ramsay的个人专页

今天同朋友去灣仔行街，見到一間岩岩開張的鋪叫「銅米線」，門口裝修帶點日式風格，門係趟門嘅，裡面食客都唔少，就決定試一試。店內裝修簡潔美觀，坐低後發現有提供比食客紮頭髮嘅橡筋，呢個細心位係去咁多間食肆都冇見過嘅，值得一讚！睇下佢個餐牌，見到佢有多款嘅米線款式同湯底選擇，例如:花膠雞濃湯、重慶麻辣湯等。店員都好樂意介紹唔同嘅特別款式，店員推介左「招牌花膠滑雞絲米線」，自家製嘅花膠雞濃湯湯底同外面比較少有既冬陰公湯底同埋其他小食，佢好細心提醒我地，辣嘅湯底普遍都偏向辣，如果有需要可以問佢地拎碗原味湯底溝淡辣度👍「招牌花膠滑雞絲米線」+手工芝士鮮肉餃+ 手工元貝鮮肉餃（$92） - 自家製既出品果然好濃郁同特別，亦有幾舊花膠係底，雞絲算滑味道可以，芝士餃同元貝餃都好味！值得一試！而且手工餃數量唔多，賣晒就冇。「冬陰功小窩米線」（本身有（滑魚片、手工餃、特級肥牛片、金菇、香茅、金不換）+鴨血+鬼馬午餐肉（含糯米）（$93） - 冬陰功湯底偏酸，後勁會有少少辣，魚片夠滑，手工餃應該係各比一款，肥牛片味道正常，金菇份量算ok，鴨血大舊好味，鬼馬午餐肉含糯米呢個味道同口感幾特別，整體黎講還可以。雞皮餃子 （$28） 4件 - 日式嘅雞皮餃子幾香口同味道都唔錯，點埋泰式甜辣醬好味！淄博脆炸雞翼4隻（辣）（$26） - 佢個辣粉有少少似大陸燒烤會食嘅調味粉，幾惹味香口，亦炸得好脆，可以一試。豚角煮 （$28） - 日式嘅調味偏甜，有少少似豬版嘅牛腩咁，佢伴碟嘅蘿蔔口感幾特別幾有趣，推介小食嚟，值得一試。SANAGARIA提子梳打同 SANAGARIA蜜瓜梳打 （$10） - 外面比較少有嘅日版汽水，都幾甜。餃子餡料份量味道都唔錯👍總括來講，有細心既位，菜式幾特別，鍾意試新嘢嘅朋友值得一試。…查看更多

本身都幾鍾意食韓國嘢，又唔可以經常去韓國食，所以樓下經過嘅時候就同同事決定食呢間。上到去發現係韓國人打理嘅餐廳，係阿豬媽嘅味道😍上到去位置都幾多，午飯時間都唔需要等位。前菜- 薯仔最好食，之後係泡菜都唔錯，菜味道都OK，西蘭花正常，應該係一個人就配兩碟小菜泡菜豆腐湯餐-好濃味嘅泡菜湯，豆腐都好多，配埋飯落去食一流人蔘雞餐-入面嘅糯米份量唔夠多，味道一般，同事話食完唔係好飽可樂如果要罐裝嘅話，好似需要加$3 如果普通一杯可樂就唔使加錢如果掛住韓國菜，我會選擇再過嚟食，值得一試…查看更多

今日總共有五個人一齊食午餐，就試吓呢間古城餛飩10祇韭菜鮮肉大餛飩-韭菜味好香，但係冇想像中咁大隻，正常嘢香菇肉飯+15小餛飩（全家福小）- 個飯比較硬，味道還好，不建議食。全家福嘅意思係乜味道餛飩都有。如果一啲朋友有選擇困難症嘅話，我建議揀全家福5祇大餛飩湯麵（玉米大）- 粟米都幾甜 唔錯 麵質都可以 可以一試10祇蝦仁原味鮮肉大餛飩- 味道唔錯，蝦竟然算彈牙，值得一試18特色薺菜小餛飩- 平時好少食薺菜，但係估唔到比較有特色同好味，一定要試的選擇！我覺得耐不耐可以再嚟食，味道算唔錯，推介一定係？薺菜！…查看更多

返工必定會經過龍津，有時早餐唔想食一個餐，食少少嘢嘅時候就會食佢。燒賣腸粉-燒賣冇煙靭嘅口感，味道一般，腸粉本身已經整好晒放咗喺個膠碗度，冇咩米香味咁。腿蛋芝士治-火腿同蛋都比較薄，但係加埋芝士一齊嘅味道又唔錯，只係拎上手嘅時候會好油，勁重油益味。總括嚟講，小食選擇幾多，味道叫不過不失，上班或者下班的選擇！…查看更多

又係同同事食午餐嘅時間，今次試吓呢間和府撈麵，見佢有個黑塌菜幾特別😁吉列豬扒黑塌菜飯- 佢嘅吉列豬扒幾脆幾瘦 岩我口味 黑塌菜好有風味 但未必個個鍾意食呢個口味 我覺得唔錯 好食過麵！陳皮檸檬特飲- 都有陳皮味，不過不失個湯幾好飲，清清地，唔錯豬軟骨麵- 豬軟骨都幾腍，味道正常燒鴨麻麻地 味道一般 可以不食總括嚟講，呢一間嘅黑塌菜飯可以一試🥰…查看更多

