人，一於入去試一試呢間荃灣新開嘅泰國餐廳餐廳做緊優惠，晚市惠顧滿$300即可加1蚊換購燒大頭蝦或冬陰功湯一份燒豬頸肉肥瘦均勻，燒出油脂香氣，肉汁鎖得住，咬落彈牙juicy蝦醬通菜炒鮮魷足料多魷魚，好香蝦醬味，通菜爽脆，鮮魷新鮮厚實。炸蝦餅外皮炸得酥脆，內裡蝦肉結實彈牙，配上泰式酸辣醬，非常開胃。叫咗兩串沙嗲牛肉串燒，微微焦香，加埋沙嗲醬好夾。呢度嘅乾炒牛河，河粉炒得有鑊氣得黎而且煙煙韌韌，牛肉亦都足料，係性價比之選。上面提到嘅晚市換購優惠，我哋揀咗大頭蝦一份有四隻，大頭蝦食落鮮甜，燒烤火候沒有過火。椰汁雞湯（小），湯頭椰香濃郁，雞肉嫩滑，有火烘住，飲落暖胃。嘢飲叫咗椰青同珍多冰，椰青清甜解膩，珍多冰椰奶濃香。…查看更多

天氣凍當然要打邊爐， 今日去朋友去左葵芳大西洋食火鍋放題我地揀左至尊套餐，有海鮮，椰皇，榴槤任食，都只係$298一入門口已經見到自助區有好多野食， 有熟食同火鍋配料， 飲品及甜品最吸引既當然係大閘蟹啦！每隻大閘蟹都爆膏，蟹膏好香， 啖啖都有蟹膏， 正！金湯花膠雞湯底雞湯配上藥膳，食落十分滋潤任食新鮮海鮮海鮮分別有鮮蝦，帶子， 鮑魚，螺，蜆， 全部都好新鮮，將蝦錨出嚟嘅時候，仲好生猛，跳嚟跳去。 餐廳可以幫手沖一沖水洗乾淨先， 抵讚！鮮蝦食落好彈牙，仲有蝦膏， 即時令湯底都變得更加惹味。鮑魚亦爽口彈牙，推介！除咗海鮮，仲有好多配料可以喺手機落單，以呢個價錢黎講，仲要有88折，真係好抵食…查看更多

今日放工係觀塘同朋友食飯，朋友大推NATA, 一於去試試佢餐廳座位闊落， 環境舒適。餐牌好多野食都好吸引， 我地分別叫左前菜，主食同甜品西班牙鬆脆包配香蒜希臘芝士醬麵包熱辣辣， 食落有咬口， 仲有少少焦香味， 配上香蒜希臘芝士醬， 食落有少少sour cream 既味道， 好出色和風蜜糖柚子醋大蝦西柚海帶芽沙律西柚好清新， 柚子醋酸酸甜甜，好開胃， 大蝦爽口，而且份量亦都好多美國1855安格斯肉眼牛肉5成熟， 牛味香濃， 入口軟淋，一啲筋都冇，十分推介，餐廳仲有個加熱盤暖住啲主食， 好貼心牛油香草烤黃油大雞雞肉外皮香脆，好香既牛油味，內裏既雞肉肉質鮮嫩， 熟度岩岩好，咬開仲有雞肉肉汁滴出意大利芝士熔岩好玩又好食！ 一拎起膠模嘅時候芝士熔醬流出，打卡一流。 內裏嘅Tiramisu咖啡味好香，芝士醬亦滑身！…查看更多

想喺旺角鬧市食正宗泰國菜，就揀咗阿來泰式地道風味餐廳有套餐，亦有單點，套餐價錢十分優惠食泰國菜，當然要飲椰青椰青清甜新鮮蒜蓉包蒜蓉包外皮烤得香脆，內裏麵包軟身濕潤，配上牛油蒜蓉醬，就咁食已經好好食，仲可以加上咖喱一齊食，別有一番滋味半打沙嗲串燒沙嗲醬汁味道調配得好好，有花生香味，濃而不膩椰汁雞湯香濃嘅椰汁配上雞肉，秀珍菇，蕃茄等食材，味道酸辣，十分開胃黃咖喱雞咖喱有薯仔雞肉洋蔥等配料，黃咖喱味道唔算辣，唔食辣嘅朋友都可以試吓馬拉盞通菜食泰國菜，一定要食通菜，馬拉盞嘅鹹香可以提升整個通菜嘅味道…查看更多

