Cubi fun的个人专页

食物新鮮，全部都熱辣辣，香噴噴，好鍾意食佢哋嘅招牌菜鮑魚辣椒炒肉，有好多鮑魚架！茶油炒土雞，雞好新鮮嫩滑！鮮炒黃牛肉同埋紅薯飯，過返一打開蓋就香噴噴，有好甜嘅紅蒜味，好開胃！仲有蒜蓉粉絲蝦仁，粉絲吸晒啲精華，好美味，個汁送飯一流，最正係杯檸檬茶好大杯，食完辣嘢，飲返一杯啱晒！佢地環境舒服，好有湖南風味既裝修，好多打卡位！鐘意影相打卡食好野一定要去試下！整體非常滿意，服務員都好有禮貌好細心！讚！一定會再幫襯！…查看更多

喜承烘焙嘅梳乎厘芝士蛋糕好好味，同埋佢哋嘅招牌曲奇充滿牛油香味，價錢親民，款式多！我仔仔每次經過都會入去買呢兩款！另外仲有沙翁，而家響香港好少見了，好味又抵食！另外佢哋仲有好多新鮮出爐嘅麵包，一入店舖就聞到香噴噴，絕對係上班人士早餐嘅首選！烘焙店門口右手邊仲有好多生日蛋糕，啲款式全部都好特別，並唔係一般連鎖麵包店嘅普通款式，下次屋企人生日我都會考慮去佢哋嗰度買一個特色蛋糕去慶祝吓！仲有店員嘅服務態度好好，整間店舖俾人嘅感覺好親切，真真正正嘅香港風味烘焙店！誠心推介👍☺️☺️…查看更多

今次我哋晚餐就揀咗澳門嘅‘葡富軒’餐廳，環境舒適，餐廳入面好有歐洲風格，坐得舒服，氣氛唔錯👍今次我地order左龍蝦濃湯，芝士海鮮意粉，白酒煮蜆同特製蟹肉釀蟹蓋。焗龍蝦湯味道非常濃郁👍個芝士海鮮意粉嘅芝士味好香，好多蜆肉，好鮮味！白酒煮蜆係我最愛，蜆肉鮮甜，食得出係新鮮既海鮮，應該係我試過既餐廳入面煮呢道菜式煮得最好食既其中之一！特製蟹肉釀蟹蓋同樣有驚喜，啖啖蟹肉，新鮮！今次真係好滿足👍🙂🙂…查看更多

🙂🙂今次我哋一家大細去澳門快閃兩日遊，想搵一間大人細路都鍾意食嘅葡國菜，經過一條橫街小巷見到有一間餐廳好靚，藍白色嘅外貌好有異國風情，小朋友都好興奮話要入去試吓，結果冇令我哋失望！入面除咗環境舒適，店員都好熱情招待同埋介紹佢哋嘅菜式。今次我哋就點咗三款食物，綜合小食拼盤，葡式海鮮飯同葡式炒牛肉粒！三款菜食到非常之好味，首先小食拼盤一定係小朋友最愛，全部都好香脆呀！葡式海鮮飯完全啱晒我哋嘅口味，因為我哋一家人都鍾意食海鮮，個飯非常足料，有蝦，青口同魷魚，啲餸多到滿瀉咁濟呀！😆👍仲有葡式炒牛肉肉粒，多汁，牛肉鬆軟，個汁仲可以用來點包食，小朋友好開心呀！總括我哋非常滿意呢一餐，亦都冇肯定下一次黎澳門玩一定會再幫襯！…查看更多