平時搭車成日經過，都未試過呢一間茶餐廳，今次終於有機會試吓佢！枱與枱之間少少迫 都幾多人幫襯 XO雞柳炒公仔麵- 好有鑊氣，好惹味，但係雞柳比較薄，味道都唔錯👍乾炒豬扒意粉-雖然佢都好有鑊氣同惹味，但係骨佔大部份，冇乜肉，有少少失望，下次可以試吓唔係豬扒嘅配搭咖啡紅豆冰-最近見好多餐廳都多咗呢個配搭，我覺得好好味，好夾，同埋只係加$6，值得一試！呢一間茶餐廳下次會再試吓其他嘢🥰…查看更多

今日太忙，喺附近做完嘢，發現已經係下午茶時間，就去食水門雞飯。估唔到佢下午茶幾抵，+$5 鮮檸梳打 先$43 再包一個小食😍水門雞飯 - 佢個醬汁勁惹味 配埋雞同埋飯一齊食好正 下午茶份量都唔算少小食揀咗炸春卷- 炸得好香脆 入面亦都有蝦 好值得食雞湯亦都好清 好味 值得一試…查看更多

朋友難得過嚟搵我食飯，見早早地11點幾就去試吓樂意點心，結果都要等第三張枱😂鳳爪排骨飯$68-呢個排骨飯唔使落豉油都已經好夠味，佢好香蒜蓉同埋芫荽蔥嘅味，排骨都幾瘦，完全好啱我食，鳳爪味道都好夠，值得食！鮮無花果雪耳沙參玉敦排骨湯-飯套餐既湯好飲！夠濃味 又夠熱 好正！飯套餐加$10有個點心 我地揀左馬拉糕 不過不失 份量都正常 幾好蟹柳棉花雞$28- 蟹柳得半舊太少 魚肚份量比想像中多 都好味 雞都幾滑 唔錯帶子菜苗餃$30- 味道正常 略嚴少貴 可以試一次燒賣$19-味道一般 入面既肉比較硬 可以不食蝦餃$19- 好食！ 蝦份量多 味道正 必食！…查看更多

又係午餐時間，今日想食牛肉既野，經過牛天宮冇人等位，就再食佢😆今次食佢嘅沙嗲手切牛肉牛筋丸麵$71 同埋叫咗個炸雞翼沙嗲湯底幾香幾濃味 牛肉覺得佢幾濃牛肉味 牛筋丸不過不失 不過食咗一半覺得太漏食唔晒反而佢個炸雞翼好好味，又香又脆，必定要食！下次會想試佢嘅蕃茄湯底😁…查看更多

一個人的午餐，想食粉麵，就試下呢間肥仔記Lunch 時間都唔少人 不過基本上都係遊客食多雲吞墨丸米- 湯底有味精咁 雲吞size中等 蝦都唔錯 味道一般 墨丸細粒 但味道都ok 米粉正常總結係 食粉麵可以好多其他選擇 未必會再食呢間…查看更多

又係lunch 既時間，今次試左間未食過既壽喜燒店，平時我就比較少食壽喜燒，同事就比較喜歡，佢大讚性價比高之餘又好味！A4和牛肩胛- 鹿兒島既牛雪花均勻 配合壽喜燒既煮法 完全食到佢既牛味同埋滑既口感A4和牛肩胛+豚五花- 牛和豬都一樣咁好食 不過我喜歡食瘦多一點 豬有一點點肥 始終係五花肉另外重有2款壽司 蝦同帶子 又大件又厚肉同好味下次會再黎！！😋…查看更多

係新蒲崗上堂，又落大雨的情況下，就試下附近既Neon堂食既人數唔少 亦都唔少外賣單 都幾旺雞胸蝦沙律 - 味道唔錯 菜都新鮮 蝦彈牙 配埋胡麻醬 好味😁蝦球蘑菇意粉- 蝦肉彈牙 意粉粗幼適中 味道偏濃味南瓜湯，幾好味 但忘記影相了值得試既餐廳 不過味道偏濃味 間中食吓都可以…查看更多

同媽媽去開觀塘買送 咁就食個早餐先朝早都坐滿 但岩岩好有位 環境都乾淨魚旦米- 魚旦魚片份量都ok 味道唔錯 湯就比較重味精咁雲吞墨丸米- 雲吞一般 size正常 味道還好 墨丸都正常 略嚴細粒總括來講 想食魚旦粉麵會再食 但味精重 要飲多些水中和返…查看更多

同朋友聚會想食扒 就去試下呢間懷舊港式扒房距離地鐵站原來都有些距離😂 餐包比較乾身 但點湯食 都ok羅宋湯好飲 滿滿懷舊味道 我全部飲晒西冷牛扒- 一上枱 嘩 勁大塊 隻碟都就黎裝唔到咁😆😆😆 肉好淋 好味 配埋蒜蓉汁好夾 薯條就一般般牛柳- 份量都唔少 同黑椒汁都一樣好夾 薯條一般 肉質好淋軟熟 中間重有少少粉紅色 岩岩好加左$18 飲金牛🤩 忌廉+芒果雪糕 又係未見過 個名好聽 錢錢錢🥰🥰🥰總結係想感受下懷舊氣氛同食物可以試下…查看更多

朝早突然落黑雨 就落樓下銀龍食算 入面勁大冷氣 只好買外賣四寶飯- 揀左瘦叉燒 岩我食 切雞比較鞋同細件 紅腸有3片薄既 半隻咸蛋正常 麻婆豆腐飯- 味道幾香，但唔算辣 可以再辣些 份量好多 差唔多滿瀉我覺得佢燒味飯唔錯，下次可以再試吓其他嘢食…查看更多