想同朋友食吓串燒飲杯嘢，就揀咗喺旺角嘅好燒式餐廳食物種類好多選擇，肉類海鮮蔬菜或者小食都有食串燒怕熱氣，就揀咗鹹檸七下下火串燒係即燒嘅，但上菜嘅速度都好快燒白鱔外皮香脆，肉質爽彈，鱔味香濃，啖啖肉唔多骨燒牛舌心牛舌芯高質，咬落多汁，肉質彈牙燒豆腐串豆腐串外皮香脆，配上甜甜既醬料，外脆內軟泡菜肥牛卷泡菜同肥牛嘅味道好夾，泡菜可以清走肥牛嘅油膩感，一啖接一啖燒雞髀火候處理得好好，雞皮做到脆脆嘅口感，內裏嘅雞肉仍然保留肉汁，一路食仲有肉汁滴出黑松露蝦多士蝦多士酥脆，配上黑松露同白芝麻，更加提香餐廳仲經營到凌晨三點鐘，適合一班好友相聚…查看更多

今日同朋友去咗中環食一間阿根廷扒房 LA PARRILLA STEAKHOUSE 一入門口就係酒窖，好有格調座位亦闊落，適合同朋友傾偈餐前麵包烤八爪魚沙律八爪魚嘅份量比想像中多，口感爽彈，一啲都唔會韌，處理得好好。沙律酸酸甜甜好開胃。牛骨髓濃郁的牛骨髓滑膩可口，與外脆內軟的麵包完美結合。抹上牛骨髓的麵包，香氣四溢，口感豐富，讓人一口接一口。阿根廷紅蝦意大利粉紅蝦意粉令人驚艷。醬汁濃郁而香滑，散發著蝦膏的鮮香，完美襯托出紅蝦的鮮嫩。意大利粉與醬汁緊密結合，每一口都充滿了豐富的海味和絲滑的口感。這道菜是海鮮愛好者的絕佳選擇。阿根廷肉眼扒 - 五成熟肉眼扒外焦內嫩，肉汁豐富，每一口都充滿肉香。餐廳配上六款醬汁，牛扒配上不同的醬汁，帶出不同的享受。…查看更多

最近見創興有間好抵食既火鍋放題， 今日放左工就同朋友去試吓我地揀左特上牛小排套餐，價錢只係$268一位， 已經可以任食牛肉同海鮮😋湯底方面， 我地揀左香濃蕃茄豬骨湯 蕃茄味幾濃， 甜甜酸酸肉類同部分海鮮可以用手機落單，而其他配料可以係自助區拎除左火鍋配料外，自助區仲有炸物小食牛肉質素都唔錯，美國封門柳好重牛味，而牛小排則較嫩海鮮方面，鱔片同沙白都新鮮，鱔片肉質彈牙，魚味香濃，而沙白則令湯底更提升，肉質亦飽滿冰櫃仲有烏冬，餃子同雪糕， 以$268呢個價錢嚟講，絕對收貨…查看更多

每次經過創興都會見到好多人排隊食牛站， 今次就同青朋友黎試下。好彩事前有預約， 7:00正就可以準時入去我地今晚揀左食特上牛小排套餐湯底方面揀咗金湯花膠雞鍋煲滾咗之後我同朋友都先飲咗一碗，再打邊爐湯底好香，有少少膠質嘅感覺👍🏻特上牛小排雪花分佈好平均好靚，牛味香濃， 值得encore 大頭蝦每隻蝦都有滿滿嘅蝦膏，蝦膏味道香濃，蝦肉爽口牙牛舌爽口彈牙，海鮮亦好新鮮自助區亦有多款配料選擇前菜，配菜，海鮮，丸類，粉面類都有提供， 真係花多眼亂，每款都想試炸物亦有獨立嘅層架保持香脆既口味餐廳亦有提供酒類飲品，有提子燒着白酒同埋清酒最後甜品仲有Häagen-Dazs雪糕， 以三百幾蚊嚟講真係好抵食😋…查看更多

