Cerberusleo的个人专页

收工本身諗住出面食完先返但又未想食野住，所以返到屋企附近先算初頭想是但買啲小食返去，煮個面但落車忽然想鋸扒！諗返起上次大快活個扒就衝左落去搵左一陣，唔見左上次食果個餐...見到個邊爐好似幾吸引（好多人打緊..）望一望有4安士同半磅肥牛餐我就梗係半磅肥牛啦，湯底呢就辣湯！佢仲可以追加配料，雖然望落個餐已經多野但打邊爐點可以無！追加返個午餐肉先～收銀姐姐仲話加2蚊變大杯可樂，抵埋單都只係80蚊多啲啲有肉有菜有丸有烏冬(可轉公仔面）睇到佢個份量同食落正常既質素算性價比中高～…查看更多

收工之後旺角附近行街，一行3人一路行一路掃街，行到10點幾諗住走架喇點知又比我見到呢間野！之前次次見到佢都係食飽晒，除左今日！我只係講左一句，有無興趣燒肉？同行既兩位女士即刻應承！原來佢地兩個都無食飽同埋想燒肉但又唔敢出聲見到228一位，就即時入左去lu入到去之後，見到人唔算好多應該得7 8台客可能因為宵夜時段要10點，無人等掛坐低就梗係即刻樣樣野叫啲啦呢間野特別既地方係有埋日式野食包括刺身～～跟住就，睇野食相啦！貝新鮮好味，刺身都好，手卷飯太多牛雞都正但上菜慢啲，服務又......無咩人服侍咁..野飲都係例牌汽水出去自己拎生果都有得拎，但就麻麻地…查看更多

收工之後女友無啦啦話想打邊爐但今日我又唔係咁想打...好彩遊緊電梯河果時比我見到呢間去到門口出面排左10個人左右呢堆人都係walk in客，包括我地....等左8個字，差不多8點先入得間野好似牛陣咁，一入果時揀一個level既牛唔同既係佢仲可以揀包唔包日本刺身果啲我地揀左個上級牛，290一位包晒所有坐低之後，怪事就黎喇侍應同我地講，如果唔裝某某app既話你地係點唔到餐架我同女友聽到都o左嘴，事關我地見到張單都見到有qr code，我地試緊download就比人咁樣嚇一嚇，又唔係唔知個位收得差..搞左5分鐘都點唔到餐咁我就認唔住出去問經理，原楚可以畫紙點我);$;&:@@/&;/)/):&;;@野食黎講，真心唔錯，牛有牛味，唔肥又嫩日食方面刺身新鮮，仲有海膽手卷不過服務呢...就真係差啲喇…查看更多

約左咁耐，終於約到出黎！6個人晚飯時段去到，要先入到去都合理既本身想食mk果間，但要就返大西既人所以揀左荃灣呢度落地鐵之後，原來都要成20分鐘先行到完全睇唔到係咁遠一入門口望向牆就見到四重海膽丼要200蚊...下次先試我地點左鰻魚飯，豬骨湯豬扒烏冬迷你三文魚丼，鵝肝牛肉飯我自己點既三文魚丼好好味！帶子壽司就唔夠新鮮豬骨湯烏冬湯底值得一讚但豬扒就老左小小鰻魚飯就勁大碗，兩個人食都得仲要只賣80蚊左右，朋友話正！野食個價本身仲跟餐有埋面豉湯加5蚊可以轉飲汽水有機會會再黎食，要試lunch既三色丼飯！（夜晚無架..）…查看更多

會黎食呢間野，完全係因為咁岩見到報導咁岩我同女朋友都係食肉控見到ramsey又黎香港開扒房梗係生日靜靜雞帶佢去啦但原來呢間野，話就話海港城入面其實係要行到去最入最入即係lcx果邊，行過埋龍貓館再行過埋’logon’，出到去個奇怪位上4樓然後就會見到大大張ramsey既相XD去到門口，本身諗住要用英文溝通點知原來佢識講中文，haha預先book左台，等左唔到5分鐘就入得個半鐘後還台～一路行去個位度，室內已經差不多全場滿果時只係星期一平日既7點3左右坐低之後有人比menu，但無比水我地要我地開口先比，呢個有啲失敗望返可能係因為新開，未夠人掛...點左一份肉眼，一份西冷，薯條薯角橙汁同埋另一杯叫sherry既sweetwine整體黎講，價錢同食物質素算中上但真係未必會再黎～…查看更多