今晚同朋友去烏蠅館食烤魚座位好闊落，坐得好舒適，抽風系統亦做得幾好，食完唔會有太重火鍋味餐廳有大胃王挑戰，食飯嘅時候都見到有人參賽，好得意，挑戰成功就可以費用全免我同朋友就揀咗烤魚自選組合， $398， 好抵食我哋加咗$28暢飲無酒精飲品，有多款台式飲品，例如珍珠奶茶餐前小食 -脆脆午餐肉配薯格午餐肉煎得好香脆，就咁食或者要嚟打邊爐都好滋味經典蒜香清江魚魚肉肉質嫩滑，味道鮮甜，啖啖肉，份量好足，一定足夠兩個人食食完魚後就可以加湯打邊爐，餐廳亦都有多款配料選擇，因為湯底蒜味濃郁美味，所以我哋特登揀啲吸味嘅食材，娃娃菜，風琴豆腐，薯粉👍🏻精選牛板腱嘅質素亦都唔錯，後味香濃，肥瘦適中…查看更多

上次同朋友食過steakhaus 覺得CP值好高， 今日又同朋友再去食餐廳位於太子站附近， 都幾方便， 裝修亦好有特色， 懷舊復古風青蘋果莫吉托味道清新， 適合女孩子既口味黑松露和帕瑪森起司炸薯條薯條炸得香脆，外脆內軟， 仲有滿滿既芝士同蛋黃醬配黑松露， 真係一條接一條， 食唔停士拉差雞翼雞翼微辣， 外皮香脆， 內裏juicy滿滿蜆肉蝴蝶粉雖然我地order regular size, 但蝴蝶粉既份量已經好大， 接近7成都係蜆肉， 好足料黑毛豬鞍架 配火腿脆片及紅酒蘋果+奧斯卡（螃蟹和蘆筍）+奶油蒜蓉蝦 黑毛豬鞍架用慢煮方法處理， 可以鎖住肉汁，做得好出色， 係近期食過最好食同最抵食既豬鞍！ 餐廳既奶油蒜蓉蝦都好出色， 醬料既creamy又惹味, 蝦肉彈牙西班牙油炸鬼即叫即炸既西班牙油炸鬼好脆口， 配上肉桂粉同雪糕食， 口感一流總括依然， 餐廳食物質素好高， 而且價錢合理， CP值好高， 下次可以再帶朋友黎食😋 …查看更多

同牛魔王一齊打邊爐，當然要揀一間任食牛肉嘅火鍋店，今日同朋友一齊嚟天下糧倉打邊爐9:30前入座為$248一位， 9:30後則為$217一位， 牛肉，配菜，飲品同雪糕都係任食餐廳嘅座位都好闊落，枱同枱之間有一定嘅距離，適合同朋友傾偈，但記得要訂位先，平日七點後已經滿場鴛鴦鍋底（豬骨粟米湯，秘製沙嗲鍋）推介沙嗲鍋底，味道濃得來又唔會太杰身，要嚟煮公仔麵或者吸味嘅食材一流， 如果想食清啲豬骨粟米湯底都唔錯牛肉拼盤一上完湯底餐廳就上咗一大盤牛肉拼盤，份量真係好多，盤嘅尺寸比一隻手臂還要長，總共有八款牛肉，所有都可以再添加牛脷片嘅質素唔錯，口感爽彈澳洲M7和牛油脂最多，入口比較嫩滑封門柳牛味最濃郁鮮牛肉比較厚身，加入沙嗲湯底煮就有啲似茶餐廳食嘅沙嗲牛肉除咗牛肉外，仲有好多配菜嘅選擇雪糕都有唔少味道可以揀以人均$300都唔使呢個價錢嚟講，真係好抵食，我同朋友都食得好飽…查看更多