如果唔係之前病左，要入街市買粥都發現唔到呢度咁平咁好味要黎呢度，要由廣源個街市入口入去一直行到去中間人地賣菜果啲位招牌魚蛋粉只係22$一碗白魚彈加片頭兩樣都好味另外一個係水餃面，水餃又肥又多料都只係$28我食果時係晚餐，所以仲有加推優惠加10蚊會有埋野飲同1份小食凍熱飲罐裝汽水同價今次總數70埋單，每人只係35$2碗粉面，8粒炸雲吞拼餃子，2罐可樂收得平又足料，抵～另外不得不提既就係佢個辣椒油唔係話好辣，但係好香！我見佢地職員食飯都有落…查看更多

本身無諗到黎到咁遠，但女朋友今日想食西餐所以問下同事有無咩推薦佢地又好好心咁幫我搵九龍區有咩西餐食誤打誤撞，見到網上有得book就揀左呢度收工坐地鐵佐敦落車，向後一路直行睇地圖唔覺咁遠，但都行左成15分鐘一路行果幾條街都仲有唔小野食到左門口，因為有book位同埋早唔洗等直接入得個位坐落都幾舒服，同埋好開揚外圍好似人地外國戶外bar台咁好有feelMenu唔算多野揀，但咩都有啲我地本來打算叫兩個前菜+兩個主食但侍應就話果份扒算大，可以黎左食緊再叫結果塊扒真係大大件，好彩叫小左一樣兩個人埋單都係500左右，算係好味又有景享受…查看更多

本黎都唔打算食呢間，但隔離蕃茄通間野太多人等左成20分鐘都入唔到，呢度有位就入左去點知就中伏喇我地一行5個人， 餐廳好快手咁安排到座位比我地係值得一讚坐低之後好快諗到食咩，但揮手好耐都無人應終於收銀阿姐大叫出黎，＂你地食D咩架, 同我講我幫你地落啦＂雖然大聲, 但阿姐落單好爽快, 語氣唔差，唔錯我地落左5份午餐, 4份 43$，炒公仔面就貴D要48$熱飲唔洗加錢, 凍飲就加3$，都幾抵等餐既同時有D唔係我地叫既野送黎，同時又有人後面大叫"喂侍應, 你地係咪唔做我生意架喇！！"當下已經心諗，估唔到Ｄ單會亂到咁樣之後我就知點解喇，原來佢轉位係唔會改單見住有個客落晒餐，野飲黎左仲飲緊，都仲可以主動轉位坐我諗有Ｄ可能係被調位既，但成件事侍應間完全無通知任何人跟住野食黎到，我食既叉燒炒公仔面幾好，唔太咸唔太油其他果Ｄ乜乜汁豬扒意粉反而遲Ｄ到質素亦都中規中舉，無特別好同差但點知開餐無耐，跟住就賴野喇同台對面個阿姐執台果時疊左3 4隻碟同碗但又唔穩跌左落台之後個碗彈起，對住我同個FRD正面淋頭，眼鏡，衫，褲電話乜都濕晒有朋友問我地有無事，又遞紙巾，又抹電話但康年既侍應就好似無事發生咁，繼續後面企o係度送餐既又繼續送餐，對面阿姐執碗又繼續執碗朋友終於忍唔住起身講左句，＂做乜L野丫而家＂可能收銀姐姐聽到我地既抱怨，佢終於開聲喇＂阿ｘｘ，唔好執碗住喇，快ｄ抹左台先＂ｘｘ又回返一個字，＂喔！＂一下止餐廳再次回復平靜，收銀繼續收銀，送餐繼續送餐抹台繼續抹台，抹身既我地都繼續抹身果刻我心入面得８個字，_你_ _康年餐廳我講左返黎一定會寫我既第一篇食評最後快手食完即走，朋友出去埋單無睇單，251$／5個人除返開最小50$一個餐？明明４個熱飲１個凍飲收多左成廿蚊！總括而言，呢間係一間服務態度極差同亂收多人錢既店！…查看更多