每次想食小籠包，都會諗起樂天皇朝，今日同朋友二人一齊去食餐廳座位闊落適合同朋友傾偈餐廳嘅食物選擇好豐富，小籠包，湯品，面食，小菜等選擇餐前小食：花生栗子特式皇朝小籠包小籠包外皮簿， 內裏有滿滿肉汁，個人覺得黑松露小籠包味道最出色，黑松露味道濃郁，齒頰落香生煎包包皮軟熟，同小籠包一樣，內裏仍然保留肉汁木樨肉炒拉麵拉麵加左雞蛋去炒， 食落好香， 而且醬油嘅味道好惹味，做得出色風味沙拉排骨排骨好大一份，外皮炸得香脆，啖啖肉， 配上沙律醬，別有一番風味走嘅時候見到好多人食砂鍋雲吞雞同酸菜魚，下次可以再嚟試吓…查看更多

黎開d2place就會想食銀座炎藏， 佢嘅質素可以媲美係日本食嘅燒肉餐廳一入門口已經見到大量和牛, 好吸引🤩餐廳有唔同嘅套餐可以選擇座位闊落，坐得好舒服炎藏和牛極致六點拼盤全部和牛嘅油花都好靚，好平均，只要燒熟咗一邊再輕輕燒一燒另一面，就好Juicy， 一咬出就爆出油脂， 個人覺得厚切嘅（和牛羽下，和牛三角）係最好食上等牛舌牛舌質素亦好高，入口十分彈牙，一啲都唔韌炎藏沙律沙律配上柚子醋，份外清新，要嚟中和返和牛嘅油膩感一流清酒煮大蜆每隻蜆肉都脹卜卜，食落口好似有一泡水咁，好新鮮和牛炒飯炒飯粒粒分明，蛋香十足，而且充滿牛脂香巨峰提子乳酸梳打因為和牛嘅質素實在太高，我同朋友都覺得下次可以再encore😋😋😋…查看更多

楚撚記呢幾年好出名， 一直都好想試， 今日終於有時間同朋友黎試！荃灣楚撚記係楊屋道街市對面，招牌好清晰，好容易見到因為餐廳太出名，我同朋友都訂咗位先，晚市分左2或3個時段餐廳好貼心， 喺排隊等候嘅時候亦都準備咗飲料裝修好有特色，打卡一流楚撚記原隻脆皮炸豬手豬手好大一份， 外皮炸得香脆，豬手肉嫩，一啖食哂外皮同豬手可以增加口感，而且仲配上芥末醬，可以解膩。蜜椒薯仔牛柳粒薯仔帶少少脆邊，每一粒都裹上蜜糖，好惹味，牛柳粒亦嫩滑多汁，值得一試香煎黑松露手打蓮藕墨魚餅一上菜已經聞到好香嘅黑松露味，墨魚餅好有口感，彈牙之餘仲有有一粒粒嘅蓮藕，食落更加清新蒜蓉通菜通菜炒得剛剛好，爽口香甜最後仲有糖水送，分別係芋頭西米露，同埋綠豆清心丸，兩款嘅味道都唔錯。餐廳裝修好有特色，而且食物嘅質素高，終於知道點解咁多人幫襯！…查看更多

有朋友推介尖沙咀既韓國菜 hoo韓國包車，今日就同朋友一齊嚟試吓餐廳裝修得好有特色，以紅藍為主每台都有泡菜同芽菜作為餐前小菜懷舊烤五花肉五花肉肥瘦適中，肉質彈牙，有微微焦香感五花肉仲配上生菜，蒜片，豆瓣醬，洋蔥絲，加埋一齊食，可以減輕五花肉嘅油膩感，別有一番滋味海鮮煎餅煎餅有大量蠔同八爪魚，層次好豐富，煎餅煎得好脆口，十分出色拉絲芝士韓式炒雞炒雞有微微炭香味，肉質香嫩，配上洋蔥絲同拉絲芝士，配合得好好，鹹鹹甜甜，我同朋友都覺得呢一道菜係最出色嘅，必點泡菜豬肉鍋估唔到泡菜豬肉鍋嘅豬肉咁出色，豬肉煮得淋身，配上泡菜湯一齊食好順口，我哋再加多咗個拉麵，吸收左啲泡菜汁，好夠味👍🏻…查看更多